2025లో సేల్స్లో అట్టడుగున ఉన్న కార్లు ఇవే - పేరు పెద్దది, అమ్మకాలు మాత్రం అతి తక్కువ!
2025లో 14 మాస్ మార్కెట్ బ్రాండ్లలో అతి తక్కువగా అమ్ముడైన కార్లు ఇవే. మంచి ఫీచర్లు ఉన్నా అమ్మకాలు ఎందుకు పడిపోయాయి? కారణాలు తెలుసుకోండి.
Lowest Selling Cars India 2025: సాధారణంగా కార్ల అమ్మకాల గురించి మాట్లాడితే టాప్ 10 కార్ల గురించే ఎక్కువగా చర్చిస్తాం. ఏ కారు ఎక్కువగా అమ్ముడైంది? ఏ బ్రాండ్ దూసుకుపోతోంది? ఇవే ఫోకస్. కానీ అట్టడుగున ఉన్న కార్లు కూడా మార్కెట్ ట్రెండ్ గురించి చాలా బాగా చెప్పగలవు.
2025 సంవత్సరానికి సంబంధించిన అమ్మకాల గణాంకాలను పరిశీలిస్తే, 14 మాస్ మార్కెట్ బ్రాండ్లలో కొన్ని కార్లు ఆశ్చర్యకరంగా చాలా తక్కువగా అమ్ముడయ్యాయి. ఆసక్తికరమైన విషయం ఏమిటంటే, వీటిలో ఎక్కువ కార్లు ఫీచర్లు, పనితీరు పరంగా ఏమాత్రం తక్కువ కాదు.
నిస్సాన్ - Magnite (22,493 యూనిట్లు)
ఒక్క మోడల్తోనే కొనసాగుతున్న నిస్సాన్కి Magnite ఒకే ఆప్షన్. ధర పరంగా ఆకర్షణీయంగా ఉన్నా, Tata Punch, Maruti Brezza, Tata Nexon వంటి SUVలతో పోలిస్తే అమ్మకాలు చాలా తక్కువగా వచ్చాయి.
టాటా - Tigor & Tigor EV (12,859 యూనిట్లు)
టాటా వద్ద ఉన్న రెండు సెడాన్లు ఇవే. కానీ SUVల ట్రెండ్ పెరగడంతో కొనుగోలుదారులు Punch, Nexon వైపు మొగ్గు చూపుతున్నారు. కొత్త తరం Dzire, Amaze వంటి కార్ల పోటీ కూడా ప్రభావం చూపింది.
హోండా - City (8,135 యూనిట్లు)
ఒకప్పుడు మిడ్సైజ్ సెడాన్లలో టాప్లో ఉండే City ఇప్పుడు అమ్మకాల పరంగా అట్టడుగున ఉంది. Hyundai Verna, Volkswagen Virtus, Skoda Slavia వంటి కార్ల పోటీ, టర్బో పెట్రోల్ ఆప్షన్ లేకపోవడం కారణాలుగా కనిపిస్తున్నాయి.
రెనాల్ట్ - Kwid (5,500 యూనిట్లు)
10 ఏళ్లుగా మార్కెట్లో ఉన్న Kwid ఇటీవల పెద్ద అప్డేట్ పొందలేదు. ఎంట్రీ లెవెల్ సెగ్మెంట్ మందగించడం, కొత్త మోడల్ లేకపోవడం వల్ల అమ్మకాలు తగ్గాయి.
మారుతి సుజుకి - Invicto (3,946 యూనిట్లు)
రూ. 25 లక్షల ప్రారంభ ధరతో వచ్చిన Invicto పెద్దగా అమ్ముడుకాలేదు. అదే ప్లాట్ఫామ్పై ఉన్న Toyota Innova Hycross మంచి అమ్మకాలు సాధించడం ఆసక్తికరం. బ్రాండ్ ఇమేజ్ ఇక్కడ ప్రభావం చూపిందని చెప్పొచ్చు.
మహీంద్రా - XUV400 (2,823 యూనిట్లు)
పాత ప్లాట్ఫామ్పై వచ్చిన ఈ ఎలక్ట్రిక్ SUVకు Nexon EV వంటి మోడల్ నుంచి గట్టి పోటీ ఉంది. అందుకే అమ్మకాలు పరిమితమయ్యాయి.
స్కోడా - Kodiaq (1,477 యూనిట్లు)
రూ. 46.89 లక్షల ప్రారంభ ధరతో వచ్చిన కొత్త Kodiaq ధర పెరగడం, డీజిల్ ఆప్షన్ లేకపోవడం వల్ల కొనుగోలుదారులు వెనక్కి తగ్గినట్లు కనిపిస్తోంది.
టయోటా - Land Cruiser (558 యూనిట్లు)
రూ. 2.16 కోట్ల ప్రారంభ ధర. పూర్తిగా దిగుమతి మోడల్. భారీ టాక్స్ ఉన్నా 558 యూనిట్లు అమ్ముడవడం కూడా పెద్ద విషయం.
MG - Gloster (422 యూనిట్లు)
Fortunerతో పోలికలో Gloster వెనుకబడింది. ఫీచర్లు ఉన్నా బ్రాండ్ ప్రభావం తక్కువగా కనిపించింది.
వోక్స్వ్యాగన్ - Tiguan (339 యూనిట్లు)
రూ. 49 లక్షల ధరతో వచ్చిన R-Line వేరియంట్ ఫీచర్ల లోపం, అధిక ధర కారణంగా పెద్దగా అమ్ముడుకాలేదు.
హ్యుందాయ్ - Ioniq 5 (234 యూనిట్లు)
ప్రీమియం ఎలక్ట్రిక్ SUVగా మంచి పేరు ఉన్నా, BMW, Volvo, Tesla వంటి బ్రాండ్ల పోటీ ప్రభావం చూపింది.
జీప్ - Grand Cherokee (92 యూనిట్లు)
రూ. 63 లక్షల ధర. డీజిల్ ఆప్షన్ లేకపోవడం, పరిమిత సర్వీస్ నెట్వర్క్ కారణంగా అమ్మకాలు తగ్గాయి.
కియా - EV9 (20 యూనిట్లు)
రూ. 1.3 కోట్ల ధరతో దిగుమతి మోడల్. బ్రాండ్ అవగాహన తక్కువగా ఉండటం సేల్స్పై ప్రభావం చూపింది.
సిట్రోయెన్ - C5 Aircross (5 యూనిట్లు)
రూ. 37.32 లక్షల ధర. ముఖ్యమైన ఫీచర్లు లేకపోవడం, బ్రాండ్ గుర్తింపు తక్కువగా ఉండటం వల్ల కేవలం 5 యూనిట్లు మాత్రమే అమ్ముడయ్యాయి.
మార్కెట్లో నిలవడం అంటే కేవలం ఫీచర్లు, పనితీరు మాత్రమే కాదు. ధర, బ్రాండ్ ఇమేజ్, సర్వీస్ నెట్వర్క్, వినియోగదారుల అభిరుచి అన్నీ కలిసి పనిచేస్తాయి. 2025 అమ్మకాల గణాంకాలు ఒక విషయాన్ని మాత్రం స్పష్టంగా చెబుతున్నాయి - SUVలే ఇప్పుడు మార్కెట్ను నడిపిస్తున్నాయి. సెడాన్లు, ఎంట్రీ లెవెల్ హ్యాచ్బ్యాక్లు, ప్రీమియం దిగుమతి మోడల్లు మాత్రం కష్టాల్లో ఉన్నాయి.
ఇంకా ఇలాంటి ఆటోమొబైల్ వార్తలు & అప్డేట్స్ - "ABP దేశం" 'ఆటో' సెక్షన్ని ఫాలో అవ్వండి.
టాప్ హెడ్ లైన్స్
ట్రెండింగ్ వార్తలు
