హీరో గ్లామర్‌ ఎక్స్‌ 125 vs హోండా ఎస్పీ 125; మైలేజీ, ధర, ఐదేళ్ల మెయింటెనెన్స్‌ ఖర్చుల వివరాలు ఇవే! ఏ బైక్ కొంటే లాభం?

Hero Glamour X 125 vs Honda SP 125: హీరో గ్లామర్‌ ఎక్స్‌ 125, హోండా ఎస్పీ 125 మధ్య ఉన్న వ్యత్యాసాలు, ఐదేళ్ల నిర్వహణ ఖర్చులు, రీసేల్‌ విలువపై సమగ్ర విశ్లేషణ ఇక్కడ చూడొచ్చు. 

హీరో గ్లామర్‌ ఎక్స్‌ 125 vs హోండా ఎస్పీ 125; మైలేజీ, ధర, ఐదేళ్ల మెయింటెనెన్స్‌ ఖర్చుల వివరాలు ఇవే! ఏ బైక్ కొంటే  లాభం?

Source : Social Media

Show Quick Read

Key points generated by AI, verified by newsroom

Hero Glamour X 125 vs Honda SP 125 Comparison: భారతీయ టూవీలర్‌ మార్కెట్‌లో 125 సీసీ సెగ్మెంట్‌ అత్యంత కీలకమైనది. రోజు వారీ ప్రయాణాలు చేసే మధ్యతరగతి వినియోగదారులకు మైలేజీ, స్టైల్‌, నిర్వహణ ఖర్చు ప్రధాన ప్రాధాన్యతలు. ఈ విభాగంలో హీరో గ్లామర్‌ ఎక్స్‌ 125, హోండా ఎస్పీ 125 మధ్య పోరు తీవ్ర స్థాయిలో ఉంది. ఒకవైపు హీరో మోటోకార్ప్‌ తన గ్లామర్‌ బ్రాండ్‌ను అత్యాధునిక టెక్నాలజీతో అప్‌డేట్ చేయగా, మరోవైపు హోండా తన ఎస్పీ 125 ద్వారా నమ్మకమైన ఇంజిన్‌, ప్రీమియం ఫీలింగ్‌ను అందిస్తోంది. 

ఈ రెండు బైక్‌లలో ఏది నిజంగా లాభదాయకం, ఐదేళ్ల వాడకం తర్వాత మీ జేబులో ఎంత మిగులుతుంది. అనే వాస్తవాలను డేటా ఆధారంగా చూద్దాం. పెట్రోల్‌ ధరలు పెరిగిన వేళ, కేవలం కొనుగోలు ధర మాత్రమే కాకుండా, టోటల్ కాస్ట్ ఆఫ్‌ ఓనర్‌ షిప్‌ ఆధారంగా నిర్ణయం తీసుకోవడం ఇప్పుడు ప్రతి వాహనదారుడికి తప్పనిసరి అయ్యింది. 

భారతీయ మార్కెట్‌లో హీరో, హోండా రెండు పవర్‌ఫుల్‌ బ్రాండ్‌లు. హీరో గ్లామర్‌ X125 తన ఎక్స్‌టెక్ వేరియంట్‌తో టెక్ సావీ రైడర్‌లను ఆకట్టుకుంటోంది. మరోవైపు హోండా ఎస్పీ 125 రిఫైన్డ్‌ ఇంజిన్ బ్రాండ్‌ వాల్యూతో దూసుకుపోతోంది. సోర్స్ ప్రకారం, ఈ రెండు బైక్‌లు 2026 మోడల్స్‌లో బీఎస్‌ 6 ఫేజ్ 2 ప్రమాణాలకు అనుగుణంగా రూపొందించారు. 

హీరో గ్లామర్‌ ఎక్స్‌ 125 ప్రధానంగా యూత్‌ను, ఫీచర్లను కోరుకునే వారిని టార్గెట్‌గా చేసుకుంది. హోండా ఎస్పీ 125 సైలెంట్‌ స్టార్ట్, స్మూత్‌ ఇంజిన‌ను కోరుకునే ఫ్యామిలీ, సిటీ కమ్యూటర్లను ఆకట్టుకుంటోంది.  

ఏబైక్ కొనడానికి ఎంత ఖర్చు పెట్టాలి?

ధర విషయంలో ఈ రెండు బైక్‌ల మధ్య స్పష్టమైన వ్యత్యాసం ఉంది. సోర్స్‌ ప్రకారం, హీరో గ్లామర్‌ ఎక్స్‌ 125 సాధారణంగా హోండా ఎస్పీ 125 కంటే తక్కువ ధరలో లభిస్తుంది. 

తెలుగు రాష్ట్రాల్లో హీరో గ్లామర్‌ ఎక్స్‌ 125 బేస్ వేరియంట్‌ 84, 331 రూపాయలు నుంచి ప్రారంభమవుతుంది. ఆన్‌ రోడ్ ర సుమారు 97వేల నుంచి 1,11,000 మధ్య ఉంటుంది. హోండా ఎస్పీ  125 బేస్‌ వేరియంట్‌ 88,750 నుంచి ప్రారంభమవుతుంది. ఆన్‌ రోడ్‌ ధర సుమారు 1, 02, 000 నుంచి 1, 08, 000 మధ్య ఉంది. హీరో గ్లామర్‌ ఎక్స్ టాప్ వేరియంట్‌ ఎక్స్ షోరూమ్ ధర 99,999 రూపాయలు ఉంటే హోండా ఎస్పీ 125 టాప్ వేరియంట్‌ 1,03,000 రూపాయలు ఉంది. మొత్తంగా చూస్తే హీరో మోడల్‌ హోండా కంటే నాలుగు వేల నుంచి ఐదు వేల వరకు తక్కువ ధరకు లభిస్తోంది. 

ఇంజిన్ పని తీరు

టెక్నికల్‌గా ఈ రెండు బైక్‌లు 125cc ఇంజిన్‌‌లు కలిగి ఉన్నా, వాటి పని తీరులో చాలా తేడాలు ఉన్నాయి. హీరో గ్లామర్‌ ఎక్స్‌ 125 బైక్‌ 124.7 సీసీ ఇంజిన్‌ కలిగి ఉంది. 11.5 PS, 10.5Nm టార్క్‌ను ఉత్పత్తి చేస్తోంది. ఇది హైవే రైడింగ్‌కు, ఎక్కువ స్పీడ్‌ వెళ్లే వాళ్లకు అనుకూలంగా ఉంటుంది. హోండా ఎస్పీ 125 వెహికల్‌ 123.94 సీసీ ఇంజిన్ కలిగి ఉంది. ఇది 10.87 PS పవర్‌, 10.9Nm టార్క్‌ను ఉత్పత్తి చేస్తుంది. హోండా ఇంజిన్ రిఫైన్‌మెంట్‌, పికప్‌ విషయంలో ముందంజలో ఉంది. 

మైలేజీ విషయంలో దేని సత్తా ఎంత?

మైలేజీ విభాగంలో రెండు బైక్‌ల మధ్య తీవ్రమై పోటీ ఉంది. హీరో గ్లామర్‌ ఎక్స్‌ 125 లీటర్‌కు 65కిలో మీటర్లు నడుస్తుందని చెబుతుంది. వాస్తవ పరిస్థితుల్లో ఇది 53-65 వరకు ఉంటుందని వినియోగదారులు రివ్యూల్లో చెబుతున్నారు. హోండా ఎస్పీ 125 విషయంలో లీటర్‌కు 63-65 కిలోమీటర్లు వరకు ఉంటుందని కంపెనీ అధికారికంగా పేర్కొంది. కానీ వాస్తవంగా ఇది 62-65 కిలోమీటర్లుగా ఉంటుందని రిపోర్టులు చెబుతున్నాయి. 

ఫీచర్ల విషయంలో రెండు బైక్‌ల మధ్య ఉన్న తేడా?

ఫీచర్ల విషయంలో హీరో గ్లామర్‌ ఎక్స్‌ 125 కాస్త భిన్నంగా ఉంది. సెగ్మెంట్‌ ఫస్ట్‌ క్రూయజ్‌ కంట్రోల్‌‌, 3 రైడ్‌మోడ్స్‌, బ్లూటూత్‌ టీఎఫ్‌టీ డిస్‌ప్లే, నావిగేషన్, యూఎస్‌బీ టైప్‌ సీ ఛార్జింగ్‌ పోర్ట్‌ వంటి అధునాతన ఫీచర్లు ఉన్నాయి. హోండా ఎస్పీ 15లో డిజిటట్‌ మీటర్, రియల్‌ టైమ్‌ మైలేజీ సమాచారం, గేర్‌ పొజిషన్ ఇండికేటర్‌, సైలెంట్‌ స్టార్ట్‌ ఫీచర్లను కలిగి ఉంది. 

మెయింటనెన్స్‌, సర్వీస్ ఖర్చులో తేడా ఎంత?

హీరో గ్లామర్‌  వార్షిక మెయింటెనెన్స్‌ రెండు వేల నుంచి మూడు వేల వరకు ఉంటుంది. ఐదు ఫ్రీ సర్వీస్‌లు అందిస్తోంది. వారంటీ ఐదేళ్లు ఉంది, లేదా బైక్ 70వేల కిమీటర్లు వరకు ఉంది. రెండింటిలో ఏది త్వరగా అయితే వారి అప్పటి వరకే ఉంటుంది. హోండా విషయంలో వార్షిక మెయింటెనెన్స్‌ పదిహేను వందల నుంచి రెండు వేల ఐదు వందల వరకు ఉంది. మూడు ఫ్రీ సర్వీస్‌లు మాత్రం ఇస్తోంది. వారంటీ మూడేళ్లు ఇచ్చారు. లేదా 42 వేల కిలోమీటర్లు పూర్తి అయ్యే వరకు వారంటీ ఉంటుంది. 

రీ సేల్ వాల్యులో ఎవరి విలువ ఎంత?

ఐదేళ్ల తర్వాత బైక్ అమ్మాలని అనుకుంటే హోండా ఎస్పీ 125 అత్యుత్తమ విలువను ఇస్తుంది. ఇది మూడు నుంచి ఐదేళ్ల తర్వాత బైక్ ధర అరవై నుంచి డబ్భై శాతం తగ్గుతుంది. అంటే దీని విలువ యాభై నుంచి అరవై వేలు మధ్య ఉంటుంది. హీరో గ్లామర్‌ ఎక్స్‌ 125 బైక్ విలువ ఐదేళ్ల తర్వాత నలబై ఐదు నుంచి యాభై శాతంగా ఉంటుంది. అంటే ఇది కూడా నలభై ఐదు వేల నుంచి యాభై వేల మధ్య  అమ్ముకోవచ్చు. 

ఐదేళ్ల ఓనర్‌ షిప్‌ కాస్ట్ రిపోర్ట్

సంవత్సరానికి పదివేల కిలోమీటర్లు ప్రయాణం, పెట్రోల్ ధర వంద రూపాయలు ఉంటే ఐదేళ్ల ఓనర్‌షిప్‌ కాస్ట్ ఇలా ఉంటుంది. 

హీరో గ్లామర్‌ ఎక్స్ 125	హోండా ఎస్పీ 125
ఆన్‌రోడ్‌ ధర- రూ. లక్ష	ఆన్‌రోడ్ -రూ. 1,05,000
ఐదేళ్ల ప్యూయల్ ఖర్చు రూ. 77వేలు	ఐదేళ్ల ఫ్యూయల్ ఖర్చు -రూ.80 వేలు
మెయింటెనెన్స్‌- రూ. 12 వేలు	మెయింటెనెన్స్‌-రూ. 10వేలు
ఇన్సూరెన్స్‌ -రూ. 14వేలు	ఇన్సూరెన్స్‌-రూ. 14వేలు
రీసేల్‌ విలువ-రూ. 50వేలు	రీసేల్‌ విలువ-రూ.60వేలు
నికర ఖర్చు-  రూ. 1,53,000	నికర ఖర్చు -రూ.1, 50,000

ఎవరు ఏ బైక్ తీసుకుంటే మంచిది?

మీరు సిటీలో ఎక్కువగా ప్రయాణిస్తూ, తక్కువ మెయింటెనెన్స్‌, రీసేల్ విలువ కోరుకుంటే హోండా ఎస్పీ 125 ఉత్తమ ఎంపిక అవుతుంది. అదే మీకు స్టైల్, లేటెస్ట్ ఫీచర్స్ కావాలంటే హైవేపై ఎక్కువ పవర్ కావాలనుకుంటే హీరో గ్లామర్‌ ఎక్స్‌ 125 సరైన ఎంపిక. 

మరిన్ని చదవండి

మారుతి స్విఫ్ట్‌ vs టాటా పంచ్‌: 5 ఏళ్ల ఓనర్‌షిప్‌ కాస్ట్‌, మైలేజీ పూర్తి తేడా తెలుసుకోండి? ఏ కారులో మీకు డబ్బు ఆదా?

హోండా యాక్టివా 125 vs సుజుకి యాక్సెస్‌ 125లో కింగ్ ఎవరు? సిటీ రైడర్లకు ఏది మంచిది?