AI Intimacy Survey: లైంగిక ఆరోగ్య సమాచారం కోసం AIని వాడేస్తున్న వైజాగ్‌ వాసులు! దేశంలోనే బెంగుళూరు తర్వాత రెండో స్థానం!

AI Intimacy Survey: రిలేషన్, ఫిజికల్ ఎడ్యుకేషన్, పర్శనల్‌ విషయాల కోసం AIవైపు జనాలు మొగ్గు చూపుతున్నారు. ఇందులో గ్లోబల్ సిటీలను చిన్న నగరాలు అధిగమిస్తున్నాయి.

లైంగిక ఆరోగ్య సమాచారం కోసం AIని వాడేస్తున్న వైజాగ్‌ వాసులు! దేశంలోనే బెంగుళూరు తర్వాత రెండో స్థానం!

Source : freepik

Show Quick Read

Key points generated by AI, verified by newsroom

• AI విస్తృత ఉపయోగం వ్యక్తిగత సంబంధాలపై విస్తరిస్తోందని సర్వే వెల్లడించింది.
• బెంగళూరు, విశాఖపట్నంలో లైంగిక ఆరోగ్యం, సాన్నిహిత్యం కోసం AI వాడుతున్నారు.
• కోయంబత్తూరు, కొచ్చిలో కూడా వ్యక్తిగత ప్రశ్నలకు AI వినియోగం పెరుగుతోంది.

AI Intimacy Survey : ఏఐ వచ్చిన తర్వాత ఉద్యోగం, చదువు, ఆఫీస్ వర్క్ ఇలా చాలా విషయాల్లో పెను మార్పులు చూస్తున్నాం. రోజుల పట్టే పని క్షణాల్లో అయిపోతోంది. అయితే ఈ ఆర్టిఫిషియల్ ఇంటెలిజెన్స్‌ను కేవలం వీటి కోసమే కాకుండా వ్యక్తిగత సంబంధాలు, ప్రేమ, ఫిజికల్ ఎడ్యుకేషన్, గురించి కూడా ఏఐని ప్రశ్నిస్తున్నారు. సమాచారాన్ని తెలుసుకుంటున్నారు. ఇది కేవలం మెట్రో సిటీలకే పరిమితం కాకుండా విశాఖ లాంటి నగరాలకి కూడా విస్తరించిందని లేటెస్ట్ సర్వే చెబుతోంది. 

ఏఐను ఓ పర్శనల్‌ ట్రైనర్‌గా ఎంతమంది, ఎలా వాడుతున్నారనే విషయంపై గ్లీడెన్-ఇప్సోస్ సంస్థ ఒక సర్వే నిర్వహించింది. ఇందులో ఇందులో దేశవ్యాప్తంగా 1,500 మంది పాల్గొన్నారు. ఫిజికల్ ఎడ్యుకేషన్, రిలేషన్‌షిప్‌ అడ్వైజ్‌,పర్శనల్ క్వశ్చన్స్‌, ఫాంటసీలు, ఇంటిమసీ రిలేటెడ్‌ ఇష్యూస్‌ కోసం AIని ఉపయోగిస్తున్నారు. తోటి వారితో కానీ ఇంట్లో వారితో కానీ చర్చించలేని విషయాలను ఇప్పుడు ఏఐతో డిస్కష్ చేస్తున్నారు. 

AI వినియోగంలో బెంగళూరు అగ్రగామిగా ఉంది

సర్వే ప్రకారం, ఇలాంటి ప్రజలు ఎక్కువగా బెంగళూరులో ఉన్నారు. ప్రతిస్పందించిన వారిలో దాదాపు 77 శాతం మంది ఫిజికల్ ఎడ్యుకేషన్, లైంగిక ఆరోగ్య సమాచారం కోసం ఏఐని ఉపయోగిస్తామని చెప్పారు. 75 శాతం మంది తమ సాన్నిహిత్యం లేదా శృంగార నైపుణ్యాలను మెరుగుపరచుకోవడానికి ఏఐని ఉపయోగించడానికి ప్రయత్నిస్తున్నట్టు తెలిపారు. 67 శాతం మంది అటువంటి ప్రశ్నలను లేదా వ్యక్తిగత ఫాంటసీలను ఏఐతో పంచుకోవడానికి సౌకర్యంగా భావిస్తున్నారు.

రెండో స్థానంలో దూసుకుపోతున్న విశాఖ 

బెంగళూరు తర్వాత, విశాఖపట్నంలో ఇలాంటి వారు ఉన్న నగరంగా ఉంది. ఇక్కడ, ప్రతిస్పందించిన వారిలో 62 శాతం మంది ఫిజికల్ ఎడ్యుకేషన్, లైంగిక ఆరోగ్య సమాచారం కోసం ఏఐని ఉపయోగించాలని కోరుకుంటున్నారు. 60 శాతం మంది ఏఐతో శృంగారభరితమైన లేదా సన్నిహితమైన టెక్స్ట్ డిస్కషన్స్‌ చేయడానికి రెడీగా ఉన్నారు. 58 శాతం మంది ఏఐ రూపొందించిన ఫాంటసీ దృశ్యాలను చూడటానికి ఆసక్తి చూపుతున్నారు. అంతేకాకుండా, 53 శాతం మంది వ్యక్తిగత ఫాంటసీలు లేదా ఇంటిమసీ రిలేటెడ్‌ ప్రశ్నలను ఏఐని అడగడానికి సౌకర్యంగా భావిస్తున్నారు. 

కోయంబత్తూరులో ఏఐ వినియోగం మరింత వేగంగా 

సర్వేలో, కోయంబత్తూరు ప్రజలు కూడా ఏఐ పట్ల సానుకూల వైఖరిని వ్యక్తం చేశారు. యాభై శాతం మంది ఫిజికల్ ఎడ్యుకేషన్ కోసం ఏఐని ఉపయోగించాలనుకుంటున్నారు. యాభై రెండు శాతం మంది వ్యక్తిగత ప్రశ్నలు లేదా ఫాంటసీల గురించి ఏఐతో చర్చించేందుకు సౌకర్యంగా ఉన్నారు. నలభై తొమ్మిది శాతం మంది లైంగిక ఆరోగ్య సమస్యల కోసం ఏఐని ఉపయోగిస్తామని చెప్పారు.

కొచ్చిలో ప్రజల ఆలోచనా విధానం మారుతోంది

ఇతర నగరాలతో పోలిస్తే కొచ్చిలో ఈ సంఖ్య కొద్దిగా తక్కువగా ఉన్నప్పటికీ, ఇక్కడ కూడా ఏఐ పట్ల ప్రజల అభిప్రాయాలు మారుతున్నట్లు కనిపిస్తోంది. సుమారు 45 శాతం మంది ఏఐతో లవ్‌ రిలేటెడ్‌ చర్చల్లో పాల్గొనడానికి లేదా ఫాంటసీలు పంచుకోవడానికి సుముఖంగా ఉన్నారు. 43 శాతం మంది ఏఐ నుంచి లైంగిక ఆరోగ్య సమాచారాన్ని స్వీకరించడానికి ఇష్టపడుతున్నారు.              

మరిన్ని చదవండి

వాట్సాప్ బిజినెస్ కోసం కొత్త నిబంధనలు! మొత్తం ధరల విధానాన్నే మార్చేసిన మెటా!

హైదరాబాద్‌లో AI ట్రాఫిక్ మేనేజ్‌మెంట్! అనలాగ్, మేఘా సంస్థలతో తెలంగాణ ప్రభుత్వం కీలక ఒప్పందం!