LPG Cylinder Prices Hike: మళ్లీ పెరిగిన కమర్షియల్ సిలిండర్ ధరలు.. హైదరాబాద్‌లో లేటెస్ట్ రేట్లు చూశారా

LPG Cylinder Price New Rates: జూన్ 1న తొలి రోజే సామాన్య ప్రజలపై ధరల పెరుగుదల భారం పడింది. గ్యాస్ కంపెనీలు ఎల్‌పీజీ (LPG) కమర్షియల్ సిలిండర్ల ధరలను మరోసారి పెంచాయి.

ఎల్పీజీ సిలిండర్ల ధరలు పెంపు

Source : PTI

Show Quick Read

Key points generated by AI, verified by newsroom

• వాణిజ్య ఎల్పీజీ సిలిండర్ ధర రూ. 42 పెరిగింది.
• హైదరాబాద్, కోల్‌కతాలో కూడా ధరలు పెరిగాయి.
• గృహ వినియోగ ఎల్పీజీ సిలిండర్ ధర స్థిరంగా ఉంది.
• 5 కిలోల ఫ్రీ ట్రేడ్ ఎల్పీజీ సిలిండర్ ధర కూడా పెరిగింది.

LPG Cylinder Prices Hiked | న్యూఢిల్లీ: కొత్త నెల తొలి రోజులనే ఆయిల్ మార్కెటింగ్ కంపెనీలు 19 కిలోల కమర్షియల్ సిలిండర్ల ధరలను పెంచాయి. నేటి (జూన్ 1) నుంచి దేశవ్యాప్తంగా కమర్షియల్ ఎల్‌పీజీ (LPG) వినియోగదారులపై అదనపు ఇంధన భారం పడనుంది. ఎల్‌పీజీ సిలిండర్ ధర రూ. 42 మేర పెరిగింది. అయితే, గృహ అవసరాలకు ఉపయోగించే డొమెస్టిక్ ఎల్‌పీజీ సిలిండర్ ధర (LPG Cylinder Price)లలో ఎలాంటి మార్పులు చేయకపోవడం సామాన్యులకు ఊరట కలిగిస్తోంది.

హైదరాబాద్‌లో 19 కేజీల కమర్షియల్ సిలిండర్ ధర
సవరించిన ధరల ప్రకారం, ఢిల్లీలో 19 కిలోల కమర్షియల్ ఎల్‌పీజీ సిలిండర్ ధర రూ. 42 పెరగడంతో రిటైల్ ధర సిలిండర్‌కు రూ. 3,113.50 కి చేరింది. అలాగే హైదరాబాద్‌లో రూ.52 మేర పెరగడంతో కమర్షియల్ సిలిండర్ ధర రూ.3,367 అయింది. కోల్‌కతాలో 19 కిలోల కమర్షియల్ ఎల్‌పీజీ సిలిండర్ ధర రూ. 53.50 పెరగడంతో రిటైల్ ధర రూ. 3,255.50 కి చేరుకుంది.

ఈ తాజా ధరల పెంపు వల్ల కమర్షియల్ ఎల్‌పీజీపై ఎక్కువగా ఆధారపడే రెస్టారెంట్లు, హోటళ్లు, క్యాటరింగ్ సర్వీసులు, చిన్న తరహా ఆహార వ్యాపార సంస్థలు తీవ్రంగా ప్రభావితం అవుతాయి. కమర్షియల్ సిలిండర్ ధరలు పెరిగితే ప్రత్యక్షంగా కాకపోయినా, పరోక్షంగా సామాన్యుడికి భారంగా మారుతుంది. హోటల్, రెస్టారెంట్స్ లలో ఫుడ్ ఐటమ్స్ ధరలు మరోసారి పెరగనున్నాయి. ఈ సవరించిన ధరలు జూన్ 1 నుండి అమలులోకి వచ్చాయి.

గ్యాస్ కంపెనీలు సరిగ్గా నెల రోజుల తర్వాత కమర్షియల్ సిలిండర్ ధరలు పెంచాయి. అంతకుముందు మే 1న కమర్షియల్ ఎల్‌పీజీ సిలిండర్ల ధరలను భారీగా పెంచారు. మే నెలలో ఏకంగా రూ. 993 మేర పెంచారు. తాజాగా 42 మేర పెరిగింది. ఏప్రిల్ నెలలో 215 రూపాయలు, మార్చిలో 144 రూపాయల మేర 19 కేజీల కమర్షియల్ గ్యాస్ సిలిండర్ ధర పెంచడం తెలిసిందే.

14.2 కేజీల ఎల్పీజీ సిలిండర్ ధర

గృహ అవసరాల కోసం వినియోగించే ఎల్‌పీజీ డొమెస్టిక్ సిలిండర్ల ధరల్లో ప్రస్తుతానికి ఎలాంటి మార్పు చేయకపోవడం ప్రజలకు ఊరట కలిగించింది. రాజధాని ఢిల్లీలో 14.2 కిలోల సిలిండర్ ధర రూ. 913 గానే ఉంది. హైదరాబాద్‌లో డొమెస్టిక్ సిలిండర్ ధర రూ.965 వద్ద ఉంది. ఇదివరకే ద్రవ్యోల్బణంతో ఇబ్బంది పడుతున్న లక్షలాది కుటుంబాలకు దీనివల్ల ఉపశమనం లభించింది. డొమెస్టిక్ 5 కేజీల సిలిండర్ ధర రూ. 357 వద్ద కొనసాగుతుండగా.. 47.5 కేజీల కమర్షియల్ ఎల్పీజీ సిలిండర్ ధర రూ. 130 మేర పెరగడంతో రూ.8,412 అయింది.

ఎక్కువ మంది చదివిన ఈ టాప్ వార్తలు మిస్ అవ్వొద్దు
1
2
3
4
5

పశ్చిమ ఆసియాలో నెలకొన్న రాజకీయ ఉద్రిక్త పరిస్థితులు ముడి చమురు ధరలతో పాటు ఎల్‌పీజీ ధరల భారీ పెంపునకు కారణం అవుతున్నాయి. ప్రస్తుతం భారత్‌కు దిగుమతులలో పెరిగిన ఖర్చుల వల్ల గ్యాస్ కంపెనీలపై ఒత్తిడి పెరగడంతో ధరలు పెంచుతున్నారు.

5 కిలోల ఫ్రీ ట్రేడ్ ఎల్‌పీజీ ధరలు పెరిగాయి
కమర్షియల్ సిలిండర్లతో పాటు, ఆయిల్ కంపెనీలు 5 కిలోల ఫ్రీ ట్రేడ్ ఎల్‌పీజీ (FTL) సిలిండర్ల ధరలను కూడా పెంచాయి. ఢిల్లీలో 5 కిలోల ఎఫ్‌టిఎల్ (FTL) సిలిండర్ ధర రూ. 11 పెరగగా, ఇప్పుడు దీని రిటైల్ ధర రూ. 821.50 గా ఉంటుందని వర్గాలు పేర్కొన్నాయి. సాధారణంగా చిన్న తరహా వ్యాపార సంస్థలు, సబ్సిడీ లేని ఎల్‌పీజీ సరఫరా అవసరమయ్యే వినియోగదారులు ఈ ఫ్రీ ట్రేడ్ ఎల్‌పీజీ సిలిండర్లను ఎక్కువగా ఉపయోగిస్తుంటారు.

మరిన్ని చదవండి

ఎల్పీజీ గ్యాస్ సబ్సిడీ కావాలంటే ప్రతి ఏడాది E-KYC తప్పనిసరి.. లేకపోతే సబ్సిడీ బంద్

ఎమండోయ్ ఇది చూశారా.. సిలిండర్ల వాహనానికి పోలీస్ ఎస్కార్ట్ - కలికాలం!