ప్రతిరోజు ఆఫీస్‌కు వెళ్లి వచ్చే వారికి కచ్చితంగా వెహికల్ అవసరం పడుతుంది. మెట్రో రైలు లాంటి సౌకర్యం అందుబాటులో లేకపోతే టూవీలర్ కొనక తప్పదు. అయితే సిటీ రోడ్లపై నడిపేందుకు కేవలం స్కూటీ లుక్ మాత్రమే సరిపోదు. రోజువారీ వినియోగం కోసం మంచి మైలేజ్, సులభమైన హ్యాండ్లింగ్, తగినంత స్టోరేజ్, మంచి సర్వీస్ నెట్‌వర్క్ విషయాలపై ఫోకస్ చేయాలి. భారత మార్కెట్లో Honda Activa, TVS Jupiter, సుజుకీ యాక్సెస్ (Suzuki Access), Yamaha RayZR వంటి స్కూటర్లు కస్టమర్ల ఆధరణతో దూసుకెళ్తున్నాయి. అంతేకాదు Electric Scooter కూడా సిటీలో రోజువారీ ప్రయాణానికి మంచి ఎంపికగా మారాయి.

Continues below advertisement

హోండా యాక్టివా (Honda Activa)

రోజూ ఆఫీస్‌కు రాకపోకల కోసం Honda Activa బెస్ట్ ఛాయిస్. యాక్టివా డిజైన్ సింపుల్‌గా ఉంటుంది. సిటీ ట్రాఫిక్‌లో దీన్ని నడపడం తేలిక.  110cc హోండా Activa ధర, మైలేజ్ దీన్ని రోజువారీ నడిపేందుకు ఇష్టపడే స్కూటీగా మారుస్తాయి. అందుబాటులో ఉన్న మార్కెట్ డేటా ప్రకారం Activa ప్రారంభ ధర సుమారు 77 వేల రూపాయలు. ఇది రాష్ట్రాలు, సిటీలను బట్టి మారుతుంది. క్లెయిమ్ చేసిన మైలేజ్ సుమారు 59 kmpl. 

 టీవీఎస్ జుపిటర్ (TVS Jupiter)

 రోజువారీ రైడ్‌లో సౌకర్యంతో పాటు ఎక్కువ స్టోరేజ్ కోరుకునే వారికి TVS Jupiter మంచి ఎంపిక. Jupiter 125లో 33 లీటర్ల అండర్ సీట్ స్టోరేజ్ లో రోజువారీ అవసరాల వస్తువులను సులభంగా ఉంచుకోవచ్చు. Autocar India ప్రకారం దీని సెటప్ సిటీ రోడ్లపై సౌకర్యవంతమైన రైడ్ కోసం రూపొందించారు. దీని సస్పెన్షన్ గతుకుల రోడ్లపై కూడా రైడ్‌ను సులభతరం చేయడంలో సహాయపడుతుంది.

Continues below advertisement

Also Read: పాత లుక్ - కొత్త అనుభూతి.. నిజ జీవితంలో రాయల్‌ ఎన్‌ఫీల్డ్‌ హిమాలయన్ 440 రైడింగ్‌ ఎక్స్‌పీరియన్స్‌

సుజుకీ యాక్సెస్ (Suzuki Access 125)

Suzuki Access 125 ఆఫీస్‌కు రాకపోకలతో పాటు అప్పుడప్పుడు లాంగ్ రైడ్ చేసే వారికి ఒక ఎంపిక. ఇందులో 124cc ఇంజిన్ వస్తుంది. దీని పనితీరు రోజువారీ అవసరాలకు సరిపోతుంది. దీని ప్రారంభ ధర సుమారు 83 నుంచి 86 వేల రూపాయల వరకు ఉంటుంది. అయితే, వేరియంట్, నగరాన్ని బట్టి స్కూటీ ధర మారవచ్చు.

యమహా Yamaha RayZR 125

మీకు తేలికైన, స్పోర్టీ స్కూటీ కావాలంటే Yamaha RayZR 125 Fi Hybrid తీసుకోవచ్చు. ఇందులో 125cc ఇంజిన్, తేలికైన సెటప్ వస్తుంది. సిటీ రోడ్లపై ట్రాఫిక్‌లో సులభమైన హ్యాండ్లింగ్‌కు సహాయపడుతుంది. 2026లో మార్కెట్ గణాంకాల ప్రకారం దీని ప్రారంభ ధర సుమారు 82 వేలకు పైగా ఉంటుంది. మీ ఆఫీస్, ఇల్లు రెండింటి దగ్గరా ఛార్జింగ్ సౌకర్యం ఉంటే Electric Scooter రోజువారీ ప్రయాణానికి సరిగ్గా సరిపోతుంది. రోజువారీ తక్కువ దూరం వెళ్లేందుకు పెట్రోల్ ఖర్చును తగ్గించడంలో ఇది సహాయపడుతుంది. Electric Scooter కొనుగోలు చేసేటప్పుడు దాని రేంజ్ తో పాటు, ఛార్జింగ్ సౌకర్యాన్ని తప్పకుండా దృష్టిలో ఉంచుకోవాలి.

Also Read: క్రెటా కంటే తక్కువ ధరలో కొత్త SUV.. బేయాన్‌ గురించి కీలక వివరాలు షేర్‌ చేసిన హ్యుందాయ్‌