Battery as a Service India: భారత్లో పెరిగిపోతున్న పెట్రోల్ ధరల నుంచి రక్షణ పొందేందుకు చాలా మంది ఈవీల వైపు చూస్తున్నారు. కానీ ధర వారిని బెదరగొడుతోంది. దీనికి తోడు బ్యాటరీపై ఉన్న అనుమానాలు వారికి పూర్తి భరోసా ఇవ్వలేకపోతున్నాయి. అందుకే చాలా మంది ఇంకా ఈవీలు కొనేందుకు తటపటాయిస్తున్నారు. ఈ సమస్యలు పరిష్కరించేందుకు ఈవీలను సామాన్యుల చెంతకు చేర్చేందుకు కంపెనీలు బాస్ (BaaS- బ్యాటరీ ఏజ్ ఏ సర్వీస్) అస్త్రాన్ని ప్రయోగిస్తున్నాయి. ఇంతకీ ఈ బాస్ అంటే ఏంటీ? ఇందులో ఉన్న లాభనష్టాలు ఏంటి? ఇది వినియోగదారులకు ఎలా ఉపయోగపడుతుంది? అనే అంశాల గురించి వివరంగా తెలుసుకుందాం.
BaaS అంటే ఏంటీ?
సాధారణంగా మీరు ఒక ఎలక్ట్రిక్ కారు కొన్నప్పుడు, కారు బాడీతోపాటు అందులోని బ్యాటరీని కూడా పూర్తి ధర చెల్లించి కొంటారు. కానీ బాస్ పద్ధతిలో మీకు కేవలం కారు బాడీని మాత్రమే కొంటారు. బ్యాటరీ అనేది కంపెనీ ఆస్తిగానే ఉంటుంది. దీనికి బదులుగా మీరు బ్యాటరీని అద్దెకు తీసుకున్నట్టు లెక్క. మీరు కారును ఎన్ని కిలోమీటర్లు నడిపితే, అన్ని దీని వల్ల కారు కొనేటప్పుడు చెల్లించాల్సిన ప్రారంభ ధర భారీగా తగ్గుతుంది. ఉదాహరణకు 11 లక్షల రూపాయలు ఉండాల్సిన కారు ధర ఈ బాస్ పద్ధతిలో 6.5 లక్షల రూపాయలకే అందుబాటులోకి వస్తుంది.
ఇది ఎప్పుడు ప్రారంభమైంది?
భారత్లో ఈ బాస్ కాన్సెప్ట్ను జేఎస్డబ్ల్యూ ఎంజీ మోటార్ ఇండియా మొదటగా తమ విండర్స్ ఈవీ ద్వారా పరిచయం చేసింది. ఆ తర్వాత ఎంజీ కామెట్ ఈవీ, ఎంజీ జెడ్ఎస్ ఈవీలకు కూడా ఈ సౌకర్యాన్ని విస్తరించింది. ఎంజీ మోటార్స్ సాధించిన విజయాన్ని చూసి, టాటా మోటార్స్, మారుతి సుజుకి వంటి దిగ్గజ కంపెనీలు కూడా తమ ఎలక్ట్రిక్ కార్లను ఈ పథకం కిందకు తీసుకువచ్చాయి. ప్రస్తుత మార్కెట్లో ఎంజీ, టాటా, మారుతి కంపెనీల మధ్య ఈ బాస్ మోడల్లో గట్టిపోటీ నెలకొంది.
బాస్ ఎలా పని చేస్తుంది?
ఈ విధానం పూర్తిగా సబ్స్క్రిప్షన్ మోడల్ మీద ఆధారపడి ఉంటుంది. వినియోగదారులు కారును ఫైనాన్స్ ద్వారా కొనుగోలు చేసినట్టే, బ్యాటరీకి కూడా కొన్ని ఫైనాన్స్ కంపెనీలో ఒప్పందం చేసుకోవాల్సి ఉంటుంది.
Read Also: Best CNG Cars: ధరలు పెరగకముందే ఈ CNG కార్లు కొనేయండి.. పెట్రోల్ ఖర్చుల నుంచి బిగ్ రిలీఫ్
మీరు నెలకు ఎన్ని కిలోమీటర్లు తిరిగితే దాన్ని బట్టి అద్దె ఉంటుంది. ఉదాహరణకు ఎంజీ కామెట్ ఈవీకి కిలోమీటర్కు 2.5 రూపాయలు అద్దె చెల్లించాలి. కొన్ని కంపెనీలు నెలవారీ కనీస కిలోమీటర్ల పరిమితిని విధిస్తాయి. అంటే మీరు నిర్దేశించిన కిలోమీటర్లు తిరిగినా తిరగకపోయినా కనీస రెంట్ కట్టాల్సి ఉంటుంది.
ఈ రెంటల్ కాస్ట్లో బ్యాటరీ ఛార్జింగ్ ఖర్చు ఉండదు. కరెంటు బిల్లు మీరే భరించాల్సి ఉంటుంది. మీరు కారుతోపాటు రెంట్ు తీసుకున్న బ్యాటరీకి కూడా మీరే ఇన్సూరెన్స్ పే చేయాల్సి ఉంటుంది.
బాస్ స్కీమ్లో ఉన్న టాప్ 5 ఈవీలు
ప్రస్తుతం మార్కెట్లో ఈ అద్భుతమైన ఆఫర్తో దొరుకుతున్న కార్ల వివరాలు చూస్తే....
ఎంజీ కామెట్ ఈవీ
సిటీ ట్రాఫిక్లో సులభంగా డ్రైవ్ చేయడానికి ఇది బెస్ట్ ఆప్షన్. దీని సాధారణ ధర 7.63 లక్షలు. బాస్ ఆప్షన్ తీసుకుంటే ఇది 4.99లక్షల నుంచే ప్రారంభమవుతుంది.
టాటా పంచ్ ఈవీ
మధ్యతరగతి ప్రజల ఫేవరెట్ ఎస్యూవీ ఇప్పుడు బాస్ పద్ధతిలో అందుబాటులో ఉంది. దీని ధర 9.6 లక్షలు అయినా, బాస్ ఆప్షన్ తీసుకుంటే మాత్రం 6.49 లక్షలకే వస్తుంది. ఈ సంస్థ కిలోమీటర్కు అద్దె రూపంలో 2.6 రూపాయలు తీసుకుంటుంది. ఇది మార్కెట్లో అతి తక్కువ.
ఎంజీ విండ్సర్ ఈవీ
లగ్జరీ, స్పేస్ కోరుకునే వారికి ఇది సరైన ఛాయిస్. ఇది బాస్ ఆప్షన్తో 9.99లక్షల నుంచి ప్రారంభమవుతుంది. ఈ సంస్థ కిలోమీటర్కు 3.5రూపాయలు తీసుకుంటుంది. ఇందులో వేరియేషన్స్ ఉన్నాయి. 38kWh బ్యాటరీకి రూ. 3.9 తీసుకుంటే, 52.9kWhకి 4.5 రూపాయలు తీసుకుంటుంది.
మారుతి సుజుకి ఇ-విటారా
మారుతి నుంచి వస్తున్న తొలి ఎలక్ట్రిక్ కారు. ఇది బాస్ ఆఫ్షన్తో 10.99 లక్షల నుంచి ప్రారంభమవుతుంది. వేరియంట్ను బట్టి కిలోమీటర్కు 3.99 నుంచి 4.39 వరకు అద్దె తీసుకుటుంది.
ఎంజీ జెడ్ఎస్ ఈవీ
ప్రీమియం ఎస్యూవీ అనుభూతిని ఇచ్చే కారు ఇది. బాస్ ఆప్షన్తో 13.99 లక్షలకు వస్తుంది. ఇది కిలోమీటర్కు 4.5 రూపాయల అద్దె తీసుకుంటుంది.
ఎంజీ విండ్సర్ ఈవీ
ఎంజీ విండ్సర్ ఈవీ కేవలం బాస్ ధరకే కాదు, దాని అడ్వాన్స్డ్ ఫీచర్ల వల్ల కూడా మార్కెట్లో హాట్ కేక్లా మారింది. ఈ కారులోని కొన్ని ముఖ్యమైన అంశాలు చూస్తే... 135 డిగ్రీల వరకు వెనక్కి వంగే సౌకర్యవంతమైన సీట్లు. 15.6 అంగుళాల అతి పెద్ద టచ్ స్క్రీన్. ఆరు ఎయిర్ బ్యాగ్లు, 360 డిగ్రీల కెమెరా, ఏడీఏఎస్ వంటి అధునాతన భద్రతా ప్రమాణాలు. మొదటి యజమానికి బ్యాటరీపై లైఫ్ టైమ్ వారంటీని కంపెనీ అందిస్తోంది.
వినియోగదారునికి లాభమా నష్టమా?
బాస్ విధానం అందరికీ సెట్ అవుతుందా అంటే లేదనే చెప్పాలి. లక్షల రూపాయల ఆదా వెంటనే కనిపిస్తుంది. బ్యాటరీ పాడైతే మార్చే బాధ్యత కంపెనీదే. మూడు సంవత్సరాల తర్వాత అరవై శాతం బైబ్యాక్ వాల్యూ లభిస్తుంది.
అయితే కారు మీ దగ్గర ఉన్నంత కాలం మీరు అద్దె కడుతూనే ఉండాలి. పదేళ్ల తర్వాత మీరు కట్టే అద్దే మొత్తం బ్యాటరీ అసలు ధర కంటే ఎక్కువగా ఉండొచ్చు. ఈఎంఐ కట్టినట్టు బ్యాటరీ మీ సొంత అవ్వదు. కారును సెకండ్ హ్యాండ్లో అమ్మాలంటే సదరు యజమాని కూడా ఈ రెంట్ ప్లాన్ను కొనసాగించాల్సి ఉంటుంది.
బాస్పై ఆసక్తి చూపని వినియోగదారులు
తక్కువ ధర ఉన్నప్పటికీ భారతీయ వినియోగదారులు బాస్ పద్ధతిపై అంతగా ఆసక్తి చూపడం లేదు. ప్రస్తుతం బాస్ మార్కెట్ వాటా కేవలం ఐదు శాతం కంటే తక్కువగా ఉంది. భారతీయులు ఎక్కువగా పూర్తి యాజమాన్యం కోరుకుంటారని, నెలవారీ అద్దెల కంటే ఒకేసారి డబ్బు చెల్లించి కారును తమ సొంతం చేసుకోవడానికి ఇష్టపడతారని నిపుణులు చెబుతున్నారు.
భవిష్యత్ ఎలా ఉండబోతోంది?
ఈవీ కొనేవాళ్లు మరో ముఖ్యమైన విషయం చూడాలి. బ్యాటరీ స్వాపింగ్ ద్వారా సమయం ఆదా అవుతుంది. కానీ దీనికి మౌలిక సదుపాయాల ఖర్చు ఎక్కువ. మరోవైపు ఫాస్ట్ ఛార్జింగ్ టెక్నాలజీ వేగంగా అభివృద్ధి చెందుతోంది. భవిష్యత్లో ఫాస్ట్ ఛార్జింగ్ టెక్నాలజీనే ఎక్కువగా వాడుకలోకి వచ్చే అవకాశం ఉందని మార్కెట్ అంచనా.
మీరు కారును కేవలం మూడు లేదా ఐదేళ్ల పాటు వాడి మార్చేసే ఆలోచనలో ఉంటే బాస్ ఒక అద్భుతమైన ఎంపిక. కానీ లాంగ్ టర్మ్ వాడాలి అనుకుంటే మాత్రం పూర్తి ధర చెల్లించి బ్యాటరీతో సా కారును కొనుగోలు చేయడమే తెలివైన పని.