Numerology : సంఖ్యాశాస్త్రంలో ప్రతి మూల సంఖ్య ఒక గ్రహంతో ముడిపడి ఉంటుంది. జ్యోతిష్య శాస్త్రంలో గ్రహాల మధ్య స్నేహాలు, శత్రుత్వాలు ఉన్నట్లే, సంఖ్యలకు కూడా ప్రత్యేక సంబంధాలు ఉంటాయని చెబుతారు జ్యోతిష్య శాస్త్ర నిపుణులు. మనం కొందరిని మొదటిసారి కలిసినప్పుడే బాగా అర్థం చేసుకుంటాం, మరికొందరితో పదేపదే విభేదిస్తూ ఉంటాం. సంఖ్యాశాస్త్రం ప్రకారం, మీ మూల సంఖ్య శక్తి.. అవతలి వ్యక్తి యొక్క మూల సంఖ్య కూడా దీనికి ఒక కారణం కావచ్చు.
నంబర్ 1కి శత్రువు ఎవరు?
సూర్యుడు 1 సంఖ్యకు అధిపతి. దీనిని నాయకత్వం, అధికారం మరియు ఆత్మవిశ్వాసానికి అధిపతిగా పరిగణిస్తారు. సంఖ్యాశాస్త్రం ప్రకారం, 1వ సంఖ్యకు, 8వ సంఖ్యకు మధ్య అత్యధిక వ్యత్యాసాలు కనిపిస్తాయి. ఎందుకంటే సూర్యుడు నాయకత్వాన్ని కోరుకుంటాడు, అయితే శని (8వ సంఖ్య) క్రమశిక్షణకు , కార్యాచరణకు ప్రాధాన్యత ఇస్తుంది. వారి విభిన్న పని శైలులు అహంభావానికి అభిప్రాయ భేదాలకు దారితీయవచ్చు.
నంబర్ 2 ఉన్న వ్యక్తుల శత్రువు ఎవరు?
చంద్రుడు 2 సంఖ్యను ప్రభావితం చేస్తాడని నమ్ముతారు. ఈ వ్యక్తులు భావోద్వేగపూరితంగా, సున్నితంగా ఉంటారు. సంబంధాలకు విలువ ఇస్తారు. వీరు భావోద్వేగాల ఆధారంగా నిర్ణయాలు తీసుకుంటారు. అయితే నంబర్ 4 మరింత ఆచరణాత్మకంగా ఉంటుంది. నంబర్ 8 గంభీరంగా , కఠినంగా పరిగణిస్తారు. నంబర్ 9 త్వరగా స్పందిస్తుంది...ఈ కారణంగా 2కి..4,8,9తో సరిపడదు
నంబర్ 3 శత్రువులు ఎవరు?
బృహస్పతి 3వ సంఖ్యకు అధిపతి. ఈ వ్యక్తులు నియమాలకు, క్రమశిక్షణకు , జ్ఞానానికి విలువ ఇస్తారు. జీవితంలో సూత్రాలకు, క్రమానికి ప్రాధాన్యత ఇస్తుంది, అయితే నంబర్ 6 సౌకర్యం ప్రేమ భౌతిక సుఖాలకు ఎక్కువ ప్రాముఖ్యత ఇస్తుంది. జీవితం పట్ల వారి విభిన్న దృక్పథాల కారణంగా, వారిద్దరి మధ్య అభిప్రాయ భేదాలు తలెత్తవచ్చు.
నంబర్ 4 శత్రువులు ఎవరు?
4వ సంఖ్య రాహువుచే ప్రభావితమవుతుంది. ఈ వ్యక్తులు వినూత్నంగా ఆలోచిస్తారు , తమదైన ప్రత్యేక గుర్తింపును సృష్టించుకోవడానికి ఇష్టపడతారు. వీరికి 2,9 తో సరిపడదు. ఎందుకంటే 2 భావోద్వేగపూరితమైనది, 4 తర్కం ఆచరణాత్మకతతో నడుస్తుంది. అదే సమయంలో 9 ఉగ్రమైన మరియు దూకుడు స్వభావం కొన్నిసార్లు 4 స్వతంత్ర ఆలోచనా విధానంతో విభేదించవచ్చు. అందువల్ల వారి మధ్య సంఘర్షణకు అవకాశం ఎక్కువ
నంబర్ 5 శత్రువులు ఎవరు?
5వ సంఖ్యకు అధిపతి గ్రహం బుధుడు. బుధ గ్రహాన్ని సంభాషణ , తెలివితేటలకు అధిపతిగా పరిగణిస్తారు. వీరికి పెద్దగా శత్రువులు ఉండరు. ఎందుకంటే 5,14,23 తేదీల్లో జన్మించినవారు పరిస్థితులకు అనుగుణంగా మారడంలో నేర్పరులు. అందుకే సంఖ్యాశాస్త్రంలో వారికి పెద్ద శత్రు సంఖ్యలు ఏవీ లేవు. వారు దాదాపు అన్ని సంఖ్యలతో సమతుల్య సంబంధాలను ఏర్పరచుకోగలరు.
నంబర్ 6 శత్రువులు ఎవరు?
6వ సంఖ్య శుక్ర గ్రహంతో ముడిపడి ఉంటుంది. ఈ వ్యక్తులు ప్రేమ, అందం, సంబంధాలకు విలువ ఇస్తారు. వీరికి నంబర్ 3తో వైరుధ్యం ఉంటుంది. సంఖ్యాశాస్త్రం ప్రకారం 6కి చెందినవారు సుఖవంతమైన, ఆనందమయమైన జీవితాన్ని ఇష్టపడతారు.. నంబర్ 3 క్రమశిక్షణకు, బాధ్యతకు అధిక ప్రాధాన్యత ఇస్తుంది. ప్రాధాన్యతలలో తేడాలు విభేదాలకు దారితీయవచ్చు.
నంబర్ 7 శత్రువులు ఎవరు?
7వ సంఖ్యకు కేతువు అధిపతి. వీరు ఆధ్యాత్మికంగా, నిగూఢంగా లోతుగా ఆలోచించేవారిగా ఉంటారు. వీరికి ఎవరితోనూ పెద్దగా శత్రుత్వం లేనప్పటికీ అంత సఖ్యతగానూ ఉండలేరు. దీనివల్ల వీరి బంధాల్లో దూరం ఏర్పడిన భావన కలగవచ్చు.
నంబర్ 8 శత్రువులు ఎవరు?
ఈ సంఖ్యకు అధిపతి శని. ఈ వ్యక్తులు కష్టపడి పనిచేసేవారు, గంభీరంగా ఉండేవారు, అంకితభావం కలవారు. వీరికి 1,2,4తో సరిపడదు. ఎందుకంటే శని నెమ్మదిగా, ఆలోచనాత్మకంగా ముందుకు సాగాలని నమ్ముతుంది. సంఖ్య 1 నాయకత్వాన్ని కోరుకుంటే, సంఖ్య 2 భావోద్వేగాలకు ప్రాధాన్యత ఇస్తుంది, 4 ఆకస్మిక మార్పును ఇష్టపడుతుంది. వారి ఆలోచనా విధానాలలోని తేడాలు వారి మధ్య సంఘర్షణకు దారితీయవచ్చు.
నంబర్ 9 శత్రువులు ఎవరు?
9వ సంఖ్యను అంగారకుడి సంఖ్యగా పరిగణిస్తారు. ఈ వ్యక్తులు ధైర్యవంతులు, శక్తివంతులు , త్వరగా నిర్ణయాలు తీసుకునేవారుగా ఉంటారు. వీరికి 2 , 4 సంఖ్యలతో సరిపడదు. 9వ సంఖ్య శక్తి చాలా బలంగా ఉంటుంది. 2 యొక్క భావోద్వేగ స్వభావం , 4 ప్రత్యేకమైన ఆలోచనా విధానం తరచుగా 9వ సంఖ్యకు సరిపడవు. దీనివల్ల ఈ సంఖ్యల మధ్య తరచుగా విభేదాలు తలెత్తవచ్చు.
శత్రు సంఖ్యలతో సంబంధం కొనసాగించకూడదా?
సంఖ్యాశాస్త్రంలో ఒక సంఖ్యను మీ శత్రువుగా పిలవడం అంటే ఆ వ్యక్తితో మీ సంబంధం చెడిపోతుందని అర్థం కాదు. దాని అర్థం కేవలం ఆ ఇద్దరి వ్యక్తుల ఆలోచనా విధానాలు, స్వభావాలు లేదా పని చేసే పద్ధతులు భిన్నంగా ఉండవచ్చని మాత్రమే. అటువంటి సంబంధాలలో అపార్థాలు లేదా విభేదాలు తలెత్తే అవకాశం ఎక్కువగా ఉంటుంది. ఒక బంధం కేవలం పుట్టిన సంఖ్యపై మాత్రమే ఆధారపడి ఉండదు. పరస్పర అవగాహన, గౌరవం , నమ్మకం ఉంటే, వేర్వేరు పుట్టిన సంఖ్యలు ఉన్న వ్యక్తులు కూడా మంచి స్నేహితులుగా, జీవిత భాగస్వాములుగా లేదా వ్యాపార భాగస్వాములుగా ఉండగలరు. సామరస్యాన్ని సాధించడానికి ఎవరెవరికి కొంత కృషి అవసరమో సంఖ్యాశాస్త్రం సూచిస్తోంది అంతే..
గమనిక: ఆధ్యాత్మికవేత్తలు సూచించిన వివరాలు, ఆధ్యాత్మిక గ్రంధాల్లో పొందుపరిచిన సమాచారం ఆధారంగా అందించిన కథనం ఇది. వీటిని ఎంతవరకూ పరిగణలోకి తీసుకోవాలన్నది పూర్తిగా మీ వ్యక్తిగతం. దీనిని అనుసరించేముందు మీరు విశ్వశించే పండితుల సలహాలు స్వీకరించగలరు.