భారత ఆటో మార్కెట్లో మన్నికైన, నమ్మకమైన, అధిక మైలేజ్ ఇచ్చే బైక్ అనగానే మీకు ముందుగా Hero Splendor Plus పేరు గుర్తుకొస్తుంది. రోజూ ఆఫీసుకు వెళ్లేవారికి లేదా గ్రామం నుంచి టౌన్లకు మట్టి, పక్కా రోడ్లపై ప్రయాణించడం అయనా సరే ఎన్నో సంవత్సరాలుగా ప్రతి సామాన్యుడి తొలి ఎంపికగా హీరో స్ప్లెండర్ ప్లస్ నిలుస్తోంది. కొత్త బైక్ కొనాలని ఆలోచిస్తున్నా, ఒకేసారి మొత్తం డబ్బు చెల్లించడం మీ వల్ల కాకపోతే మీ కోసమే ఈ వార్త.
ఇప్పుడు కేవలం 10,000 రూపాయల డౌన్ పేమెంట్ చెల్లించి ఈ బెస్ట్ బైక్ను ఇంటికి తీసుకెళ్లవచ్చు. పలు బ్యాంకులు, ఫైనాన్స్ కంపెనీల ఫైనాన్స్ ఆప్షన్లు కొత్త బైక్ కొనుగోలును సాధ్యం చేస్తున్నాయి. దీంతో మీ ఒకేసారి ధర చెల్లించకున్నప్పటికీ బడ్జెట్ ధరకే బైక్ సొంతం చేసుకోండి. కార్ లోన్ ఈఎంఐ పద్దతుల వివరాలు అందిస్తున్నాం.
ఆన్-రోడ్ ధర
హైదరాబాద్లో Hero Splendor Plus ప్రారంభ ఎక్స్-షోరూమ్ ధర దేశంలోని వివిధ రాష్ట్రాల ప్రకారం సుమారు రూ.78,000 ఉంటుంది. ఇందులో RTO రిజిస్ట్రేషన్, ఇన్సూరెన్స్, ఇతర పన్నులు కలిపితే దీని ఆన్-రోడ్ ధర సుమారు 93,000 రూపాయల వరకు చేరుతుంది. ఇప్పుడు మీరు 10,000 రూపాయల డౌన్ పేమెంట్ చెల్లిస్తే, మిగిలిన మొత్తం అంటే సుమారు 83,000 రూపాయల వరకు బ్యాంక్ నుంచి టూ-వీలర్ లోన్ అవుతుంది. ఫైనాన్స్ కంపెనీలు కస్టమర్ల CIBIL స్కోర్, అర్హత ఆధారంగా ఆన్-రోడ్ ధరలో 85 నుంచి 90 శాతం వరకు లోన్ను మంజూరు చేస్తాయి. దీంతో మీరు మీ బైక్ను సులభంగా ఫైనాన్స్ చేయించుకోవచ్చు.
Also Read: KTM 390 Duke ఒకటే.. కానీ ఇంజిన్ వేరు, ధర వేరు - మీకు సరిపోయే వేరియంట్ ఏది?
ఎంత EMI అవుతుంది?
లోన్లో మిగిలిన మొత్తంపై వచ్చే వాయిదా పూర్తిగా మీరు ఎంచుకున్న లోన్ టెన్యూర్ అంటే గడువు, వడ్డీ రేటుపై ఆధారపడి ఉంటుంది. మీరు బ్యాంక్ నుంచి 9.5 నుంచి 10 శాతం సగటు వార్షిక వడ్డీ రేటుతో 3 సంవత్సరాల కోసం లోన్ తీసుకుంటే, ప్రతి నెల సుమారు 2,644 రూపాయల EMI చెల్లించాల్సి ఉంటుంది.
ఒకవేళ 4 ఏళ్లకు లోన్ తీసుకుంటే EMI రూ.2059 చెల్లించాలి. 5 ఏళ్లకుగానూ వెహికల్ లోన్ తీసుకుంటే కనుక ప్రతినెలా ఈఎంఐ 1711
ముఖ్యమైన విషయాలను గమనించండి
10 వేలు చెల్లించి బైక్ను ఇంటికి కొనుగులు చేయడం అద్భుతమైన ఆఫర్ అయినప్పటికీ, షోరూమ్కు వెళ్లే ముందు కొన్ని అవసరమైన పత్రాల వివరాలు తెలుసుకోండి. బ్యాంక్ లోన్ ప్రక్రియ కోసం మీ వద్ద ఆధార్ కార్డు, బ్యాంక్ పాస్బుక్, ఆదాయ రుజువు, పాన్ కార్డు లేదా ప్లే స్లిప్ ఉండాలి.
మీ క్రెడిట్ స్కోర్ బాగుంటే, బ్యాంక్ మీకు తక్కువ వడ్డీ రేటుతో, అధిక ప్రాసెసింగ్ ఫీజు లేకుండా లోన్ ఆఫర్ చేయవచ్చు. షోరూమ్కు వెళ్లి ఛార్జీలు, ఫైల్ ఛార్జ్, ప్రీ-పేమెంట్ పెనాల్టీల గురించి తెలుసుకోవాలి. దాంతో మీపై అదనపు భారం పడదు.
Splendor ఎందుకు ఫస్ట్ ఛాయిస్గా ఉంటోంది
స్ప్లెండర్ ప్లస్ బైక్లో 97.2 సీసీ ఎయిర్-కూల్డ్, సింగిల్ సిలిండర్ ఫ్యూయల్-ఇంజెక్టెడ్ ఇంజిన్ వస్తుంది. ఇది 8.02 పీఎస్ పవర్, బెస్ట్ టార్క్ను ఉత్పత్తి చేస్తుంది. దీని అతిపెద్ద ప్రత్యేకత దీని మైలేజ్ అని చెబుతారు. ఇది రియల్-వరల్డ్లో కూడా 65 నుంచి 70 కిలోమీటర్లు సులభంగా ఇస్తుంది.
అదనంగా, ఇందులో i3S టెక్నాలజీ.. ఇది ట్రాఫిక్ సిగ్నల్ వద్ద బైక్ నిలిచినప్పుడు ఇంజిన్ను ఆటోమేటిక్గా ఆఫ్ చేస్తుంది. క్లచ్ నొక్కగానే మళ్లీ స్టార్ట్ అవుతుంది. దీంతో పెట్రోల్ వినియోగం ఆదా అవుతుంది.