Maruti Suzuki WagonR | భారతదేశంలోని గ్రామీణ ప్రాంతాల్లోనూ కార్లు అధికంగానే కొనుగోలు చేస్తున్నారు. రోడ్డు మార్గం మెరుగవుతుండటం కార్లు ఒక ముఖ్యమైన రవాణా సాధనంగా మారాయి. గ్రామాలలోని పొలాలు, ఎగుడుదిగుడు రోడ్లు, సుదూర ప్రయాణాల కోసం ఓ నమ్మదగిన కారు అవసరం. అయితే ఆ కోవలోకి వచ్చే కొన్ని కార్లు మారుతీ సుజుకీ ఆల్టో కే10 (Maruti Suzuki Alto K10), Maruti Suzuki Wagon R, మహీంద్రా బొలెరో (Mahindra Bolero) వంటి వాటి ఫీచర్ల గురించి ఇక్కడ అందిస్తున్నాం.
మారుతీ సుజుకీ ఆల్టో కే10 (Maruti Alto K10)
భారతదేశంలో అత్యంత ప్రజాదరణ పొందిన, చవకైన కార్లలో ఒకటి మారుతి ఆల్టో K10. రూ. 3.69 లక్షల నుండి ప్రారంభమయ్యే ఈ కారు గ్రామాల్లోని రోడ్లపై ప్రయాణాలకు మంచి చాయిస్ అని చెప్పవచ్చు. దీని 1.0-లీటర్ పెట్రోల్ ఇంజిన్ 67 PS శక్తిని అందిస్తుంది. తక్కువ బరువు, కాంపాక్ట్ సైజు కారణంగా, ఇరుకైన సందులు, పొలాల మార్గాల్లో సులభంగా డ్రైవింగ్ చేయవచ్చు. 160 mm గ్రౌండ్ క్లియరెన్స్ తేలికపాటి ఎగుడుదిగుడు రోడ్లపై కూడా మీరు ఇబ్బంది లేకుండా డ్రైవింగ్ ఛాయిస్గా తీసుకోవచ్చు.
Maruti Alto K10 ప్రస్తుతం 6 ఎయిర్బ్యాగ్లు, ABS విత్ EBD, రియర్ పార్కింగ్ సెన్సార్ వంటి ఫీచర్లను స్టాండర్డ్ రూపంలో మీకు అందిస్తుంది. మీ బడ్జెట్ పరిమితంగా ఉండటంతో పాటు మీరు రోజువారీ పనుల కోసం ఓ మాదిరి చిన్న కారును కొనాలనుకుంటే మాత్రం మారుతి Alto K10 మీకు సరైన ఎంపిక.
మహీంద్రా బొలెరో (Mahindra Bolero)
ఈ జాబితాలో తరువాత కారు Mahindra Bolero. ఈ కారు ధర రూ. 9.79 లక్షల నుంచి ప్రారంభమవుతుంది. Bolero దాని దృఢత్వం, ఆఫ్-రోడ్ సామర్థ్యంతో ఫేమస్ చెందింది. దీని లాడర్-ఆన్-ఫ్రేమ్ వీల్ 180 mm గ్రౌండ్ క్లియరెన్స్, రియర్ వీల్ డ్రైవ్ సిస్టమ్ బురద, ఎత్తైన రోడ్లపై సులభంగా నడవడానికి మీకు వీలు కల్పిస్తుంది. 1.5 లీటర్ డీజిల్ ఇంజిన్ 75 PS పవర్, 210 Nm టార్క్ జనరేట్ చేస్తుంది. ఈ కారు పొలాలు, కొండ ప్రాంతాలు, సరిగ్గా లేని రోడ్లపై మెరుగైన డ్రైవింగ్ పనితీరును అందిస్తుంది.
భద్రతా పరంగా చూస్తే Boleroలో డ్యూయల్ ఎయిర్బ్యాగ్లు, ABS, రియర్ పార్కింగ్ సెన్సార్ వంటి ముఖ్యమైన ఫీచర్లను కలిగి ఉంది. 2025లో లాంచ్ చేసిన Bolero Bold Edition డిజైన్, ఇంటీరియర్లలో మార్పులు చేసింది. ఇది మునుపటి కంటే మోడ్రన్గా కనిపిస్తుంది.
మారుతి వాగ్నర్ (Maruti Wagon R)
Maruti Wagon R చాలా కాలంగా భారతదేశంలో అత్యంత నమ్మదగిన కార్లలో ఒకటిగా ఉంది. రూ. 4.99 లక్షల (ఎక్స్-షోరూమ్) నుంచి ప్రారంభమయ్యే ఈ కారు గ్రామీణ ప్రాంతాల్లో సౌకర్యవంతమైన డ్రైవింగ్ కోసం కొనుగోలు చేస్తుంటారు. దీని టాల్-బాయ్ డిజైన్, 165 mm గ్రౌండ్ క్లియరెన్స్ గ్రామీణ ప్రాంతాల్లోని ఎగుడుదిగుడు రోడ్లకు అనుకూలంగా ఉంటాయి.
మారుతి Wagon R కారు CNG వెర్షన్ 33.47 km/kg అద్భుతమైన మైలేజీని అందిస్తుంది. ఇంధన సామర్థ్యం పరంగా ఉత్తమంగా ఈ కారు నిలిచింది. దీని 1.2 లీటర్ పెట్రోల్ ఇంజిన్ 88.5 PS శక్తిని అందిస్తుంది. ఇది మీ డ్రైవింగ్ ఎక్స్పీరియన్స్ను పెంచుతుంది. ఇందులో 6 ఎయిర్బ్యాగ్లు, ABS, ESP, హిల్ హోల్డ్ అసిస్ట్, 7 అంగుళాల టచ్స్క్రీన్, స్టీరింగ్ మౌంటెడ్ కంట్రోల్స్ వంటి ఫీచర్లు ఉన్నాయి.