Best Mileage Bikes India: మధ్యతరగతి భరోసా తక్కువ ధరలో ఎక్కువ మైలేజీ ఇచ్చే టాప్ 24 బైక్‌లు ఇవే!

Affordable Commuter Bikes: పెరిగిన ఇంధన ధరల నేపథ్యంలో భారతీయ వాహనదారులు మైలేజీకి పెద్ద పీట వేస్తున్నారు. దేశీయ మార్కెట్‌లో లక్ష రూపాయల లోపు లభిస్తున్న బైక్స్ గురించి చూద్దాం. 

మధ్యతరగతి భరోసా తక్కువ ధరలో ఎక్కువ మైలేజీ ఇచ్చే టాప్ 24 బైక్‌లు ఇవే!

Source : freepik

Show Quick Read

Key points generated by AI, verified by newsroom

• భారత్‌లో మధ్యతరగతి వారికి కమ్యూటర్‌ బైక్‌లే మొదటి ఎంపిక.
• 70వేల-లక్షలోపు బైక్‌లు మైలేజీతోపాటు ఆధునిక ఫీచర్లను అందిస్తున్నాయి.
• TVS రైడర్, హీరో స్ప్లెండర్, హోండా షైన్, బజాజ్ ప్లాటినా అందుబాటులో ఉన్నాయి.
• TVS రేడియాన్, TVS స్పోర్ట్స్, హీరో HF 100 తక్కువ ధరలో మంచి మైలేజీనిస్తాయి.
• TVS స్టార్ సిటీ ప్లస్ 83.09 కిమీ మైలేజీతో అగ్రస్థానంలో ఉంది.
• పెట్రోల్ ఖర్చు తగ్గించుకోవడానికి అటుమ్ వెర్షన్ 1.0 EV అందుబాటులో ఉంది.

Affordable Commuter Bikes: భారత్‌లో టూ వీలర్స్‌ రంగం ఒక కీలకమైన దశలో ఉంది. విలాసవంతమైన స్పోర్ట్స్ బైక్‌లు ఎన్ని ఉన్నా, మధ్య తరగతి ఫ్యామిలీస్‌కు మొదటి ఎంపిక మాత్రం ఎప్పుడూ కమ్యూటర్‌ బైక్‌లే. తక్కువ నిర్వహణ ఖర్చు, అత్యధిక మైలేజీ, సుదీర్ఘ కాలం మన్నే నమ్మకం ఈ విభాగం విజయానికి రహస్యం. ప్రస్తుతం భారత్ మార్కెట్‌ల యాభై వేల నుంచి లక్ష రూపాయల మధ్యలో సూపర్ మైలేజీ ఇచ్చే 24బైక్‌లు అందుబాటులో ఉన్నాయి. 

ముందు 70వేల నుంచి లక్ష రూపాయల బడ్జెట్‌లో సుమారు ఇరవైకి పైగా మోడల్స్ అందుబాటులో ఉన్నాయి. ఇవి కేవలం మైలేజీ మాత్రమే కాకుండా ఆధునిక ఫీచర్లను కూడా అందిస్తున్నాయి. 

టీవీఎస్‌ రైడర్‌

ఈ విభాగంలో అత్యంత ప్రజాదరణ పొందిన బైక్‌లలో ఇది ఒకటి. దీని ధర 95, 611 రూపాయల నుంచి ప్రారంభమవుతుంది. 124.8cc ఇంజిన్‌తో వచ్చే ఈ బైక్‌ లీటరకు 71.94 కిలోమీటర్ల అద్భుతమైన మైలేజీ అందిస్తుంది. 

హీరో స్ప్లెండర్‌ ప్లస్‌

దశాబ్దాలుగా భారతీయుల నమ్మకమైన నేస్తంగా స్ప్లెండర్‌ ఉంది. దీని ధర 90, 570 నుంచి ప్రారంభమవుతుంది. 97.2cc ఇంజిన్‌తో ఇది 70కిలోమీటర్ల మైలేజీని ఇస్తుంది. ఇందులో ఐ3ఎస్‌, ఎక్స్-టె్‌ వంటి వేరియంట్లు కూడా అందుబాటులో ఉన్నాయి. ఇవి సుమారు 73 కిలోమీటర్ల మైలేజీని అందిస్తాయి. 

హోండా షైన్

123.94cc ఇంజిన్‌తో వచ్చే ఈ బైక్‌ ధర 96.380. ఇది లీటర్‌కు 55 కిలోమీటర్ల మైలేజీని ఇస్తుంది. మెరుగైన పవర్ కోరుకునే వారికి ఇది సరైన ఎంపిక. 

బజాబ్‌ ప్లాటినా 110

మైలేజీకి మారుపేరుగా నిలిచే ప్లాటినా 110 ధర 84, 146 రూపాయలు. ఇది 70 కిలోమీటర్ల మైలేజీని ఇస్తుంది. 

యాభైవేల నుంచి 70 వేల మధ్య బడ్జెట్‌లో లభించే బైక్స్ ఆప్షన్ అందుబాటులో ఉన్నాయి. అత్యంత తక్కువ ధరలో బైక్ కావాలనుకునే వారి కోసం మార్కెట్‌లో మంచి ఆప్షన్స్‌ ఉన్నాయి. 

టీవీఎస్ రేడియాన్

65,888 రూపాయల ధరతో లభిస్తున్న ఈ బైక్‌, ఈ విభాగంలో అత్యంత సరసమైందిగా గుర్తింపు పొందింది. ఇది లీటర్‌కు 73. 68 కిలోమీటర్ల మైలేజీని ఇస్తుంది. 

టీవీఎస్ స్పోర్ట్స్‌

65, 996 ధరతో లభించే ఈ బైక్ 70 కిలోమీటర్ల మైలేజీని అందిస్తుంది. 

హీరో హెచ్‌ఎఫ్‌ 100

69,247 రూపాయల ధరతో 97.2 సీసీ ఇంజిన్‌ కలిగిన ఈ బైక్ సామాన్యులకు ఎంతో మేలు చేస్తుంది. 

మైలేజీ, టెక్నాలజీ సామర్థ్యం 

కస్టమర్లు బైక్ ఎంచుకునేటప్పుడు మైలేజీకి మొదటి ప్రాధాన్యత ఇస్తారు. ఈ విభాగంలో  టీవీఎస్ స్టార్ సిటీ ప్లస్‌ ఏకంగా 83.09 కిలోమీటర్ల మైలేజీతో అగ్రస్థానంలో ఉంది. మరోవైపు టెక్నాలజీ పరంగా ఆధునిక సాంకేతికత కావాలనుకునే వారికి డిజిక్లస్టర్‌ ఎడిషన్లతో వచ్చే టీవీఎస్‌ రేడియాన్ వంటి మోడళ్లను ఎంచుకోవచ్చు. 

కంపారిజన్ ఇక్కడ చూడవచ్చు. 

బైక్ పేరు	ఇంజిన్ సామర్థ్యం	మైలేజీ	ప్రారంభ ధర(సుమారు)
టీవీఎస్ రైడర్‌	124.8 సీసీ	71.94	రూ. 95,611
హీరో స్ప్లెండర్ ప్లస్	97.2సీసీ	70.00	రూ. 90,570
టీవీఎస్ స్టార్ సిటీ ప్లస్	109.7సీసీ	83.09	రూ. 86,448
బజాజ్ ప్లాటినా 110	115.45సీసీ	70.00	రూ. 84,146
టీవీఎస్ రేడియాన్	109.7 సీసీ	73.68	రూ. 65,888

పెట్రోల్ ఖర్చు ఎందుకు ఈవీ వైపు చూద్దామనుకునే వారి కోసం అటుమ్‌ వెర్షన్ 1.0 అందుబాటులో ఉంది. దీన ధర 71 224 రూపాయలుగా ఉంది. ఇది ఒకసారి ఛార్జింగ్ చేస్తే వంద కిలోమీటర్లు దూసుకెళ్లొచ్చు. కేవలం మూడు నుంచి నాలుగు గంటల్లోనే పూర్తి ఛార్జింగ్ అవుతుంది. ఇది నగర ప్రయాణాలకు, స్వల్ప దూరాలకు బాగా యూజ్ అవుతుంది. 

లక్ష రూపాయల లోపు బడ్జెట్‌లో భారతీయ ఆటోమొబైల్ రంగం విభిన్నమైన ఎంపికలను అందిస్తోది. మీరు రోజు వారీ ఆఫీస్‌ పనులకు వెళ్లినా, లేదా గ్రామీణ ప్రాంతాల్లో ప్రయాణించినా, పైన పేర్కొన్న బైక్‌లు మీ జేబుకు భారం కాకుండా భరోసానిస్తాయి. కొనుగోలు చేసే ముందు షో రూమ్‌లో టెస్ట్ రైడ్‌ చేయడం మంచిది. ఆన్‌రోడ్‌ రేటును కూడా చెక్ చేయండి. 

మరిన్ని చదవండి

హీరో స్కూటర్ల పోర్ట్‌ పోలియో మరింత పవర్‌ఫుల్‌! అమ్మకానికి ఉన్న మోడల్స్‌ ధరలు, మైలేజీ సంగంతేంటీ?

హీరో గ్లామర్ 125, హోండా షైన్ 125లో ఇంజిన్ పనితీరు పరంగా ఎక్కువ శక్తివంతమైనది ఏదీ?