Investment Tips: బంగారం, వెండి లేదా షేర్లు.. ఎందులో పెట్టుబడి పెడితే భారీగా లాభాలొస్తాయి

Silver Investment Tips | ఈ ఏడాది గతంలో ఎన్నడూ లేనంతగా బంగారం, వెండి ధరలు పెరిగాయి. షేర్లు సైతం పెట్టుబడికి మంచి చాయిస్. కానీ మీ అవసరాలను బట్టి ఎక్కడ పెట్టాలో చూడండి.

బంగారం, వెండి లేదా షేర్లు

Source : Gold Silver Rate

Gold Investment Tips: నేడు పెరుగుతున్న ఖర్చులు, మరోవైపు అందుబాటులోకి వచ్చిన యాప్స్, టెక్నాలజీ సాయంతో చాలా మంది పెట్టుబడుల గురించి తెలుసుకుంటున్నారు. ప్రముఖులు వివిధ ప్రదేశాలలో పెట్టుబడి పెడతారు. కానీ సాధారణ ప్రజలు తమకు వచ్చే నెలవారి వేతనంతో అదనంగా ఏమైనా ఆర్జించాలని, ఎందులోనైనా పెట్టుబడి పెట్టాలని భావిస్తున్నారు. అదే సమయంలో రిస్క్ కూడా తక్కువగా ఉండాలనుకుంటున్నారు. దాంతో ప్రతి పెట్టుబడిదారుడికి ఒకే ప్రశ్న ఎదురవుతుంది. లాభం తక్కువగా వచ్చినా సరే కానీ తాను ఇన్వెస్ట్ చేసిన విలువ మాత్రం తగ్గకుంటే చాలని అనుకుంటారు. అందుకోసం తక్కువ రిస్క్ కోసం ఎక్కడ పెట్టుబడి పెట్టాలనే ఆలోచన ఉంటుంది.

మీకు 3 ప్రధాన ఎంపికలు ఉన్నాయి. బంగారం, వెండి, షేర్లలో పెట్టుబడి లాంటి మార్గాలున్నాయి. ఈ మూడింటిలోనూ మీరు డబ్బు సంపాదించే అవకాశం ఉంది. కానీ ప్రతి ఒక్కటి ఒక్కో రకమైన రిస్క్ కలిగి ఉంటాయి. బంగారం సాంప్రదాయంగా సురక్షితంగా భావిస్తారు. వెండికి పారిశ్రామిక డిమాండ్ ఉంది. స్టాక్ మార్కెట్‌లో ఐడియా, తెలివితే ఇన్వెస్ట్ చేస్తే తక్కువ సమయంలో లాభాలు రాబట్టవచ్చు. 

బంగారం, వెండి ప్రత్యేకతలు

అస్థిరత ఉన్నవేళ బంగారం, వెండి రెండూ నమ్మదగిన పెట్టుబడులుగా భావించవచ్చు. బంగారం ప్రత్యేకత ఏంటంటే, ఇది ద్రవ్యోల్బణం, ఆర్థిక సంక్షోభ సమయంలో కూడా దాని విలువను కాపాడుతుకుంటుంది. 2025లో బంగారం ధరలలో స్థిరమైన పెరుగుదల కనిపిస్తోంది. వడ్డీ రేట్లు తగ్గుతాయి, డాలర్ బలహీనపడే అవకాశం ఉంది. 

మరోవైపు, వెండి ఇకపై సాధారణ లోహం కాదు. పారిశ్రామిక అవసరాలకు వినియోగం పెరిగింది. ఎలక్ట్రిక్ వాహనాలు, సౌర శక్తి , సాంకేతిక రంగాలలో వెండికి డిమాండ్ వేగంగా పెరుగుతోంది. అందుకే బంగారం కంటే ఎక్కువ హెచ్చుతగ్గులు ఉన్నా, వెండిపై పెట్టుబడితో లాభానికి అవకాశం ఎక్కువ. మీరు స్థిరత్వం, భద్రతను కోరుకుంటే బంగారం సరైనది. కానీ కొంచెం రిస్క్ తీసుకుని మంచి రాబడిని కోసం చూస్తే వెండి మంచి ఆప్షన్ కావచ్చు.

షేర్ మార్కెట్ ప్రయోజనాలు

షేర్ మార్కెట్ అనేది రిస్క్‌తో కూడుకున్నది. కానీ అత్యధిక రాబడిని ఇచ్చే మార్గమిది. మంచి షేర్లు లేదా మ్యూచువల్ ఫండ్స్ దీర్ఘకాలంలో పెట్టుబడిదారులకు అద్భుతమైన వృద్ధిని అందిస్తాయి. దీనికి అవగాహన, సరైన ఆలోచన రెండూ అవసరం. రోజువారీ హెచ్చుతగ్గులతో ఇబ్బంది పడితే ఇందులో ఇన్వెస్ట్ చేయడం  కష్టంగా ఉండవచ్చు. 2025లో ఈక్విటీ మార్కెట్‌లో వృద్ధికి మంచి అవకాశాలున్నాయి. మంచి కంపెనీలు లేదా ఫండ్‌లలో మాత్రమే పెట్టుబడి పెడితే మీ డబ్బు విలువ పెరుగుతుంది. 

మీ అవసరాలకు ఏది సరైనది?

మీరు సెక్యూరిటీ కోరుకుంటే బంగారంపై పెట్టుబడి సరైనది. కొంచెం రిస్క్ ఉన్నా మంచి రాబడిని పొందాలనుకుంటే వెండిని ఎంచుకోవచ్చు. కానీ మీరు లాంగ్ టర్మ్ ఆలోచనతో ఉండి మార్కెట్‌లో కొనసాగాలనుకుంటే షేర్లు భారీ ఆదాయాన్ని ఇస్తాయి. ఈ మూడింటిలో మీ పరిస్థితి, అవసరానికి అనుగుణంగా ఇన్వెస్టిమెంట్ ఎంచుకోవడం ముఖ్యం. కొందరైతే ఆర్థిక భద్రత కోసం కొంత డబ్బును బంగారం, వెండి మీద ఇన్వెస్ట్ చేస్తారు. మిగిలిన మొత్తాన్ని మంచి వాల్యు ఉన్న షేర్లలో పెట్టుబడి పెడుతుంటారు.

 

మరిన్ని చదవండి

బంగారం అతిగా కొంటే ప్రమాదమే! త్వరలోనే ధరల పతనం; నిపుణులు ఏం చెబుతున్నారు?

బంగారంలాగే వెండిలోనూ కల్తీ చేస్తారా? నకిలీ వెండిని ఈ విధంగా గుర్తించండి