UPI Charges New Rules: యూపీఐ కొత్త రూల్స్.. రూ.2 వేలు పైబడిన లావాదేవీలపై ఎండీఆర్.. చిరు వ్యాపారులు, సాధారణ కస్టమర్లకు పూర్తిగా ఫ్రీ

October Rule Changes: అక్టోబర్ 1 నుంచి కొత్త రూల్స్.. బ్యాంక్ FD, LPG లో మార్పులు, ఎన్‌పీఎస్ కొత్త స్కీమ్

Shankar Dukanam — Wed, 30 Sep 2026 13:20:54 +0530

October, Financial Changes, LPG, SBI, October 1 Rule Changes

ప్రతి నెల కొన్ని రూల్స్ మారుతుంటాయి. కొన్ని విషయాల్లో కొత్త అప్‌డేట్స్ వస్తుంటాయి. అక్టోబర్ 1 నుంచి మారే కొన్ని విషయాలు సామాన్యుడి జీవితం, జేబుపై ప్రభావం చూపుతాయి. మారనున్న ఈ నిబంధనలలో LPG నుంచి UPI పేమెంట్ వరకు పలు విషయాలు ఉన్నాయి.

మారనున్న FD రూల్స్

రిజర్వ్ బ్యాంక్ ఆఫ్ ఇండియా (RBI) మార్గదర్శకాల ప్రకారం, అక్టోబర్ 1 నుంచి బ్యాంకులు ఒకే తేదీన డిపాజిట్ చేసిన మొత్తం కోసం అన్ని బ్రాంచ్‌లు వినియోగదారులకు ఒకే రకమైన వడ్డీ రేట్లను అందించాలి. అన్ని స్మాల్ ఫైనాన్స్ బ్యాంకులు ఇకపై ప్రతిరోజూ ఉదయం 10 గంటలకల్లా తమ అధికారిక వెబ్‌సైట్‌లో Fixed Deposits వడ్డీ రేట్ల జాబితా అప్‌డేట్ చేయాలి. ఈ చర్య ఉద్దేశ్యం పారదర్శకత తీసుకురావడం. ఒకే మొత్తం డిపాజిట్లపై వినియోగదారులకు ఒకే రకమైన వడ్డీ రేట్లు వర్తిస్తాయి.

LPG వినియోగదారులకు అలర్ట్

సబ్సిడీపై LPG తీసుకునే వినియోగదారులు బయోమెట్రిక్ ఆధార్ ఆథెంటికేషన్ పూర్తి చేయకపోతే అక్టోబర్ 1 కంటే ముందే పూర్తి చేసుకోవాలి. అలా చేయకపోతే మీ గ్యాస్ కనెక్షన్ బంద్ చేయరు. సిలిండర్ డెలివరీ కూడా చేస్తారు. కానీ మీకు ఎల్పీజీ సిలిండర్లపై ఎలాంటి సబ్సిడీ ఆగిపోతుంది. మార్కెట్ ధరకే రీఫిల్ బుక్ చేసుకోవాల్సి వస్తుంది. అథెంటికేషన్ ప్రక్రియ OMCs మొబైల్ యాప్‌లు, డిస్ట్రిబ్యూటర్ షోరూమ్‌లు లేదా LPG డెలివరీ సమయంలో పూర్తి చేసుకోవచ్చు.

SBI క్యాష్ విత్‌డ్రాయల్‌పై కొత్త నిబంధన

మీకు కూడా స్టేట్ బ్యాంక్ ఆఫ్ ఇండియా (SBI)లో ఖాతా ఉంటే, ఇది మీకు ఒక పెద్ద వార్త. స్టేట్ బ్యాంక్ బ్రాంచ్ ద్వారా తెరిచిన 'బేసిక్ సేవింగ్స్ బ్యాంక్ డిపాజిట్ అకౌంట్' నుండి నగదు ఉపసంహరణ చార్జీలలో మార్పులు చేస్తోంది. దీని ప్రకారం, అక్టోబర్ 1 నుండి నెలలో నాలుగు సార్లు నగదు ఉపసంహరణ ఉచితంగా ఉంటుంది. ఆ తర్వాత, ఖాతాదారులు ప్రతిసారి క్యాష్ విత్‌డ్రాయల్ కోసం 15 రూపాయలు మరియు దానిపై వర్తించే GST చెల్లించాలి.

జనన, మరణ ధృవీకరణ పత్రాల నిబంధనలు

జనన, మరణ ధృవీకరణ పత్రాల నమోదు కోసం ప్రభుత్వాలు కఠినమైన నిబంధనలను అమలు చేయనున్నాయి. కొత్త నిబంధనల ప్రకారం, జననం లేదా మరణం జరిగిన 21 రోజుల లోపు నమోదును సాధారణంగా భావిస్తారు. ఈ ప్రక్రియ పూర్తిగా ఉచితం. ఈ నిర్ణీత సమయంలోగా ఆసుపత్రి లేదా స్థానిక సంస్థ (మున్సిపల్ కార్పొరేషన్/ పంచాయతీ) నుంచి బర్త్, డెత్ సర్టిఫికెట్ సులభంగా పొందవచ్చు.

ఒకవేళ నమోదులో 21 రోజుల కంటే ఎక్కువ ఆలస్యం అయితే లేట్ ఫీజుతో పాటు ఒక అఫిడవిట్ ఇవ్వాల్సి ఉంటుంది. ఒకవేళ నమోదు 1, 2 సంవత్సరాల లోపు చేసినట్లయితే, దీనికి సంబంధిత ఎగ్జిక్యూటివ్ మేజిస్ట్రేట్ ఆమోదం కావాలి. ఒకవేళ రెండు సంవత్సరాలు దాటిన తర్వాత నమోదు చేయించకపోతే, ఫస్ట్ క్లాస్ జ్యుడీషియల్ మేజిస్ట్రేట్ అనుమతి తీసుకోవాలి.

NPS కొత్త స్కీమ్

నేషనల్ పెన్షన్ స్కీమ్ NPS తమ సబ్‌స్క్రైబర్లకు శుభవార్త అందించింది. NPS స్వాస్థ్య పేరుతో ఒక కొత్త స్కీమ్ ప్రారంభించనుంది. ఇందులో రిటైర్మెంట్ సేవింగ్స్‌తో పాటు హెల్త్‌కేర్‌ ప్రయోజనాలు కూడా లభిస్తాయి. ఈ స్కీమ్ కింద, సబ్‌స్క్రైబర్లకు వారి 'NPS స్వాస్థ్య' అకౌంట్‌తో ఒక విడి సూపర్‌ టాపప్ హెల్త్‌ ఇన్సూరెన్స్‌ పాలసీ లభిస్తుంది. ఈ స్కీమ్ అక్టోబర్ నెలలోప్రారంభించనున్నారు. దీని వల్ల దేశవ్యాప్తంగా దాదాపు 2.17 కోట్ల మంది NPS సబ్‌స్క్రైబర్లకు ప్రయోజనం కలుగుతుంది.

ప్రాపర్టీ కొనుగోలు మరింత సులభం

అక్టోబర్ 1 నుంచి NRI Sellers నుంచి ప్రాపర్టీ కొనుగోలు చేసే కొనుగోలుదారులకు ఇబ్బంది ఉండదు. ఇన్‌కమ్ టాక్స్ కొత్త నిబంధనల ప్రకారం, NRI విక్రేతల నుంచి ప్రాపర్టీ కొనుగోలు చేయడానికి రెసిడెంట్ ఇండివిజువల్ కొనుగోలుదారులు, HUFలకు ఇకపై TAN అవసరం ఉండదు. బదులుగా వారు తమ PAN ఉపయోగించి TDS మినహాయింపు చేసుకోవచ్చు. దానిని రిపోర్ట్ చేయాలి. అక్టోబర్ 1, 2026 నుంచి ఈ మార్పు అమలులోకి వస్తుంది.

హోమ్ అప్లయెన్సెస్ మరింత ఖరీదు

ఫెస్టివల్ సీజన్‌లో LED టీవీ, వాషింగ్ మెషిన్, ఎయిర్ కండిషనర్, ఇతర అప్లయెన్సెస్ తయారీ చేసే పెద్ద కంపెనీలు అక్టోబర్ 1 నుంచి ధరలను 5 నుంచి 8 శాతం వరకు పెంచనున్నాయి. ధరలు పెరగడం ఈ ఏడాది ఇది మూడోసారి. రాగి, స్టీల్, క్రూడ్ ఆయిల్ ఉత్పత్తుల ఉత్పత్తి వ్యయం పెరగడంతో కంపెనీలు ధరలు పెంచుతున్నాయని పీటీఐ పేర్కొంది.

Bank Employees Strike: బ్యాంకు ఉద్యోగుల సమ్మె వాయిదా, నేటి నుంచి సేవలు యథాతథం

Shankar Dukanam — Mon, 28 Sep 2026 07:03:08 +0530

Bank Employees Strike Deferred | న్యూఢిల్లీ: బ్యాంక్ ఎంప్లాయిస్ సమ్మె చివరి నిమిషంలో వాయిదా పడింది. సోమవారం, మంగళ , బుధవారాల్లో జరగాల్సిన సమ్మెను వాయిదా వేస్తున్నట్టు యునైటెడ్ ఫొరమ్స్ ఆఫ్ బ్యాంక్ యూనియన్ ఆదివారం రాత్రి ప్రకటించింది. శనివారం సెలవుపై UFBU - ఇండియన్ బ్యాంక్స్ అసోసియేషన్ (IBA) కలిసి ఉన్నతస్ధాయి కమిటి ఏర్పాటుకు నిర్ణయం తీసుకున్నాయి. ఆ కమిటి నిర్ణయం తరువాత సమ్మెపై తదుపరి కార్యాచరణ ఉంటుందని బ్యాంక్ ఎంప్లాయిస్ యూనియన్స్ స్పష్టంచేశాయి. దాంతో సెప్టెంబర్ 28 నుంచి మూడు రోజులపాటు జరగాల్సిన బ్యాంకు ఉద్యోగుల సమ్మె వాయిదా వేసుకోవడంతో సేవలు యథాతథంగా కొనసాగనున్నాయి.

కోట్లాది మంది బ్యాంక్ కస్టమర్లు 3 రోజుల సేవల అంతరాయాన్ని ఎదుర్కొనేందుకు సిద్ధమవుతున్న సమయంలో గుడ్ న్యూస్ వచ్చింది. ఇండియన్ బ్యాంక్స్ అసోసియేషన్ (IBA) తో జరిగిన చర్చల అనంతరం యునైటెడ్ ఫోరమ్ ఆఫ్ బ్యాంక్ యూనియన్స్(UFBU) తమ దేశవ్యాప్త సమ్మెను తాత్కాలికంగా వాయిదా వేసింది. UFBU విడుదల చేసిన ప్రకటన ప్రకారం, ఆదివారం రాత్రి ఇండియన్ బ్యాంక్స్ అసోసియేషన్‌తో బ్యాంక్ యూనియన్ ప్రతినిధులు సమావేశమయ్యారు. ఈ చర్చల అనంతరం ఇరువర్గాలు కొన్ని కీలక నిర్ణయాలకు అంగీకరించాయి. అన్ని శనివారాలను బ్యాంక్ సెలవులుగా ప్రకటించే (5 రోజుల వర్కింగ్) అంశాన్ని పరిశీలించేందుకు IBA, UFBU లతో కూడిన ఒక సంయుక్త కమిటీని తక్షణమే ఏర్పాటుకు అంగీకరించాయి. ఈ కమిటీ అన్ని అవకాశాలను అధ్యయనం చేసి, భాగస్వాములందరితో మాట్లాడి.. ఖాతాదారులకు ఎలాంటి ఇబ్బంది కలగకుండా పరిష్కారాన్ని కనుగొనడానికి ప్రయత్నిస్తుంది.

మరోవైపు స్కేల్ IV, అంతకంటే ఎక్కువ కేడర్ అధికారులకు వర్తించే PLI (పెర్ఫార్మెన్స్ లింక్డ్ ఇన్సెంటివ్) స్కీమ్‌లో మార్పులు చేయడంపై ఇండియన్ బ్యాంక్స్ అసోసియయేషన్ తో చర్చలు సైతం ప్రారంభం కానున్నాయి. తద్వారా వారి ఆందోళనలను ప్రభుత్వం దృష్టికి తీసుకెళ్లాలని భావిస్తున్నారు. మార్చి 8, 2024 నాడు పేర్కొన్న ఇతర పెండింగ్ సమస్యలను కూడా త్వరలోనే పరిష్కరించడంపై చర్చలు జరగనున్నాయి. ఈ చర్చలు ఫలించడంతో తాత్కాలికంగా తమ నిరసనలు, సమ్మెను విరమిస్తున్నట్లు UFBU ఆదివారం రాత్రి ప్రకటించింది.

"5 రోజుల బ్యాంకింగ్ సేవల డిమాండ్‌ను సమీక్షించడానికి ఒక ఉన్నత స్థాయి కమిటీని ఏర్పాటు చేసేందుకు IBA అంగీకరించింది. ఈ కమిటీలో UFBU ప్రతినిధులకు అవకాశం కల్పిస్తాం. భాగస్వాములందరినీ సంప్రదించిన తర్వాత కమిటీ ఈ డిమాండ్‌పై చర్చించి తదుపరి నిర్ణయం తీసుకుంటుంది" అని ఆల్ ఇండియా బ్యాంక్ ఆఫీసర్స్ కాన్ఫెడరేషన్ అధ్యక్షుడు పేర్కొన్నారు.

నేటి నుంచి ప్రారంభం కావాల్సిన సమ్మె
అన్ని బ్యాంకుల్లో వారానికి 5 రోజుల వర్కింగ్ డేస్ అమలు చేయడంతో పాటు సీనియర్ అధికారుల నూతన ప్రోత్సాహక పథకంలో (ఇన్సెంటివ్ స్కీమ్) మార్పులు చేయాలన్న డిమాండ్లపై బ్యాంక్ యూనియన్లు అతిపెద్ద సమ్మెకు వెళ్లాలని భావించాయి. ముఖ్యంగా ఎప్పటినుంచో పెండింగ్ లో ఉన్న ఫైవ్ డే బ్యాంకింగ్‌ను సాధించుకోవడానికి బ్యాంక్ ఉద్యోగులు సమ్మె బాట పట్టేందుకు సిద్ధమయ్యారు. అయితే ఐబీఏతో జరిగిన చర్చల్లో కమిటీ ఏర్పాటు చేసి నిర్ణయం తీసుకుంటామని చెప్పడంతో బ్యాంక్ యూనియన్స్ ప్రతినిధులు ప్రస్తుతానికి శాంతించారు.

Mobile Prepaid 30 Days: మొబైల్ రీఛార్జ్‌ల్లో భారీ మార్పులు.. ఇకపై 30 రోజుల ప్లాన్స్!

Satyaprasad Bandaru — Sun, 27 Sep 2026 19:06:24 +0530

Mobile Prepaid 30 Days: మొబైల్ ప్రీపెయిడ్ వినియోగదారులకు TRAI గుడ్ న్యూస్ చెప్పింది. 30 రోజుల వ్యాలిడిటీతో రీఛార్జ్ ప్లాన్లు, అలాగే Voice + SMS మాత్రమే ఉండే ప్లాన్లు అందుబాటులోకి తీసుకురావాలని టెలికాం కంపెనీలను ట్రాయ్ ఆదేశించింది. టెలికాం వినియోగదారుల సెక్యూరిటీ (13వ సవరణ) నిబంధనలు, 2026ను కేంద్ర ప్రభుత్వం ప్రవేశపెట్టిందని ఎంపీ రాఘవ్ చద్దా వెల్లడించారు. ఈ కొత్త నిబంధనల ద్వారా వినియోగదారులకు ఎంతో లబ్ధి చేకూరుతుందని ఆయన తెలిపారు.

ఏడాదికి 13 నుంచి 12 రీఛార్జ్‌లకు తగ్గింపు

గతంలో నెలవారీ రీఛార్జ్ పేరుతో వినియోగదారులు ఏడాదికి 13 సార్లు రీఛార్జ్ చేసుకోవాల్సిన పరిస్థితి ఉండేదని, ఇకపై ఆ సమస్య ఉండదని రాఘవ్ చద్దా తెలిపారు. ట్రాయ్ కొత్త నిబంధనలతో 30 రోజుల రీఛార్జ్ ప్లాన్‌లు అందుబాటులోకి రావడంతో, ఇకపై వినియోగదారులు సంవత్సరానికి 13 సార్లు కాకుండా కేవలం 12 సార్లు మాత్రమే రీఛార్జ్ చేసుకోవచ్చని స్పష్టం చేశారు.

Also Read: : ఏఐ మీ వ్యక్తిత్వాన్ని అంచనా వేయగలదా? ఈ ప్రయోగంతో తెలుసుకోవచ్చు!

వాయిస్ ఓన్లీ ప్లాన్‌లు..

ఇంటర్నెట్ లేదా డేటా అవసరం లేకుండా కేవలం కాల్స్ మాత్రమే కోరుకునే కస్టమర్ల కోసం ప్రత్యేకంగా వాయిస్ ఓన్లీ ప్లాన్‌లను ప్రవేశపెట్టాలని ట్రాయ్‌ని కోరినట్లు ఆయన తెలిపారు. ఈ ప్లాన్లలో ఇన్‌కమింగ్ అవుట్‌గోయింగ్ సేవలు రెండూ అందుబాటులో ఉంటాయని, ముఖ్యంగా సీనియర్ సిటిజన్లకు, బడ్జెట్‌లో ఉండే మొబైల్ యూజర్లకు ఇవి ఎంతగానో ఉపయోగపడతాయని తెలిపారు.

పరిమితమైన రీఛార్జ్ ఎంపికలపై ప్రజల నుంచి వచ్చిన ఆందోళనలను తాను మార్చి 11న పార్లమెంట్‌లో లేవనెత్తానని రాఘవ్ చద్దా తెలిపారు. ప్రజల డిమాండ్లను నెరవేర్చిన కేంద్ర ప్రభుత్వానికి, ట్రాయ్‌కి ఆయన కృతజ్ఞతలు తెలిపారు. ప్రజా సమస్యలను పరిష్కరించడంలో నిర్మాణాత్మక రాజకీయాలకు ఇదొక గొప్ప నిదర్శనమని ఆయన అన్నారు.

Also Read: ఒకే ప్రశ్నకు ChatGPT, Gemini, Claude వేర్వేరు సమాధానాలు.. ఇలా ఎందుకు వస్తాయంటే?

Bank Strike 2026: సెప్టెంబర్ 28 నుంచి మూడు రోజుల పాటు బ్యాంకుల సమ్మె.. ఏటీఎంలు, యూపీఐ పనిచేస్తాయా?

Satyaprasad Bandaru — Sun, 27 Sep 2026 17:24:52 +0530

Bank Strike 2026: యూనైటెడ్ ఫోరమ్ ఆఫ్ బ్యాంక్ యూనియన్స్.. సెప్టెంబర్ 28 నుంచి సెప్టెంబర్ 30 వరకు మూడు రోజుల పాటు దేశవ్యాప్తంగా బ్యాంకుల సమ్మెకు పిలుపునిచ్చింది. ఈ మూడు రోజుల పాటు ప్రభుత్వ రంగ బ్యాంకులు, గ్రామీణ బ్యాంకులు మూతబడనున్నాయి. దీంతో ఖాతాదారుల ఆర్థిక లావాదేవీలపై ఎలాంటి ప్రభావం పడుతుందనే దానిపై సర్వత్రా ఆందోళన నెలకొంది. బ్యాంకులు మాత్రమే మూసివేస్తారా? లేక యూపీఐ, ఏటీఎంలు కూడా ఆగిపోతాయా? అనే సందేహాలకు సమాధానాలు తెలుసుకుందాం.

సమ్మె ఎప్పుడు?

బ్యాంకు యూనియన్ల ప్రకారం.. సెప్టెంబర్ 28, 29, 30 తేదీలలో సమ్మె కొనసాగనుంది. ఈ మూడు రోజులు బ్యాంకు శాఖలు పూర్తిగా వేయనున్నారు. మీకు ఏదైనా అత్యవసర బ్యాంకు పనుల కోసం బ్రాంచ్‌ను సందర్శించాల్సి వస్తే ఇబ్బందులు ఎదురుకావచ్చు.

Also Read: MDR అమలు చేసినా UPIకి సబ్సిడీ.. కేంద్ర ప్రభుత్వం కొత్త ప్రణాళిక

యూపీఐ, డిజిటల్ సేవలు పనిచేస్తాయా?

బ్యాంకు సమ్మె కారణంగా UPI సేవలు ఎక్కడా నిలిచిపోవు. UPI, మొబైల్ బ్యాంకింగ్ , ఇంటర్నెట్ బ్యాంకింగ్ వంటి డిజిటల్ సేవలు యథావిధిగా కొనసాగుతాయి. వినియోగదారులు UPI ద్వారా డబ్బు పంపడం, QR కోడ్ చెల్లింపులు, ఆన్‌లైన్‌ పేమెంట్స్ వంటివి ఎలాంటి అంతరాయం లేకుండా చేసుకోవచ్చు. అయితే, సర్వర్ సమస్యలు లేదా సాంకేతిక లోపాలు తలెత్తే అవకాశం ఉండడంతో, అత్యవసర చెల్లింపులను చివరి నిమిషం వరకు వాయిదా వేయకపోవడమే మంచిది.

Also Read: వ్యాపారులు యూపీఐ పేమెంట్స్ నిరాకరించవచ్చా?.. కొత్త MDR రూల్స్ ఏం చెబుతున్నాయి?

ఏటీఎంల నుంచి నగదు విత్‌డ్రా

ఏటీఎం సేవలు సాధారణంగానే పనిచేస్తాయి. సమ్మె సమయంలో ఏటీఎంలు, బీసీ పాయింట్లు, ఇతర సౌకర్యాలను ఉపయోగించుకోవాలని బ్యాంకులు సూచించాయి. అయితే కొన్ని ఏటీఎంలలో నగదు లేకపోవడం, టెక్నికల్ సమస్యలు వచ్చే అవకాశం ఉంది కాబట్టి, ముందే తగినంత నగదు చేతిలో ఉంచుకోవడం మంచిదని బ్యాంకులు సూచిస్తు్న్నాయి.

బ్యాంకు కౌంటర్లలో నగదు జమ చేయడం లేదా విత్ డ్రా, చెక్కుల క్లియరెన్స్ , KYC ప్రక్రియలు, డాక్యుమెంట్ల సబ్‌మిట్ చేయడం, బ్రాంచ్ కౌంటర్ల ద్వారా జరిగే ఇతర వ్యక్తిగత సేవలు ఈ మూడు రోజులు నిలిచిపోనున్నాయి.

Also Read: అమెజాన్ గ్రేట్ ఇండియన్ ఫెస్టివల్ తేదీలు ఖరారు.. అక్టోబర్ 8 నుంచి సేల్ స్టార్ట్

UPI Subsidy: MDR అమలు చేసినా UPIకి సబ్సిడీ.. కేంద్ర ప్రభుత్వం కొత్త ప్రణాళిక

Satyaprasad Bandaru — Sat, 26 Sep 2026 15:06:10 +0530

UPI Subsidy: యూపీఐ (UPI) డిజిటల్ పేమెంట్స్ దేశంలో విప్లవాత్మక మార్పులు తెచ్చాయి. చిన్న వ్యాపారుల నుంచి పెద్ద షాపింగ్ మాల్స్ వరకు ప్రతి ఒక్కరూ ఇప్పుడు డిజిటల్ పేమెంట్స్‌పైనే ఆధారపడుతున్నారు. అయితే, యూపీఐ లావాదేవీలపై మర్చంట్ డిస్కౌంట్ రేట్ (MDR) అమలులోకి రానుండడంతో వినియోగదారుల్లో పలు సందేహాలు తలెత్తుతున్నాయి. యూపీఐ ఫ్రీ ట్రాన్‌జాక్షన్స్ నిలిచిపోతాయా? సబ్సిడీలు ఏమవుతాయి? వంటి ప్రశ్నలకు ప్రభుత్వం తాజాగా స్పష్టతనిచ్చింది. ఎండీఆర్ అమల్లోకి వచ్చినప్పటికీ యూపీఐ సబ్సిడీని పూర్తిగా తొలగించే ఉద్దేశం ప్రభుత్వానికి లేదని, దీనికోసం ఒక కొత్త ప్లాన్ సిద్ధం చేస్తున్నట్లు వెల్లడించింది.

అక్టోబర్ 15 నుంచి కొత్త రూల్స్

అక్టోబర్ 15, 2026 నుంచి రూ. 2,000 పైబడిన వ్యాపార లావాదేవీలపై 0.4% MDR వర్తించే అవకాశం ఉంది. అయితే, ఈ భారాన్ని సామాన్య ప్రజలపై మోపబోమని ప్రభుత్వం స్పష్టం చేసింది. పర్సన్ టు పర్సన్ యూపీఐ లావాదేవీలకు ఎప్పటిలాగే పూర్తిగా ఉచితమని తెలిపింది. సామాన్యులు లేదా రోజువారీ వినియోగదారులు ఎలాంటి అదనపు ఛార్జీలు చెల్లించాల్సిన అవసరం లేదని తెలిపింది.

సబ్సిడీలపై ప్రణాళికేంటి?

MDR అమలులోకి వచ్చినప్పటికీ, డిజిటల్ పేమెంట్స్ మౌలిక వసతుల కల్పన, నిర్వహణ, పర్యవేక్షణ ఖర్చులను ఆ ఆదాయంతో మాత్రమే పూర్తిగా భరించడం సాధ్యం కాదు. ఈ నేపథ్యంలో, ప్రభుత్వం, బ్యాంకులు జాయింట్ సబ్సిడీ విధానాన్ని అమలు చేసేందుకు ప్రణాళికలు చేస్తున్నాయి. ఆర్థిక మంత్రిత్వ శాఖ తగిన నిధులను కేటాయించడం ద్వారా వ్యవస్థను బలోపేతం చేయాలని భావిస్తోంది. డిజిటల్ పబ్లిక్ ఇన్‌ఫ్రాస్ట్రక్చర్ దీర్ఘకాలిక మనుగడ కోసం ఎండీఆర్, ప్రభుత్వ సబ్సిడీ రెండింటినీ సమన్వయం చేస్తూ ఒక కొత్త వ్యవస్థను తీసుకురానున్నారు.
Also Read: అమెజాన్ గ్రేట్ ఇండియన్ ఫెస్టివల్ తేదీలు ఖరారు.. అక్టోబర్ 8 నుంచి సేల్ స్టార్ట్

రూ. 2,000 వరకు లావాదేవీలు

వ్యాపారులకు చేసే రూ. 2,000 లోపు చెల్లింపులపై ఎలాంటి MDR వర్తించదు. నిత్యావసరాలు, కూరగాయలు, కిరాణా సామాగ్రి, క్యాబ్ ఛార్జీలు వంటి చిన్న కొనుగోళ్లపై ఎలాంటి కొత్త ఛార్జీలు ఉండవు. షాపుల కస్టమర్ల నుంచి ఎండీఆర్ పేరుతో ఎటువంటి అదనపు వసూళ్లు చేయడానికి వీలులేదు. ప్రభుత్వ నిబంధనల మేరకు వినియోగదారుల నుంచి నేరుగా ఈ ఫీజు వసూలు చేయరు.

Also Read: పర్సనల్ లోన్ అర్హత, వడ్డీ రేట్లు, ఈఎంఐ, డాక్యుమెంట్స్, రీపేమెంట్ పూర్తి వివరాలు

యూపీఐ వ్యయం ఎంత?

దేశంలో యూపీఐ నిర్వహణలో బ్యాంకింగ్ మౌలిక సదుపాయాలు, సెక్యూరిటీ, టెక్నాలజీ అప్‌గ్రేడేషన్ వంటి వాటిపై భారీ ఖర్చు అవుతోంది. ప్రభుత్వ అంచనాల మేరకు ప్రస్తుత యూపీఐ వ్యవస్థను సజావుగా నడపడానికి ఏడాదికి సుమారు రూ.20,000 కోట్లు ఖర్చు అవుతుంది. అందుకే, డిజిటల్ చెల్లింపుల వ్యవస్థ నిరంతరం కొనసాగేందుకు, బ్యాంకులు ఫిన్‌టెక్ సంస్థలకు తగిన మద్దతు ఇస్తూ సబ్సిడీలను కొనసాగించాలని కేంద్ర ప్రభుత్వం నిర్ణయించింది.

Also Read: వ్యాపారులు యూపీఐ పేమెంట్స్ నిరాకరించవచ్చా?.. కొత్త MDR రూల్స్ ఏం చెబుతున్నాయి?

Personal Loan Guide: పర్సనల్ లోన్ అర్హత, వడ్డీ రేట్లు, ఈఎంఐ, డాక్యుమెంట్స్, రీపేమెంట్ పూర్తి వివరాలు

ABP Desam — Fri, 25 Sep 2026 13:45:32 +0530

ఒక పర్సనల్ లోన్ మీకు ఎలాంటి తాకట్టు పెట్టకుండా ప్రణాళిక చేయబడిన లేదా అత్యవసర ఖర్చులను నిర్వహించుటకు సహాయపడుతుంది. దీనిని మీరు వైద్య అత్యవసర పరిస్థితులు, విద్య, ప్రయాణము, వివాహములు, ఋణ ఏకీకరణ, ఇంటి పునరుద్ధరణ లేదా ఇతర అర్హమైన అవసరాల కొరకు ఉపయోగించుకోవచ్చు.

బజాజ్ ఫైనాన్స్ పర్సనల్ లోన్ తో మీరు రూ. 40,000 నుండి రూ. 55 లక్షల వరకు ఉండే ఋణ మొత్తాలను, 12 నెలల నుండి 108 నెలల వరకు ఉండే కాలవ్యవధులతో, అర్హత మరియు వర్తించే నియమాలకు లోబడి ఋణ మొత్తాలను అందుకోవచ్చు.

పర్సనల్ లోన్ అంటే ఏమిటి?

ఒక పర్సనల్ లోన్ అంటే తాకట్టు పెట్టే అవసరం లేని ఒక అసురక్షితమైన ఋణము. మీరు ఒక ఏకమొత్తాన్ని అందుకుంటారు మరియు దానిని ఎంచుకున్న కాలవ్యవధిలో అనుసూచిక చేయబడిన ఈఎంఐల ద్వారా తిరిగిచెల్లిస్తారు.
మీ ఆర్ధిక ఆవశ్యకత మరియు తిరిగిచెల్లింపు సామర్థ్యాల ఆధారంగా మీరు ఋణ మొత్తాన్ని మరియు తిరిగిచెల్లింపు కాలవ్యవధిని ఎంచుకోవచ్చు. వడ్డీ రేటు మొత్తం ఋణ వ్యయాన్ని ప్రభావితం చేస్తుంది, అలాగే కాలవ్యవధి ఈఎంఐ మరియు చెల్లించబడే మొత్తం వడ్డీలను ప్రభావితం చేస్తుంది.

ఒక పర్సనల్ లోన్ ఎందుచేత సౌకర్యవంతమైన ఆర్ధిక ఎంపిక అవుతుంది?

ఒక ఖర్చు కోసం మీ పొదుపు మొత్తాన్ని ఉపయోగించకుండా లేదా ఆస్తిని అమ్మకుండా పర్సనల్ లోన్ నిధులను సమకూర్చగలదు. ఇది భారీ ఖర్చులను అనేక నెలవారి వాయిదాల ద్వారా నిర్వహించుటలో మీకు సహాయపడగలదు.

ముఖ్యాంశాలు:
తాకట్టు అవసరం లేదు: ఆస్తిని పూచీకత్తుగా మీరు తనఖా పెట్టవలసిన పనిలేదు.

అనువైన ఋణ మొత్తము: మీరు మీ అర్హతకు లోబడి రూ. 40,000 నుండి రూ. 55 లక్షల వరకు ఋణము తీసుకోవచ్చు.

అనుకూలమైన తిరిగిచెల్లింపు: వర్తించే విధంగా 12 నెలల నుండి 108 నెలల వరకు ఉండే కాలవ్యవధి నుండి మీరు ఎంచుకోవచ్చు.

నామమాత్రపు డాక్యుమెంటేషన్: దరఖాస్తు ప్రక్రియ కోసం మీ ప్రొఫైల్ ఆధారంగా సంబంధిత దస్తావేజులు అవసరం అవుతాయి.

ఆన్లైన్ దరఖాస్తు: దరఖాస్తు ప్రక్రియను మీరు ఆన్లైన్ లో పూర్తి చేయవచ్చు.

త్వరిత ఆమోదము: అర్హత కలిగిన దరఖాస్తులు ధృవీకరణకు లోబడి సత్వరంగా ఆమోదించబడతాయి.

త్వరిత పంపిణీ: అవసరమైన ధృవీకరణ తరువాత మరియు వర్తించే నిబంధనలు పూర్తి చేయబడిన తరువాత 24 గంటలలోపు ఋణ మొత్తము పంపిణీ చేయబడుతుంది.

ప్రో టిప్: మీకు కావలసినంత మొత్తం మాత్రమే ఋణము తీసుకోండి. పెద్ద మొత్తములో ఋణము మీ ఈఎంఐని మరియు మొత్తం వడ్డీ వ్యయాన్ని పెంచవచ్చు.

పర్సనల్ లోన్ ను మీరు దేని కొరకు ఉపయోగించవచ్చు?
మీరు ఒక పర్సనల్ లోన్ ను అనేక ప్రణాళిక చేయబడిన మరియు అత్యవసర ఖర్చుల నిర్వహణ కొరకు ఉపయోగించుకోవచ్చు. కొన్ని

సాధారణ ఉదాహరణలు: వైద్య అత్యవసర పరిస్థితులు: మీరు అనుకోని చికిత్స లేదా ఆసుపత్రి ఖర్చులను చెల్లించవచ్చు.

విద్య: అర్హమైన విద్యా-సంబంధ ఖర్చుల కోసం మీరు నిధులు సమకూర్చుకోవచ్చు.
ప్రయాణము: మొత్తం వ్యయాన్ని ముందుగానే చెల్లించవలసిన పనిలేకుండా మీరు ప్రణాళిక చేయబడిన ప్రయాణ ఖర్చులను నిర్వహించుకోవచ్చు.

పెళ్ళి ఖర్చులు: ముఖ్యమైన పెళ్ళి-సంబంధ ఖర్చులను మీరు ఈఎంఐల వారిగా చెల్లించవచ్చు.

ఇంటి పునరుద్ధరణ: అర్హత ఉన్న పునరుద్ధరణ, మరమ్మత్తు లేదా ఆధునీకరణ ఖర్చులకు నిధులు సమకూర్చుకోవచ్చు.
ఒక పర్సనల్ లోన్ యొక్క అనుగుణ్యత మీ ఆవశ్యకత, తిరిగిచెల్లింపు సామర్థ్యము మరియు వర్తించే ఋణ నియమాలపై ఆధారపడి ఉంటుంది.

పర్సనల్ లోన్ అర్హత ప్రమాణాలు ఏమిటి?
ఋణదాత, దరఖాస్తుదారు ప్రొఫైల్, ఆదాయము, క్రెడిట్ చరిత్ర, మరియు ఇతర అంశాల ఆధారంగా పర్సనల్ లోన్ అర్హత ప్రమాణాలు మారవచ్చు.
మీరు దరఖాస్తు చేసే ముందు, ఈ క్రింది అంశాలను పరిశీలించండి:

ప్రమాణము	ఆవశ్యకత
జాతీయత	భారతీయుడు
వయసు	21 సంవత్సరాల నుండి 80 సంవత్సరాలు*
ఉపాధి రకము	ప్రభుత్వము, ప్రైవేట్ లేదా ఎంఎన్‎సి
CIBIL స్కోర్	650 లేదా ఆపైన
వినియోగదారుడి ప్రొఫైల్	స్వయం-ఉపాధి పొందిన వారు లేదా ఉద్యోగి

*ఎంచుకోబడిన ఋణ కాలవ్యవధి ముగిసే సమయానికి మీరు 80 సంవత్సరాలు లేదా అంతకంటే తక్కువ వయసు కలిగి ఉండాలి.
బజాజ్ ఫైనాన్స్ పర్సనల్ లోన్ కొరకు, దరఖాస్తును సబ్మిట్ చేసే ముందు వర్తించే పర్సనల్ లోన్ అర్హత ప్రమాణాలను పరిశీలించాలి. అంతిమ నిర్ణయము ధృవీకరణ మరియు వర్తించే నియమాలకు లోబడి ఉంటుంది కాబట్టి పేర్కొనబడిన ప్రమాణాన్ని నెరవేర్చడం మాత్రమే ఆమోదానికి హామీ ఇవ్వదు.

ప్రో టిప్: ఋణ మొత్తాన్ని ఎంచుకునే ముందు మీ ప్రస్తుత ఈఎంఐలు మరియు నెలవారి ఖర్చులను సమీక్షించుకోండి. ఇది మీ బడ్జెట్ కు అనుకూలమైన తిరిగిచెల్లింపు అనుసూచికను ఎంచుకోవడములో సహాయపడుతుంది.

ఒక పర్సనల్ లోన్ కోసం మీకు ఏ దస్తావేజులు అవసరం ఉంటాయి?
అవసరమైన దస్తావేజులు మీ ఉపాధి రకము మరియు దరఖాస్తు వివరాలపై ఆధారపడి ఉండవచ్చు. మీకు గుర్తింపు మరియు చిరునామా రుజువు, ఆదాయ-సంబంధిత దస్తావేజులు మరియు బ్యాంకింగ్ సమాచారము అవసరం కావచ్చు.

దరఖాస్తు ప్రక్రియ కొరకు ఈ క్రింది దస్తావేజులు అవసరం:
KYC దస్తావేజులు: ఆధార్ / పాస్పోర్ట్ / వోటర్ ఐడి / డ్రైవింగ్ లైసెన్స్ / నేషనల్ పాపులేషన్ రిజిస్టర్ లేఖ / ఎన్‎ఆర్‎ఈజిఏ జాబ్ కార్డ్
PAN కార్డు
ఉద్యోగి ఐడి కార్డు
గత 3 నెలల వేతన చీటీలు
గత 3 నెలల బ్యాంక్ అకౌంట్ స్టేట్మెంట్స్
పైప్డ్ గ్యాస్ బిల్
పెన్షన్ ఆర్డర్
ఉద్యోగ యజమాని జారీ చేసిన వసతి కేటాయింపు లేఖ
ఆస్తి / మునిసిపల్ పన్ను రసీదు
యుటిలిటి బిల్
ఫోన్ బిల్
వాస్తవ-సమయ చిత్రము / ఫోటో
ఖచ్చితమైన, సంపూర్ణ సమాచారము అందించడము వలన ధృవీకరణ ప్రక్రియ సమయములో ఆలస్యము జరగకుండా ఉంటుంది.

వడ్డీ రేట్లు, ఈఎంఐ మీ ఋణ వ్యయాన్ని ఏ విధంగా ప్రభావితం చేస్తాయి?

వడ్డీ రేటు తీసుకున్న ఋణ మొత్తముపై విధించబడిన వడ్డీని నిర్ణయిస్తుంది. బజాజ్ ఫైనాన్స్ పర్సనల్ లోన్ వడ్డీ రేట్లు, వర్తించే నియమాలకు లోబడి, ఏడాదికి 10% నుండి 30.5% వరకు ఉండవచ్చు.

మీ ఈఎంఐ ప్రధానంగా ఋణ మొత్తము, వడ్డీ రేటు మరియు తిరిగిచెల్లింపు కాలవ్యవధిపై ఆధారపడి ఉంటుంది. దీర్ఘకాలిక కాలవ్యవధి ఈఎంఐని తగ్గించవచ్చు కాని కాలక్రమంగా చెల్లించే మొత్తం వడ్డీని పెంచవచ్చు.
మీరు ఒక పర్సనల్ లోన్ కోసం దరఖాస్తు చేసే ముందు, ఈఎంఐని మీ నెలవారి ఆదాయము మరియు ప్రస్తుతం ఉన్న ఆర్ధిక బాధ్యతలతో పోల్చి చూడండి.

ప్రో టిప్: మీ తిరిగిచెల్లింపు మొత్తాన్ని ఎంచుకునే ముందు వివిధ ఋణ మొత్తాలను మరియు కాలవ్యవధులను పోల్చి చూడటానికి ఒక పర్సనల్ లోన్ ఈఎంఐ కాలిక్యులేటర్ ను ఉపయోగించండి.

ఆన్లైన్ లో ఒక పర్సనల్ లోన్ కోసం మీరు ఎలా దరఖాస్తు చేసుకోవచ్చు?
ఈ క్రింది సులభమైన దశలను అనుసరించి మీరు ఒక పర్సనల్ లోన్ కోసం ఆన్లైన్ లో దరఖాస్తు చేసుకోవచ్చు:

మీ ఋణ అర్హతను పరీక్షించుకోండి – బజాజ్ ఫైనాన్స్ వెబ్సైట్ పై పర్సనల్ లోన్ పేజీని సందర్శించండి, మీకు కావలసిన ఋణ మొత్తాన్ని ఎంటర్ చేయండి, తిరిగిచెల్లింపు కాలవ్యవధిని ఎంపిక చేయండి మరియు “చెక్ లోన్ ఆఫర్” పై క్లిక్ చేయండి.

వ్యక్తిగత వివరాలను ఎంటర్ చేయండి – వ్యక్తిగతీకరించబడిన ఋణ ఆఫర్ ను అందుకొనుటకు వ్యక్తిగత, ఆర్ధిక మరియు ఉపాధి వివరాలను అందించండి.

మీ ఋణ ఆఫర్ ను సమీక్షించండి – మీ ఆఫర్ వివరాలను పరీక్షించండి మరియు అవసరమైతే, ఋణ మొత్తాన్ని లేదా తిరిగిచెల్లింపు కాలవ్యవధిని సరిచేయండి.

కేవైసి ధృవీకరణను పూర్తి చేయండి – మీ దరఖాస్తును కొనసాగించటానికి మీ గుర్తింపు మరియు బ్యాంక్ వివరాలను ధృవీకరించండి.
ఒక ఋణ సంబంధ నిపుణుడితో మాట్లాడండి – మీ దరఖాస్తు సబ్మిట్ చేయబడిన తరువాత, తదుపరి దశల గురించి చెప్పడానికి ఒక ఎక్సిక్యూటివ్ మిమ్మల్ని సంప్రదిస్తారు.
అంతిమ ఋణ మొత్తము, వడ్డీ రేటు, కాలవ్యవధి మరియు ఇతర నియమాలు మీ ప్రొఫైల్ మరియు వర్తించే నిబంధనలపై ఆధారపడి ఉంటాయి.

పర్సనల్ లోన్ తీసుకునే ముందు మీరు ఏ అంశాలను పరిశీలించాలి?

ఒక పర్సనల్ లోన్ ఎంచుకునే ముందు, ఈ క్రింది అంశాలను పరిశీలించండి:
అవసరమైన ఋణ మొత్తము
వర్తించే వడ్డీ రేటు
ఈఎంఐ మరియు మొత్తం తిరిగిచెల్లింపు
ప్రాసెసింగ్ మరియు ఇతర వర్తించే చార్జీలు
తిరిగిచెల్లింపు కాలవ్యవధి
ముందస్తుచెల్లింపు లేదా జప్తు నియమాలు, వర్తించే చోట
మీ ప్రస్తుత నెలవారి ఆర్ధిక బాధ్యతలు
సరైన సమయానికి ఈఎంఐ చెల్లించే మీ సామర్థ్యత
బాధ్యతాయుతంగా ఋణము తీసుకోవడం అనేది కేవలం నెలవారి ఈఎంఐని మాత్రమే లెక్కించకుండా మొత్తం ఋణ వ్యయాన్ని అర్థం చేసుకోవడముతో ప్రారంభం అవుతుంది.

మీ పర్సనల్ లోన్ ఎంపికలను పరీక్షించండి
అనుసూచిక చేయబడిన నెలవారి తిరిగిచెల్లింపుల ద్వారా మీ ప్రణాళిక చేయబడిన లేదా అనుకోని ఖర్చులను నిర్వహించుటకు ఒక పర్సనల్ లోన్ మీకు సహాయపడుతుంది. ఋణము తీసుకునేముందు, మీ ఆవశ్యకతను అంచనా వేయమ్డి, మొత్తం తిరిగిచెల్లింపు వ్యయాన్ని పోల్చి చూడండి మరియు మీ బడ్జెట్ కు సరిపోయే కాలవ్యవధిని ఎంచుకోండి.
మీరు మీ అర్హతను పరీక్షించుకొని, వర్తించే ఋణ నియమాలు మరియు డాక్యుమెంటేషన్ ఆవశ్యకతలను సమీక్షించిన తరువాత మీరు బజాజ్ ఫైనాన్స్ పర్సనల్ లోన్ కోసం ఆన్లైన్ లో దరఖాస్తు చేసుకోవచ్చు.
*24 గంటలలోపల పంపిణీ అనేది డాక్యుమెంటేషన్, ధృవీకరణల పూర్తి మరియు వర్తించే నియమాలకు లోబడి జరుగుతుంది.
*షరతులు వర్తిస్తాయి

Disclaimer: This is a sponsored article. ABP Network Pvt. Ltd. and/or ABP Desam does not in any manner whatsoever endorse/subscribe to the contents of this article and/or views expressed herein. Reader discretion is advised.

UPI Payment Rules 2026: వ్యాపారులు యూపీఐ పేమెంట్స్ నిరాకరించవచ్చా?.. కొత్త MDR రూల్స్ ఏం చెబుతున్నాయి?

Satyaprasad Bandaru — Tue, 22 Sep 2026 17:40:39 +0530

UPI Payment Rules 2026: మన రోజు వారీ కొనుగోలుకు.. నగదుకు బదులుగా ఎక్కువగా UPI ద్వారానే చెల్లింపులు చేస్తుంటాం. అయితే, అక్టోబర్ 15, 2026 నుంచి మర్చంట్ UPI లావాదేవీలపై కొత్త మర్చంట్ డిస్కౌంట్ రేట్ అమల్లోకి రానుంది. ఈ నేపథ్యంలో చాలా మంది వ్యాపారులు పెద్ద మొత్తంలో యూపీఐ చెల్లింపులను స్వీకరించడానికి ఆందోళన చెందుతున్నారు. అయితే వ్యాపారులు UPI చెల్లింపులను నిరాకరించవచ్చా? చట్టం ఏం చెబుతోంది? దీనికి సంబంధించిన పూర్తి వివరాలు ఇక్కడ తెలుసుకుందాం.

UPI పేమెంట్స్ నిరాకరించవచ్చా?

సాధారణంగా చిన్న వ్యాపారులందరూ అన్ని UPI చెల్లింపులను అంగీకరించడం చట్టరీత్యా తప్పనిసరి కాదు. కొన్ని ప్రత్యేక పరిస్థితులలో వ్యాపారులు డబ్బు రూపంలో చెల్లించమని కోరవచ్చు. అయితే, రూ.50 కోట్లకు పైగా వార్షిక టర్నోవర్ ఉన్న పెద్ద వ్యాపారాలు మాత్రం డిజిటల్ చెల్లింపు ఎంపికలను కచ్చితంగా పాటించాలి. కాబట్టి, కొత్త MDR నిబంధనలు వచ్చినంత మాత్రాన ప్రతి చిన్న వ్యాపారి UPIని అంగీకరించడానికి నిరాకరించవచ్చని దీని అర్థం కాదు.

Also Read: అమెజాన్ గ్రేట్ ఇండియన్ ఫెస్టివల్ తేదీలు ఖరారు.. అక్టోబర్ 8 నుంచి సేల్ స్టార్ట్

MDR అంటే ఏమిటి? ఎంత ఛార్జీ?

అక్టోబర్ 15, 2026 నుండి రూ.2,000 దాటిన ఎంపిక చేసిన P2M (కస్టమర్-టు-షాప్) UPI లావాదేవీలపై 0.4% MDR వర్తిస్తుంది. ఈ ఛార్జీ ఒక్కో లావాదేవీకి గరిష్టంగా రూ.300 వరకు పరిమితం ఉంటుంది. ఉదాహరణకు, రూ.3,000 లావాదేవీకి రూ.12 ఎండీఆర్, అలాగే రూ.50,000 లావాదేవీకి రూ.200 MDR వర్తిస్తుంది. అయితే రూ.2,000 వరకు జరిగే చెల్లింపులకు ఈ MDR నుండి పూర్తి మినహాయింపు ఉంటుంది. అలాగే పర్సన్ టు పర్సన్ (P2P) జరిగే UPI లావాదేవీలు ఎప్పుడూ ఉచితంగానే ఉంటాయి.

Also Read: ఫ్లిప్‌కార్ట్ బిగ్ బిలియన్ డేస్‌పై బిగ్ అప్డేట్.. అక్టోబర్ 9 నుంచి సేల్

కస్టమర్‌పై భారం పడుతుందా?

కేంద్ర ఆర్థిక మంత్రి నిర్మలా సీతారామన్ ఈ కొత్త MDR నిబంధనలపై స్పష్టతనిచ్చారు. ఈ ఛార్జీలు వినియోగదారులకు బదిలీ చేయడానికి ఎట్టి పరిస్థితుల్లోనూ అనుమతి లేదని చెప్పారు. అంటే కేవలం UPI ద్వారా చెల్లింపు చేసినందుకు కస్టమర్ నుండి ప్రత్యేకంగా ఎలాంటి ఛార్జీలు వసూలు చేయకూడదన్నారు. MDR అనేది పన్ను లేదా సెస్ కాదు, కేవలం చెల్లింపు వ్యవస్థలో భాగం చేసేందుకు ఇది ఒక ఛార్జీ మాత్రమే అన్నారు. ఈ నిబంధనల కారణంగా సుమారు 96% P2M UPI లావాదేవీలు కొత్త MDR వల్ల ప్రభావితం కావని ప్రభుత్వం స్పష్టం చేసింది. మొత్తంగా చూస్తే, చిన్న వ్యాపారులు కొన్నిసార్లు నగదు కోరినప్పటికీ, పెద్ద వ్యాపార సంస్థలు డిజిటల్ చెల్లింపులను కొనసాగించాల్సి ఉంటుంది. కస్టమర్లు మాత్రం అదనపు ఛార్జీల గురించి ఆందోళన చెందాల్సిన అవసరం లేదు.

Also Read: యూపీఐ కొత్త రూల్స్.. రూ.2 వేలు పైబడిన లావాదేవీలపై ఎండీఆర్.. చిరు వ్యాపారులు, సాధారణ కస్టమర్లకు పూర్తిగా ఫ్రీ

Amazon Great Indian Festival 2026: అమెజాన్ గ్రేట్ ఇండియన్ ఫెస్టివల్ తేదీలు ఖరారు.. అక్టోబర్ 8 నుంచి సేల్ స్టార్ట్

Satyaprasad Bandaru — Sun, 20 Sep 2026 21:11:37 +0530

Amazon Great Indian Festival 2026: పండుగ షాపింగ్ కోసం ఆసక్తిగా ఎదురుచూస్తున్నారా? అయితే అమెజాన్ అదిరిపోయే గుడ్ న్యూస్ చెప్పింది. 'అమెజాన్ గ్రేట్ ఇండియన్ ఫెస్టివల్ 2026' (Amazon Great Indian Festival 2026) సేల్ తేదీలను అధికారికంగా ప్రకటించింది. ఈ మహా సేల్ అక్టోబర్ 8, 2026 నుంచి ప్రారంభం కానుంది. ఈ పండుగ సీజన్‌లో తక్కువ ధరలకు వివిధ రకాల ప్రొడెక్టులను అందించడమే కాకుండా, వేగవంతమైన డెలివరీ సేవలను అందించేందుకు అమెజాన్ రెడీ అయింది. స్మార్ట్‌ఫోన్‌లు, ఎలక్ట్రానిక్స్, ఫ్యాషన్, బ్యూటీ, హోమ్ ఎసెన్షియల్స్, కిరాణా సామాగ్రి వంటి అన్ని కేటగిరీలపై భారీ డిస్కౌంట్లు, బ్లాక్‌బస్టర్ డీల్స్ అందుబాటులో తీసుకురానుంది.

Also Read: ఫ్లిప్‌కార్ట్ బిగ్ బిలియన్ డేస్‌పై బిగ్ అప్డేట్.. అక్టోబర్ 9 నుంచి సేల్!

ప్రత్యేక ఆఫర్లు, డిస్కౌంట్లు

ఎస్‌బీఐ క్రెడిట్, డెబిట్ కార్డులు, EMI లావాదేవీలపై కస్టమర్లు 10% తక్షణ తగ్గింపు లభిస్తుంది.
అమెజాన్ ప్రైమ్ మెంబర్‌లకు అదనంగా మరో 10% వరకు ప్రత్యేక తగ్గింపులు, ప్రైమ్ వీడియోలో అదనపు ప్రయోజనాలు లభించనున్నాయి.
ఈ సేల్‌లో భాగంగా బ్లాక్‌బస్టర్ డీల్స్, టాప్ 100 డీల్స్, మెగా డీల్స్, రాత్రి 8 గంటల ప్రత్యేక డీల్స్‌తో పాటు 'బై మోర్ సేవ్ మోర్', 'ఎక్స్ఛేంజ్ మేళా' వంటి ఆకర్షణీయమైన ఆఫర్లు ఉంటాయని అమెజాన్ తెలిపింది.

Also Read: యూపీఐ కొత్త రూల్స్.. రూ.2 వేలు పైబడిన లావాదేవీలపై ఎండీఆర్.. చిరు వ్యాపారులు, సాధారణ కస్టమర్లకు పూర్తిగా ఫ్రీ

డెలివరీ నెట్‌వర్క్

దేశవ్యాప్తంగా పండుగ డిమాండ్‌ను తట్టుకునేందుకు, స్పీడ్ డెలివరీలు అందించేందుకు అమెజాన్ తన లాజిస్టిక్స్ నెట్‌వర్క్‌ను మరింత విస్తరించింది. మెట్రో నగరాలతో పాటు టైర్-2, టైర్-3 నగరాల్లో సుమారు 1,60,000 పైగా తాత్కాలిక డెలివరీ జాబ్స్ కల్పించింది. దేశవ్యాప్తంగా 20 కొత్త ఫుల్‌ఫిల్‌మెంట్ సెంటర్లు, 6 సార్ట్ సెంటర్లు, 150 కొత్త లాస్ట్-మైల్ డెలివరీ స్టేషన్లను ఏర్పాటు చేసింది. కేవలం నిమిషాలు లేదా గంటల వ్యవధిలోనే గ్రాసరీస్, తాజా కూరగాయలు, నిత్యవసరాలను అందించే 'అమెజాన్ నౌ' సేవలను దీపావళి నాటికి 100 నగరాలకు విస్తరించాలని కంపెనీ ప్రణాళిక చేస్తుంది. ఈ పండుగ సీజన్‌లో కోట్లాది ఉత్పత్తులపై అత్యంత తక్కువ ధరలను పొందవచ్చని అమెజాన్ ఇండియా వైస్ ప్రెసిడెంట్ సౌరభ్ శ్రీవాస్తవ తెలిపారు.

Also Read: Apple మాజీ సీఈవో టిమ్ కుక్ నికర ఆస్తి విలువ ఎంత? సంస్థలో ఇక నుంచి కొత్త ఇన్నింగ్స్

Flipkart Big Billion Days 2026: ఫ్లిప్‌కార్ట్ బిగ్ బిలియన్ డేస్‌పై బిగ్ అప్డేట్.. అక్టోబర్ 9 నుంచి సేల్!

Satyaprasad Bandaru — Wed, 16 Sep 2026 18:22:31 +0530

Flipkart Big Billion Days 2026: ఈ-కామర్స్ ప్లాట్‌ఫామ్ ఫ్లిప్‌కార్ట్ అతిపెద్ద సేల్ 'బిగ్ బిలియన్ డేస్ సేల్ 2026' కోసం కస్టమర్లు ఆసక్తిగా ఎదురుచూస్తున్నారు. ఈ సేల్‌లో స్మార్ట్‌ఫోన్‌లు, ల్యాప్‌టాప్‌లు, టీవీలు, ఎలక్ట్రానిక్స్, గృహోపకరణాలు, ఫ్యాషన్ ప్రొడెక్టులపై భారీ తగ్గింపులు లభిస్తాయని అంచనా. సేల్ డేట్స్ గురించి అప్డేట్ వచ్చింది. ఈ ఏడాది ఫ్లిప్‌కార్ట్ సేల్ అక్టోబర్ 9, 2026న స్టార్ట్ కానుంది.

అక్టోబర్ 9 నుంచి

తాజా సమాచారం ప్రకారం.. బిగ్ బిలియన్ డేస్ సేల్ 2026 అక్టోబర్ 9న ప్రారంభం కానుంది. ఫ్లిప్‌కార్ట్ ప్లస్, సెలెక్టెడ్ కస్టమర్లకు ఒక రోజు ముందుగా, అక్టోబర్ 8 నుంచే ఆఫర్లను యాక్సెస్‌ చేస్తారు. పండుగ షాపింగ్ సీజన్‌కు కూడా ఈ సమయం చాలా కీలకమైనది. నవరాత్రి అక్టోబర్ 11న ప్రారంభం కానుంది, కాబట్టి అక్టోబర్ 9న మొదలయ్యే ఈ భారీ సేల్ ప్రజలకు కూడా ఉపయోగపడవచ్చు.

బ్యాంకు ఆఫర్లు

బిగ్ బిలియన్ డేస్ సేల్ కేవలం ప్రొడెక్టుల ధరలను తగ్గించడమే కాకుండా, బ్యాంకు ఆఫర్లు కూడా కస్టమర్లకు ప్రధాన ఆకర్షణగా నిలుస్తుందని చెప్పవచ్చు. రిపోర్టుల ప్రకారం యాక్సిస్ బ్యాంక్, ఐసిఐసిఐ బ్యాంకు కార్డులపై 10 శాతం వరకు తక్షణ డిస్కౌంట్లను పొందవచ్చు. అదనంగా, ఎక్స్ఛేంజ్ ఆఫర్లు, EMI ఆప్షన్లు కూడా అందుబాటులో ఉండొచ్చు. పాత స్మార్ట్‌ఫోన్ లేదా ఇతర డివైజ్ ను మార్చుకోవడం ద్వారా మీ కొత్త వస్తువుల ఖర్చును మరింత తగ్గించుకోవచ్చు.

Also Read: యూపీఐ కొత్త రూల్స్.. రూ.2 వేలు పైబడిన లావాదేవీలపై ఎండీఆర్.. చిరు వ్యాపారులు, సాధారణ కస్టమర్లకు పూర్తిగా ఫ్రీ

ఐఫోన్ నుంచి శాంసంగ్ వరకు

బిగ్ బిలియన్ డేస్ సేల్‌లో స్మార్ట్‌ఫోన్ డీల్స్ ప్రధాన ఆకర్షణగా నిలుస్తాయి. ఈసారి యాపిల్, శాంసంగ్, రియల్‌మీ, షియోమీ, వివో, ఇతర బ్రాండ్‌ల ఫోన్‌లపై ఆకర్షణీయమైన ఆఫర్లు ఉంటాయి. ముఖ్యంగా కొత్త ఐఫోన్ మోడళ్ల విడుదలతో, పాత ఐఫోన్‌ల ధరలు తగ్గే అవకాశం ఉంది. గత ఏడాది ఫ్లిప్‌కార్ట్ ఐఫోన్, శాంసంగ్ వంటి ప్రీమియం స్మార్ట్‌ఫోన్‌లపై కూడా భారీ తగ్గింపులను అందించవచ్చు. కాబట్టి, కొత్త ఫోన్ కొనాలని ప్లాన్ చేస్తుంటే, ఈ అక్టోబర్ సేల్ ఒక గొప్ప అవకాశం కావచ్చు.

Also Read: Apple మాజీ సీఈవో టిమ్ కుక్ నికర ఆస్తి విలువ ఎంత

ల్యాప్‌టాప్‌లు, టీవీలు, హోమ్ అప్లయెన్స్

కేవలం మొబైల్ ఫోన్‌లే కాకుండా, బిగ్ బిలియన్ డేస్ సేల్‌లో ల్యాప్‌టాప్‌లు, టాబ్లెట్‌లు, స్మార్ట్ టీవీలు, రిఫ్రిజిరేటర్లు, వాషింగ్ మెషీన్లు, ఏసీలు, ఎలక్ట్రానిక్స్ పై కూడా డీల్స్ అందించే అవకాశం ఉంది. పండుగ సీజన్‌లో ఈ ఉత్పత్తులకు పెరిగిన డిమాండ్ కారణంగా, కంపెనీలు బ్యాంక్ డిస్కౌంట్లు, ఎక్స్ఛేంజ్ బోనస్‌లు, నో-కాస్ట్ ఈఎంఐ ఆప్షన్‌ల వంటి ఆఫర్లను అందిస్తున్నాయి. అయితే, ఏదైనా డీల్‌ను కొనుగోలు చేసే ముందు ఇతర వెబ్‌సైట్‌లలో ధరను తప్పకుండా చెక్ చేయడం మర్చిపోవద్దు.

Also Read: సామాన్యుడు తాను దివాలా తీసినట్లు ప్రకటించుకోవచ్చా? చట్టం ఏం చెబుతుంది?

UPI Charges New Rules: యూపీఐ కొత్త రూల్స్.. రూ.2 వేలు పైబడిన లావాదేవీలపై ఎండీఆర్.. చిరు వ్యాపారులు, సాధారణ కస్టమర్లకు పూర్తిగా ఫ్రీ

Satyaprasad Bandaru — Wed, 16 Sep 2026 10:42:15 +0530

UPI Charges New Rules: నగదు రహిత చెల్లింపుల్లో ఎంతో కీలకంగా మారిన యూనిఫైడ్‌ పేమెంట్స్‌ ఇంటర్‌ఫేస్‌ (UPI) లావాదేవీలపై కేంద్రం కొత్త మార్గదర్శకాలను విడుదల చేసింది. యూపీఐ వ్యక్తిగత లావాదేవీలు పూర్తిగా ఉచితంగా కొనసాగుతాయని స్పష్టం చేసింది. పెద్ద వ్యాపార సంస్థలు రూ.2,000 కంటే ఎక్కువ విలువైన లావాదేవీలపై మర్చంట్‌ డిస్కౌంట్ రేట్ (MDR) ఛార్జీలు ఖరారు చేసింది.

1. వ్యక్తిగత (P2P) లావాదేవీలు ఉచితం

ఒక వ్యక్తి నుంచి మరొక వ్యక్తికి (P2P) జరిగే బదిలీలపై ఒక్క పైసా కూడా ఛార్జీ పడదు. స్నేహితులు, బంధువులతో ఒక నెలలో ఎన్ని లావాదేవీలు చేసినా పూర్తిగా ఉచితం. దీనిపై ఎలాంటి పరిమితులు ఉండవు.

‘చెల్లింపులు, పరిష్కార వ్యవస్థల చట్టం-2007లోని సెక్షన్ 10ఏ’ కింద కేంద్ర ప్రభుత్వం దీనిపై అధికారిక గెజిట్ నోటిఫికేషన్ విడుదల చేసింది. రూపే డెబిట్ కార్డులతో పాటు, రూ.2,000 లోపు జరిపే వ్యాపార లావాదేవీలను (P2M) ఉచిత ఎలక్ట్రానిక్ పేమెంట్స్‌గా తెలిపింది. వినియోగదారులు, వ్యాపారుల నుంచి బ్యాంకులు లేదా పేమెంట్ సిస్టమ్ ప్రొవైడర్లు వీటిపై ఎలాంటి ఛార్జీలు వసూలు చేయకూడదని స్పష్టం చేసింది.

2. పెద్ద వ్యాపారస్థులకు రూ.2,000 దాటితే

పెద్ద వ్యాపార సంస్థలు, ఇ-కామర్స్ సంస్థలతో (P2M) చేసే లావాదేవీల విలువ రూ.2,000 కంటే ఎక్కువుంటే మర్చంట్ డిస్కౌంట్ రేట్ వర్తిస్తుంది. అక్టోబరు 15 నుంచి అమల్లోకి రానున్న మార్గదర్శకాల ప్రకారం ఈ ఛార్జీలు ఉంటాయి. అయితే, ఈ ఛార్జీలు నేరుగా వ్యాపార సంస్థలకే వర్తిస్తాయి తప్ప సాధారణ ఖాతాదారులకు డెబిట్ కావు.

3. చిరు వ్యాపారులకు పూర్తి భరోసా

చిన్న వ్యాపారులను ప్రోత్సహించేందుకు ప్రభుత్వం కొన్ని సడలింపులను ఇచ్చింది.
యూపీఐ క్యూఆర్ కోడ్ ద్వారా నెలకు రూ.1 లక్ష లోపు చెల్లింపులు స్వీకరించే చిరు వ్యాపారులకు ఎలాంటి ఎండీఆర్ వర్తించదు.
చిరు వ్యాపారులకు రూ.2,000 కంటే ఎక్కువ విలువైన లావాదేవీ వచ్చినా, ఆ వర్తకుడి అకౌంట్ పరిధిలో ఉంటే ఎలాంటి ఛార్జీలు ఉండవు.
ఎండీఆర్ మినహాయింపు పొందేందుకు చిన్న వ్యాపారస్థులకు ఎలాంటి జీఎస్‌టీ రిజిస్ట్రేషన్ అవసరం లేదు. తమ క్యూఆర్ కోడ్‌లను లేదా సౌండ్‌బాక్స్‌లను మార్చాల్సిన అవసరం లేదు.
వరుసగా 3 నెలల పాటు నెలకు రూ.1లక్ష కంటే ఎక్కువ జమ అయితేనే ఆ అకౌంట్ P2M గా మారుస్తారు.

4. కొన్ని సేవలకు కేవలం రూ.5 మాత్రమే

కొన్ని నిర్దిష్ట రంగాల్లో లావాదేవీలు రూ.2,000 దాటినప్పటికీ, వాటికి రూ.5 ఎండీఆర్ మాత్రమే వర్తిస్తుంది. అవి ఇన్సూరెన్స్ ప్రీమియం చెల్లింపులు, పెట్రోల్, డీజిల్ కొనుగోలు, విద్యుత్ బిల్లులు, వాటర్, పైప్‌డ్ గ్యాస్ బిల్లులు, స్కూల్, కాలేజీ ట్యూషన్ ఫీజు, ప్రవేశ పరీక్షల ఫీజు, టెలికాలమ్ బిల్లులు, రైలు టిక్కెట్లు.

వినియోగదారుల బిల్లులు, రికరింగ్ డిపాజిట్లు, ఓటీటీ చెల్లింపులకు 'ఆటోపే' సదుపాయాన్ని ఉపయోగిస్తుంటే ఎలాంటి ప్రత్యేక ఎండీఆర్ లావాదేవీ ఛార్జీలు ఉండవు.

Also read: Apple మాజీ సీఈవో టిమ్ కుక్ నికర ఆస్తి విలువ ఎంత? సంస్థలో ఇక నుంచి కొత్త ఇన్నింగ్స్

5. క్యాపిటల్ మార్కెట్ లావాదేవీలకు 0.02%

క్యాపిటల్ మార్కెట్ లావాదేవీలు అంటే మ్యూచువల్ ఫండ్లు, స్టాక్ బ్రోకర్లు, షేర్ల కొనుగోళ్లు, బ్రోకర్ వాలెట్ టాప్-అప్‌లకు చేసే యూపీఐ బదిలీలపై ఎన్‌పీసీఐ (NPCI) ప్రత్యేక రాయితీ రేటును నిర్ణయించింది. ఈ లావాదేవీలపై 0.02% మాత్రమే ఛార్జీ పడుతుంది. ఎంత పెద్ద లావాదేవీ అయినా, ఒక్కో చెల్లింపుపై గరిష్ఠంగా రూ.300 వరకు మాత్రమే ఎండీఆర్ పరిమితం చేసింది.

Also read: బ్యాంక్ అకౌంట్ లేకున్నా క్రెడిట్ కార్డు తీసుకోవచ్చా ? ఎవరికి జారీ చేస్తారు

ఛార్జీలు - కారణాలు

2025-26లో వ్యాపారులకు యూపీఐ ద్వారా రూ.198 లక్షల కోట్ల విలువైన చెల్లింపులు జరగ్గా, అందులో రూ.2,000 కంటే ఎక్కువ విలువైన లావాదేవీల సంఖ్య కేవలం 4 శాతమే. అంటే 96% లావాదేవీలు రూ.2,000 లోపే జరుగుతున్నాయి. అయితే, ఈ 4% లావాదేవీల ఆర్థిక వాటా మొత్తం సొమ్ములో 66% (రూ.131 లక్షల కోట్లు) కావడం గమనార్హం. యూపీఐ వ్యవస్థను సురక్షితంగా నిర్వహించేందుకు, సర్వర్లకు, సైబర్ మోసాల కట్టడికి ఏటా రూ.20,700 కోట్లు ఖర్చవుతున్నట్లు పార్లమెంటరీ కమిటీ అంచనా వేసింది. కేంద్ర ప్రభుత్వం 2021-22 నుంచి 2024-25 వరకు రూ.8,276 కోట్లు యూపీఐ కోసం వెచ్చించింది. ఈ నేపథ్యంలో డిజిటల్ చెల్లింపుల వ్యవస్థ నిరంతర నిర్వహణ కోసం పెద్ద వ్యాపారస్థుల వద్ద ఛార్జీలు వసూలు తప్పనిసరి అని నిర్ణయించింది.

Also read: ఆన్‌లైన్ షాపింగ్ ప్రియులకు బిగ్‌షాక్! సెప్టెంబర్ 1 డెలివరీ ఛార్జీలు పెంపు!