Hero HF 100 Diwali 2025 EMI Offer: మన గ్రామాల్లో చూసినా, పట్టణాలు & నగరాల్లో చూసినా.. ప్రతి చోటా హీరో HF 100 కనిపిస్తుంది. ఇది మన ప్రాంతంలో ఒక ప్రసిద్ధ కమ్యూటర్ బైక్. అంటే, రోజువారీ వినియోగానికి చక్కగా పని కొచ్చే టూవీలర్. ఈ బైక్ గ్రామీణ ప్రాంతాల్లో ఎక్కువగా పాపులర్ అయింది. జీఎస్టీ (GST 2025) తగ్గింపు తర్వాత, హీరో HF 100 బైక్ ఎక్స్-షోరూమ్ ధర రూ. 60,489 కు తగ్గింది. మీరు, ఈ కామన్ మ్యాన్ టూవీలర్ను కొనడానికి ఒకేసారి డబ్బు మొత్తం చెల్లించాల్సిన అవసరం లేదు, EMI స్కీమ్లో నెలకు కొంచం కొంచం జమ చేయపచ్చు.
ఆన్-రోడ్ ధరతెలుగు రాష్ట్రాల్లో, ఈ కమ్యూటర్ మోటర్ సైకిల్ ఆన్-రోడ్ ధర దాదాపు రూ. 76,000. ఇందులో, ఎక్స్-షోరూమ్ ధర రూ. 60,489 + రిజిస్ట్రేషన్ ఛార్జీలు దాదాపు రూ. 8,800 + బీమా దాదాపు రూ. 6,200 కూడా ఉన్నాయి. ఈ ఆన్-రోడ్ ధర నగరం & డీలర్షిప్ను బట్టి కొద్దిగా మారవచ్చు.
లోన్ కోసం ఎంత డౌన్ పేమెంట్ అవసరం? హీరో HF100 కొనడానికి, మీరు ₹15,000 డౌన్ పేమెంట్ చేసినా సరిపోతుంది. మిగిలిన ₹61,000 కోసం బైక్ లోన్ తీసుకోవాలి. బ్యాంక్, మీకు ఈ రుణాన్ని సంవత్సరానికి 9% వడ్డీ రేటుతో ఇచ్చిందని అనుకుందాం. ఇప్పుడు, ఫైనాన్స్ ప్లాన్ చూద్దాం.
3 సంవత్సరాల్లో బైక్ లోన్ తీర్చేయాలనుకుంటే నెలకు రూ. 2,132 EMI చెల్లించాలి.
2 సంవత్సరాల్లో బైక్ లోన్ తీర్చేయాలనుకుంటే నెలకు రూ. 2,972 EMI చెల్లించాలి.
1 సంవత్సరాల్లో బైక్ లోన్ తీర్చేయాలనుకుంటే నెలకు రూ. 5,490 EMI చెల్లించాలి.
బైక్ లోన్, వడ్డీ రేటు వంటివి మీ క్రెడిట్ స్కోర్, బ్యాంక్ విధానాలపై ఆధారపడి ఉంటాయి.
హీరో HF 100 ఫీచర్లుహీరో HF 100 బైక్... 97.2 cc, 4 స్ట్రోక్, సింగిల్-సిలిండర్, OHC ఇంజిన్తో పని చేస్తుంది, ఇది 5.9 kW శక్తిని & 8.05 Nm టార్క్ను ఇస్తుంది. ఈ టూవీలర్ గరిష్ట వేగం గంటకు 90 km. ఈ బండి మొత్తం బరువు 110 కిలోలు. దీని పొడవు 1965 mm, వెడల్పు 720 mm & ఎత్తు 1045 mm. దీని గ్రౌండ్ క్లియరెన్స్ 165 mm, వీల్ బేస్ 1235 mm & కర్బ్ ఎత్తు 805 mm. హీరో HF 100 లో ముందు & వెనుక 130 mm డ్రమ్ బ్రేక్లు ఉన్నాయి. ముందు భాగంలో టెలిస్కోపిక్ ఫోర్కుల ద్వారా సస్పెన్షన్ & వెనుక భాగంలో టు-స్టెప్ అడ్జస్టబుల్ హైడ్రాలిక్ షాక్ అబ్జార్బర్లతో స్వింగ్ఆర్మ్ ఉంది.
హీరో హెచ్ఎఫ్ 100 ఎంత మైలేజ్ ఇస్తుంది?ఈ టూవీలర్ ఫ్యూయల్ ట్యాంక్ కెపాసిటీ 9.1 లీటర్లు. కంపెనీ డేటా ప్రకారం, ఈ హీరో బైక్ లీటరుకు 70 km మైలేజీ ఇస్తుంది. ఈ లెక్కన, ట్యాంక్ ఫుల్ చేస్తే 630 కిలోమీటర్లు వెళ్లిపోవచ్చు.
హీరో HF 100... బజాజ్ CT 100, TVS స్పోర్ట్, TVS రేడియన్ & హోండా షైన్ 100 వంటి ఎంట్రీ లెవల్ 100 cc కమ్యూటర్ బైక్లతో పోటీ పడుతుంది.