టాటా మోటార్స్ మే నెలలో తమ కొత్త ఎలక్ట్రిక్ SUV టాటా సియెర్రా EVని లాంచ్ చేయడానికి ఏర్పాట్లు చేస్తోంది. ఈ కారు కంపెనీకి చాలా ప్రత్యేకమైనది. ఇది పాత సియెర్రా మోడల్కు సంబంధించి కొత్త వెహికల్. కంపెనీ నుంచి మంచి డిమాండ్ ఉంటే కారుకు మోడ్రన్ ఎలక్ట్రిక్ రూపంలో టాటా సియెర్రా ఈవీ వస్తోంది. సియెర్రా EV ని హారియర్ EV లాగానే సింగిల్ మోటార్, డ్యూయల్ మోటార్ రెండింటిలోనూ అందించనున్నారు. ఈ SUVలో కొత్త టెక్నాలజీ, మెరుగైన పనితీరు, అద్భుతమైన డిజైన్ ఉంటాయి. డ్యూయల్ మోటార్ వెర్షన్ ఆల్-వీల్ డ్రైవ్ (AWD) ఫీచర్ కలిగి ఉంటుంది. ఈ ధరలో చాలా తక్కువ కార్లలో ఈ ఫీచర్ కనిపిస్తుంది. దీంతోపాటు ఈ కారు గతుకు రోడ్లు, కొంచెం ఇబ్బందికరమైన మార్గాల్లో కూడా బాగానే వెళ్తుంది.
బ్యాటరీ, ఈవీ రేంజ్..
టాటా సియెర్రా EV గురించి మాట్లాడితే ఎక్కువగా దాని రేంజ్ గురించి చర్చకు వస్తుంది. అందుబాటులో ఉన్న సమాచారం ప్రకారం దీని సింగిల్ మోటార్ వెర్షన్ 55kWh బ్యాటరీని కలిగి ఉండనుంది. అయితే డ్యూయల్ మోటార్ వెర్షన్ 65kWh పెద్ద బ్యాటరీతో రానుంది. పెద్ద బ్యాటరీ ఉండటం వల్ల సియెర్రా ఈవీ రేంజ్ కూడా ఎక్కువగా ఉంటుందని అంతా భావిస్తున్నారు. కంపెనీ అధికారికంగా దీని మైలేజ్ రేంజ్ ఇంకా వెల్లడించలేదు. అయితే ఈ SUV 600 కిలోమీటర్ల కంటే ఎక్కువ పరిధిని ఇవ్వగలదని భావిస్తున్నారు. ఒకవేళ ఇది నిజమైతే ఆ విభాగంలోని అనేక కార్ల కంటే టాటా సియెర్రా ముందంజలో నిలవనుంది. రియల్ టైంలో దీని రేంజ్ దాదాపు 400 నుండి 450 కిలోమీటర్ల వరకు ఉంటుందని భావిస్తున్నారు. ఇది రోజువారీ వినియోగానికి సరిగ్గా సరిపోతుంది. సియెర్రా EV బరువు హారియర్ EV కంటే కొంచెం తక్కువగా ఉండనుంది. దాంతో సియెర్రా ఈవీ రేంజ్ మెరుగ్గా ఉంటుంది.
ఏ EVలతో సియెర్రా పోటీ ఉంటుంది?
టాటా సియెర్రా EV మహీంద్రా BE6, XEV 9e వంటి కొత్త ఎలక్ట్రిక్ SUVలతో మార్కెట్లో పోటీపడుతుంది. ఈ కార్ల రేంజ్ కూడా చాలా బాగుంది. చాలా EVల రేంజ్ 500- 550 కిలోమీటర్ల మధ్యలో ఉంటుంది. ఒకవేళ సియెర్రా EV నిజంగా 600km కంటే ఎక్కువ రేంజ్ ఇస్తే, ఈ విభాగంలో టాటా సియెర్రా ఈవీకి తిరుగుండదు. అలాగే, AWD ఫీచర్ దీనిని మరింత ప్రత్యేకంగా చేస్తుంది. ఎందుకంటే ఈ ధరలో ఈ ఫీచర్ చాలా తక్కువగా కనిపిస్తుంది.
డిజైన్, ఇంటీరియర్లో కొత్తగా ఏముంటుంది?
టాటా సియెర్రా EV డిజైన్ పాత సియెర్రా నుంచి తీసుకుని రూపొందించారు. కానీ ఇందులో ఆధునిక స్పర్శ స్పష్టంగా కనిపిస్తుంది. ఇది ఎలక్ట్రిక్ కార్ల గుర్తింపుగా మారిన closed grille డిజైన్తో వస్తుంది. ఇంటీరియర్లో కూడా చాలా మార్పులు కనిపిస్తాయి. ఇందులో కొత్త స్క్రీన్, మెరుగైన సీట్లు, మరికొన్ని మోడ్రన్ ఫీచర్లు ఉండవచ్చు. ఈ SUV ప్రీమియం ఎక్స్పీరియన్స్ అందించడానికి టాటా మోటార్స్ దీన్ని రూపొందించింది. పాత సియెర్రా తరహాలోనే సియోర్రా ఈవీ సైతం మార్కెట్లో దూసుకెళ్తుందని కంపెనీ ఎన్నో ఆశలు పెట్టుకుంది.