టాటా మోటార్స్ తన పాపులర్ సియెర్రా SUV కొత్త Dark Editionను లాంచ్ చేసింది. టాటా మోటార్స్ దీనికి Sierra DARK అని పేరు పెట్టింది. ఈ ప్రత్యేక ఎడిషన్లో అతిపెద్ద మార్పు దీని లుక్. పూర్తి వాహనానికి డార్క్, బ్లాక్ థీమ్ ఇచ్చారు. దీని ప్రారంభ ఎక్స్-షోరూమ్ ధర రూ. 13.99 లక్షలుగా నిర్ణయించారు. టాప్ వేరియంట్ ధర రూ. 21.59 లక్షలు ఉంటుంది. హైదరాబాద్‌లో బేస్ మోడల్ ఆన్ రోడ్ ధర రూ.17.10 లక్షల వరకు ఉండగా.. టాప్ వేరియంట్ అన్ రోడ్ ధర రూ. 26.50 లక్షల వరకు ఉంటుంది. ఈ ఎడిషన్ Pure L నుంచి Accomplished+ వేరియంట్ వరకు మార్కెట్లో అందుబాటులో ఉంది.
బ్లాక్ లుక్‌లో టాటా సియెర్రా
Sierra Dark Editionలో ప్రత్యేకమైన అంశం దీని కొత్త Friesian Black కలర్. దీనంతో పాటు బ్లాక్ ఫినిష్ ఉన్న లోగో, బ్యాడ్జింగ్ ఇచ్చారు. వాహనం 19 అంగుళాల అల్లాయ్ వీల్స్‌కు కూడా బ్లాక్ ఇచ్చారు. బంపర్, బయటి భాగాలపై కూడా డార్క్ ఫినిష్ కనిపిస్తుంది. దాంతో రెగ్యులర్ టాటా సియెర్రాతో పోలిస్తే దీని లుక్ మరింత డార్క్‌గా ఉంటుంది. అయితే డార్క్ ఎడిషన్లో ప్రధాన మార్పులు డిజైన్, కాస్మొటిక్ అప్‌డేట్‌ మాత్రమే. టాటా కంపెనీ దీని ఇంజిన్, గేర్బాక్స్లో ఎలాంటి మార్పులు చేయలేదు.
లోపల కూడా బ్లాక్, పర్పుల్ థీమ్
టాటా సియెర్రా క్యాబిన్‌ను కూడా బయటి డార్క్ లుక్‌కి సరిపోయేలా డిజైన్ చేశారు. ఇందులో బ్లాక్ ఇంటీరియర్తో పాటు Violet Eclipse థీమ్, పర్పుల్ డిటైలింగ్ ఇచ్చారు. ఎసి వెంట్లు, సెంటర్ కన్సోల్, సీట్ స్టిచింగ్ వంటి పార్ట్స్ కోసం పర్పుల్ రంగును ఉపయోగించారు. సీట్లపై బ్లాక్ లెదరెట్ అపోల్స్టరీ వస్తుంది. డార్క్ క్రోమ్ ఫినిష్ ఉన్న కొన్ని ఎలిమెంట్స్ ఇచ్చారు. డాష్‌బోర్డ్, ఇంటీరియర్ లేఅవుట్ రెగ్యులర్ సియెర్రా తరహాలోనే ఉంచారు.
ఫీచర్లు ఏమున్నాయి
Sierra Dark Editionలో ఫీచర్లు వేరియంట్‌ను బట్టి లభిస్తాయి. టాప్ వేరియంట్‌లో ట్రిపుల్ స్క్రీన్ సెటప్, పనోరమిక్ సన్‌రూఫ్, వెంటిలేటెడ్ ఫ్రంట్ సీట్లు, పవర్డ్ టెయిల్‌గేట్, కనెక్టెడ్ కార్ టెక్నాలజీ, డ్యూయల్ జోన్ క్లైమేట్ కంట్రోల్, 360 డిగ్రీ కెమెరా, లెవెల్ 2 ADAS వంటి ఫీచర్లు లభిస్తాయి. కొన్ని వేరియంట్లలో 12 స్పీకర్ల JBL ఆడియో సిస్టమ్ ఇచ్చారు. పవర్‌ట్రెయిన్ విషయానికి వస్తే, డార్క్ ఎడిషన్లో సియెర్రా ప్రస్తుత పెట్రోల్, డీజిల్ ఇంజిన్ ఆప్షన్లు కొనసాగించారు. ఇందులో 1.5 లీటర్ పెట్రోల్, 1.5 లీటర్ డీజిల్, 1.5 లీటర్ టర్బో పెట్రోల్ ఇంజిన్ ఆప్షన్లు ఉన్నాయి.