Top 5 SUVs To Drive To Ladakh Darkest Mountain: రోడ్ ట్రిప్స్ ఇష్టపడే వాళ్లకు లడఖ్ ఎప్పుడూ ఒక డ్రీమ్ డెస్టినేషన్ గా ఉంటుంది. అయితే అక్కడ అందరికీ తెలిసిన పాసెస్, లేక్స్ కాకుండా ఒక వింతైన ప్రదేశం ఉంది. అదే గొన్బో రంగ్జోన్ పర్వతం. దీనిని లడఖ్ లోనే అత్యంత చీకటి పర్వతంగా పిలుస్తారు. జన్స్కర్ ప్రాంతంలో ఉండే ఈ కొండ మొత్తం నల్లటి రాళ్లతో నిండి ఉంటుంది. ఇక్కడ శాశ్వతంగా మంచు పేరుకుపోయే ఛాన్స్ తక్కువగా ఉండటం వల్లే ఇది కంప్లీట్ బ్లాక్ కలర్ లో కనిపిస్తుంది. లోకల్ ప్రజలు దీనిని దేవుడి పర్వతంగా నమ్ముతారు. దార్చా-పదుమ్ రోడ్డులో ఉండే ఈ ప్రాంతానికి వెళ్లడం అంత ఈజీ కాదు. కఠినమైన దారులను తట్టుకునే పవర్ఫుల్ కార్లు మాత్రమే అక్కడికి వెళ్లగలవు.
Read Also: Top EV Sales In India: ఇంధన ధరల సమస్యతో ఎలక్ట్రిక్ కార్లకు పెరిగిన డిమాండ్.. టాప్ కంపెనీలు ఇవే
మహీంద్రా థార్ రాక్స్, స్కార్పియో ఎన్
ఈ లిస్టులో ఫస్ట్ ప్లేస్ లో మహీంద్రా థార్ రాక్స్ (Thar Roxx) నిలిచింది. దీని ప్రారంభ ధర రూ. 13.86 లక్షలు (ఎక్స్-షోరూమ్) గా ఉంది. లెడర్ ఫ్రేమ్ ఛాసిస్, హై గ్రౌండ్ క్లియరెన్స్ ఉండటం వల్ల రోడ్లు లేని చోట కూడా ఇది ఈజీగా దూసుకెళ్తుంది. లాంగ్ జర్నీకి కావలసిన లగేజ్ స్పేస్ కూడా ఇందులో దక్కుతుంది. ఇక రెండో ఆప్షన్ మహీంద్రా స్కార్పియో-ఎన్ (Scorpio-N). దీని బేస్ ప్రైస్ రూ. 13.49 లక్షలు. ఇందులో ఉన్న 4Xplor సిస్టమ్, పవర్ఫుల్ డీజిల్ టార్క్ లడఖ్ లోని ఎత్తు పల్లాల రోడ్లపై సేఫ్ జర్నీని ఇస్తాయి. ఇది థార్ కంటే ఎక్కువ ఇంటీరియర్ కంఫర్ట్ ను ఆఫర్ చేస్తుంది.
ఎంజీ మెజెస్టర్ లగ్జరీ రైడ్..
లగ్జరీతో పాటు రోడ్ ప్రెజెన్స్ కోరుకునే వాళ్లకు ఎంజీ మెజెస్టర్ (MG Majestor) బెస్ట్ ఆప్షన్. దీని ప్రైస్ రూ. 40.99 లక్షల నుంచి స్టార్ట్ అవుతుంది. టొయోటా ఫార్చూనర్ కు గట్టి కాంపిటీటర్ అయిన ఈ కార్ లో ఫోర్ వీల్ డ్రైవ్ (4WD) సిస్టమ్ ఉండటం వల్ల కఠినమైన జన్స్కర్ రూట్లలో మంచి స్టెబిలిటీ లభిస్తుంది. దీని తర్వాత టాటా హారియర్ (Tata Harrier) నిలిచింది. దీని ధర రూ. 12.89 లక్షలుగా ఉంది. ఇందులో ప్రాపర్ ఆఫ్ రోడ్ గేర్బాక్స్ లేకపోయినా దీని సస్పెన్షన్, పవర్ఫుల్ టర్బో పెట్రోల్ ఇంజిన్, బెస్ట్ సేఫ్టీ రేటింగ్ వల్ల గులక రాళ్లు, పాడైపోయిన రోడ్లపై కూడా కంఫర్ట్ గా ట్రావెల్ చేయవచ్చు.
మారుతి సుజుకి జిమ్నీతో అద్భుత కంట్రోల్..
చిన్నగా ఉన్నా అద్భుతమైన పర్ఫార్మెన్స్ చూపించే మారుతి సుజుకి జిమ్నీ (Jimny) ఈ లిస్టులో లాస్ట్ ఆప్షన్. దీని ధర రూ. 12.31 లక్షలు. దీని తక్కువ బరువు, ఫోర్ వీల్ డ్రైవ్ సిస్టమ్ కొండల్లోని ఇరుకైన దారుల్లో కార్ పై సూపర్ కంట్రోల్ ఇస్తాయి. గొన్బో రంగ్జోన్ వెళ్లడానికి జూన్ నుంచి సెప్టెంబర్ మధ్య కాలం అత్యంత అనుకూలమైన సమయం. ఇక్కడికి వెళ్లే దారిలో వాటర్ క్రాసింగ్స్, రాళ్లు ఎక్కువగా ఉండటం వల్ల ఈ ఐదు ఎస్యూవీలు పర్ఫెక్ట్ గా సూట్ అవుతాయి. ఇంట్రెస్టింగ్ పాయింట్ ఏంటంటే ఈ ఐదు కార్లు కూడా అట్రాక్టివ్ డార్క్ బ్లాక్ షేడ్ లో మార్కెట్ లో అందుబాటులో ఉన్నాయి.