Best 150cc Bikes In India 2026: భారత్లో టూవీలర్ మార్కెట్ ట్రెండ్ చాలా వేగంగా మారుతోంది. ఒకప్పుడు కేవలం మైలేజ్ మాత్రమే చూసే వారు ఇప్పుడు స్టైల్, పవర్ను కూడా కోరుకుంటున్నారు. ముఖ్యంగా 125cc నుంచి 150cc విభాగం ఇప్పుడు బ్రైక్ ప్రియుల హాట్ పేవరెట్అయింది. ఈ సెగ్మంట్లో బైక్లు ప్రతిరోజూ ఆఫీసులకు వెళ్లే వారికి అలాగే వీకెండ్ రైడ్స్ చేసే వారికి సరిగా సరిపోతాయి. ఈ విభాగంలోని బైక్లు స్మాల్ కమ్యూటర్ బైక్ల కంటే మెరుగైన రైడ్ డైనమిక్స్ను అందిస్తాయి. ఇవి మిడ్ రేంజ్ పర్ఫార్పెన్స్లో అద్బుతతమైన సామర్థ్యాన్ని ప్రదరిస్తాయి. ప్రస్తుతం మార్కెట్లో ఉన్న టాప్ మోడల్స్, వాటి ప్రత్యేకతలు గురించి తెలుసుకుందాం.
యమహా
యమహా సంస్థ తన FZ సిరీస్తో ఈ విభాగంలో తిరుగులేని ఆదిక్యాన్ని ప్రదర్శిస్తోంది. ముఖ్యంగా యమహా FZ-S Fi వెర్షన్ 4.0 మార్కెట్లో హాట్ కేకులా అమ్ముడవుతోంది. ఈ బైక్ ధర 1.20 లక్షలు కాగా, ఇది లీటర్కు 60 కిలోమీటర్ల మైలేజీ అందిస్తుంది. ఇది వినియోగదారులకు పెద్ద ఊరట ఇచ్చే అంశం.
మరోవైపు యమహా FZ-X హైబ్రిడ్, FZ-S-Fi హైబ్రిడ్ మోడళ్లు కూడా రేసులో ఉన్నాయి. వీటి ధరలు 1.37 లక్షల నుంచి 1.43 లక్షల మధ్య ఉన్నాయి. హైబ్రిడ్ టెక్నాలజీ వల్ల కేవం మైలేజ్ పెరగడమే కాకుండా, ఇంజిన్ స్మూత్నెస్ కూడా పెరుగుతుంది. ఇది పట్టణ ప్రాంతాల్లో ప్రయామించే వారికి ఎంతో సౌకర్యవంతంగా ఉంటుంది. యమహా ఎఫ్జెడ్ రేవ్ , యమహా ఎఫ్జెడ్-Fi మోడళ్లు కూడా తనదైన శైలిలో వినియోగదారులకు ఆకట్టుకుంటున్నాయి.వీటి ధరలు వరుసగా 1.23 లక్షలు, 1.14లక్షలుగా ఉన్నాయి.
టీవీఎస్, బజాజ్
టీవీఎస్ సంస్థ తన ఎన్టార్క్150తో స్కూటర్ విభాగంలో కొత్త సంచలనం సృష్టించింది. దీని ధర 1.09 లక్షల నుంచి 1.18 లక్షల మధ్య ఉంది. ఇది ఆటోమేటిక్ ట్రాన్మిషన్తో వస్తుంది. గంటకు 104కిలోమీటర్ల గరిష్ట వేగంతో వెళ్లే సామర్థ్యం దీని సొంతం.
చాలా కాలంగా భారతీయుల మనసులు గెలుచుకుంటున్న బజాబ్ పల్సర్ 150 ఇప్పటికీ తన క్రేజ్ను కాపాడుకుంటోంది. దీని ధర 1.12 లక్షల నుంచి 1.15 లక్షల మధ్య ఉంది. పల్సర్ 150 పవర్, మెయింటెనెన్స్పరంగా ఎప్పుడూ ముందుంటుంది. అందుకే సెకండ్ హ్యాండ్ మార్కెట్లో కూడా దీనికి డిమాండ్ ఎక్కువగా ఉంటుంది.
లగ్జరీ- ఆప్రోడింగ్ విభాగం
మీరు కొంచెం విభిన్నంగా ఉండాలనుకుంటే వెస్పా స్కూటర్ మంచి ఆప్షన్. వెస్పా ఎస్ఎక్స్ఎల్ 150, VXL 150 మోడళ్లు మార్కెట్లో ఉన్నాయి. వీటి ధర 1.23 లక్షల నుంచి 1.28 లక్షల వరకు ఉంది. ఇవి క్లాసిక్ లుక్తోపాటు 45 కిలోమీట్ల మైలేజ్ అందిస్తాయి. అడ్వెంచర్ ఇష్టపడే వారికి కోసం కవాసకి KLX140F అందుబాటులో ఉంది. దీని ధర 3. 79 లక్షలు. ఇది కేవలం ఆఫ్రోడ్ ప్రియుల కోసం ప్రత్యేకంగా రూపొందించారు.
100-110cc బైక్లు మైలేజ్ ఇస్తాయి. కానీ పవర్ విషయంలో వెనుకబడి ఉంటాయి. అందే 200ccపైబడిన బైక్లు ఎక్కువ ఖర్చుతో కూడుకున్నవి. అందుకే 125-150cc విభాగం మధ్యే మార్గంగా నిలుస్తుంది ఇది మైలేజ్, పవర్ రెండింటినీ బ్యాలెన్స్ చేస్తుంది. ఈ బైక్లలో ఇప్పుడు డిజిటల్ ఇన్స్ట్రుమెంట్ క్లస్టర్, ఏబీఎస్ వంటి ఆధునిక ఫీచర్లు వస్తున్నాయి.
కొనే ముందు కొన్ని విషయాలు గుర్తు పెట్టుకోవాలి. ముందుగా మీ బడ్జెట్ను నిర్ణయించుకోండి. 1.10లక్షల నుంచి 1.50లక్షల మధ్య మీకు చాలా మంచి ఆప్షన్లు ఉన్నాయి. మీరు రోజువారీ ఆఫీస్ ప్రయాణాలకు వాడుతున్నారా లేదా లాంగ్ రైడ్స్కు చూస్తున్నారా అనేది ముఖ్యం. ఆఫీస్ రైడ్స్ కోసం హైబ్రిడ్ మోడళ్లు ఉత్తమం. ట్రాన్స్మిషన్ విషయంలో మీకు మాన్యువల్ గేర్లు కావాలా లేదా ఆటోమేటిక్ స్కూటర్ కావాలా అనేది మీ సౌకర్యాన్ని బట్టి ఎంచుకోండి.