Rolls Royce Motor Cars Ghost Series II: భారత్‌లోకి రోల్స్ రాయిస్ ఘోస్ట్ సిరీస్ 2 ఎంట్రీ- ఫీచర్స్‌ గురించి తెలుసా?

Rolls Royce Motor Cars: రోల్స్ రాయిస్ భారతదేశంలో రోల్స్ రాయిస్ ఘోస్ట్ సిరీస్2 ను విడుదల చేసింది. ఈ కారు ఎక్స్-షోరూమ్ ధరలు రూ.8.95 కోట్ల నుంచి ప్రారంభంకానున్నాయి. 

Rolls Royce Motor Cars Ghost Series II: భారతదేశంలో ఎంతగానో ఆసక్తిగా ఎదురుచూస్తున్న ఘోస్ట్ సిరీస్ 2ని రోల్స్ రాయిస్ విడుదల చేసింది. మునుపటి మోడల్‌లో అందుబాటులో లేని కొత్త ఇంటీరియర్ ఫినిషింగ్‌లు ఫీచర్లను ఈ సిరీస్‌లో జోడించింది. రోల్స్ రాయిస్ ఘోస్ట్ సిరీస్ 2 ఎలుపల అధునాతన డిజిటల్ టెక్నాలజీలు ఆకట్టుకోనున్నాయని కంపెనీ చెబుతోంది. 

ప్రారంభోత్సవం సందర్భంగా రోల్స్ రాయిస్ మోటార్ కార్స్‌కు చెందిన ఆసియా-పసిఫిక్ రీజినల్ డైరెక్టర్ ఐరీన్ నిక్కీన్ మాట్లాడుతూ- " “ఘోస్ట్ సిరీస్ ఫీచర్స్‌ను మా వినియోగదారులు తప్పకుండా ప్రశంసిస్తారని ఆశిస్తున్నాం. ఘోస్ట్ సిరీస్ 2కు ఉండే ప్రత్యేకత సరికొత్త అనుభూతిని ఇస్తుంది.  మునుపెన్నడూ లేని విధంగా అధునాతన సాంకేతికత వినియాగంతో ఈ డ్రైవర్ ఫోకస్డ్ వీ 12 రోల్స్ రాయిస్ లగ్జరీ కారు ప్రత్యేకత చాటుకోనుంది. 2024 నాటికి మూడింట ఒక వంతు మార్కెట్ విస్తరణతో భారతదేశంలో ఎక్కుమంది కోరుకునే లగ్జరీ బ్రాండ్‌గా  రోల్స్ రాయిస్ తమ స్థానాన్ని పదిలం చేసుకుంది.  ఘోస్ట్ సిరీస్ 2 ప్రస్తుతం భారతదేశంలో లభ్యం కానుంది. ఇప్పుడు .” అని  రోల్స్ రాయిస్ మోటార్ కార్స్ ఆసియా పసిఫిక్ రీజినల్ డైరెక్టర్ ఐరీన్ నిక్కైన్ తెలిపారు. 

భారత్ లో లభించే మూడు ఘోస్ట్ సిరీస్ 2 వేరియంట్లు ఇవే..⦁ ఘోస్ట్ సిరీస్ 2⦁ బ్లాక్ బ్యాడ్జ్ ఘోస్ట్ సిరీస్ 2⦁ ఘోస్ట్ ఎక్స్ టెండెడ్ సిరీస్ 2

రోల్స్ రాయిస్ ఘోస్ట్ సిరీస్ 2 ధరలు ఇవే

చెన్నై, ఢిల్లీ షోరూంలలో ఈ కార్లను ఆర్డరు చేసుకునే సౌకర్యం ఉంది. వినియోగదారులకు కావల్సిన ఫీచర్లను బట్టి రోల్స్ రాయిస్ ధర ఉంటుంది.⦁ ఘోస్ట్ సిరీస్ 2 ధర - రూ. 8,95,00,000⦁ ఘోస్ట్ ఎక్స్ టెండెడ్ సిరీస్ 2 ధర – రూ. 10,19,00,000⦁ బ్లాక్ బ్యాడ్జ్ ఘోస్ట్ సిరీస్ 2 ధర – రూ. 10,52,00,000

రోల్స్ రాయిస్ ఘోస్ట్ సిరీస్ 2 ఫీచర్స్ ఇవే

రోల్స్ రాయిస్ ఘోస్ట్ సిరీస్ 2లో 6.75 లీటర్, ట్విన్-టర్బోచార్జ్డ్  V12 ఇంజిన్‌ వస్తోంది. ఇది వరుసగా 600 Hp , 900 Nm హైపవర్‌ ఓల్ టార్క్ అవుట్‌పుట్‌ను ఉత్పత్తి చేస్తుంది. ఈ ఇంజిన్ ఎనిమిది-స్పీడ్ గేర్‌బాక్స్‌ కలిగి ఉంటుంది.  

రోల్స్ రాయిస్ ఘోస్ట్ సిరీస్ 2 మెరుగైన రైడ్ స్టెబిలిటీ కోసం ప్లానార్ సస్పెన్షన్ సిస్టమ్ ఉంది. రోడ్డు పరిస్థితికి అనుగుణంగా సస్పెన్షన్‌లను సర్దుబాటు చేయడానికి కెమెరాల సహాయంతో ఫ్లాగ్‌బేరర్ సిస్టమ్ కలిగి ఉంది. మెరుగైన ఆడియో సిస్టమ్, ఇంటర్నెట్ కనెక్టివిటీ, వీడియో స్ట్రీమింగ్ ఫంక్షన్‌లు కూడా ఉన్నాయి.