మీరు తక్కువ ధరలో, మంచి మైలేజీని ఇచ్చే కారును కొనాలని ప్లాన్ చేస్తున్నారా, అయితే మారుతి బ్రెజ్జా (Maruti Brezza) CNG వేరియంట్ మీకు మంచి ఆప్షన్ కావచ్చు. మారుతి బ్రెజ్జా CNGకి నిరంతరం డిమాండ్ పెరుగుతోంది. ఒకవేళ మీరు ఈ కారు కొనేందుకు పూర్తి పేమెంట్ కాకుండా ఫైనాన్స్ ద్వారా కొనుగోలు చేస్తే, ఎంత డౌన్ పేమెంట్తో కారు లభిస్తుంది, ఈఎంఐ ఎంత చెల్లించాలో పూర్తిగా తెలుసుకోవాలి.
కారు ఆన్-రోడ్ ధర ఎంత?
మారుతి సుజుకి బ్రెజ్జా CNGలో LXi CNG వేరియంట్ ప్రారంభ ఎక్స్-షోరూమ్ ధర సుమారు రూ. 9.16 లక్షలు. ఇది నగరాలను బట్టి మారుతుంది. మారుతి సుజుకి బ్రెజ్జాలో RTO ఫీజు, ఇన్సూరెన్స్ ఇతర ఛార్జీలను కలిపితే ఢిల్లీలో దీని ఆన్-రోడ్ ధర దాదాపు రూ. 11,11,929 (11 లక్షల 11 వేలు) వరకు చేరుకుంటుంది.
ప్రతి నెలా EMI ఎంత చెల్లించాలి
మీరు ఈ కారును కొనుగోలు చేసేటప్పుడు రూ. 1 లక్ష డౌన్ పేమెంట్ చేసినట్లు అయితే, సుమారు రూ. 10 లక్షల కార్ లోన్ తీసుకోవాల్సి ఉంటుంది. ఒకవేళ బ్యాంక్ నుండి ఈ లోన్ ఏడాదికి 9 శాతం వడ్డీ రేటుతో 5 ఏళ్ల కాలపరిమితికి లభిస్తే, మీరు ప్రతి నెలా దాదాపు రూ. 20 వేల వరకు EMI చెల్లించాల్సి ఉంటుంది.
మారుతి బ్రెజ్జా CNG పవర్ట్రైన్
మారుతి బ్రెజ్జా సీఎన్జీ పవర్, ఇంజన్ విషయానికి వస్తే మారుతి సుజుకికి చెందిన ఈ SUVలో 1.5 లీటర్ ఇంజన్ అందించారు. ఇది పెట్రోల్, CNG రెండు ఆప్షన్లలో లభిస్తుంది. ఈ వాహనంలో 5 స్పీడ్ మాన్యువల్ గేర్బాక్స్, 6 స్పీడ్ ఆటోమేటిక్ ట్రాన్స్మిషన్ ఆప్షన్ కూడా ఇచ్చారు. పెట్రోల్ మోడ్లో ఈ ఇంజన్ దాదాపు 99 bhp పవర్, అదే సమయంలో 136 Nm టార్క్ను అందిస్తుంది.
CNG మోడ్లో దీని పవర్ కొంచెం తగ్గి దాదాపు 86 bhp అవుతుంది. టార్క్ సుమారు 121.5 Nm జనరేట్ చేస్తుంది. అందువల్ల తక్కువ ఖర్చుతో ఎక్కువ మైలేజీ ఇచ్చే SUVని కొనాలనుకునే వారికి మారుతి బ్రెజ్జా సీఎన్జీ ఈ కారు బెస్ట్ ఆప్షన్లలో ఒకటిగా భావిస్తారు. కస్టమర్ల ఆదరణతో మార్కెట్లో మంచి విక్రయాలతో ఈ మారుతి కారు దూసుకెళ్తోంది.