భారత మార్కెట్లో చిన్న, చవకైన కార్లకు డిమాండ్ ఎప్పుడూ ఎక్కువగా ఉంటుంది. ముఖ్యంగా ఎంట్రీ-లెవల్ సెగ్మెంట్లో తక్కువ ధరలో అదిక మైలేజ్, ఈజీ డ్రైవింగ్, మంచి ఫీచర్లను అందించే కార్లను ప్రజలు కోరుకుంటారు. ఈ సెగ్మెంట్లో రెనాల్ట్ తన పాపులర్ కారు క్విడ్ కొత్త ఫేస్లిఫ్ట్ మోడల్ను తీసుకురాబోతోంది. ఈ కొత్త రెనాల్ట్ క్విడ్ జూలై 2న భారతదేశంలో విడుదలయ్యే అవకాశం ఉంది. ఈ అప్డేటెడ్ మోడల్ ద్వారా కస్టమర్లకు కొత్త డిజైన్, కొత్త ఫీచర్లు మరియు మెరుగైన టెక్నాలజీని అందించడమే కంపెనీ లక్ష్యం.
కొత్త రెనాల్ట్ క్విడ్ ఫేస్లిఫ్ట్లో అతిపెద్ద మార్పు దాని డిజైన్లో కనిపించవచ్చు. ఈ కారు లుక్ మునుపటి కంటే మరింత ఆధునికంగా మరియు స్టైలిష్గా ఉంటుంది. ఇందులో కొత్త ఫ్రంట్ గ్రిల్, అప్డేటెడ్ హెడ్ల్యాంప్లు మరియు మార్చబడిన బంపర్ ఇవ్వబడవచ్చు, దీనివల్ల దాని ఫ్రంట్ లుక్ మరింత ఆకర్షణీయంగా కనిపిస్తుంది. దీని డిజైన్ కొద్దిగా SUV లాగా కూడా అనిపించవచ్చు, ఇది ఈ రోజుల్లో కస్టమర్లకు చాలా నచ్చుతుంది. వెనుక భాగంలో స్వల్ప మార్పులు కనిపించవచ్చు, దీనివల్ల కారు మునుపటి కంటే మరింత ప్రీమియంగా కనిపిస్తుంది.
Also Read: : 647km రేంజ్తో స్కోడా Peaq EV ఆవిష్కరణ - ఈ కారు నుంచి ఇంటికి కూడా కరెంటు వాడుకోవచ్చు
కారు ఇంటీరియర్, ఫీచర్లు
ఇంటీరియర్లో కూడా అనేక మార్పులు చేయవచ్చు. కొత్త రెనాల్ట్ క్విడ్లో పెద్ద టచ్స్క్రీన్ ఇన్ఫోటైన్మెంట్ సిస్టమ్ లభించే అవకాశం ఉంది, దీనివల్ల మ్యూజిక్, కాలింగ్ మరియు నావిగేషన్ ఉపయోగించడం సులభం అవుతుంది. దీంతో పాటు, డ్రైవర్కు స్పీడ్, ఫ్యూయల్, ఇతర ముఖ్యమైన సమాచారాన్ని చూపించే డిజిటల్ డిస్ప్లే ఇవ్వనున్నారు. క్యాబిన్ నాణ్యతను మెరుగుపరచవచ్చు. దీనివల్ల లోపల కూర్చునే ఎక్స్పీరియన్స్ గతంలో కంటే మరింత సౌకర్యవంతంగా ఉంటుంది.
ఫీచర్ల విషయానికి వస్తే, ఇందులో పలు మోడ్రన్ ఫీచర్లు రావొచ్చు. ఇందులో ఆండ్రాయిడ్ ఆటో, ఆపిల్ కార్ప్లే వంటి ఫీచర్లు లభిస్తాయి. దీనివల్ల మొబైల్ను కారుతో ఈజీగా కనెక్ట్ చేయవచ్చు. దీంతో పాటు రియర్ పార్కింగ్ కెమెరా, కనెక్టెడ్ కార్ ఫీచర్లు, కొన్ని స్మార్ట్ టెక్నాలజీ లభించవచ్చు. సేఫ్టీ కోసం ఇందులో డ్యూయల్ ఎయిర్బ్యాగ్లు, ABS, EBD వంటి సేఫ్టీ ఫీచర్లు వస్తాయని అంచనా వేస్తున్నారు. ఇవి మీ డ్రైవింగ్ను మరింత సురక్షితంగా చేస్తాయి.
ధర విషయానికి వస్తే, రెనాల్ట్ క్విడ్ Base Model రూ. 4.30 లక్షల ఎక్స్-షోరూమ్ ధరతో విడుదలయ్యే అవకాశం ఉంది. దాంతో హైదరాబాద్లో ఆన్ రోడ్ ధర దాదాపు రూ.5.20 లక్షల వరకు ఉంటుందని అంచా వేశారు. మొదటి కారు కొనుగోలు చేసే వారికి లేదా తక్కువ బడ్జెట్లో స్టైలిష్, ఫీచర్లతో కారు కావాలనుకునే వారికి ఇది మంచి ఎంపిక కావచ్చు.
ఇది కూడా చదవండి: కొత్త కారు కొనేవాళ్లకు అలెర్ట్! డెలివరీకి ముందు కచ్చితంగా పరిశీలించాల్సిన PDI చెక్లిస్ట్
కారు పవర్ ఎలా ఉంటుంది?
రెనాల్ట్ క్విడ్ ఫేస్లిఫ్ట్ ఇంజిన్లో పెద్దగా మార్పులు చేసే అవకాశాలు కనిపించడం లేదు. ఇందులో ఇప్పటికే ఉపయోగంలో ఉన్న 1.0 లీటర్ పెట్రోల్ ఇంజిన్ లభించవచ్చు. ఈ ఇంజిన్ మాన్యువల్, ఆటోమేటిక్ (AMT) రెండు గేర్బాక్స్లతో వస్తుంది. ఈ ఇంజిన్ ముఖ్యంగా సిటీ డ్రైవింగ్కు సరిగ్గా సరిపోతుంది. ఈ అప్డేట్ మోడల్ కారు మంచి మైలేజ్ను కూడా ఇస్తుంది. దాంతో ఇది ఈ సెగ్మెంట్ కస్టమర్లకు చాలా అవసరం.