Most Unsafe Cars: ప్రజాదరణ పొందిన ఈ కార్లు కుటుంబ భద్రతకు తీవ్ర ముప్పు! సేఫ్గీ రేటింగ్స్ చూస్తే షాక్
Family Crash Test: కార్ల భద్రతను అంచనా వేయడానికి Global NCAP క్రాష్ టెస్టులు నిర్వహిస్తుంది. వాటి ఆధారంగా కార్లకు 0 నుండి 5 స్టార్స్ మధ్య రేటింగ్ కేటాయిస్తారు.
Car Safety Rating In India | ప్రస్తుతం కారు కేవలం జర్నీకి మాత్రమే కాదు, సేఫ్టీని సైతం ప్రధాన అంశంగా చూస్తున్నారు. సేఫ్టీ ఫీచర్లతో కొన్ని కార్లకు ప్రజాధరణ పెరుగుతోంది. ఈ కారణంగానే ఇప్పుడు కారు కొనేటప్పుడు సేఫ్టీ రేటింగ్స్పై కూడా ఫోకస్ చేస్తుంటారు. కార్ల భద్రతను పరీక్షించడానికి 'గ్లోబల్ ఎన్క్యాప్' (Global NCAP) క్రాష్ టెస్టులు చేస్తుంది. దాని ఆధారంగా కార్లకు 0 నుండి 5 స్టార్ల వరకు రేటింగ్ ఇస్తారు. ఒక కారుకు 0 స్టార్స్ వచ్చాయంటే, ప్రమాద సమయంలో అది ప్రయాణికులకు సరైన భద్రతను అందించలేదని అర్థం చేసుకోవాలి. అలాంటి కొన్ని కార్ల వివరాలు ఇక్కడ ఉన్నాయి.
సిట్రోయెన్ (Citroen e-C3)
సిట్రోయెన్ e-C3 ఒక ఎలక్ట్రిక్ హ్యాచ్బ్యాక్. అయితే భద్రత విషయంలో దీని ప్రదర్శన బాలేదు. గ్లోబల్ ఎన్క్యాప్ క్రాష్ టెస్ట్లో దీనికి అడల్ట్ ఆక్యుపెంట్ ప్రొటెక్షన్ (పెద్దల రక్షణ) కోసం 0 స్టార్స్, పిల్లల భద్రత కోసం కేవలం 1 స్టార్ వచ్చాయి. ఈ టెస్ట్లో కారు బాడీ స్ట్రక్చర్ బలహీనంగా ఉందని, పక్క నుండి ఢీకొన్నప్పుడు ప్రయాణికులకు భద్రత కష్టమేనని తేలింది.
మారుతి సుజుకీ (Maruti Suzuki Eeco)
మారుతి సుజుకి ఈకో ఒక పాపులర్ ఫ్యామిలీ, కమర్షియల్ వ్యాన్. కానీ సేఫ్టీ టెస్ట్లో ఇది చాలా బలహీనం అని తేలింది. దీనికి కూడా గ్లోబల్ ఎన్క్యాప్లో 0 స్టార్ రేటింగ్ వచ్చింది. నివేదిక ప్రకారం, ఇందులో ఎయిర్బ్యాగ్లు ఉన్నప్పటికీ డ్రైవర్ ఛాతీ, మోకాళ్లకు గాయాలయ్యే ప్రమాదం ఉంటుంది. దీని బాడీ షెల్ కూడా పటిష్టంగా లేదని, దీనివల్ల ప్రమాద సమయంలో అందులోని వారికి భద్రత తగ్గుతుందని తేలింది.
మారుతి సుజుకీ ఎస్ ప్రెస్సో (Maruti Suzuki S-Presso)
మారుతి సుజుకి ఎస్-ప్రెస్సోకు మొదట్లో 0 స్టార్ వచ్చింది. కానీ తర్వాత కొన్ని మార్పులు చేయడంతో 1 స్టార్ రేటింగ్ పొందింది. ఇప్పుడు ఇందులో డ్యూయల్ ఎయిర్బ్యాగ్లు స్టాండర్డ్గా ఇస్తున్నప్పటికీ, దీని బాడీ స్ట్రక్చర్, ఫుట్వెల్ ఏరియా ఇంకా పూర్తిగా దృఢంగా లేదనుకుటున్నారు. అధిక వేగంతో ఢీకొన్నప్పుడు భద్రత విషయంలో ఇంకా లోపాలు కనిపిస్తున్నాయి.
రెనాల్ట్ క్విడ్ (Renault Kwid)
రెనాల్ట్ క్విడ్ తన డిజైన్, తక్కువ ధర కారణంగా ప్రజాదరణ పొందింది. కానీ భద్రత విషయంలో ఇది చాలా వెనుకబడి ఉంది. దీనికి గ్లోబల్ ఎన్క్యాప్లో 1 స్టార్ వచ్చింది. నివేదిక ప్రకారం, ఇందులో డ్రైవర్ తలకి రక్షణ ఉన్నప్పటికీ, ఛాతీ, కాళ్ల రక్షణ బలహీనంగా ఉన్నట్లు టెస్టుల్లో గుర్తించారు.
మహీంద్రా బొలెరో నియో (Mahindra Bolero Neo)
మహీంద్రా బొలెరో నియోను ఒక బలమైన SUV అనుకుంటారు. కానీ క్రాష్ టెస్ట్లో దీని ప్రదర్శన ఆశించిన దానికంటే తక్కువగా ఉంది. కేవలం 1 స్టార్ రేటింగ్ మాత్రమే పొందింది. సైడ్ ఇంపాక్ట్, పిల్లల భద్రత విషయంలో దీనికి తక్కువ రేటింగ్ ఇచ్చారు. బయట నుంచి చూడటానికి దృఢంగా కనిపించినప్పటికీ, భద్రతా ప్రమాణాలలో ఇది పూర్తిగా తేలిపోయింది. కనుక మీరు కూడా ఏదైనా కారు కొనాలని ప్లాన్ చేస్తున్నట్లు అయితే సేష్టీ రేటింగ్ వివరాలు సైతం చెక్ చేశాకే కొనుగోలు చేయాలి.
ఆటో సెక్షన్లో మరిన్ని ఆసక్తికర వార్తల కోసం క్లిక్ చేయండి
Before You Go
Auto Expo 2023 Day 1 Highlights: ఎంతో హైప్ తో మొదలైన ఆటో ఎక్స్ పో మొదటి రోజు హైలైట్స్
టాప్ హెడ్ లైన్స్
ట్రెండింగ్ వార్తలు
