Honda Cars Discounts: హోండా కార్లపై భారీ డిస్కౌంట్ల వర్షం: ఈనెలలో బై చేస్తే రూ. 1.97 లక్షల వరకు ఆదా చేసే ఛాన్స్!

Honda Cars Discounts: హోండా కార్స్ ఇండియా మార్చి 2026 కు గానూ అదిరిపోయే కస్టమర్ ఆఫర్లను ప్రకటించింది. హోండా సిటీ, ఎలివేట్, అమేజ్ మోడళ్లపై గరిష్టంగా రూ. 1.97 లక్షల వరకు ప్రయోజనాలు లభిస్తున్నాయి.

హోండా కార్లపై భారీ డిస్కౌంట్ల వర్షం: ఈనెలలో బై చేస్తే రూ. 1.97 లక్షల వరకు ఆదా చేసే ఛాన్స్!

Source : X.com

Show Quick Read

Key points generated by AI, verified by newsroom

• హోండా కార్లపై మార్చి నెలకు భారీ తగ్గింపులు అందుబాటులో ఉన్నాయి.
• హోండా సిటీ హైబ్రిడ్ పై రూ. 1.97 లక్షల వరకు ఆదా.
• హోండా ఎలివేట్, అమేజ్ మోడళ్లపై కూడా ఆకర్షణీయమైన ఆఫర్లు.
• కారు కొనుగోలుదారులకు మార్చి నెల మంచి అవకాశాన్ని కల్పిస్తోంది.

Honda Cars  Discounts: కొత్త కారు కొనాలనుకునే వారికి హోండా కార్స్ ఇండియా తీపి కబురు అందించింది. మార్చి 2026 నెలకు సంబంధించి తన మొత్తం మోడళ్లపై స్పెష‌ల్ డిస్కౌంట్ ను సంస్థ వెల్లడించింది. ఇందులో హోండా సిటీ సెడాన్, ఎలివేట్ ఎస్‌యూవీ, అమేజ్ కాంపాక్ట్ సెడాన్ వంటి కార్లు ఉన్నాయి. వినియోగదారులు ఎంచుకునే మోడల్, వేరియంట్‌ను బట్టి గరిష్టంగా రూ. 1.97 లక్షల వరకు నగదు ఆదా చేసుకునే వీలుంది.

హోండా సిటీ హైబ్రిడ్‌పై హైయెస్ట్ డిస్కౌంట్..

ఈ నెల హోండా అందిస్తున్న ఆఫర్లలో 'సిటీ హైబ్రిడ్' వెర్షన్ అగ్రస్థానంలో నిలిచింది. దీనిపై మొత్తం రూ. 1.97 లక్షల వరకు బెనిఫిట్స్ అందుబాటులో ఉన్నాయి. ఇది 1.5 లీటర్ స్ట్రాంగ్ హైబ్రిడ్ సిస్ట‌మ్ తో పనిచేస్తూ 126 హెచ్‌పి ప‌వ‌ర్ ని ఇస్తుంది. లీటరుకు 27.1 కిలోమీటర్ల మైలేజీని అందిస్తూ సెగ్మెంట్‌లోనే అత్యంత సమర్థవంతమైన సెడాన్‌గా గుర్తింపు పొందింది. కేవలం పెట్రోల్‌తో నడిచే సిటీ సెడాన్ వేరియంట్లపై కూడా రూ. 1.56 లక్షల వరకు ఆఫర్లు ఉన్నాయి.

ఎలివేట్ ఎస్‌యూవీపై అన్ బిలీవ‌బుల్ ఆఫర్లు

మిడ్-సైజ్ ఎస్‌యూవీ విభాగంలో హ్యుందాయ్ క్రెటా, కియా సెల్టోస్ వంటి కార్లకు గట్టి పోటీ ఇస్తున్న 'హోండా ఎలివేట్' పై మార్చి నెలలో రూ. 1.56 లక్షల వరకు  బెనిఫిట్స్ లభిస్తున్నాయి. ఇందులో 1.5 లీటర్ నేచురల్లీ ఆస్పిరేటెడ్ పెట్రోల్ ఇంజిన్‌ను అమర్చారు. ఇది 6-స్పీడ్ మాన్యువల్, సీవీటీ ఆటోమేటిక్ గేర్‌బాక్స్ ఆప్షన్లలో అందుబాటులో ఉంది. పెట్రోల్ ఎస్‌యూవీని ఇష్టపడే వారికి ఈ ఆఫర్ అద్భుతమైన చాన్స్ అని చెప్ప‌వ‌చ్చు.

హోండా అమేజ్ పై..

కాంపాక్ట్ సెడాన్ విభాగంలో హోండా అమేజ్ రెండు వెర్షన్లపై కూడా మైండ్ బ్లోయింగ్ డీల్స్ ఉన్నాయి. సెకండ్ జనరేషన్ అమేజ్‌తో పాటు లేటెస్ట్ మోడళ్లపై రూ. 77,000 కంటే ఎక్కువ విలువైన ప్రయోజనాలను పొందవచ్చు. ఇవి 1.2 లీటర్ పెట్రోల్ ఇంజిన్‌తో వస్తూ సిటీ ప్రయాణాలకు ఎంతో అనువుగా ఉంటాయి. అయితే ఈ ఆఫర్లు  సిటీని బ‌ట్టి, డీలర్‌షిప్ వద్ద ఉన్న స్టాక్, ఎంచుకున్న వేరియంట్‌ను బట్టి మారే అవకాశం ఉంటుంది. ఖచ్చితమైన వివరాల కోసం వినియోగదారులు తమ సమీపంలోని హోండా షోరూమ్‌ను సంప్రదించడం మంచిది. హోండా కార్లను తక్కువ ధరకే సొంతం చేసుకోవడానికి ఈ మార్చి నెల సరైన సమయంగా కనిపిస్తోందని విశ్లేష‌కులు పేర్కొంటున్నారు.

మరిన్ని చదవండి

మారుతి సుజుకి డిజైర్, హోండా అమేజ్‌లో  ఏది తక్కువ EMIకి వస్తుంది? 

హోండా EV కలలు ఆగిపోయాయా? ప్లాన్‌లను ఎందుకు రద్దు చేసింది?