Kesineni Nani: విజయవాడలో కేశినేని నాని పొలిటికల్ బాంబ్ - ఎంపీ చిన్నిపై రూ.27 కోట్ల బ్లాక్ మనీ, యాసిడ్ దాడి ఆరోపణలు.. సీఎం చంద్రబాబుకు ట్వీట్!

Vijayawada Politics: విజయవాడలో మరోసారి కేశినేని వర్సెస్ కేశినేని రాజకీయాలు ప్రారంభమయ్యాయి. చిన్నిపై నాని బ్లాక్ మనీ ఆరోపణలు చేశారు.

విజయవాడలో కేశినేని నాని పొలిటికల్ బాంబ్ - ఎంపీ చిన్నిపై రూ.27 కోట్ల బ్లాక్ మనీ, యాసిడ్ దాడి ఆరోపణలు.. సీఎం చంద్రబాబుకు ట్వీట్!

Source : x

Kesineni Vs Kesineni:   విజయవాడ రాజకీయాలు మరోసారి తీవ్రస్థాయిలో వేడెక్కాయి. మాజీ ఎంపీ కేశినేని నాని  సోషల్ మీడియా వేదికగా ముఖ్యమంత్రి నారా చంద్రబాబు నాయుడును ట్యాగ్ చేస్తూ చేసిన వరుస సంచలన ట్వీట్లు, ఆరోపణలు ఇప్పుడు ఆంధ్రప్రదేశ్ పొలిటికల్ సర్కిల్స్‌లో పెను తుఫాను రేపుతున్నాయి. ప్రస్తుత విజయవాడ ఎంపీ కేశినేని శివనాథ్  లక్ష్యంగా.. పోలీసుల వేధింపులు, కోట్లాది రూపాయల బ్లాక్ మనీ దొంగతనం, చివరకు యాసిడ్ దాడి వంటి అత్యంత తీవ్రమైన అంశాలను ప్రస్తావిస్తూ కేశినేని నాని చేసిన ఈ ట్వీట్ల  వైరల్‌గా మారాయి. 

విజయవాడలో  కేశినేని  బ్రదర్స్ వార్ 
 
కేశినేని నాని తన మొదటి ట్వీట్‌లో.. తాను గత రెండేళ్లుగా రాజకీయాలకు పూర్తిగా దూరంగా ఉంటున్నప్పటికీ, తన చిన్ననాటి స్నేహితుడు తాతినేని రాంబాబుపై అక్రమ క్రిమినల్ కేసులు బనాయిస్తున్నారని ఆవేదన వ్యక్తం చేశారు. విజయవాడ టాస్క్‌ఫోర్స్  ఎస్ఐ నవీన్   రాంబాబు ఇంట్లో లేని సమయంలో వెళ్లి, ఆయన వృద్ధురాలైన తల్లిని తీవ్రంగా వేధించారని ముఖ్యమంత్రి చంద్రబాబు నాయుడు దృష్టికి తీసుకెళ్లారు. ప్రస్తుత విజయవాడ ఎంపీ కేశినేని చిన్ని ఒత్తిడితోనే పోలీసులు ఇలా  రాజకీయ కక్షసాధింపు కు పాల్పడుతున్నారని, అమాయక కుటుంబాన్ని రక్షించాలని సీఎంను కోరారు.   

Respected @AndhraPradeshCM @ncbn
I have been completely out of politics for almost two years now. Yet false criminal complaints are being filed against my childhood friend Tatineni Ram Babu, who has no political involvement whatsoever, apparently at the instance of the present…

— Kesineni Nani (@kesineni_nani) June 3, 2026

 జాతీయ మానవ హక్కుల కమిషన్ కు ఫిర్యాదు 

ఈ వేధింపుల ఉదంతంపై కేశినేని నాని అంతటితో ఆగకుండా చట్టపరమైన పోరాటానికి సిద్ధమయ్యారు. ఎటువంటి ముందస్తు నోటీసులు లేకుండా ఒక అమాయక కుటుంబంపై అర్థరాత్రి వేళల్లో పోలీసులు జరిపిన దాడిపై, వృద్ధురాలైన తల్లిని మానసికంగా ఇబ్బంది పెట్టడంపై జాతీయ మానవ హక్కుల కమిషన్  కు అధికారికంగా ఫిర్యాదు చేస్తున్నట్లు ప్రకటించారు. రాజకీయ ప్రయోజనాల కోసం పోలీసు యంత్రాంగాన్ని దుర్వినియోగం చేస్తున్న తీరుపై తక్షణమే విచారణ జరిపించాలని ఆయన ఎన్‌హెచ్‌ఆర్‌సీని కోరారు.

రూ. 27 కోట్ల బ్లాక్ మనీ దొంగతనం మిస్టరీ 

అయితే, ఈ మొత్తం వివాదం వెనుక విజయవాడలో గుసగుసలుగా వినిపిస్తున్న  రూ. 27 కోట్ల బ్లాక్ మనీ దొంగతనం  వ్యవహారం ప్రధాన కారణమని కేశినేని నాని తన మూడో ట్వీట్ ద్వారా పేర్కొన్నారు. ప్రస్తుత ఎంపీ కేశినేని చిన్ని అక్రమంగా సంపాదించినట్లు చెప్తున్న సొమ్ములో దాదాపు రూ. 27 కోట్ల నల్లధనం మాయమైందని, ఈ దొంగతనానికి సంబంధించి ఎంపీ పీఏలు, కార్యాలయ సిబ్బంది అయిన మోహన్, పొన్నం రాజేష్, రామచంద్ర, అంజి ,  హైదరాబాద్‌కు చెందిన నాగ శ్రీనివాసులు ప్రస్తుతం పరారీలో ఉన్నారని తెలిపారు.  పరారీలో ఉన్న వ్యక్తుల్లో ఒకరిని కొందరు సన్నిహితులు పట్టుకొచ్చి, ఎంపీ ముందే అతని చేతులపై యాసిడ్ పోసి చిత్రహింసలకు గురిచేశారని నాని ఆరోపించారు.  అయితే ఈ యాసిడ్ దాడి ఘటనకు సంబంధించి ఇప్పటివరకు పోలీసుల నుండి గానీ, బాధితుల నుండి గానీ ఎలాంటి అధికారిక సమాచారం లేదని నానినే తెలిపారు.  

విజయవాడ ఎంపీ కేశినేని చిన్ని అక్రమార్జన ద్వారా సంపాదించిన సొమ్ములో సుమారు రూ.27 కోట్ల బ్లాక్ మనీ దొంగతనం వ్యవహారానికి సంబంధించి, ఆయన పీఏలు మరియు కార్యాలయ సిబ్బంది (మోహన్! , పొన్నం రాజేష్!, రామచంద్ర!, అంజి! హైదరాబాద్ నాగ శ్రీనివాసు!) కొందరు పరారీలో ఉన్నారు .

అలాగే, ఆ సొమ్ము… pic.twitter.com/tixr7sfC3n

— Kesineni Nani (@kesineni_nani) June 4, 2026

ఈ గుసగుసల్ని నాని అనుచరులు విజయవాడలో వాట్సాప్ గ్రూపులలో ప్రచారం చేస్తూండటంతో.. అవి ఫేక్ అని వాటిపై చర్యలు తీసుకోవాలని ఎంపీ తరపు వ్యక్తులు పోలీసులకు ఫిర్యాదు చేశారు. ఈ కారణంగా కేశినేనినాని ప్రస్తావించిన  తాతినేని రాంబాబు అతనే ఈ ఫేక్ న్యూస్ వైరల్ చేస్తున్నారని ప్రశ్నించేందుకు పోలీసులు వెళ్లారు. దీన్నే నాని ప్ఱశ్నించారు. 
 
కేశినేని సోదరుల మధ్య ఉన్న పాత రాజకీయ, వ్యక్తిగత వైరం ఈ ట్వీట్లతో మరోసారి పతాక స్థాయికి చేరింది. బ్లాక్ మనీ దొంగతనం, యాసిడ్ దాడి వంటి తీవ్రమైన నేరారోపణలు నేరుగా ఒక సిట్టింగ్ ఎంపీపై రావడం, దానికి తోడు మానవ హక్కుల కమిషన్‌కు ఫిర్యాదు చేయడం చూస్తుంటే ఈ వ్యవహారం ఇప్పట్లో ముగిసేలా లేదు. ఈ ఆరోపణలపై ఇటు విజయవాడ పోలీసులు కానీ, అటు ఎంపీ కేశినేని చిన్ని వర్గం కానీ ఎలా స్పందిస్తుందో, ప్రభుత్వం దీనిపై ఎలాంటి విచారణకు ఆదేశిస్తుందో రాబోయే రోజుల్లో తేలనుంది. గతంలోనూ కేశినేని చిన్నిపై నాని చాలా తీవ్ర ఆరోపణుల చేశారు.