Renault Duster on EMI: రెనాల్ట్ డస్టర్ భారత మార్కెట్లో చాలా ఫేమస్ మోడల్. దీని ప్రారంభ ధర ₹10.49 లక్షలు (ఎక్స్-షోరూమ్). దీని పవర్ఫుల్ డిజైన్, వినూత్న ఫీచర్లు, టర్బోచార్జ్డ్ పెట్రోల్ ఇంజన్ ఈ SUVని జనాల్లో ఫేమస్ చేశాయి. మీరు ఈ వాహనాన్ని కొనుగోలు చేయడానికి ఆసక్తి కలిగి ఉంటే మొత్తం ఒకేసారి చెల్లించాల్సిన పని లేదు. కేవలం 2 లక్షల రూపాయలను డౌన్పేమెంట్ చెల్లించి మిగతా అమౌంట్ను లోన్ ద్వారా తీసుకోవచ్చు. ఇలా చేస్తే నెలకు ఎంత ఈఎంఐ చెల్లించాలి, పూర్తి ఫైనాన్స్ ప్లాన్ ఎలా ఉంటుందనేది ఇక్కడ తెలుసుకోండి.
మీరు డస్టర్ బేస్ మోడల్ను కొనుగోలు చేసి, రూ.2 లక్షల డౌన్ పేమెంట్ చేయాలని ప్లాన్ చేస్తుంటే, లోన్, EMI ఎంత అవుతుందో తెలుసుకోవడం చాలా ముఖ్యం.
రెనాల్ట్ డస్టర్ బేస్ వేరియంట్ ధర ₹10.49 లక్షలు (ఎక్స్-షోరూమ్). ఇందులో RTO, ఇన్సూరెన్స్, ఇతర ఛార్జీలు కలిసి ఉంటాయి కాబట్టి, నగరాన్ని బట్టి ఆన్-రోడ్ ధర మారవచ్చు. ఉదాహరణకు, మీరు ఈ కారును హైదరాబాద్లో కొనుగోలు చేస్తే, దాని ఆన్-రోడ్ ధర దాదాపు ₹12.91 లక్షలు ఉంటుంది. మీరు ₹2 లక్షల డౌన్ పేమెంట్ చేస్తే, మిగిలిన మొత్తాన్ని బ్యాంకు లేదా ఫైనాన్స్ కంపెనీ నుంచి రుణం తీసుకోవలసి ఉంటుంది.
మీరు హైదరాబాద్లో కొనుగోలు చేస్తే EMI ఎంత అవుతుంది?
మీరు హైదరాబాద్లో కారు కొనుగోలు చేస్తే, ₹2 లక్షల డౌన్ పేమెంట్ చెల్లించాల్సి ఉంటుంది. దీనికి సుమారుగా ₹10.91 లక్షల కార్ లోన్ అవసరం అవుతుంది. 9% వడ్డీ రేటుతో 5 సంవత్సరాల లోన్ తీసుకుంటే, నెలవారీ EMI ₹22,627 అవుతుంది. 9% వడ్డీ రేటుతో 6 సంవత్సరాల లోన్ తీసుకుంటే, నెలవారీ EMI ₹20,193 అవుతుంది.
7 సంవత్సరాల లోన్పై EMI ఎంత ఉంటుంది?
అదనంగా, మీరు ఈ రుణాన్ని 7 సంవత్సరాలకు తీసుకుంటే, EMI ₹17,537 ఉంటుంది. అయితే, ఈ మొత్తం బ్యాంకు వడ్డీ రేటు, రుణ మొత్తం, మీరు ఉండే ప్రాంతం, రుణ కాలవ్యవధి, సిబిల్ స్కోర్ను బట్టి మారవచ్చు. అందువల్ల, కారు కొనుగోలు చేసే ముందు వివిధ బ్యాంకుల వడ్డీ రేట్లు, ఆఫర్లను పోల్చి చూసుకోవడం ప్రయోజనకరంగా ఉంటుంది.
కొత్త రెనాల్ట్ డస్టర్లో కంపెనీ 1.0 లీటర్ టర్బో పెట్రోల్ ఇంజన్ను అందించింది, ఇది 6-స్పీడ్ మాన్యువల్ గేర్బాక్స్తో వస్తుంది. ఈ ఇంజన్ మెరుగైన పనితీరుతో మంచి డ్రైవింగ్ అనుభవాన్ని ఇస్తుందని కంపెనీ పేర్కొంది. ఇది కాకుండా, ఈ SUVలో పెద్ద టచ్స్క్రీన్ ఇన్ఫోటైన్మెంట్ సిస్టమ్, డిజిటల్ ఇన్స్ట్రుమెంట్ క్లస్టర్, మల్టిపుల్ ఎయిర్బ్యాగ్లు, ఆధునిక భద్రతా ఫీచర్లు, ఆకర్షణీయమైన బాహ్య డిజైన్ వంటి అనేక కొత్త ఫీచర్లను కూడా అందించారు.