Car Engine Insurance Cover: కారుకు ప్రమాదం జరిగినప్పుడు రిపేర్ల ఖర్చు భారీగా ఉండొచ్చు. కాంప్రహెన్సివ్‌ ఇన్సూరెన్స్ పాలసీ (Comprehensive Insurance Policy) ఉన్నప్పటికీ కొంత మొత్తాన్ని కారు యజమానే చెల్లించాల్సి రావచ్చు. బంపర్ లేదా ఇతర బాడీ పార్ట్స్ మార్చాల్సి వచ్చినా ఖర్చు పెరుగుతుంది. ఇక, వర్షాకాలంలో ఇంజిన్‌లోకి నీరు చేరితే రిపేర్ బిల్లు మరింత ఎక్కువయ్యే అవకాశం ఉంది.
ఇలాంటి ఖర్చులను తగ్గించుకోవడానికి ఇంజిన్ ప్రొటెక్షన్‌, జీరో డిప్రిసియేషన్‌ వంటి Insurance Add-ons ఉపయోగపడతాయి. అయితే ఈ రెండూ ఒకే రకమైన కవరేజ్ ఇవ్వవు. జీరో డిప్రిసియేషన్‌ అనేది.. ప్రమాదం జరిగినప్పుడు మార్చే కొన్ని పార్ట్స్‌పై డిప్రిసియేషన్‌ కోతను తగ్గిస్తుంది. ఇంజిన్ ప్రొటెక్షన్‌ అనేది.. నీరు చేరడం లేదా ఆయిల్ లీకేజీ కారణంగా కలిగే కొన్ని ఇంజిన్, గేర్‌బాక్స్ నష్టాలకు కవరేజ్ ఇస్తుంది.
ఈ రెండు Add-ons మధ్య తేడాలు, వాటి ప్రయోజనాలు & మీ కారుకు ఏది సరిపోతుందో తెలుసుకుందాం.
| వివరాలు | Zero Depreciation | Engine Protection |
|---|---|---|
| కవరేజ్ | బయటి బాడీ పార్ట్స్ & ఇతర కాంపోనెంట్లు | ఇంజిన్ & గేర్‌బాక్స్‌లోని అంతర్గత భాగాలు |
| నష్టం రకం | పాలసీ కింద కవర్ అయ్యే ప్రమాద నష్టం | ఇంజిన్‌లోకి నీరు చేరడం, ఆయిల్ లీకేజీ వల్ల నష్టం |
| ప్రధాన ప్రయోజనం | మార్చే పార్ట్స్‌పై Depreciation కోత తగ్గింపు | అర్హత ఉన్న ఇంజిన్ రిపేర్ లేదా రీప్లేస్‌మెంట్ ఖర్చులకు కవరేజ్ |
| ఉదాహరణలు | బంపర్, ప్లాస్టిక్ పార్ట్స్, మెటల్ ప్యానెల్స్, ఫైబర్ పార్ట్స్ | ఇంజిన్ బ్లాక్, పిస్టన్లు, క్రాంక్‌షాఫ్ట్, గేర్‌బాక్స్ |
| వాహనం వయసు | బీమా సంస్థను బట్టి సాధారణంగా 5 ఏళ్లలోపు కార్లకు | సాధారణంగా కొత్త వాహనాలకు, బీమా సంస్థ నిబంధనల ప్రకారం |
| ఖర్చు | సాధారణ Add-ons కంటే ఎక్కువగా ఉండొచ్చు | Zero Depreciation కంటే తక్కువగా ఉండొచ్చు |
ఇది కూడా చదవండి: చిన్న గీత పడినా ఇన్సూరెన్స్ క్లెయిం చేస్తున్నారా? 'నో క్లెయిం బోనస్' కోల్పోతే భారీగా నష్టపోతారు! ఈ లెక్కలు చూడండి
Zero Depreciation Cover అంటే ఏమిటి?
కారుకు ప్రమాదం జరిగినప్పుడు ఇన్సూరెన్స్ క్లెయిమ్ చేస్తే, మార్చాల్సిన పార్ట్స్ విలువపై బీమా సంస్థ సాధారణంగా Depreciation కోత విధిస్తుంది. అంటే పాలసీ కింద ప్రమాద నష్టం కవర్ అయినప్పటికీ రిపేర్ బిల్లులో కొంత మొత్తాన్ని కారు యజమాని చెల్లించాల్సి వస్తుంది.
Zero Depreciation Cover ఈ కోతను అర్హత ఉన్న పార్ట్స్‌కు తగ్గిస్తుంది లేదా తొలగిస్తుంది. దీనినే Nil Depreciation లేదా Bumper-to-Bumper Cover అని కూడా పిలుస్తారు.
ఉదాహరణకు, ప్రమాదంలో మీ కారు బంపర్ దెబ్బతిని దాన్ని మార్చాల్సి వచ్చిందనుకుందాం. కొత్త బంపర్ ధర రూ.10,000 అయితే, సాధారణ క్లెయిమ్‌లో బీమా సంస్థ Depreciation మొత్తాన్ని తగ్గించి చెల్లించవచ్చు. కానీ Zero Depreciation Cover ఉంటే అర్హత ఉన్న బంపర్‌పై ఆ Depreciation కోత ఉండదు.
అయితే వర్తించే Deductibles & పాలసీ కింద కవర్ కాని ఖర్చులు, కొన్ని Consumables ఖర్చులు మాత్రం మీరు చెల్లించాల్సి రావచ్చు.
జీరో డిప్రిసియేషన్‌ కింద సాధారణంగా కవరేజ్ లభించే పార్ట్స్:
- ప్లాస్టిక్ & రబ్బర్ కాంపోనెంట్లు- ఫైబర్ పార్ట్స్- మెటల్ బాడీ ప్యానెల్స్- ప్రమాదం తర్వాత మార్చే ఇతర అర్హత ఉన్న పార్ట్స్
ఇది కూడా చదవండి: పెద్ద ఫ్యామిలీల కోసం 6 సీటర్, 7 సీటర్ SUVలు.. పెట్రోల్, డీజిల్‌తో పాటు ఎలక్ట్రిక్ ఆప్షన్లు కూడా!
ఇంజిన్ ప్రొటెక్షన్‌ కవర్ అంటే ఏమిటి?
సాధారణ కాంప్రహెన్సివ్‌ ఇన్సూరెన్స్ పాలసీలో కవర్ కాని కొన్ని రకాల ఇంజిన్ & గేర్‌బాక్స్ నష్టాలకు ఇంజిన్ ప్రొటెక్షన్‌ కవర్ ఉపయోగపడుతుంది.
సాధారణ పాలసీ ప్రమాదాల వల్ల కలిగే నష్టాలను కవర్ చేసినప్పటికీ, ఇంజిన్‌లోకి నీరు చేరడం లేదా ఆయిల్ లీకేజీ కారణంగా ఏర్పడే నష్టాలకు కవరేజ్ ఉండకపోవచ్చు. ఇలాంటి సందర్భాల్లో Engine Protection Add-on సహాయపడుతుంది.
ఉదాహరణకు, వర్షాకాలంలో నీటితో నిండిన రోడ్డుపై మీరు కారును నడుపుతున్నారని అనుకుందాం. ఆ సమయంలో ఇంజిన్‌లోకి నీరు చేరి Hydrostatic Lock ఏర్పడవచ్చు. దీంతో ఇంజిన్ పనిచేయడం ఆగిపోవచ్చు. ఇలాంటి రిపేర్లకు వేల రూపాయల ఖర్చు అయ్యే అవకాశం ఉంది. Engine Protection లేకపోతే ఈ ఖర్చును మీరే భరించాల్సి రావచ్చు. ఈ Add-on ఉంటే పాలసీ నిబంధనలకు లోబడి అర్హత ఉన్న రిపేర్ ఖర్చులను బీమా సంస్థ చెల్లించవచ్చు.
ఇంజిన్ ప్రొటెక్షన్‌ కింద బీమా సంస్థను బట్టి కవరేజ్ లభించే అంశాలు:
- ఇంజిన్‌లోకి నీరు చేరడం వల్ల కలిగే నష్టం- హైడ్రోస్టాటిక్‌ లాక్‌ కారణంగా ఏర్పడే నష్టం- ఆయిల్ లీకేజీ వల్ల ఇంజిన్ అంతర్గత భాగాలకు కలిగే నష్టం- అర్హత ఉన్న గేర్‌బాక్స్ భాగాలకు కలిగే నష్టం
అయితే, ఇంజిన్ ప్రొటెక్షన్‌ ప్రతి రకమైన ఇంజిన్ సమస్యకు కవరేజ్ ఇవ్వదు. సాధారణ వేర్‌ & టీర్‌, సరైన నిర్వహణ లేకపోవడం వల్ల ఏర్పడే మెకానికల్‌ బ్రేక్‌డౌన్‌, నిర్లక్ష్యం కారణంగా కలిగే నష్టాలు కవరేజ్ పరిధిలో ఉండకపోవచ్చు.
మీ కారుకు ఏది ఎంచుకోవాలి?
మీరు ఎంచుకోవాల్సిన Add-on మీకు ఎక్కువగా ఎదురయ్యే ప్రమాదాలపై ఆధారపడి ఉంటుంది. ప్రమాదాల వల్ల బాడీ పార్ట్స్ రిపేర్ ఖర్చు పెరుగుతుందనే ఆందోళన ఉంటే Zero Depreciation ఉపయోగపడుతుంది. నీరు చేరడం లేదా ఆయిల్ లీకేజీ వల్ల ఇంజిన్ దెబ్బతింటుందనే భయం ఉంటే Engine Protectionను పరిశీలించాలి.
రెండు Add-ons కలిపి తీసుకోవచ్చా?
అవును. చాలా బీమా సంస్థలు జీరో డిప్రిసియేషన్‌ & ఇంజిన్ ప్రొటెక్షన్‌లను విడివిడిగా Add-ons రూపంలో అందిస్తున్నాయి. వీటిని కాంప్రెహన్సివ్‌ కార్‌ ఇన్సూరెన్స్ పాలసీతో కలిపి కొనుగోలు చేయవచ్చు.
అయితే, అందుబాటులో ఉన్న ప్రతి Add-onను తప్పనిసరిగా తీసుకోవాల్సిన అవసరం లేదు. మీ కారు వయసు, రిపేర్ ఖర్చులు, ప్రయాణించే రోడ్ల పరిస్థితులు & అదనపు ప్రీమియంను పోల్చి నిర్ణయం తీసుకోవాలి. అలాగే, క్లెయిమ్ లిమిట్స్‌, డిడక్టబుల్స్‌, ఎక్స్‌క్లూజన్స్‌ & నీటి వల్ల కలిగే నష్టాలకు సంబంధించిన షరతులను పరిశీలించాలి. ఇవి ఒక్కో బీమా సంస్థలో ఒక్కోలా ఉండవచ్చు.
ఇంకా ఇలాంటి ఆటోమొబైల్‌ వార్తలు & అప్‌డేట్స్‌ కోసం "ABP దేశం" 'ఆటో' సెక్షన్‌ని ఫాలో అవ్వండి.