Best 7 Seater Cars: మారుతి ఎర్టిగా నుండి అల్కాజార్ వరకు.. అధిక మైలేజీ ఇచ్చే బెస్ట్ 7 సీటర్ కార్లు ఇవే
Best Mileage Cars | మీరు ఎక్కువ స్పేస్, మైలేజీ కలిగిన 7-సీటర్ కారు కోసం చూస్తున్నట్లయితే ఈ కార్లు ఓసారి చెక్ చేయండి. ఈ కంపెనీ కార్లపై కస్టమర్లు నమ్మకం ఉంచారు.
Best Mileage Cars | కొంతకాలం నుంచి భారత మార్కెట్లో 7 సీటర్ కార్లకు డిమాండ్ పెరుగుతోంది. పెద్ద కుటుంబాలు, సుదీర్ఘ ప్రయాణాల అవసరాలను దృష్టిలో ఉంచుకుని, వినియోగదారులకు కంఫర్ట్గా ఉండటంతో, అధిక మైలేజీని కూడా ఇచ్చే కార్లను కొనాలని భావిస్తారు. పెరుగుతున్న ఇంధన ధరల కాలంలో, మైలేజ్ అనేది కారును కొనుగోలు చేయడానికి ముఖ్యమైన అంశంగా మారింది. ఒకవేళ మీరు కూడా ఎక్కువ స్థలంతో పాటు ఇంధనాన్ని కూడా ఆదా చేసే 7 సీటర్ కారు కోసం చూస్తున్నట్లయితే, మార్కెట్లో పలు అద్భుతమైన ఆప్షన్లు అందుబాటులో ఉన్నాయి. బెస్ట్ ARAI మైలేజీకి పేరుగాంచిన 5 పాపులర్ 7 సీటర్ కార్ల గురించి ఇక్కడ తెలుసుకుందాం.
మారుతి సుజుకి ఎర్టిగా (Maruti Suzuki Ertiga)
మంచి మైలేజీ ఇచ్చే 7 సీటర్ కార్లలో మొదటి పేరు మారుతి సుజుకి ఎర్టిగా (Maruti Suzuki Ertiga). దేశంలోనే ప్రజాదరణ పొందిన ఫ్యామిలీ MPVలలో ఇది ఒకటి. ఈ కారులో 1.5 లీటర్ పెట్రోల్ ఇంజన్ ఇచ్చారు. దీని CNG వేరియంట్ కూడా అందుబాటులో ఉంది. కంపెనీ తెలిపిన వివరాల ప్రకారం, దీని పెట్రోల్ మోడల్ లీటరుకు సుమారు 20 కిలోమీటర్ల మైలేజీ ఇస్తుండగా.. CNG వేరియంట్ కిలోగ్రాముకు దాదాపు 26 కిలోమీటర్ల వరకు మైలేజీ ఇస్తుంది. సౌకర్యవంతమైన సీటింగ్, తక్కువ మెయింటెనెన్స్, తక్కువ ధర కారణంగా ఫ్యామిలీ జర్నీకి ఫస్ట్ ఛాయిస్ అయింది.
టయోటా రుమియాన్ (Toyota Rumion)
ఈ జాబితాలో టొయోటా రుమియాన్ (Toyota Rumion) కారు ఉంది. ఈ కారు ఎర్టిగా ప్లాట్ఫారమ్పైనే ఆధారపడి రూపొందించారు. కానీ టొయోటా బ్రాండ్ వాల్యూ, సర్వీస్ నెట్వర్క్తో వస్తుంది. ఇందులో కూడా 1.5 లీటర్ పెట్రోల్ ఇంజన్ ఇచ్చారు. కంపెనీ ప్రకారం, ఇది లీటరుకు 20 కిలోమీటర్ల వరకు మైలేజీని ఇవ్వనుంది. తక్కువ ఇంధన ఖర్చుతో పాటు నమ్మకమైన పర్ఫార్మెన్స్ దీని ప్రత్యేకతగా చెప్పుకోవాలి.
మారుతి సుజుకీ (Maruti Suzuki XL6)
మారుతి సుజుకి ఎక్స్ఎల్6 (Maruti Suzuki XL6) కారు కూడా ఈ జాబితాలో ఉంది. ఇది ఎర్టిగా ప్రీమియం వెర్షన్గా పరిగణిస్తారు. ఇందులో మెరుగైన ఇంటీరియర్, మోడ్రన్ ఫీచర్లు, ఆకర్షణీయమైన డిజైన్ లభిస్తాయి. మైలేజ్ పరంగా ఇది చాలా పొదుపైనది. లీటరుకు దాదాపు 20 కిలోమీటర్ల వరకు మైలేజీ ఇస్తుందని కంపెనీ పేర్కొంది. స్టైల్, కంఫర్ట్ రెండూ కోరుకునే కస్టమర్లకు ఇది సరిపోతుంది.
కియా కారెన్స్ (Kia Carens)
నాలుగో స్థానంలో కియా కారెన్స్ (Kia Carens) ఉంటుంది. ఈ కారు తన ప్రీమియం ఇంటీరియర్, అడ్వాన్స్డ్ ఫీచర్లు, సౌకర్యవంతమైన క్యాబిన్తో కస్టమర్లను ఆకట్టుకుంటోంది. ఇందులో పెట్రోల్, డీజిల్ 2 ఇంజన్ ఆప్షన్లు అందుబాటులో ఉన్నాయి. దీని డీజిల్ వేరియంట్ లీటరుకు దాదాపు 21 కి.మీ వరకు మైలేజీని ఇస్తుందని కంపెనీ తెలిపింది. అందువల్లే లాంగ్ డ్రైవ్స్ చేసే కస్టమర్లకు ఇది ఛాయిస్గా మారుతుంది.
హ్యుందాయ్ అల్కజార్ (Hyundai Alcazar)
ఈ లిస్టులో ఉన్న మరో కారు హ్యుందాయ్ అల్కజార్ (Hyundai Alcazar). ఇది ఒక ప్రీమియం 7 సీటర్ SUV. ఇది అద్భుతమైన లుక్, లేటెస్ట్ టెక్నాలజీ, సౌకర్యవంతమైన జర్నీ ఎక్స్పీరియన్స్ అందిస్తుంది. దీని డీజిల్ వేరియంట్ మైలేజ్ లీటరుకు దాదాపు 20 కిలోమీటర్ల వరకు ఇస్తుంది. ఈ SUV పవర్ఫుల్ లుక్, 7 సీటర్స్ రెండూ కావాలనుకునే కస్టమర్లకు అల్కజార్ బెస్ట్ ఆప్షన్గా నిలుస్తుంది.
టాప్ హెడ్ లైన్స్
ట్రెండింగ్ వార్తలు
