10 Budget cars with panoramic sunroof: భారత్‌లో కారు కొనేవారు ఇప్పుడు ఇంజిన్, మైలేజీ, భద్రతతో పాటు ఆధునిక ఫీచర్లకు కూడా ప్రాధాన్యం ఇస్తున్నారు. ముఖ్యంగా పానోరమిక్ సన్రూఫ్ ఉన్న కార్లపై ఆసక్తి పెరిగింది. సాధారణ సన్‌రూఫ్‌తో పోలిస్తే ఇందులో పైకప్పు ఇంకాస్త ఎక్కువ విస్తీర్ణంలో తెరుచుకుంటుంది. ఇందులో నిలబడితే గాల్లో తేలుతున్న అనుభూతి కలుగుతుంది. క్యాబిన్‌లోకి సహజ కాంతి ఎక్కువగా రావడంతో లోపలి భాగం విశాలంగానూ కనిపిస్తుంది. గతంలో ఖరీదైన కార్లకే పరిమితమైన ఈ ఫీచర్ ఇప్పుడు సామాన్యులకు అందుబాటులో ఉండే మోడళ్లలోనూ లభిస్తోంది. భారత్‌లో పానోరమిక్ సన్‌రూఫ్‌తో అందుబాటులో ఉన్న, మీ బడ్జెట్‌లో వచ్చే పెట్రోల్, డీజిల్, CNG కార్ల వివరాలు ఇవీ:
10. మారుతి సుజుకి గ్రాండ్ విటారా
మారుతి సుజుకి గ్రాండ్ విటారాలో Zeta (O) వేరియంట్ నుంచి పానోరమిక్ సన్రూఫ్ అందుబాటులో ఉంది. Zeta+ (O), Alpha (O), Alpha+ (O) వేరియంట్లలోనూ ఈ ఫీచర్ ఉంటుంది. ధరలు రూ.13.89 లక్షల నుంచి రూ.19.62 లక్షల వరకు ఉన్నాయి.
9. మారుతి సుజుకి విక్టోరిస్
మారుతి సుజుకి విక్టోరిస్‌లో ZXi (O), ZXi+ (O) వేరియంట్ల నుంచి పానోరమిక్ సన్రూఫ్ లభిస్తుంది. ఈ వేరియంట్ల ధరలు రూ.13.69 లక్షల నుంచి రూ.19.99 లక్షల వరకు ఉన్నాయి.
ఇది కూడా చదవండి:
8. నిస్సాన్ టెక్టన్
నిస్సాన్ టెక్టన్‌లో N-Connecta వేరియంట్ నుంచి పానోరమిక్ సన్రూఫ్ లభిస్తుంది. ఈ ఫీచర్ ఉన్న వేరియంట్ల ధరలు రూ.13.69 లక్షల నుంచి రూ.16.49 లక్షల వరకు ఉన్నాయి.
7. హ్యుందాయ్ బేయాన్
హ్యుందాయ్ బేయాన్‌లో HX6, HX8, HX10 వేరియంట్లలో పానోరమిక్ సన్రూఫ్ అందుబాటులో ఉంది. ఈ వేరియంట్ల ధరలు రూ.13.57 లక్షల నుంచి రూ.18 లక్షల వరకు ఉన్నాయి.
6. హ్యుందాయ్ క్రెటా
భారత్‌లో అత్యంత ప్రజాదరణ పొందిన SUVలలో హ్యుందాయ్ క్రెటా ఒకటి. ఇందులో EX (O) వేరియంట్ నుంచే పానోరమిక్ సన్రూఫ్ అందుబాటులో ఉంది. ధరలు రూ.13.14 లక్షల నుంచి రూ.19.91 లక్షల వరకు ఉన్నాయి.
ఇది కూడా చదవండి:
5. రెనాల్ట్ డస్టర్
రెనాల్ట్ డస్టర్‌లో Adventure వేరియంట్ నుంచి పానోరమిక్ సన్రూఫ్ లభిస్తుంది. ధరలు రూ.12.99 లక్షల నుంచి రూ.19.49 లక్షల వరకు ఉన్నాయి.
4. టాటా కర్వ్
టాటా కర్వ్‌లో Creative X+ వేరియంట్ నుంచి పానోరమిక్ సన్రూఫ్ అందుబాటులో ఉంది. ధరలు రూ.12.91 లక్షల నుంచి రూ.14 లక్షల వరకు ఉన్నాయి.
3. కియా సైరోస్
కియా సైరోస్‌లో HTK+ వేరియంట్ నుంచి పానోరమిక్ సన్రూఫ్ అందుబాటులో ఉంది. ఈ ఫీచర్ ఉన్న వేరియంట్ల ధరలు రూ.10.76 లక్షల నుంచి రూ.15.82 లక్షల వరకు ఉన్నాయి.
2. మహీంద్రా XUV 3XO
మహీంద్రా XUV 3XOలో RevX Edge (O) వేరియంట్ నుంచి పానోరమిక్ సన్రూఫ్ లభిస్తుంది. ఈ వేరియంట్ల ధరలు రూ.9.89 లక్షల నుంచి రూ.15.04 లక్షల వరకు ఉన్నాయి.
1. టాటా నెక్సాన్
భారత్‌లో పానోరమిక్ సన్రూఫ్ ఉన్న అత్యంత చవకైన కారుగా టాటా నెక్సాన్ ఈ జాబితాలో మొదటి స్థానంలో ఉంది. Pure+ PS వేరియంట్‌లోనే ఈ ఫీచర్ లభిస్తుంది. దీని ప్రారంభ ధర రూ.9.72 లక్షలు. Creative+ PS, Fearless+ PS వంటి అధిక వేరియంట్లలోనూ పానోరమిక్ సన్రూఫ్ ఉంటుంది. వేరియంట్‌ను బట్టి నెక్సాన్ ధరలు గరిష్ఠంగా రూ.14.22 లక్షల వరకు ఉన్నాయి.
భారత్‌లో రూ.10 లక్షలలోపు ధరలో పానోరమిక్ సన్రూఫ్ ఇచ్చే రెండు మోడళ్లలో నెక్సాన్ ఒకటి. మరో మోడల్ మహీంద్రా XUV 3XO.
ఏ కారు ఎంచుకోవాలి?
పానోరమిక్ సన్‌రూఫ్‌ను తక్కువ ధరలో పొందాలనుకునేవారికి టాటా నెక్సాన్, మహీంద్రా XUV 3XO మంచి ప్రారంభ ఎంపికలు. కొంచెం ఎక్కువ క్యాబిన్ స్థలం, ఇతర సౌకర్యాలు కోరుకునేవారు కియా సైరోస్‌ను పరిశీలించవచ్చు. హ్యుందాయ్ క్రెటా, మారుతి గ్రాండ్ విటారా, విక్టోరిస్ వంటి మోడళ్లు అధిక ధరల శ్రేణిలో ప్రత్యామ్నాయాలుగా ఉన్నాయి.
పైన చెప్పిన రేట్లన్నీ ఎక్స్‌షోరూమ్ ధరలు. రిజిస్ట్రేషన్, బీమా, ఇతర ఛార్జీలు కలిపిన తర్వాత ఆన్-రోడ్ ధర పెరుగుతుంది.
ఇంకా ఇలాంటి ఆటోమొబైల్‌ వార్తలు & అప్‌డేట్స్‌ కోసం "ABP దేశం" 'ఆటో' సెక్షన్‌ని ఫాలో అవ్వండి.