Reliance Foundation Outreach: రిలయన్స్ ఫౌండేషన్ సామాజిక సేవలు - జియో ఉచిత ఏఐ కోర్సుతో డిజిటల్ విప్లవం!

Jio IPO Subscribed 3.47 Times: జియో ఐపీఓ ప్రభంజనం - రెండో రోజే 3.47 రెట్ల సబ్‌స్క్రిప్షన్ - రూ. 3.5 లక్షల కోట్లు

Raja Sekhar Allu — Thu, 22 Oct 2026 15:42:08 +0530

Jio IPO Share Allotment Process: రిలయన్స్ జియో ఇన్షియల్ పబ్లిక్ ఆఫరింగ్ భారత స్టాక్ మార్కెట్ చరిత్రలోనే ఆల్-టైమ్ రికార్డు బిడ్లను నమోదు చేస్తూ దూసుకెళ్తోంది. బిడ్డింగ్ రెండో రోజైన గురువారం మధ్యాహ్నం 12 గంటల సమయానికే జియో ఐపీఓకు మార్కెట్ నుంచి రూ. 3.5 లక్షల కోట్లకు పైగా విలువైన భారీ డిమాండ్ వ్యక్తమైంది. నేషనల్ స్టాక్ ఎక్స్చేంజ్ , బొంబాయి స్టాక్ ఎక్స్చేంజ్ లభిస్తున్న అధికారిక గణాంకాల ప్రకారం.. పబ్లిక్ ఇష్యూ రెండో రోజు మధ్యాహ్నం నాటికి మొత్తం 3.47 రెట్లు సబ్‌స్క్రైబ్ అయింది. అన్ని విభాగాల ఇన్వెస్టర్ల నుంచి అనూహ్య స్పందన లభించడంతో ఆఫర్ చేసిన షేర్ల కంటే అత్యధిక సంఖ్యలో బిడ్లు దాఖలయ్యాయి.

క్వాలిఫైడ్ ఇన్‌స్టిట్యూషనల్ బైయర్స్ విభాగంలో అత్యంత భారీగా సబ్‌స్క్రిప్షన్ నమోదైంది. క్యూఐబీ కేటగిరీకి కేటాయించిన షేర్లు రెండో రోజు మధ్యాహ్నానికి ఏకంగా 9.61 రెట్లు సబ్‌స్క్రైబ్ అయ్యాయి. అదేవిధంగా, హై నెట్-వర్త్ ఇండివిజువల్స్ , ఇతర అర్హత కలిగిన ఇన్వెస్టర్లు ఉన్న నాన్-ఇన్‌స్టిట్యూషనల్ ఇన్వెస్టర్స్ కేటగిరీ 3.18 రెట్లు నిండింది. ఇక రిటైల్ ఇన్వెస్టర్ల విభాగానికి వచ్చేసరికి, తమకు కేటాయించిన షేర్ల కోటా 1.16 రెట్ల సబ్‌స్క్రిప్షన్‌ సాధించి పూర్తి మార్కును దాటింది. మదుపర్ల నుంచి వ్యక్తమవుతున్న ఈ భారీ ఆదరణ జియో పట్ల మార్కెట్‌కున్న బలాన్ని స్పష్టం చేస్తోంది.

ఈ ఐపీఓలో దరఖాస్తు చేసుకోవడానికి రిటైల్ ఇన్వెస్టర్లకు అక్టోబర్ 23 శుక్రవారం వరకు సమయం అందుబాటులో ఉంది. రిటైల్ కేటగిరీ ఇప్పటికే 1.16 రెట్లు సబ్‌స్క్రైబ్ అయినందున, ఓవర్‌సబ్‌స్క్రిప్షన్ సంభవించినప్పుడు షేర్ల కేటాయింపు అనేది లక్కీ డ్రా లేదా లాటరీ పద్ధతిలో నిర్వహించబడుతుంది. అందువల్ల ఐపీఓకు దరఖాస్తు చేసిన ప్రతి ఒక్కరికీ కచ్చితంగా షేర్లు కేటాయిస్తారనే హామీ ఉండదు. ఇన్వెస్టర్లు తమ బిడ్లను సమర్పించే ముందు ఆఫర్ డాక్యుమెంట్లు, నిబంధనలు, చివరి గడువును ఒకసారి సరి చూసుకోవాలని విశ్లేషకులు సూచిస్తున్నారు.

అలాగే, ఐపీఓ దరఖాస్తు నిబంధనల పట్ల రిటైల్ మదుపరులు అవగాహన కలిగి ఉండటం శ్రేయస్కరం. ఒకే వ్యక్తి వివిధ డిమాట్ ఖాతాలు లేదా వేర్వేరు మార్గాల్లో మల్టిపుల్ అప్లికేషన్లు సమర్పిస్తే, నిబంధనల ప్రకారం వాటిని డూప్లికేట్ బిడ్లుగా పరిగణించి తిరస్కరించే అవకాశముంది. కుటుంబ సభ్యులకు సొంత పాన్ కార్డ్, వ్యక్తిగత డిమాట్ ఖాతాలు ఉండి, అర్హత కలిగిన నిధులతో వేర్వేరుగా దరఖాస్తు చేస్తే ఆ దరఖాస్తులు చెల్లుబాటు అవుతాయి. అయితే, వేర్వేరుగా అప్లై చేసినప్పటికీ లాటరీ ఆధారంగానే కేటాయింపు జరుగుతుంది తప్ప షేర్లు రావడం ఖాయమని చెప్పలేము.

ఐపీఓ చివరి రోజైన అక్టోబర్ 23 నాటికి ఈ సబ్‌స్క్రిప్షన్ గణాంకాలు మరింత పెరిగే అవకాశం ఉంది. అంతిమంగా ఎంత మేరకు డిమాండ్ వచ్చిందనేది ఇష్యూ ముగిసే సమయానికి స్పష్టమవుతుంది. అయితే, మార్కెట్లో నెలకొన్న సబ్‌స్క్రిప్షన్ సంఖ్యలను మాత్రమే ప్రామాణికంగా తీసుకోకుండా.. కంపెనీకి ఉన్న ప్రాథమిక బలాలు , షేరు విలువ , ఆర్థిక లక్ష్యాలు , రిస్క్ అంశాలను పరిగణనలోకి తీసుకుని ఇన్వెస్టర్లు తమ పెట్టుబడి నిర్ణయాలను తీసుకోవాలని నిపుణులు స్పష్టం చేస్తున్నారు.

Best One-Year FD Rates : లక్ష రూపాయలను ఒక సంవత్సరానికి FDలో జమ చేస్తే ఏ బ్యాంకు ఎంత రాబడిని ఇస్తుంది?

Geddam Vijaya Madhuri — Thu, 22 Oct 2026 11:10:49 +0530

Fixed Deposit Interest Rates : ఎలాంటి ఇబ్బంది లేకుండా భవిష్యత్తును సురక్షితంగా ఉంచుకోవడానికి చాలామంది తమ దగ్గర ఉండే డబ్బును ఫిక్స్‌డ్ డిపాజిట్లు (FDలు) చేస్తారు. దీనిపై వడ్డీ వస్తుందని.. పెద్ద మొత్తాన్ని FDగా బ్యాంకు ఖాతాలో జమ చేస్తారు. అయితే ప్రతి బ్యాంకు తన వినియోగదారులకు వేర్వేరు వడ్డీ రేట్లను అందిస్తుంది. కాబట్టి మీరు ఒక సంవత్సరానికి లక్ష ఫిక్స్‌డ్ డిపాజిట్(FD) చేయాలనుకుంటే.. ఏయే బ్యాంకులు ఎలా వడ్డీ రేట్లను అందిస్తాయో చూసేద్దాం.

ది ఎకనామిక్ టైమ్స్‌లోని ఒక నివేదిక ప్రకారం.. కొన్ని చిన్న ఫైనాన్స్ బ్యాంకులు ఒక సంవత్సరం FDలపై 7.25% వరకు వడ్డీ రేట్లను అందిస్తుండగా.. SBI, HDFC, ICICI వంటి పెద్ద బ్యాంకులు తక్కువ రేట్లను అందిస్తున్నాయి.

Also Read : సేవింగ్స్ చేయడానికి PPF మంచిదా? FD బెటరా? ఎక్కువకాలం పొదుపు చేస్తే ట్యాక్స్, వడ్డీ ఎలా ఉంటాయి?

ఏ బ్యాంకు ఎంత వడ్డీ ఇస్తోందంటే..

మీరు లక్ష FD చేయడం గురించి ఆలోచిస్తున్నట్లయితే.. స్మాల్ ఫైనాన్స్ బ్యాంకులు, ప్రైవేట్ బ్యాంకులు, ప్రభుత్వ రంగ బ్యాంకులలో ఏ బ్యాంకులు అత్యధిక వడ్డీని అందిస్తున్నాయో తెలుసుకుందాం.

స్మాల్ ఫైనాన్స్ బ్యాంక్

బ్యాంకు	సంవత్సరం వడ్డీ రేటు	మెచ్యూరిటీపై మొత్తం
సూర్యోదయ స్మాల్ ఫైనాన్స్ బ్యాంక్	7.25%	1,07,450
ఉజ్జీవన్ స్మాల్ ఫైనాన్స్ బ్యాంక్	7.25%	1,07,450
ఈక్విటాస్ స్మాల్ ఫైనాన్స్ బ్యాంక్	7.10%	1,07,291
జన స్మాల్ ఫైనాన్స్ బ్యాంక్	7.00%	1,07,186

Also Read : పోస్ట్ ఆఫీస్లో సేవింగ్స్ చేయడానికి ఈ 3 పథకాలు బెస్ట్.. FD కంటే ఎక్కువ వడ్డీ పొందవచ్చు

ప్రైవేట్ బ్యాంక్

బ్యాంకు	సంవత్సరం వడ్డీ రేటు	మెచ్యూరిటీపై మొత్తం
SBM బ్యాంక్ ఇండియా	7.10%	1,07,291
బంధన్ బ్యాంక్	7.00%	1,07,186
DCB బ్యాంక్	6.90%	1,07,081
RBL బ్యాంక్	6.90%	1,07,081
HDFC బ్యాంక్	6.25%	1,06,398
ICICI బ్యాంక్	6.25%	1,06,398
యాక్సిస్ బ్యాంక్	6.25%	1,06,398

Also Read : జీతం పెరిగినా డబ్బులు మిగలట్లేదా? అయితే కారణాలు ఇవే, ఇలా సేవింగ్స్ చేసుకోండి

ప్రభుత్వ బ్యాంకులు

బ్యాంకు	సంవత్సరం వడ్డీ రేటు	మెచ్యూరిటీపై మొత్తం
బ్యాంక్ ఆఫ్ ఇండియా	6.50%	1,06,660
ఇండియన్ ఓవర్సీస్ బ్యాంక్	6.50%	1,06,660
బ్యాంక్ ఆఫ్ మహారాష్ట్ర	6.40%	1,06,555
స్టేట్ బ్యాంక్ ఆఫ్ ఇండియా (SBI)	6.25%	1,06,398
పంజాబ్ నేషనల్ బ్యాంక్ (PNB)	6.25%	1,06,398
బ్యాంక్ ఆఫ్ బరోడా	6.25%	1,06,398
కెనరా బ్యాంక్	6.25%	1,06,398

FD పెట్టే ముందు గుర్తించుకోవాల్సిన విషయాలివే..

సేవింగ్స్లో భాగంగా FD చేసే ముందు.. కొన్ని ముఖ్యమైన విషయాలను పరిగణనలోకి తీసుకోవాలి. కేవలం అధిక వడ్డీ రేట్ల ఆధారంగా బ్యాంకును ఎంచుకోకూడదు. ఎందుకంటే FDపై వచ్చే వడ్డీ మీ ట్యాక్స్ బాధ్యతను ప్రభావితం చేస్తుంది. కాబట్టి పన్ను సంబంధిత విషయాలను గుర్తుంచుకోండి. గడువుకు ముందే డబ్బు ఉపసంహరించుకోవడానికి సంబంధించిన నియమాలతో సహా.. అన్ని నియమాలను జాగ్రత్తగా చదివి తర్వాత అప్లై చేయడం మంచిది.

Also Read : శాలరీని 50-30-20 రూల్తో ఎలా బ్రేక్ చేయాలి.. సేవింగ్స్ నుంచి ఖర్చులు దాకా ఇలా ప్లాన్ చేసుకోండి

SBI Data Breach: ఎస్‌బీఐకి సైబర్ షాక్.. 3.75 లక్షల మంది కస్టమర్ల డేటా లీక్?.. స్టేట్ బ్యాంక్ ఏం చెబుతుందంటే?

Satyaprasad Bandaru — Wed, 21 Oct 2026 14:01:47 +0530

SBI Data Breach: ఈ రోజుల్లో ప్రతి ఒక్కరికీ బ్యాంకు అకౌంట్ ఉంటుంది. అకౌంట్ ఓపెన్ చేయడానికైనా, లోన్ తీసుకోవడానికైనా, కస్టమర్లు తమ వ్యక్తిగత వివరాలను బ్యాంకుకు ఇస్తున్నారు. మీ వ్యక్తిగత వివరాలు తప్పుడు చేతుల్లోకి వెళితే, అది తీవ్రమైన సమస్యలకు దారితీయవచ్చు. దేశంలోని అతిపెద్ద బ్యాంకు స్టేట్ బ్యాంక్ ఆఫ్ ఇండియా నుంచి ఇలాంటి బ్యాడ్ న్యూస్ బయటకు వచ్చింది. 3.75 లక్షల ఎస్‌బీఐ కస్టమర్లకు డేటా లీక్ అయిందనే ఆరోపణలు వెలుగులోకి వచ్చాయి. సైబర్‌పల్స్56 అనే సైబర్‌ సెక్యూరిటీ అకౌంట్ ప్రకారం, 3.75 లక్షల బ్యాంకు అకౌంట్ల సమాచారం తమ వద్ద ఉందని పేర్కొంటూ 'సిరియస్సిమ్' అనే హ్యాకర్ గ్రూప్ ప్రకటించింది. ఈ విషయంపై ఎస్‌బీఐ ఎలాంటి అధికారిక ప్రకటన జారీ చేయలేదు, కానీ బుధవారం ఈ సైబర్‌దాడి గురించి బ్యాంకు ఓ ప్రకటన జారీ చేసింది.

బ్యాంకు ఏం చెబుతోంది?

3,897 మంది కస్టమర్ల డేటా డార్క్ వెబ్‌లో లీక్ అయిందని ఎస్బీఐ తెలిపింది. ఎస్‌బీఐ ప్రకారం, లీక్ అయిన డేటాలో కస్టమర్ల వ్యక్తిగత వివరాలు ఉన్నాయని ప్రాథమిక విచారణలో తెలిందని పేర్కొంది.

ఏ డేటా లీక్ అయింది?

ఎస్‌బీఐ ప్రకారం, కస్టమర్ ఐడెంటిటీ, లోన్ రికార్డులకు సంబంధించిన వివరాలు లీక్ అయినట్లు తెలుస్తోంది. కస్టమర్ మొబైల్ నెంబర్లు, ఈమెయిల్ ఐడీ, కస్టమర్ పేర్లు, ఇంటి అడ్రస్ వంటి సమాచారం డేటా లీక్ లో ఉన్నాయి.

ఏం చర్యలు తీసుకుంది?

డేటా లీక్ తీవ్రతను నిర్ధారించడానికి, ఎస్బీఐ ఈ విషయంపై దర్యాప్తునకు ఆదేశించింది. ఇందుకోసం ఒక సైబర్‌ సెక్యూరిటీ ఏజెన్సీని నియమించింది. ఎంత మేర డేటా లీక్ అయిందో నిర్ధారించాలని కోరింది.

కస్టమర్లపై ప్రభావం?

సైబర్‌పల్స్ ప్రకారం, లీక్ అయిన కస్టమర్ డేటాను దుర్వినియోగం చేసే అవకాశం ఉంది. కస్టమర్ డేటాను ఉపయోగించి తప్పుడు మార్గాల్లో లోన్ అప్లై చేయవచ్చు. మరికొందరు నకిలీ మెసేజులు పంపి ప్రజలను మోసం చేయడానికి కూడా ప్రయత్నించవచ్చు. అందువల్ల, కస్టమర్లు జాగ్రత్తగా ఉండాల్సి ఉంటుంది. కస్టమర్లు ఎవరికీ ఓటీపీని చెప్పకూడదని బ్యాంకు అధికారులు చెబుతున్నారు. అలాగే, మీ ఏటీఎం పిన్‌ను కూడా ఎవరితోనూ పంచుకోవద్దని సూచించారు. బ్యాంకు ద్వారా జరిగే ప్రతి లావాదేవీపై నిఘా ఉంచాలని పేర్కొన్నారు.

Also Read: రూ.30,213 కోట్ల జియో ఐపీఓ లైవ్.. సబ్‌స్క్రిప్షన్‌లో జియో ప్లాట్‌ఫామ్స్ రికార్డ్

బ్యాంకుపై ఎలాంటి ప్రభావం?

డేటా లీక్ వల్ల బ్యాంకుపై పెద్దగా ప్రభావం పడకపోవచ్చని ఎస్‌బీఐ చెబుతోంది.

మీ అకౌంట్ నుంచి డబ్బు పోతే?

మీ బ్యాంక్ అకౌంట్ లో మీకు తెలియని విధంగా లావాదేవీ జరిగితే, వెంటనే బ్యాంక్ కస్టమర్ కేర్‌కు ఫిర్యాదు చేయాలి.
అనుమానాస్పద లావాదేవీలపై సైబర్ క్రైమ్ హెల్ప్‌లైన్ నెంబర్ 1930కు ఫిర్యాదు చేయండి.
ట్రాన్‌జాక్షన్ ఐడీ, బ్యాంక్ SMS, ఖాతాకు సంబంధించిన వివరాలు మీ వద్ద ఉంచుకోవాలి.
నెట్ బ్యాంకింగ్ పాస్‌వర్డ్‌ను మార్చుకోండి. అవసరమైతే దానిని బ్లాక్ చేయండి.

Also Read: IIT తిరుపతి , వన్‌ ఇండియాతో కెనడా జియో ఏఐ సంస్థ ఒప్పందాలు.. విద్యార్థులకు ఏం లాభం?

Jio IPO Live: రూ.30,213 కోట్ల జియో ఐపీఓ లైవ్.. సబ్‌స్క్రిప్షన్‌లో జియో ప్లాట్‌ఫామ్స్ రికార్డ్

Satyaprasad Bandaru — Wed, 21 Oct 2026 12:54:00 +0530

Jio IPO Live: ఇన్వెస్టర్లు ఎప్పుడెప్పుడా అని ఎదురుచూస్తున్న టైం వచ్చింది. ముఖేష్ అంబానీ సారథ్యంలోని రిలయన్స్ ఇండస్ట్రీస్ డిజిటల్, టెలికాం జియో ప్లాట్‌ఫామ్స్ లిమిటెడ్ పబ్లిక్ ఆఫర్ (IPO) ఇవాళ ప్రారంభించింది. ఈ ఐపీఓ కు అక్టోబర్ 23 వరకు అప్లై చేసుకోవచ్చు. మొత్తం రూ.30,213 కోట్ల విలువైన ఈ ఆఫర్ ద్వారా, 2024లో హ్యుండాయ్ ఇండియా నమోదు చేసిన రూ.27,870 కోట్ల రికార్డును బ్రేక్ చేస్తూ భారత కార్పొరేట్ చరిత్రలోనే అతిపెద్ద ఐపీఓగా నిలిచింది.

మార్కెట్‌లో జియో ఆధిపత్యం

మెటా, గూగుల్, బ్లాక్‌రాక్, ఫిడిలిటీ, అబుదాబి ఇన్వెస్ట్‌మెంట్ అథారిటీ వంటి ప్రపంచస్థాయి దిగ్గజాల మద్దతు జియో ప్లాట్‌ఫామ్స్‌కు ఉన్నాయి. 500 మిలియన్లకు పైగా సబ్ స్క్రైబర్లు దేశంలోనే అతిపెద్ద టెలికాం కంపెనీగా ఉన్న జియో, చైనా మొబైల్ తర్వాత రెండో అతిపెద్ద ఆపరేటర్‌గా రికార్డుకెక్కింది. ఈ ఐపీఓ ద్వారా కంపెనీ విలువను సుమారు 108.3 బిలియన్ డాలర్లుగా అంచనా వేశారు. అక్టోబర్ 28న స్టాక్ మార్కెట్‌లో లిస్టింగ్ అయిన తర్వాత, రిలయన్స్ ఇండస్ట్రీస్, టీసీఎస్, హెచ్‌డీఎఫ్‌సీ బ్యాంక్ తర్వాత మార్కెట్ క్యాపిటలైజేషన్ పరంగా టాప్ కంపెనీల జాబితాలో నిలవనుంది.

గ్లోబల్ ఇన్వెస్టర్ల గ్రాండ్ ఎంట్రీ

ఈ ఐపీఓకు అంతర్జాతీయ, దేశీయ పెట్టుబడిదారుల నుంచి భారీ స్పందన లభించింది. యాంకర్ ఇన్వెస్టర్ల విభాగంలో ADIA, బ్లాక్‌రాక్ వంటి గ్లోబల్ ఫండ్‌లు సహా అనేక ప్రధాన సంస్థలు పోటీపడి రూ.25 బిలియన్ల డాలర్ల కంటే ఎక్కువ విలువైన బిడ్లను దాఖలు చేశాయి.

తొలి రోజే భారీగా బిడ్లు

ఐపీఓ ప్రారంభమైన మొదటి రోజే బిడ్డింగ్ రికార్డు స్థాయిలో సాగింది.

QIB కోటా పూర్తి: అర్హతగల సంస్థాగత కొనుగోలుదారుల (QIBs) కోసం కేటాయించిన లిస్ట్ లో మొదటి రోజు ఉదయం 10 గంటల సమయానికే పూర్తిగా సబ్‌స్క్రైబ్ అయి, దాదాపు 2.86 రెట్ల డిమాండ్ సాధించింది. సాధారణంగా పెద్ద కంపెనీలు ఐపీఓ చివరి రోజున అప్లై చేస్తాయి. కానీ జియో విషయంలో తొలి రోజే భారీ స్పందన రావడం కంపెనీ బలమైన వ్యాపార నమూనాపై పెట్టుబడిదారులకు ఉన్న విశ్వాసానికి అద్దం పడుతోందని మార్కెట్ నిపుణులు అంటున్నారు.

Also Read: కేవలం 2 గంటల్లోనే పూర్తి సబ్‌స్క్రైబ్, మెగా ఐపీఓల్లో సరికొత్త రికార్డు

పెట్టుబడిదారులు గమనించాల్సిన విషయాలు

ఐపీఓ పీరియడ్: అక్టోబర్ 21 – అక్టోబర్ 23 వరకు
షేర్ల కేటాయింపు: అక్టోబర్ 26
మార్కెట్ లిస్టింగ్ : అక్టోబర్ 28

Also Read: లిస్టింగ్‌కు ముందే జియో IPO బంపర్ హిట్.. గ్లోబల్ ఇన్వెస్టర్ల క్యూ.. 30 రెట్లకు పైగా డిమాండ్!

(Disclaimer : స్టాక్ మార్కెట్లలో పెట్టుబడులు రిస్క్ తో కూడుకున్న వ్యవహారం. ఇన్వెస్ట్ చేసే ముందు నిపుణులు సలహాలు తీసుకోవడం మంచిది. ఈ ఆర్టికల్ యూజర్ల అవగాహన కోసం మాత్రమే)

Jio Platforms Ipo: కేవలం 2 గంటల్లోనే పూర్తి సబ్‌స్క్రైబ్, మెగా ఐపీఓల్లో సరికొత్త రికార్డు

Shankar Dukanam — Wed, 21 Oct 2026 11:58:03 +0530

Jio Platforms IPO | జియో ప్లాట్‌ఫార్మ్స్ సంస్థ ప్రారంభ పబ్లిక్ ఆఫర్ (IPO) బుధవారం (అక్టోబర్ 21న) బిడ్డింగ్ ప్రారంభమైన తొలి 2 గంటల్లోనే పూర్తిగా సబ్‌స్క్రైబ్ అయింది. భారతదేశంలో ఇప్పటివరకు వచ్చిన అతిపెద్ద ఐపీఓలలో ఇంత వేగంగా పూర్తిగా సబ్‌స్క్రిప్షన్ సాధించిన ఐపీఓగా నిలిచింది. బిడ్డింగ్ ప్రారంభమైన సుమారు 100 నిమిషాల్లోనే, ఉదయం 10:45 గంటల నాటికే ఆఫర్‌లో ఉన్న షేర్లలో 101 శాతం షేర్లకు బిడ్లు వచ్చాయి. సంస్థాగత కొనుగోలుదారులు (QIBs) ఈ డిమాండ్‌లో కీలకంగా వ్యవహరించారు. వీరికి కేటాయించిన వాటాకు ఏకంగా 3.25 రెట్ల బిడ్లు నమోదయ్యాయి.

భారత క్యాపిటల్ మార్కెట్ చరిత్రలోనే అత్యంత భారీ ఐపీఓ జియా ప్లాట్‌ఫారమ్స్‌కు చెందినది. ఇది పూర్తిగా కొత్త షేర్ల జారీ రూపంలోనే మార్కెట్లోకి వచ్చింది. ఇందులో ఆఫర్ ఫర్ సేల్ (OFS) కాంపోనెంట్ అనేది ఏదీ లేదు. సేకరించిన నిధులలో అధిక భాగాన్ని ప్రస్తుతం ఉన్న లోన్స్ తగ్గించుకోవడానికి వినియోగించాలని కంపెనీ భావిస్తోంది.

ప్రారంభంలో సంస్థాగత ఇన్వెస్టర్ల జోరు

ఐపీఓ ప్రారంభమైన మొదటి 30 నిమిషాల్లోనే QIB విభాగానికి సంబంధించిన కేటాయింపు పూర్తిగా సబ్‌స్క్రైబ్ అయింది. ఉదయం 10:45 గంటల నాటికి, సంస్థాగత ఇన్వెస్టర్లకు కేటాయించిన షేర్లకు 3.25 రెట్ల డిమాండ్ వచ్చింది. అదే సమయానికి ఇతర కేటగిరీల ఇన్వెస్టర్ల భాగస్వామ్యం కొంత తక్కువగా ఉంది. నాన్-ఇన్స్టిట్యూషనల్ ఇన్వెస్టర్ల వాటా 27 శాతం సబ్‌స్క్రైబ్ కాగా, రిటైల్ ఇన్వెస్టర్లు తమకు కేటాయించిన షేర్లలో ఆ సమయానికి 24 శాతం వరకు సబ్‌స్క్రైబ్ చేసుకున్నారు.

ఉద్యోగుల కోటాకి 59 శాతం బిడ్లు రాగా, రిలయన్స్ ఇండస్ట్రీస్ ఉన్నత వాటాదారుల కోసం కేటాయించిన విభాగంలో 45 శాతం సబ్‌స్క్రిప్షన్ నమోదైంది. ఉదయం 10:45 గంటల సమయానికి ఉన్న డిమాండ్‌ను ఈ లెక్కలు ప్రతిబింబిస్తాయి. బిడ్డింగ్ కొనసాగుతున్న కొద్దీ ఇవి మారుతుంటాయి.

లోన్స్ తగ్గింపుకే ఐపీఓ నిధులలో అధిక భాగం

జియో ప్లాట్‌ఫార్మ్స్ కొత్త ఈక్విటీ షేర్ల జారీ ద్వారా రూ.30,213 కోట్లను సేకరిస్తోంది. OFS కాంపోనెంట్ లేని కారణంగా, ఈ నిధులన్నీ ప్రస్తుతం ఉన్న వాటాదారులకు కాకుండా నేరుగా కంపెనీకే చెందుతాయి. ఆ నిధులలో మెజారిటీ భాగాన్ని లోన్స్ తీర్చడానికి ఉపయోగించాలని కంపెనీ యోచిస్తోంది. ఈ నిధుల కేటాయింపు వల్ల కంపెనీ లోన్స్ తగ్గడం, ఇన్వెస్టర్లకు ఒక కీలకమైన అంశంగా మారింది. ప్రారంభంలోనే సంస్థాగత ఇన్వెస్టర్ల ప్రాధాన్యత కంపెనీ పబ్లిక్ మార్కెట్ అరంగేట్రంపై అందరి దృష్టిని ఆకర్షించాయి.

24 శాతం దగ్గరగా గ్రే మార్కెట్ ప్రీమియం (GMP)

ఈ నివేదిక సమయానికి జియో ప్లాట్‌ఫార్మ్స్ గ్రే మార్కెట్ ప్రీమియం (GMP) రూ. 268 వద్ద ఉంది. ఐపీఓ ధర Price Band ఒక్కో షేరుకు రూ.1,065 నుంచి రూ.1,119 వరకు నిర్ణయించగా, గరిష్ట ధరపై ఇది దాదాపు 24 శాతం ప్రీమియంను సూచిస్తుంది. GMP అనేది అనధికారిక మార్కెట్ సూచిక. ఇది ఖచ్చితమైన లిస్టింగ్ ధరకు ఏ గ్యారెంటీ ఇవ్వదు. మార్కెట్ పరిస్థితులు, ఇన్వెస్టర్ల డిమాండ్‌ను బట్టి లిస్టింగ్ ధర మారవచ్చు.

ఇతర ఐపీఓలను వెనక్కి నెట్టిన జియో ప్లాట్‌ఫార్మ్స్

నివేదికల ప్రకారం.. ఇతర ప్రధాన పబ్లిక్ ఇష్యూల కంటే జియో ప్లాట్‌ఫార్మ్స్ ఐపీఓ అత్యంత వేగంగా పూర్తి సబ్‌స్క్రిప్షన్ సాధించింది. గతంలో బజాజ్ హౌసింగ్ ఫైనాన్స్ రూ.6,560 కోట్ల ఐపీఓ తొలిరోజు మధ్యాహ్నం 2 గంటలకి పూర్తిగా సబ్‌స్క్రైబ్ అయింది. దేశంలో అత్యధిక బిడ్లు పొందిన ఐపీఓగా నిలిచిన ఎల్‌జీ ఎలక్ట్రానిక్స్ ఇండియా ఐపీఓ తొలిరోజు ముగిసే సమయానికి పూర్తిగా సబ్‌స్క్రిప్షన్ సాధించింది. కానీ కానీ జియో ప్లాట్‌ఫార్మ్స్ సుమారు 2 గంటల్లోనే ఈ మార్కు చేరి కొత్త రికార్డులు నమోదు చేసింది.చివరి సబ్‌స్క్రిప్షన్ వివరాలు, తదనంతర లిస్టింగ్ పనితీరు ఇన్వెస్టర్ల ఆసక్తిని మరింత స్పష్టంగా వెల్లడిస్తాయి.

Jio Platforms IPO: లిస్టింగ్‌కు ముందే జియో IPO బంపర్ హిట్.. గ్లోబల్ ఇన్వెస్టర్ల క్యూ.. 30 రెట్లకు పైగా డిమాండ్!

Raja Sekhar Allu — Mon, 19 Oct 2026 20:15:02 +0530

Jio Platforms IPO 2026: దలాల్‌ స్ట్రీట్‌లో కొన్ని రోజులుగా ఒకే విషయంపై చర్చ. దాదాపు ఇరవై ఏళ్ల తర్వాత రిలయెన్స్ నుంచి వస్తున్న IPOపైనే ఇన్వెస్టర్లందరి గురి ఉంది. దేశీయ, విదేశీ ముదుపుదారులంతా.. రెండు రోజుల్లో ప్రారంభం కాబోతున్న రిలయెన్స్ JIO IPOపై భారీ ఆసక్తి కనబరుస్తున్నారు. కంపెనీ యాంకర్ ఇన్వెస్టర్ల కోసం కేటాయించిన ₹8,110 కోట్ల విలువైన షేర్లకు సుమారు ₹2.5 లక్షల కోట్ల మేర బిడ్లు వచ్చినట్లు నివేదికలు చెబుతున్నాయి అంటే అందుబాటులో ఉన్న షేర్ల విలువతో పోలిస్తే 30 రెట్లకు పైగా డిమాండ్ నమోదైంది. భారత ఐపీఓ మార్కెట్‌లో సంస్థాగత పెట్టుబడిదారుల నుంచి ఈ స్థాయిలో డిమాండ్ రావడం ఇదే తొలిసారి.

జియో ప్లాట్‌ఫామ్స్‌ తన మాతృసంస్థ రిలయన్స్ ఇండస్ట్రీస్ లిమిటెడ్ నుంచి విడిపోయి, ప్రత్యేక సంస్థగా స్టాక్ మార్కెట్లలోకి ప్రవేశించేందుకు సిద్ధమవుతోంది. దీంతో జియో ఐపీఓపై పెట్టుబడిదారుల్లో ఆసక్తి పెరుగుతోంది. ఈ లిస్టింగ్ ద్వారా పెట్టుబడిదారులు జియో టెలికాం, డిజిటల్ సేవల వ్యాపారాల్లో నేరుగా పెట్టుబడులు పెట్టే అవకాశం లభిస్తుంది. జియోలో పెట్టుబడులకు ఆసక్తి చూపిస్తున్న జాబితాలో అంతర్జాతీయ ఆర్థిక సంస్థలు, దేశంలోని భారీ మ్యుచువల్ ఫండ్ హౌస్‌లు, ఇన్సూరెన్స్ కంపెనీలు ఉన్నాయి.

బ్లాక్‌రాక్, ఫిడెలిటీ వంటి అంతర్జాతీయ దిగ్గజాల ఆసక్తి

జియో ఐపీఓలో పెట్టుబడులు పెట్టేందుకు ప్రపంచంలోని ప్రముఖ అసెట్ మేనేజ్‌మెంట్ సంస్థలు ముందుకొచ్చాయి. బ్లాక్‌రాక్, క్యాపిటల్ గ్రూప్, ఫిడెలిటీ ఇన్వెస్ట్‌మెంట్స్, ష్రోడర్స్, జేపీ మోర్గాన్ అసెట్ మేనేజ్‌మెంట్, ఫ్రాంక్లిన్ టెంపుల్టన్, ఇన్వెస్కో వంటి సంస్థలు ఆసక్తి చూపించినట్లు సమాచారం.

వీటితో పాటు సింగపూర్‌కు చెందిన జీఐసీ, నార్వేకు చెందిన నార్గెస్ బ్యాంక్ ఇన్వెస్ట్‌మెంట్ మేనేజ్‌మెంట్, అబుదాబి ఇన్వెస్ట్‌మెంట్ అథారిటీ, ఖతార్ ఇన్వెస్ట్‌మెంట్ అథారిటీ వంటి సావరిన్ వెల్త్ ఫండ్స్ కూడా ఈ ఐపీఓపై దృష్టి సారించాయి.

దేశీయ మ్యూచువల్ ఫండ్స్ నుంచీ భారీ స్పందన

విదేశీ పెట్టుబడిదారులతో పాటు భారతదేశంలోని ప్రముఖ మ్యూచువల్ ఫండ్ సంస్థలు, బీమా కంపెనీలు, పెన్షన్ ఫండ్స్ కూడా జియో ఐపీఓలో పాల్గొనేందుకు ఆసక్తి చూపిస్తున్నాయి.

ఎస్‌బీఐ మ్యూచువల్ ఫండ్, ఐసీఐసీఐ ప్రుడెన్షియల్, హెచ్‌డీఎఫ్‌సీ మ్యూచువల్ ఫండ్, ఆదిత్య బిర్లా సన్ లైఫ్, నిప్పాన్ ఇండియా, కోటక్ మ్యూచువల్ ఫండ్ వంటి సంస్థలు ఈ జాబితాలో ఉన్నాయి. ఎల్‌ఐసీ, హెచ్‌డీఎఫ్‌సీ లైఫ్, ఎస్‌బీఐ లైఫ్ వంటి బీమా సంస్థలతో పాటు పెన్షన్ ఫండ్స్ కూడా ఆసక్తి చూపించినట్లు పలు నివేదికలు చెబుతున్నాయి.

అక్టోబర్ 21న ప్రారంభం కానున్న ఐపీఓ

జియో ప్లాట్‌ఫామ్స్ ఐపీఓ అక్టోబర్ 21న ప్రారంభమై అక్టోబర్ 23న ముగియనుంది. ఈ ఇష్యూ ద్వారా సుమారు ₹30,213 కోట్లు సమీకరించాలని కంపెనీ లక్ష్యంగా పెట్టుకుంది. ఒక్కో షేరు ధరల శ్రేణిని ₹1,065 నుంచి ₹1,119గా నిర్ణయించినట్లు సమాచారం. రిలయన్స్ ఇండస్ట్రీస్ నుంచి విడిగా జియో ప్లాట్‌ఫామ్స్ స్టాక్ మార్కెట్లో లిస్ట్ కావడం ద్వారా, పెట్టుబడిదారులు టెలికాం, డిజిటల్ సేవల వ్యాపారంలో నేరుగా వాటా పొందే అవకాశం ఉంటుంది.

టెలికాం నుంచి ఏఐ వరకు విస్తరిస్తున్న జియో

జియో ప్రస్తుతం మొబైల్ టెలికాం సేవలకే పరిమితం కాకుండా బ్రాడ్‌బ్యాండ్, క్లౌడ్ కంప్యూటింగ్, ఎంటర్‌టైన్‌మెంట్, ఎంటర్‌ప్రైజ్ టెక్నాలజీ, ఆర్టిఫిషియల్ ఇంటెలిజెన్స్ వంటి రంగాల్లోనూ విస్తరిస్తోంది. 50 కోట్లకు పైగా మొబైల్ వినియోగదారులతో దేశంలో అతిపెద్ద టెలికాం ఆపరేటర్‌గా కొనసాగుతోంది.

IIT Tirupati Canadian GeoAI Agreement : IIT తిరుపతి , వన్‌ ఇండియాతో కెనడా జియో ఏఐ సంస్థ ఒప్పందాలు.. విద్యార్థులకు ఏం లాభం?

Nagesh GV — Sun, 18 Oct 2026 21:06:42 +0530

Canadian GeoAI Agreements With IIT Tirupati One India : ఆర్టిఫిషియల్ ఇంటెలెజెన్స్(AI), భౌగోళిక సమాచార సాంకేతికత (GeoAI) రంగాల్లో పని చేస్తున్న కెనడాకు చెందిన డీప్‌స్పేషియల్ Deepspacial సంస్థ భారత్‌లో తన కార్యకలాపాలను విస్తరించేందుకు కీలక ఒప్పందాలు చేసుకుంది. టీమ్ కెనడా వాణిజ్య ప్రతినిధి బృందం భారత్ పర్యటనలో భాగంగా అక్టోబర్ 16న బెంగళూరులో ఐఐటీ తిరుపతికి చెందిన టెక్నాలజీ ఇన్నోవేషన్ హబ్‌తో పాటు డిజిటల్ న్యూస్ ప్లాట్‌ ఫామ్ వన్‌ ఇండియాతో ఒప్పందాలు కుదుర్చుకుంది. కెనడా ఇంటర్నేషనల్ ట్రేడ్ మంత్రి మణిందర్ సిద్దు సమక్షంలో ఈ ఒప్పందాలు జరిగాయి. ఇండియాలో పర్యటిస్తున్న 300మంది కెనడా వాణిజ్య బృందానికి ఆయన నేతృత్వం వహిస్తున్నారు.

టొరంటో కేంద్రంగా పనిచేస్తున్న డీప్‌ స్పేషియల్ సంస్థ.. ఈ ఒప్పందాల ద్వారా ఒకవైపు జియో ఏఐ పరిశోధన, సాంకేతిక అభివృద్ధిపై దృష్టి పెట్టనుండగా మరోవైపు విద్యార్థుల్లో వార్తలపై అవగాహన, డిజిటల్ మీడియా లిటరసీని పెంపొందించేందుకు ప్రయత్నించనుంది.

ఐఐటీ తిరుపతితో స్పేషియల్ ఏఐ పరిశోధన

ఐఐటీ తిరుపతికి చెందిన నవవిష్కార్ ఐ-హబ్ ఫౌండేషన్ (IITTNiF)తో డీప్‌ స్పేషియల్ ఒప్పందం కుదుర్చుకుంది. ఇందులో భాగంగా జియో స్పేషియల్ టెక్నాలజీస్, జియోగ్రాఫిక్ ఇన్ఫర్మేషన్ సిస్టమ్స్ (GIS), పొజిషనింగ్ సిస్టమ్స్, స్పేషియల్ ఏఐ రంగాల్లో సంయుక్తంగా పరిశోధనలు చేపట్టనున్నాయి. పరిశోధన, అభివృద్ధితో పాటు సాంకేతిక పరిజ్ఞానాన్ని వాణిజ్యపరంగా వినియోగించడం, స్టార్టప్‌లకు ప్రోత్సాహం, స్కిల్ డవలప్‌మెంట్, పరిశ్రమలు - విద్యాసంస్థల మధ్య సహకారాన్ని పెంపొందించడం ఈ భాగస్వామ్యంలో భాగంగా ఉన్నాయి.

డీప్‌స్పేషియల్‌కు చెందిన ప్రపంచస్థాయి జియో ఏఐ మెంటార్‌షిప్ కార్యక్రమం ‘ఎక్స్‌ప్లూర్‌’ Xplore ను స్పిన్ ల్యాబ్స్ నెట్‌వర్క్ ద్వారా ప్రారంభించనున్నారు. దీని ద్వారా విద్యార్థులు, కొత్తగా ప్రోఫెషనల్ కెరీర్ ప్రారంభిస్తున్న వారికి జియో ఏఐ, ఆర్టిఫిషియల్ ఇంటెలిజెన్స్, డేటా సైన్స్ రంగాల్లో ప్రాక్టికల్ అనుభవం కల్పించనున్నారు. ఈ ఒప్పందంపై ఐఐటీ తిరుపతి టెక్నాలజీ ఇన్నోవేషన్ హబ్ ప్రాజెక్ట్ డైరెక్టర్ డాక్టర్ రోషన్ కె. శ్రీవాస్తవ, డీప్‌స్పేషియల్ వ్యవస్థాపకుడు, సీఈఓ డాక్టర్ రాహుల్ కుష్వాహా సంతకాలు చేశారు.

ఈ ఒప్పందం రియల్‌ వరల్డ్‌లో GeoAI టెక్నాలజీ సొల్యూషన్స్ అందించాలన్న మా లక్ష్యాలను మరింత దగ్గర చేస్తుంది Navaviskar ఒప్పందం మా పరిశోధన, ఆవిష్కరణ, టాలెంట్ డవలప్‌మెంట్ ఎకోసిస్టమ్‌ను బలోపేతం చేస్తందన్నారు. వన్ ఇండియాతో ఒప్పందం నమ్మకమైన సమాచారాన్ని అందించడంతో పాటు.. విద్యార్థులో డిజిటల్ లిటరసీని పెంపొందిస్తుందని చెప్పారు.

One Indiaతో ఒప్పందం

ఇండియాలో వన్ ఇండియాకు మాతృసంస్థగా ఉన్న గ్రేనియం ఇన్ఫర్మేషన్ టెక్నాలజీస్ ప్రైవేట్ లిమిటెడ్‌ (Greynium Information Technologies Private Limited)తో డీప్‌ స్పేషియల్ మరో ఒప్పందం చేసుకుంది. దీని ప్రకారం డీప్‌స్పేషియల్‌కు చెందిన ‘ఎడ్స్‌క్‌ఎక్స్‌ప్రెస్‌’ (edskExpress) ఎడ్యుకేషనల్ ప్లాట్‌ఫామ్‌కు వన్‌ ఇండియా రోజువారీ వార్తలు, సమకాలీన అంశాలకు సంబంధించిన కంటెంట్‌ను అందించనుంది.

అంతే కాకుండా విద్యార్థులు తమ చుట్టూ జరిగే సంఘటనలను గుర్తించి, వాటిపై కథనాలను రూపొందించే అవకాశాలను కూడా ఈ వేదిక కల్పించనుంది. తద్వారా తరగతి గదుల్లోనే వార్తల పట్ల అవగాహన, విమర్శనాత్మక ఆలోచన, బాధ్యతాయుతమైన సమాచార వినియోగాన్ని ప్రోత్సహించనున్నారు.

ఈ ఒప్పందంపై వన్‌ఇండియా సీఈఓ రావణన్ ఎన్., డీప్‌స్పేషియల్ సీఈఓ డాక్టర్ రాహుల్ కుష్వాహా సంతకాలు చేశారు. వన్ ఇండియా సీనియర్ డైరక్టర్ జేమ్స్ పీజే, సౌరభ్ త్యాగి హాజరయ్యారు. "విశ్వసనీయ వార్తా సమాచారం న్యూస్‌ రూమ్‌లోనే ఆగిపోకూడదు. అది తరగతి గదికి కూడా చేరాలి" అని రావణన్ అన్నారు. ఇంకా ఆయన మాట్లాడుతూ.. పాజిటివ్ న్యూస్ అంటే న్యూస్ ప్లస్ కంటెంట్ మాత్రమే కాదు. యువ రీడర్లు.. ప్రపంచంలో జరుగుతున్న ప్రతీదీ తెలుసుకోవాలి. ఏది వర్క్ అవుతోంది. ఏది మార్పునకు కారణమవుతోందన్నది వాళ్లకి తెలియాలి. edskExpress ద్వారా విద్యార్థులకు విశ్వసనీయ వార్తా సమాచారం చేరవేస్తాం. దానిని వాళ్లు ప్రశ్నించొచ్చు. సొంత కథనాలు రూపొందించొచ్చు." అని చెప్పారు.

భారత్‌-కెనడా వాణిజ్య సంబంధాల్లో కీలక అడుగు
కెనడా అంతర్జాతీయ వాణిజ్య శాఖ మంత్రి మానిందర్ సిధు నేతృత్వంలో భారత్‌కు వచ్చిన దాదాపు 300 మంది ప్రతినిధుల బృందంలో భాగంగా ఈ ఒప్పందాలు కుదిరాయి. కెనడా ప్రభుత్వ గ్లోబల్ అఫైర్స్ కెనడా విడుదల చేసిన వివరాల ప్రకారం, ఈ పర్యటనలో భారత, కెనడా సంస్థల మధ్య మొత్తం 34 వాణిజ్య ఒప్పందాలు, భాగస్వామ్యాలు, పెట్టుబడి ప్రకటనలు వెలువడ్డాయి. వీటి అంచనా విలువ దాదాపు 300 మిలియన్ కెనడియన్ డాలర్లు. కెనడా గత మూడు దశాబ్దాల్లో భారత్‌లో నిర్వహించిన అతిపెద్ద టీమ్ కెనడా వాణిజ్య ప్రతినిధి బృంద పర్యటన ఇదేనని ఆ దేశ ప్రభుత్వం పేర్కొంది.

Also Read : Jio Platforms IPO: జియో ప్లాట్‌ఫామ్స్ ఐపీఓకు లిస్టింగ్‌కు ముందే రూ. 2.5 లక్షల కోట్ల ఇన్వెస్టర్ల డిమాండ్

Jio Platforms IPO: 5జీ, బ్రాడ్‌బ్యాండ్, ఏఐ పునాదులపై భారత్ తదుపరి డిజిటల్ శతాబ్దానికి బాటలు!

Shankar Dukanam — Sun, 18 Oct 2026 14:11:25 +0530

JPL IPO: జియో ప్లాట్‌ఫామ్స్ లిమిటెడ్ తన రూ. 30,213 కోట్ల తొలి పబ్లిక్ ఆఫరింగ్ ( JPL IPO) కోసం సిద్ధంగా ఉంది. అక్టోబర్ 21న ప్రారంభమయ్యే ఐపీఎల్ అప్లికేషన్ అక్టోబర్ 23 వరకు జరగనుంది. జీఈపీఎల్ క్యాపిటల్ (GEPL Capital), వెంచురా సెక్యూరిటీస్, ఎస్‌ఎమ్‌సీ గ్లోబల్ (SMC Global) నివేదికలు వినియోగదారుల అప్‌గ్రేడ్‌లు, హోమ్ బ్రాడ్‌బ్యాండ్, ఆర్టిఫిషియల్ ఇంటెలిజెన్స్ (AI), అంతర్జాతీయ టెక్నాలజీ విక్రయాలను వృద్ధి అవకాశాలుగా గుర్తించాయి. జూన్ 2026 నాటికి 533.3 మిలియన్ల వినియోగదారులతో ఉన్న జియో మొబైల్ కనెక్టివిటీకి మించి విస్తరించాలని, తన రాబడి మార్గాలను పెంచాలని భావిస్తోంది.

గ్రోత్ ఇంజిన్ 1: 261 మిలియన్ల 2జీ యూజర్లు వృద్ధికి ఇస్తున్న అవకాశం

ఈ ఏడాది జూన్ 30 నాటికి 261 మిలియన్ల మంది వినియోగదారులు ఇంకా 2జీ నెట్‌వర్క్‌లలోనే ఉన్నారు. జియోకి ఇది వినియోగదారులను 4జీ, 5జీ సేవలకు ఆకర్షించే అవకాశాన్ని ఇస్తుందని జీఈపీఎల్ క్యాపిటల్ అంచనా వేసింది.

‘జూన్ 30, 2026 నాటికి 261.0 మిలియన్ల మంది యూజర్లు ఇంకా 2జీ నెట్‌వర్క్‌లలో ఉండటంతో, డిజిటల్ సేవలతో కూడిన రూ. 799 జియోభారత్ (JioBharat) ఫోన్ వంటి చౌకైన ఆఫర్ల ద్వారా వినియోగదారుల సంఖ్యను పెంచుకోవడానికి భారీగా అవకాశాలు ఉన్నాయని’ జీఈపీఎల్ క్యాపిటల్ పేర్కొంంది.

జియో సగటు రాబడి (ARPU) ఆర్థిక సంవత్సరం 2024లో రూ.181.7 నుంచి 2027 క్యూ1 (Q1FY27) నాటికి రూ.215.6కి పెరిగింది. ప్రీమియం ప్లాన్లు, టారిఫ్ సవరణలు, బండిల్డ్ డిజిటల్ సేవల ద్వారా వినియోగదారు నుంచి రాబడిని పెంచేందుకు కంపెనీ ప్లాన్ చేస్తోంది.

గ్రోత్ ఇంజిన్ 2: హోం బ్రాడ్‌బ్యాండ్ కల్పిస్తున్న అదనపు సామర్థ్యం

జూన్ 2026 నాటికి జియోకు 28.6 మిలియన్ల జియోఫైబర్, జియో ఎయిర్‌ఫైబర్ వినియోగదారులు ఉండగా, ఇందులో 14 మిలియన్ల జియో ఎయిర్‌ఫైబర్ కనెక్షన్లు ఉన్నాయి.

‘హోమ్ బ్రాడ్‌బ్యాండ్ మరొక కీలక వృద్ధికి చోదక శక్తిగా ఉంది. ఆర్థిక సంవత్సరం 2026లో భారత్‌లో దాదాపు 21 శాతంగా ఉన్న తక్కువ ఫిక్స్డ్ బ్రాడ్‌బ్యాండ్ వినియోగాన్ని జియోఫైబర్, జియో ఎయిర్‌ఫైబర్ ఉపయోగించుకునేలా ఉన్నాయి. ఇది ఆర్థిక సంవత్సరం 2031 నాటికి దాదాపు 46 శాతానికి చేరుతుందని అంచనా వేసినట్లు’ జీఈపీఎల్ క్యాపిటల్ తెలిపింది. ఫైబర్ ఏర్పాటు కష్టంగా లేదా ఖరీదుగా ఉన్న ప్రాంతాలలో కనెక్టివిటీని విస్తరించడానికి జియో ఎయిర్‌ఫైబర్ సామర్థ్యాన్ని ఎస్‌ఎమ్‌సీ గ్లోబల్ ప్రస్తావించింది.

గ్రోత్ ఇంజిన్ 3: రాబడిని వైవిధ్యపరిచే ఏఐ, సాంకేతికత

జియో తన సాంకేతిక ప్లాట్‌ఫామ్‌లు, ఎంటర్‌ప్రైజ్ సేవలను కూడా మరిన్ని లాభాలుగా మార్చాలని చూస్తోంది. వెంచురా సెక్యూరిటీస్ ‘జియో ఎండ్-టు-ఎండ్ సొంత 5జీ స్టాండ్‌అలోన్ స్టాక్‌ను అభివృద్ధి చేసింది. 4జీ, 5జీ, 6జీ, ఏఐ, డిజిటల్ టెక్నాలజీలలో 7,220 పేటెంట్‌లకు దరఖాస్తులు చేసింది. దీని సొంత ఏఐ ప్లాట్‌ఫామ్ Jio Brain నెట్‌వర్క్ కార్యకలాపాలలో విస్తరించనుంది. ఇది కంపెనీ సాంకేతికతను రాబడికి మార్చే వ్యూహంలో భాగమని’ పేర్కొంది. టెలికమ్యూనికేషన్స్, క్లౌడ్ కంప్యూటింగ్, ఏఐల ఏకీకరణ కనెక్టివిటీకి మించి అవకాశాలను ఇస్తుందిన ఎస్‌ఎమ్‌సీ గ్లోబల్ విశ్వసిస్తోంది.

గ్రోత్ ఇంజిన్ 4: కార్యాచరణలో అంతర్జాతీయ విస్తరణ

జియో తన సొంత టెలికాం, ఏఐ టెక్నాలజీని అంతర్జాతీయ ఆపరేటర్లకు, వ్యాపారాలకు అందించడానికి ప్లాన్ చేస్తోంది. ఈ భాగస్వామ్యాలు దేశీయ కనెక్టివిటీ సేవలకు మించి రాబడిని ఇస్తుందని జీఈపీఎల్ క్యాపిటల్ తెలిపింది. ఈ విధానం జియో తన మొత్తం దేశీయ మౌలిక సదుపాయాల ముద్రను రిపీట్ చేయకుండానే విదేశాలలో విస్తరించడానికి సహాయపడుతుందని ఎస్‌ఎమ్‌సీ గ్లోబల్ గుర్తించింది.

అంకెల్లో జియో వృద్ధి సూచీలు

సూచీ	గణాంకాలు
మొత్తం వినియోగదారులు (జూన్ 2026)	533.3 మిలియన్లు
5జీ వినియోగదారులు	284.9 మిలియన్లు
ఇంకా 2జీ నెట్‌వర్క్‌లో ఉన్న వినియోగదారులు	261 మిలియన్లు
ఫిక్స్డ్ బ్రాడ్‌బ్యాండ్ అవకాశం	ఆర్థిక సంవత్సరం 26లో 21%, 2031 నాటికి 46% అంచనా
ఏఆర్‌పీయూ (ARPU - సగటు రాబటి)	ఆర్థిక సంవత్సరం 24లో రూ.181.7 నుంచి 2027 క్యూ1 నాటికి రూ.215.6
దాఖలు చేసిన పేటెంట్ దరఖాస్తులు	మొత్తం 7,220, మంజూరైనవి 1,043

భారత డిజిటల్ వినియోగం కల్పించే అవకాశాలు

బ్రోకరేజ్‌లు గుర్తించిన వృద్ధి అవకాశాలు భారత్ డిజిటల్ ఆర్థిక వ్యవస్థ విస్తరణతో ముడిపడి ఉన్నాయి. రోజురోజుకూ పెరుగుతున్న డేటా వినియోగం, 5జీ విస్తరణ, పెరుగుతున్న బ్రాడ్‌బ్యాండ్ కనెక్టివిటీ, డిజిటల్ సేవల డిమాండ్‌ను ప్రభావితం చేస్తాయి. జీఈపీఎల్ క్యాపిటల్ పేర్కొన్న ప్రకారం భారత మొబైల్ బ్రాడ్‌బ్యాండ్ ARPU ఆర్థిక సంవత్సరం 2026లో రూ.199.5 నుంచి ఆర్థిక సంవత్సరం 2031 నాటికి రూ. 326.4కి పెరుగుతుందని అంచనా వేశారు.

మొత్తం మీద, కంపెనీ వ్యూహం వినియోగదారుల వృద్ధిని వేగవంతం చేయడం, ARPUని మెరుగుపరచడం, డిజిటల్ సేవల్ని పెంచడం, ఎంటర్‌ప్రైజ్, అంతర్జాతీయ సాంకేతిక ఆఫర్ల ద్వారా రాబడిని పెంచడంపై ఫోకస్ చేస్తుందని జీఈపీఎల్ క్యాపిటల్ అంచనా వేసింది. ఈ నిర్ణయాలు, విధానాలు నిరంతర రాబడి వృద్ధికి, దీర్ఘకాలిక లాభాలకు అవకాశాలు పెంచుతాయని భావిస్తోంది.

Jio Platforms IPO: జియో ప్లాట్‌ఫామ్స్ ఐపీఓకు లిస్టింగ్‌కు ముందే రూ. 2.5 లక్షల కోట్ల ఇన్వెస్టర్ల డిమాండ్

Shankar Dukanam — Sat, 17 Oct 2026 23:28:19 +0530

Jio Platforms ప్రతిపాదిత తొలి పబ్లిక్ ఇష్యూ (IPO)పై దాదాపు రూ. 2.5 లక్షల కోట్ల విలువైన పెట్టుబడికి డిమాండ్ వచ్చింది. ఈ షేర్ల కేటాయింపును కోరుతున్నవారిలో ప్రపంచ దిగ్గజ ఇన్వెస్టర్ బ్లాక్‌రాక్ నుంచి ఎల్‌ఐసీ వరకు.. ప్రధాన గ్లోబల్ ఆస్తి నిర్వహణ సంస్థలు, సావరిన్ వెల్త్ ఫండ్లు, భారత ఆర్థిక సంస్థలు ఉన్నాయని మనీ కంట్రోల్ నివేదిక తెలిపింది.

Jio Platforms ఒక ప్రత్యేక లిస్టెడ్ సంస్థగా మారే క్రమంలో ఇన్వెస్టర్లకు షేర్లను కొనుగోలు చేసే అవకాశాన్ని కల్పించింది. రిలయన్స్ ఇండస్ట్రీస్ సబ్సిడరీ అయిన ఈ కంపెనీ టెలికమ్యూనికేషన్స్, వివిధ రకాల డిజిటల్ సేవల రంగంలో పనిచేస్తోంది. ఇన్వెస్ట్ చేసేందుకు ఆసక్తి చూపిన ఇన్వెస్టర్లలో లైఫ్ ఇన్సూరెన్స్ కార్పొరేషన్ ఆఫ్ ఇండియా (LIC), ఎస్‌బీఐ మ్యూచువల్ ఫండ్, హెచ్‌డీఎఫ్‌సీ మ్యూచువల్ ఫండ్ ఉన్నాయని తెలుస్తోంది. గ్లోబల్ ఇన్వెస్ట్‌మెంట్ సంస్థలైన ఫిడెలిటీ ఇన్‌వెస్ట్‌మెంట్స్, క్యాపిటల్ గ్రూప్, బ్లాక్‌రాక్ పేర్లు కూడా ఈ నివేదికలో ఉన్నాయి.

ఆసక్తి చూపుతున్న గ్లోబల్ సావరిన్ ఫండ్స్, అసెట్ మేనేజర్లు

సింగపూర్ GIC, నార్వే నార్జెస్ బ్యాంక్ ఇన్వెస్టిమెంట్ మేనేజ్‌మెంట్, అబుదాబి ఇన్వెస్ట్‌మెంట్ అథారిటీ (ADIA), ఖతార్ ఇన్వెస్ట్‌మెంట్ అథారిటీ (QIA) సహా అనేక ప్రముఖ సావరిన్ వెల్త్ ఫండ్స్ నుంచి జియా ప్లాట్‌ఫామ్స్ ఐపీఓకు డిమాండ్ వచ్చింది. ఈ నివేదికలోని వివరాల ప్రకారం.. విదేశీ లాంగ్ ఓన్లీ ఫండ్స్, భారత్‌లోని 10 అతిపెద్ద మ్యూచువల్ ఫండ్ సంస్థలు, 5 అతిపెద్ద ఇన్సూరెన్స్ కంపెనీలు సైతం ఐపీఓలో పాల్గొని షేర్లు దక్కించుకునేందుకు ఆసక్తి చూపారు. సంస్థాగత ఇన్వెస్టర్లతో పాటు, టెక్నాలజీ ఆధారిత గ్లోబల్ ఇన్వెస్టర్లు, బిగ్ ఫ్యామిలీ ఆఫీస్‌లు కూడా ఈ ఐపీఓలో భారీ పెట్టుబడులకు ఆసక్తి చూపాయి.

ఈ స్థాయిలో వ్యక్తమైన భారీ డిమాండ్, వివిధ పెట్టుబడి వ్యూహాలు, విభిన్న ప్రాంతాలకు చెందిన ఇన్వెస్టర్ల ఆసక్తిని స్పష్టం చేస్తోంది. ఈ డిమాండ్ ఐపీఓకి ముందు లభించిన ఆసక్తిని మాత్రమే సూచిస్తుంది.

టెలికమ్యూనికేషన్స్‌ను మించి విస్తరించిన జియో

Jio Platforms కేవలం మొబైల్ కనెక్టివిటీకే పరిమితం కాకుండా చాలా డిజిటల్ సేవల పోర్ట్‌ఫోలియోగా మారింది. టెలికాం కార్యకలాపాలతో పాటు బ్రాడ్‌బ్యాండ్, క్లౌడ్ సేవలు, ఎంటర్‌టైన్‌మెంట్, ఎంటర్‌ప్రైజ్ సొల్యూషన్స్ ఇందులో ఉన్నాయి. కంపెనీ వృద్ధి అవకాశాలు, వ్యాల్యుయేషన్‌ను అంచనా వేసే ఇన్వెస్టర్లకు ఈ ప్రతిపాదిత ఐపీఓ ముఖ్యమైన అంశంగా మారనుంది.

ఈ ఐపీఓ లిస్టింగ్ ద్వారా ప్రస్తుతం రిలయన్స్ ఇండస్ట్రీస్ గ్రూప్‌లో భాగమైన Jio Platformsకు మార్కెట్ స్వతంత్ర వ్యాల్యుయేషన్‌ అవకాశం లభిస్తుంది. ఇన్వెస్టర్లు రిలయన్స్ ఇండస్ట్రీస్ షేర్ల ద్వారా కాకుండా, నేరుగా డిజిటల్ సేవల వ్యాపారంలోనే షేర్లు కొనుగోలు చేయవచ్చు.

సబ్‌స్క్రైబర్ల సంఖ్యను పెంచుకోవడం, డిజిటల్ సేవలను విస్తరించడం, వివిధ వ్యాపార విభాగాల ద్వారా రాబడి కంపెనీ సామర్థ్యాన్ని పెంచుతుంది. ఈ ఐపీఓని పరిశీలించడానికి ఇన్వెస్టర్లు పరిగణనలోకి తీసుకునే అంశాలుగా ఉంటాయి.

ఐపీఓ కాలపరిమితి, ధర వివరాలు

ఈ నివేదికతో పాటు లభించిన సమాచారం ప్రకారం ఈ షేరు ధర రూ. 1,065 నుండి రూ. 1,119గా ఉండనుంది. ఈ ఐపీఓ అక్టోబర్ 21న ప్రారంభమై అక్టోబర్ 23న ముగుస్తుంది. ఇన్వెస్టర్లకు మూడ్రోజుల సబ్‌స్క్రిప్షన్ విండో అందుబాటులో ఉంటుంది. అయితే అధికారిక ప్రకటనలు, ఫైనల్ ఆఫర్ పత్రాల ద్వారా ఈ ధర, తేదీలు చెక్ చేసుకోవాలి.

ఈ ప్రతిపాదిత ఆఫరింగ్ Jio Platformsను ఒక స్వతంత్ర కంపెనీగా లిస్టెడ్ మార్కెట్‌లోకి తీసుకువస్తుంది. ఇది రిటైల్, ఇన్స్టిట్యూషనల్ ఇన్వెస్టర్లకు కొత్త పెట్టుబడి అవకాశాలు కల్పించనుంది. దాదాపు రూ. 2.5 లక్షల కోట్ల ఇన్వెస్టిమెంట్ డిమాండ్ ఐపీఓకి ఉన్న క్రేజ్‌ను తెలియజేస్తుంది. ఐపీఓలో జియో ప్లాట్‌ఫారమ్స్ కొత్త రికార్డులు తిరగరాస్తోంది. ఇన్వెస్టర్లు సంస్థాగత ఆసక్తితో పాటు కంపెనీ వ్యాపార విధానాలు, వ్యాల్యుయేషన్, పనితీరు, రిస్క్ ఫ్యాక్టర్లు కీలకమని భావిస్తారు.

Reliance Foundation Outreach: రిలయన్స్ ఫౌండేషన్ సామాజిక సేవలు - జియో ఉచిత ఏఐ కోర్సుతో డిజిటల్ విప్లవం!

ABP Desam — Thu, 15 Oct 2026 12:50:55 +0530

Digital Inclusion India Reliance: రిలయన్స్ ఫౌండేషన్ భారతదేశంలోని 91,500 గ్రామాలు, పట్టణ ప్రాంతాల్లో 8.7 కోట్లకు పైగా ప్రజలకు సేవలు అందించింది. అదే సమయంలో, డిజిటల్ విద్యను విస్తరించడానికి జియో 12 భారతీయ భాషలలో ఉచిత ఆర్టిఫిషియల్ ఇంటెలిజెన్స్ కోర్సును అందిస్తోంది. రిలయన్స్ ఫౌండేషన్ తన సామాజిక అభివృద్ధి కార్యక్రమాల ద్వారా భారతదేశంలోని 54,000 కంటే ఎక్కువ గ్రామాల్లో 6.6 కోట్లకు పైగా ప్రజలను చేరుకోగా, రిలయన్స్ , జియో సాంకేతిక ఆధారిత విద్యా కార్యక్రమాల ద్వారా డిజిటల్ అక్షరాస్యతపై తమ దృష్టిని నిరంతరం విస్తరిస్తున్నాయి. ఇందులో భాగంగానే 12 భారతీయ భాషల్లో ఉచిత ఆర్టిఫిషియల్ ఇంటెలిజెన్స్ కోర్సును అందుబాటులోకి తెచ్చాయి.

ఈ వినూత్న కార్యక్రమాలు సామాజిక సమాజ అభివృద్ధితో ఉన్న అనుబంధాన్ని, అభివృద్ధి చెందుతున్న సాంకేతికతలను విస్తృత జనాభాకు అందుబాటులోకి తీసుకురావడానికి చేస్తున్న ప్రయత్నాలను ప్రతిబింబిస్తాయి. ప్రారంభంలో రిలయన్స్ అభివృద్ధి వ్యాపారంలో ప్రజా భాగస్వామ్యాన్ని విస్తరించడంతో ముడిపడి ఉండగా, కాలక్రమేణా దాని కార్యకలాపాలు విద్య, సమాజ సంక్షేమం మరియు డిజిటల్ సమ్మేళనం వంటి రంగాలకు విస్తరించాయి.

1977 ఐపీఓ నుండి విస్తృత అభివృద్ధి దృష్టి వరకు

రిలయన్స్ చరిత్ర దాని వ్యవస్థాపకుడు ధీరూభాయ్ అంబానీ ఆలోచనలతో ముడిపడి ఉంది. దేశ ఆర్థిక వృద్ధిలో సాధారణ భారతీయులకు భాగస్వామ్యం కల్పించాలని ఆయన భావించారు. 1977లో కంపెనీ తీసుకొచ్చిన ఇనిషియల్ పబ్లిక్ ఆఫరింగ్ (IPO) ఈ విధానంలో ఒక ముఖ్యమైన అడుగుగా నిలిచింది. ఇది పెట్టుబడిదారులను వాటాదారులుగా మారి వ్యాపార ప్రయాణంలో భాగస్వామ్యం కావాడానికి అనుమతించింది. కాలక్రమేణా రిలయన్స్ అనేక రంగాలలో తన కార్యకలాపాలను విస్తరించగా, సామాజిక అభివృద్ధి, సాంకేతికతకు సంబంధించిన కార్యక్రమాలు భారతదేశ మారుతున్న ఆర్థిక వ్యవస్థలో భాగమయ్యాయి.

ఈ గ్రూప్ కార్యకలాపాలు ఇప్పుడు వ్యాపార నిర్వహణ, డిజిటల్ కనెక్టివిటీ , సామాజిక-కేంద్రీకృత కార్యక్రమాలలో విస్తరించి ఉన్నాయి. ఈ రంగాలు ఆర్థిక భాగస్వామ్యం , సేవలు అందించేందుకు తోడ్పడటానికి వివిధ మార్గాలను సృష్టించాయి.

గ్రామీణ భారతదేశంలో రిలయన్స్ ఫౌండేషన్ సేవలు

నీతా అంబానీ నేతృత్వంలోని రిలయన్స్ ఫౌండేషన్, తన వివిధ కార్యక్రమాల ద్వారా భారతదేశంలోని 54,000 కంటే ఎక్కువ గ్రామాలలో 6.6 కోట్లకు పైగా ప్రజలను చేరుకున్నట్లు తెలిపింది. దీని సేవలు రిలయన్స్ సామాజిక అభివృద్ధి ప్రయత్నాలలో ప్రధాన భాగంగా ఉన్నాయి. దేశంలోని వివిధ ప్రాంతాలలో సమాజ అవసరాలను తీర్చడం, మద్దతును మెరుగుపరచడం లక్ష్యంగా ఈ కార్యక్రమాలు రూపుదిద్దుకున్నాయి. వేలాది గ్రామాలలోని ప్రజలను చేరుకోవడం అభివృద్ధి కార్యక్రమాలలో స్థానిక అమలు ప్రాముఖ్యతను తెలియజేస్తుంది. సమాజ సంక్షేమాన్ని మెరుగుపరచడానికి ఉద్దేశించిన కార్యక్రమాలకు తరచుగా వివిధ ప్రాంతాల ప్రజలతో నిరంతర అనుబంధం అవసరం.

ఫౌండేషన్ వెల్లడించిన గణాంకాలు సమ్మిళిత అభివృద్ధి , ప్రధాన పట్టణ కేంద్రాలకు అతీతంగా అవకాశాలను విస్తరించాల్సిన అవసరం చుట్టూ ఉన్న చర్చలో కీలక స్థానంలో ఉంచుతాయి.

భాషా అడ్డంకులను తొలగించడమే లక్ష్యంగా జియో ఉచిత ఏఐ కోర్సు

సామాజిక సేవా కార్యక్రమాలతో పాటు, రిలయన్స్ ఫౌండేషన్ , జియో సంయుక్తంగా 12 భారతీయ భాషలలో ఉచిత ఏఐ కోర్సును ప్రారంభించాయి. సాంప్రదాయ డిజిటల్ విద్యా వనరులను ఉపయోగిస్తున్నప్పుడు భాషా సంబంధిత అడ్డంకులను ఎదుర్కొనే ప్రజలకు ఆర్టిఫిషియల్ ఇంటెలిజెన్స్ నేర్చుకోవడాన్ని మరింత అందుబాటులోకి తీసుకురావడం ఈ ప్రోగ్రామ్ ముఖ్య ఉద్దేశం.

వ్యాపార కార్యకలాపాలు, విద్య , డిజిటల్ సేవలతో సహా అనేక రంగాలలో ఏఐ వినియోగం వేగంగా పెరుగుతోంది. సాంకేతికత అడాప్షన్ పెరుగుతున్న కొద్దీ, సంబంధిత జ్ఞానం , నైపుణ్యాలను పొందడం అనేది ఈ పరిజ్ఞానాన్ని అర్థం చేసుకోవడానికి లేదా ఉపయోగించడానికి ప్రయత్నించే వారికి ప్రధానాంశంగా మారుతోంది. బహుళ భారతీయ భాషలలో అభ్యాస సామగ్రిని అందించడం ద్వారా వారి ప్రాధాన్యత భాషలో చదవడానికి అనుకూలంగా ఉండే వ్యక్తులను చేరుకోవడానికి సహాయపడుతుంది. వివిధ రంగాలలో భారతదేశం సాంకేతిక పరిజ్ఞానాన్ని విస్తరిస్తున్న తరుణంలో ఈ కార్యక్రమం డిజిటల్ విద్యపై ప్రత్యేక దృష్టిని తెస్తుంది. ఏదేమైనప్పటికీ, ఈ ప్రోగ్రామ్ ప్రభావం భాగస్వామ్యం, కోర్సు కంటెంట్ , నేర్చుకునేవారికి తాము సంపాదించిన జ్ఞానాన్ని ఎంతవరకు ప్రభావవంతంగా వర్తింపజేయగలరనే అంశాలపై ఆధారపడి ఉంటుంది.

దశాబ్దాలుగా రిలయన్స్ అభివృద్ధి, దాని ప్రారంభ వ్యాపారం, క్యాపిటల్-మార్కెట్ ఆశయాల నుండి డిజిటల్ సేవలు , సామాజిక కార్యక్రమాలను చేర్చడానికి దాని కార్యకలాపాలు ఎలా విస్తరించాయో వివరిస్తుంది. అంబానీ కుటుంబం తరాల కింద కంపెనీ వృద్ధి భారతదేశ ఆర్థిక వ్యవస్థ, సాంకేతిక రంగంలో వచ్చిన విస్తృత మార్పులతో పాటు జరిగింది.

ఫౌండేషన్ వెల్లడించిన కమ్యూనిటీ సేవలు, ఏఐ కోర్సు ప్రారంభం ఈ విస్తృత విధానానికి సంబంధించిన రెండు విభిన్న అంశాలను సూచిస్తాయి. ఒకటి గ్రామాలలో సామాజిక అభివృద్ధిపై దృష్టి సారిస్తే, మరొకటి కొత్తగా వస్తున్న సాంకేతిక పరిజ్ఞానం గురించి జ్ఞానాన్ని విస్తరించడానికి ప్రయత్నిస్తుంది.

దైనందిన జీవితంలో , పనిలో ఏఐ మరింత ప్రాముఖ్యత సంతరించుకుంటున్న వేళ, అందుబాటులో ఉండే అభ్యాస వనరులు మరింత మంది ప్రజలు దీని అప్లికేషన్లను అర్థం చేసుకోవడంలో పాత్ర పోషిస్తాయి. అదే సమయంలో, విభిన్న ప్రాంతాల ప్రజల అవసరాలను తీర్చడంలో సాంఘిక సేవలు కీలక పాత్ర పోషిస్తాయి. ఈ రెండు ప్రయత్నాలు భారతదేశ వృద్ధిలో భాగస్వామ్యాన్ని విస్తరించడానికి రిలయన్స్ ప్రయత్నిస్తున్న ప్రాంతాలలో సామాజిక అభివృద్ధి , డిజిటల్ విద్యను ప్రధాన స్థానంలో ఉంచుతాయి.

Reliance Foundation Outreach: రిలయన్స్ ఫౌండేషన్ సామాజిక సేవలు - జియో ఉచిత ఏఐ కోర్సుతో డిజిటల్ విప్లవం!

Jio IPO Subscribed 3.47 Times: జియో ఐపీఓ ప్రభంజనం - రెండో రోజే 3.47 రెట్ల సబ్‌స్క్రిప్షన్ - రూ. 3.5 లక్షల కోట్లు

Best One-Year FD Rates : లక్ష రూపాయలను ఒక సంవత్సరానికి FDలో జమ చేస్తే ఏ బ్యాంకు ఎంత రాబడిని ఇస్తుంది?

ఏ బ్యాంకు ఎంత వడ్డీ ఇస్తోందంటే..

స్మాల్ ఫైనాన్స్ బ్యాంక్

Also Read : పోస్ట్​ ఆఫీస్​లో సేవింగ్స్ చేయడానికి ఈ 3 పథకాలు బెస్ట్.. FD కంటే ఎక్కువ వడ్డీ పొందవచ్చు

ప్రైవేట్ బ్యాంక్

Also Read : జీతం పెరిగినా డబ్బులు మిగలట్లేదా? అయితే కారణాలు ఇవే, ఇలా సేవింగ్స్ చేసుకోండి

ప్రభుత్వ బ్యాంకులు

FD పెట్టే ముందు గుర్తించుకోవాల్సిన విషయాలివే..

SBI Data Breach: ఎస్‌బీఐకి సైబర్ షాక్.. 3.75 లక్షల మంది కస్టమర్ల డేటా లీక్?.. స్టేట్ బ్యాంక్ ఏం చెబుతుందంటే?

బ్యాంకు ఏం చెబుతోంది?

ఏ డేటా లీక్ అయింది?

ఏం చర్యలు తీసుకుంది?

కస్టమర్లపై ప్రభావం?

బ్యాంకుపై ఎలాంటి ప్రభావం?

మీ అకౌంట్ నుంచి డబ్బు పోతే?

Jio IPO Live: రూ.30,213 కోట్ల జియో ఐపీఓ లైవ్.. సబ్‌స్క్రిప్షన్‌లో జియో ప్లాట్‌ఫామ్స్ రికార్డ్

మార్కెట్‌లో జియో ఆధిపత్యం

గ్లోబల్ ఇన్వెస్టర్ల గ్రాండ్ ఎంట్రీ

తొలి రోజే భారీగా బిడ్లు

పెట్టుబడిదారులు గమనించాల్సిన విషయాలు

Jio Platforms Ipo: కేవలం 2 గంటల్లోనే పూర్తి సబ్‌స్క్రైబ్, మెగా ఐపీఓల్లో సరికొత్త రికార్డు

Jio Platforms IPO: లిస్టింగ్‌కు ముందే జియో IPO బంపర్ హిట్.. గ్లోబల్ ఇన్వెస్టర్ల క్యూ.. 30 రెట్లకు పైగా డిమాండ్!

IIT Tirupati Canadian GeoAI Agreement : IIT తిరుపతి , వన్‌ ఇండియాతో కెనడా జియో ఏఐ సంస్థ ఒప్పందాలు.. విద్యార్థులకు ఏం లాభం?

Jio Platforms IPO: 5జీ, బ్రాడ్‌బ్యాండ్, ఏఐ పునాదులపై భారత్ తదుపరి డిజిటల్ శతాబ్దానికి బాటలు!

Jio Platforms IPO: జియో ప్లాట్‌ఫామ్స్ ఐపీఓకు లిస్టింగ్‌కు ముందే రూ. 2.5 లక్షల కోట్ల ఇన్వెస్టర్ల డిమాండ్

Reliance Foundation Outreach: రిలయన్స్ ఫౌండేషన్ సామాజిక సేవలు - జియో ఉచిత ఏఐ కోర్సుతో డిజిటల్ విప్లవం!

Also Read : పోస్ట్ ఆఫీస్లో సేవింగ్స్ చేయడానికి ఈ 3 పథకాలు బెస్ట్.. FD కంటే ఎక్కువ వడ్డీ పొందవచ్చు