Hero Destini 110 Mileage: డైలీ ఆఫీస్కి వెళ్లే వాళ్లు, కుటుంబ అవసరాల కోసం స్కూటర్ కొనాలని చూసే వాళ్లు ఎక్కువగా అడిగే ప్రశ్న ఒక్కటే - “మైలేజ్ ఎంత ఇస్తుంది?”. అందుకే, ఆటో ఎక్స్పర్ట్లు హీరో డెస్టిని 110 స్కూటర్ను సిటీ రోడ్లపై, హైవేపై పరీక్షించి నిజ జీవిత మైలేజ్ ఎంత వచ్చిందో తెలుసుకున్నారు.
హీరో డెస్టిని 110లో 110.9cc సింగిల్ సిలిండర్, ఎయిర్ కూల్డ్ ఇంజిన్ ఉంది. ఇది 7,250rpm వద్ద 8.1hp శక్తి, 5,750rpm వద్ద 8.7Nm టార్క్ అందిస్తుంది. ఇందులో హీరో ప్రత్యేకమైన i3S టెక్నాలజీ ఉంటుంది. ట్రాఫిక్ సిగ్నల్ వద్ద కొద్ది సెకన్లు ఆగితే ఇంజిన్ ఆగిపోతుంది. యాక్సిలరేటర్ తిప్పగానే మళ్లీ స్టార్ట్ అవుతుంది. దీని వల్ల ఇంధనం ఆదా అవుతుంది.
సిటీలో మైలేజ్ ఎంత వచ్చింది?
ఆటో ఎక్స్పర్ట్లు హీరో డెస్టిని 110ని సిటీలో 46.1 కిలోమీటర్లు నడిపారు. ట్రాఫిక్ ఉన్న రోడ్లపై స్థిరమైన వేగంతో, అవవసరంగా హార్డ్ యాక్సిలరేషన్ చేయకుండా రైడ్ చేశారు. టెస్ట్ పూర్తయ్యాక ట్యాంక్ను మళ్లీ ఫుల్ చేసేందుకు 0.80 లీటర్ల పెట్రోల్ అవసరమైంది. దీని అర్ధం - హీరో డెస్టిని 110 సిటీలో లీటరుకు 54.10 కిలోమీటర్ల మైలేజ్ ఇచ్చింది. రోజూ ఆఫీస్కి, మార్కెట్కి వెళ్లే వారికి ఇది మంచి నంబర్గా చెప్పొచ్చు.
హైవే మీద మైలేజ్ ఎంత?
ఆటో ఎక్స్పర్ట్లు హీరో డెస్టిని 110ని హైవే మీద 51.3 కిలోమీటర్లు నడిపారు. ఎక్కువ సమయం 65 నుంచి 70 కిలోమీటర్ల వేగం మధ్య కొనసాగించారు. టెస్ట్ అనంతరం మళ్లీ ట్యాంక్ ఫుల్ చేసేందుకు 0.80 లీటర్ల పెట్రోల్ అవసరమైంది. దీని అర్ధం - హీరో డెస్టిని 110 హైవే మీద లీటరుకు 64.10 కిలోమీటర్ల మైలేజ్ ఇచ్చింది. రోజూ కాస్త దూర ప్రాంతాలకు వెళ్లే వాళ్లకు ఇది చాలా మంచి విషయం.
సగటు మైలేజ్
సిటీ, హైవే ఫలితాలను కలిపి చూస్తే సగటున లీటరుకు 59.15 కిలోమీటర్లు వచ్చింది. 110సీసీ స్కూటర్ సెగ్మెంట్లో ఇది మంచి ఫలితంగా చెప్పవచ్చు.
మైలేజ్విశ్లేషణ
హీరో డెస్టిని 110ని ప్రధానంగా కుటుంబ వినియోగానికి అనుకూలంగా రూపొందించారు. పనితీరు పరంగా మితమైన శక్తి ఇస్తుంది. వేగంగా వెళ్లాలనుకునే వారికి కాకుండా, స్థిరంగా ప్రయాణించే వారికి ఇది బాగా సరిపోతుంది.
సిటీ రైడ్లో ఎక్స్పర్ట్లు స్థిరమైన వేగాన్ని కొనసాగించారు. హైవేపై కూడా అధిక వేగం కాకుండా 65-70 కిమీ వేగం మధ్య నడిపారు.
ఈ స్కూటర్లో లైవ్ యావరేజ్ మైలేజ్ ఇండికేటర్ కూడా ఉంటుంది. రైడర్ వెంటనే తన రైడింగ్ స్టైల్ను మార్చుకుని మెరుగైన మైలేజ్ సాధించవచ్చు.
అయితే ఒక విషయం గుర్తుంచుకోవాలి - మైలేజ్ రైడింగ్ స్టైల్, ట్రాఫిక్, రోడ్ పరిస్థితులపై ఆధారపడి మారుతుంది.
మైలేజ్ టెస్ట్ ఎలా చేశారు?
ముందుగా ట్యాంక్ను పూర్తిగా నింపారు. కంపెనీ సూచించిన టైర్ ప్రెషర్ ఉంచారు. ఒకే రూట్లో సిటీ, హైవే ప్రయాణాలు చేశారు. రెండు టెస్టుల్లో రైడర్ బరువు, లోడ్ ఒకేలా ఉండేలా చూశారు. టెస్ట్ పూర్తయ్యాక మళ్లీ ట్యాంక్ ఫుల్ చేసి ఎంత పెట్రోల్ ఖర్చయిందో ట్రిప్ మీటర్తో పోల్చి ఖచ్చితమైన ఫలితం తీసుకున్నారు.
మీరు రోజూ 20-30 కిలోమీటర్లు ప్రయాణించే కుటుంబ వినియోగదారుడైతే హీరో డెస్టిని 110 మంచి మైలేజ్, సౌకర్యం ఇస్తుంది.
సిటీ యూజ్ ఎక్కువగా ఉంటే 54 kmpl దగ్గర, హైవే యూజ్ ఉంటే 64 kmpl వరకు ఇవ్వగలదని ఈ పరీక్షలు చెబుతున్నాయి.
ధర
తెలుగు రాష్ట్రాల్లో ఎక్స్-షోరూమ్ ధర రూ. 93,018 నుంచి 83,050 వరకు ఉంటుంది. అన్ని ఖర్చులు కలుపుకుని ఆన్-రోడ్ ధర దాదాపు రూ. 93,018 నుంచి 1,00,707 వరకు ఉంటుంది.
ఇంకా ఇలాంటి ఆటోమొబైల్ వార్తలు & అప్డేట్స్ - "ABP దేశం" 'ఆటో' సెక్షన్ని ఫాలో అవ్వండి.