CM Chandrababu: 'సీఈవో సీఎం'గా కాదు నీళ్లిచ్చిన నాయకుడిలా.. సీఎం చంద్రబాబు ఆసక్తికర పోస్ట్

CM Chandrababu: 'సీఈవో సీఎం'గా కంటే నీరు అందించిన నాయకుడిగా గుర్తుండాలని కోరుకుంటున్నానని సీఎం చంద్రబాబు ఎక్స్ వేదికగా పోస్ట్ పెట్టారు.

'సీఈవో సీఎం'గా కాదు నీళ్లిచ్చిన నాయకుడిలా.. సీఎం చంద్రబాబు ఆసక్తికర పోస్ట్

Source : Twitter

Show Quick Read

Key points generated by AI, verified by newsroom

• సీఎం చంద్రబాబు పోలవరం, వెలిగొండ ప్రాజెక్టులపై ఎక్స్‌లో పోస్ట్ చేసారు.
• దశాబ్దాల కలలైన ప్రాజెక్టులు రాష్ట్ర చరిత్రలో మైలురాళ్ళుగా నిలుస్తాయి.
• ఇవి రైతులు, ప్రజల జీవితాల్లో కొత్త ఆశలు, మార్పు తీసుకొస్తాయి.
• నీరందించిన నాయకుడిగా గుర్తుండాలని 'సీఈఓ సీఎం' చంద్రబాబు ఆకాంక్ష.

CM Chandrababu: ఏపీలోని సాగునీటి ప్రాజెక్టులపై సీఎం చంద్రబాబు ఎక్స్ వేదికగా పోస్టు పెట్టారు. పోలవరం ఎడమ ప్రధాన కాలువ, వెలిగొండ ప్రాజెక్టులు రాష్ట్ర చరిత్రలో మైలురాళ్లు అన్నారు. దశాబ్దాల పాటు కలగా మిగిలిన రెండు కీలక సాగునీటి ప్రాజెక్టులు వాస్తవరూపం దాల్చాయన్నారు. ఉత్తరాంధ్ర, రాయలసీమ ప్రజల జీవితాల్లో సరికొత్త మార్పు చూస్తారన్నారు. ఈ ప్రాజెక్టులు రైతులకు కొత్త ఆశ, వ్యవసాయానికి కొత్త ఊపు ఇస్తాయన్నారు. 'సీఈవో సీఎం'గా కంటే నీరు అందించిన నాయకుడిలా గుర్తుండాలనుకుంటున్నానని సీఎం చంద్రబాబు అన్నారు. 

సాగునీటి ప్రాజెక్టులతో కొత్త దశ 

"ఆంధ్రప్రదేశ్‌లో రెండు చారిత్రాత్మక నీటిపారుదల ప్రాజెక్టులు కార్యరూపం దాల్చడం ఈ వారం నిజంగా చాలా ప్రత్యేకమైనది. దశాబ్దాలుగా రూపుదిద్దుకుంటున్న పోలవరం లెఫ్ట్ మెయిన్ కెనాల్, వేలిగొండ ప్రాజెక్ట్, ఉత్తరాంధ్ర, రాయలసీమ అంతటా ప్రజల జీవితాలను, జీవనోపాధులను మార్చివేస్తాయి. నా సుదీర్ఘ ప్రజా జీవిత ప్రయాణంలో ఇది ఒక కొత్త దశలా కూడా అనిపిస్తోంది. ఇన్నేళ్లుగా నన్ను “సీఈఓ ముఖ్యమంత్రి” అని పిలుస్తూ వచ్చారు. అయినప్పటికీ, ఎండిపోయిన భూములకు నీరందించడం, మన రైతులకు ఆశ కల్పించడం, వ్యవసాయాన్ని మార్చడం, రాబోయే తరాలకు తాగునీటిని అందించడం వంటివి ఎప్పటికీ నాకు అత్యంత ముఖ్యంగా నిలిచిపోతాయి" అని సీఎం చంద్రబాబు అన్నారు.  

శనివారం 'సీఈఓ సీఎం టు వాటర్ మాన్- నాయుడుస్ లాంగ్ జర్నీ ఎంటర్స్ టూ ఏ న్యూ ఫేజ్' పేరిట ఎకనామిక్ టైమ్స్‌లో సీఎం చంద్రబాబు మీద వార్తా కథనం ప్రచురించారు. ఈ నేపథ్యంలో టీడీపీ జాతీయ అధ్యక్షుడు, సీఎం చంద్రబాబు ఎక్స్ వేదికగా స్పందించారు.

మరిన్ని చదవండి

31 ఏళ్ల కిందట సీఎంగా తొలిసారి.. ప్రజల రుణం ఎన్నటికీ తీర్చుకోలేను: పింఛన్ల పంపిణీలో సీఎం చంద్రబాబు