Hum Safar Weekly Express Timings: శ్రీకాకుళం రోడ్ -తిరుపతి హమ్ సఫర్ వీక్లీ ఎక్స్ ప్రెస్ ప్రారంభం- టైమింగ్స్ ఇవే!

Hum Safar Weekly Express Timings: టెంపుల్ టూరిజంలో భాగంగా  శ్రీకాకుళం రోడ్డు స్టేషన్ నుంచి తిరుపతి స్టేషన్‌కు ఈ వీక్లీ హమ్‌సఫర్ ఎక్స్‌ప్రెస్‌ ఏర్పాటు చేసినట్లు కేంద్ర మంత్రి రామ్మోహన్ నాయుడు తెలిపారు.

శ్రీకాకుళం రోడ్ -తిరుపతి హమ్ సఫర్ వీక్లీ ఎక్స్ ప్రెస్ ప్రారంభం- టైమింగ్స్ ఇవే!

Source : Social Media

Show Quick Read

Key points generated by AI, verified by newsroom

• శ్రీకాకుళం నుంచి తిరుపతికి వీక్లీ హమ్ సఫర్ ఎక్స్‌ప్రెస్ ప్రారంభమైంది.
• ఈ రైలు ప్రయాణికుల ఇబ్బందులను తగ్గించి, సౌకర్యాన్ని అందిస్తుంది.
• కేంద్ర మంత్రి రామ్మోహన్ నాయుడు కృషితో ఈ రైలు సేవలు అందుబాటులోకి వచ్చాయి.
• టెంపుల్ టూరిజం ప్రోత్సాహంలో భాగంగా ఈ రైలు ఏర్పాటు చేయబడింది.

Hum Safar Weekly Express Timings: శ్రీకాకుళం ప్రాంతవాసులు ఎప్పటి నుంచో ఎదురుచూస్తున్న తిరుపతి డైరెక్ట్ ట్రైన్ ఇన్నాళ్లకు పట్టాలెక్కింది. ప్రతీ రోజూ ఉత్తరాంధ్ర నుంచి తిరుపతికి వెళ్లే ప్రయాణికులు  వేల సంఖ్యలో ఉన్నా వారికి డైరెక్ట్ ట్రైన్ అందుబాటులో ఉండేది కాదు. పూరీ -తిరుపతి ఎక్స్ ప్రెస్, వివేక్ ఎక్స్ ప్రెస్ లాంటి వాటిలో సీట్లు దొరక్క శ్రీకాకుళం ప్రజలు చాలా ఇబ్బంది పడేవారు. కేంద్రమంత్రిగా పనిచేసిన ఎర్రం నాయుడు లాంటి వాళ్లు శ్రీకాకుళం నుంచి తిరుపతికి డైరెక్ట్ ట్రైన్ కోసం చాలా ట్రై చేసిన అది ఎంత ట్రై చేసినా అది ఆచరణ లోనికి రాలేదు. ఇన్నాళ్లకు అది ఆయన కుమారుడు కేంద్రమంత్రి రామ్మోహన్ నాయుడు హయాంలో సాకారమైంది.

17440/17439- శ్రీకాకుళం రోడ్ -తిరుపతి హమ్ సఫర్ వీక్లీ ఎక్స్ ప్రెస్ ప్రారంభం 

కొత్తగా పట్టాలెక్కిన ట్రైన్ నెంబర్ 17440 హమ్ సఫర్ ఎక్స్‌ప్రెస్ ప్రతీ సోమవారం మధ్యాహ్నం 3 గంటలకు శ్రీకాకుళం రోడ్ స్టేషన్‌లో బయలుదేరి మంగళవారం ఉదయం 8:10 గంటలకు తిరుపతి చేరుకుంటుంది. అలాగే తిరుగు ప్రయాణంలో ట్రైన్ నెంబర్ 17439 హమ్‌సఫర్ ఎక్స్‌ప్రెస్ ప్రతి ఆదివారం సాయంత్రం 4:55కు తిరుపతిలో బయలుదేరి సోమవారం మధ్యాహ్నం 12:30 గంటలకు  శ్రీకాకుళం రోడ్డు స్టేషన్ చేరుకుంటుంది. ఈ ట్రైన్‌లో  3rd AC కోచ్‌లు 15, స్లీపర్ -4, పాంట్రీ కార్ -1,లగేజ్ కమ్ జనరేటర్ కోచ్ -1 కలిపి మొత్తం 22 బోగీలు ఉంటాయి.

ఈ ట్రైన్ ఆగే స్టేషన్స్ ఇవే 

శ్రీకాకుళం రోడ్డు-తిరుపతి మధ్యలో ఈ వీక్లీ హమ్ సఫర్ ఎక్స్ప్రెస్ చీపురుపల్లి, కొత్తవలస, విజయనగరం, పెందుర్తి, దువ్వాడ, అనకాపల్లి, ఎలమంచిలి, సామర్లకోట, రాజమండ్రి, ఏలూరు, విజయవాడ, తెనాలి, బాపట్ల, చీరాల, ఒంగోలు, నెల్లూరు, గూడూరు, రేణిగుంట స్టేషన్‌లలో ఆగుతుందని రైల్వే శాఖ తెలిపింది.

టెంపుల్ టూరిజంలో భాగంగా ఈ ట్రైన్ ఏర్పాటు: కేంద్రమంత్రి రామ్మోహన్ నాయుడు 

కేంద్ర రాష్ట్ర ప్రభుత్వాలు ప్రమోట్ చేస్తున్న టెంపుల్ టూరిజంలో భాగంగా  శ్రీకాకుళం రోడ్డు స్టేషన్ నుంచి తిరుపతి స్టేషన్‌కు ఈ వీక్లీ హమ్‌సఫర్ ఎక్స్‌ప్రెస్‌ ఏర్పాటు చేసినట్లు కేంద్ర మంత్రి రామ్మోహన్ నాయుడు తెలిపారు. దీని గురించి చాలా కాలంగా ప్రయత్నం చేస్తున్నానని  ఇన్నాళ్లకు అది వర్కౌట్ అయిందని తెలిపిన రామ్మోహన్ నాయుడు రైల్వే శాఖకు రైల్వే మంత్రికి కృతజ్ఞతలు తెలిపారు. ఈ ట్రైన్  సౌకర్యాన్ని శ్రీకాకుళం సహా ఉత్తరాంధ్ర భక్తులు ఉపయోగించుకోవాలని కోరారు.

మరిన్ని చదవండి

రైలులో గర్భిణికి నొప్పులు.. పురుడు పోసి తల్లీ బిడ్డ ప్రాణాలు కాపాడిన విజయవాడ టీటీఈ జ్యోతి

సింహాద్రి ఎక్స్ ప్రెస్ ప్రయాణికులకు ఊరట.. ట్రైన్ లో మార్పులు చేసిన రైల్వే