Vijayasai Reddy Politics: విజయసాయిరెడ్డి కీలక ప్రకటన... రాజకీయ పార్టీపై ఈ నెల 7న ముహూర్తం ఫిక్స్

Vijayasai Reddy Political Journey: మాజీ ఎంపీ విజయసాయిరెడ్డి తన భవిష్యత్ రాజకీయ ప్రయాణానికి సంబంధించి ఈ నెల 7వ తేదీ, సోమవారం మధ్యాహ్నం 1:15 గంటలకు విజయవాడలో ప్రెస్ మీట్ నిర్వహించనున్నారు.

మాజీ ఎంపీ విజయసాయిరెడ్డి

Source : social media

Show Quick Read

Key points generated by AI, verified by newsroom

• విజయసాయిరెడ్డి జూలై 7న విజయవాడలో విలేకరుల సమావేశం ఏర్పాటు.
• భవిష్యత్ రాజకీయ ప్రణాళిక, వ్యూహాలపై కీలక నిర్ణయం ప్రకటన.
• నూతన రాజకీయ పార్టీ స్థాపనపై అధికారికంగా క్లారిటీ ఇచ్చారు.
• ప్రజల గళాన్ని అసెంబ్లీ, పార్లమెంట్‌లలో బలంగా వినిపిస్తారు.

Vijayasai Reddy Politics | విజయవాడ: మాజీ ఎంపీ వేణుంబాక విజయసాయిరెడ్డి తన భవిష్యత్ రాజకీయ ప్రయాణానికి సంబంధించి మరో అప్డేట్ ఇచ్చారు. ఈ నెల 7వ తేదీ, సోమవారం మధ్యాహ్నం 1:15 గంటలకు విజయవాడలోని 'లెమన్ ట్రీ ప్రెమియర్' హోటల్‌లో విలేకరుల సమావేశం నిర్వహించనున్నట్లు వెల్లడించారు. ఈ ప్రెస్ మీట్‌లో తన రాజకీయ భవిష్యత్,  రాబోయే రోజుల్లో అనుసరించబోయే వ్యూహాలపై ముఖ్యమైన నిర్ణయాన్ని ప్రకటించబోతున్నట్లు మీడియా వేదికగా విజ్ఞప్తి చేశారు.

ఆంధ్రప్రదేశ్ లో ప్రస్తుతం సామాన్య ప్రజలు ఎదుర్కొంటున్న పలు రకాల సమస్యలపై ఈ సమావేశంలో ప్రధానంగా ప్రస్తావించనట్లు తెలుస్తోంది. రాష్ట్రంలో ప్రస్తుతం నడుస్తున్న కూటమి ప్రభుత్వం  రాజకీయాలు, సామాన్య మానవుడి సంకల్పం, ఆశయాలు, ప్రయోజనాలను ప్రతిబింబించడంలో విఫలమవుతోందో ఈ సందర్భంగా అన అభిప్రాయాన్ని చెప్పనున్నారు. ఇదివరకే పొలిటికల్ ఎంట్రీపై క్లారిటీ ఇచ్చిన విజయసాయిరెడ్డి తన జెండా, రాజకీయ అజెండా, విధానాలపై క్లారిటీ ఇచ్చే అవకాశం ఉందని అంతా భావిస్తున్నారు. సోమవారం జరగనున్న ఈ ప్రెస్ మీట్‌కు మీడియా మిత్రులు హాజరై, నిష్పక్షపాతంగా దీనిపై విస్తృత ప్రచారం కల్పించాలని విజయసాయిరెడ్డి విజ్ఞప్తి చేశారు.

PRESS INVITATION

I will be addressing the press in Vijayawada on 7th September to discuss the various problems being faced by the common people of Andhra Pradesh.

The press meet will also focus on how the prevailing two-party political model is failing to reflect the will,… pic.twitter.com/UwjScPq8Sp

— Vijayasai Reddy V (@VSReddy_MP) September 5, 2026

పొలిటికల్ రీఎంట్రీ.. పార్టీ స్థాపనపై విజయసాయిరెడ్డి ప్రకటన

ఆంధ్రప్రదేశ్ రాజకీయంలో మరో కొత్త అధ్యాయం ప్రారంభం కాబోతోంది. మాజీ ఎంపీ వేణుంబాక విజయసాయి రెడ్డి నూతన రాజకీయ పార్టీని స్థాపించబోతున్నట్లు అధికారికంగా ప్రకటించారు.  ఇటీవల తిరుమల శ్రీవెంకటేశ్వర స్వామివారిని దర్శించుకున్న అనంతరం మీడియాతో మాట్లాడిన ఆయన, కొత్త పార్టీ ఏర్పాటుపై క్లారిటీ ఇచ్చారు. ప్రజల తరఫున, ప్రజల కోసం, ప్రజాపక్షంగా నిలబడి వారి గొంతును అసెంబ్లీతో పాటు పార్లమెంట్‌లోనూ బలంగా వినిపించడమే తమ పార్టీ ప్రధాన లక్ష్యమని స్పష్టం చేశారు.

ప్రజల తరఫున ఒక న్యాయవాదిగా, బాధ్యతాయుతమైన ప్రజాప్రతినిధిగా సేవ అందిస్తానని పేర్కొన్నారు. రాష్ట్ర ప్రజల సమస్యలను రాజకీయ వేదికలపై బలంగా ప్రస్తావించడంతో పాటు, ప్రజల ఆకాంక్షలకు అనుగుణంగానే పార్టీ కార్యాచరణ ఉంటుందన్నారు. నూతన పార్టీ ఏర్పాటుకు సంబంధించిన ప్రక్రియలను ఈ నెలలోనే ప్రారంభించనున్నట్లు వెల్లడించారు. విజయవాడ వేదికగా ఈ నెలలోనే విస్తృత స్థాయి మీడియా సమావేశాన్ని నిర్వహించి, తన భవిష్యత్ రాజకీయ ప్రణాళిక, పార్టీ విధివిధానాలు, కార్యాచరణకు సంబంధించిన పూర్తి వివరాలను ప్రకటిస్తానని చెప్పారు.

శ్రీవారి దర్శనంలో భాగంగా రాష్ట్ర సంక్షేమాన్ని కాంక్షిస్తూ ప్రత్యేక ప్రార్థనలు చేసినట్లు విజయసాయి రెడ్డి తెలిపారు. ఏపీలో ఎల్‌నినో ప్రభావం లేకుండా అనుకూల వాతావరణం ఉండాలని, పుష్కలంగా వర్షాలు కురిసి రైతాంగం సుభిక్షంగా ఉండాలని ప్రార్థించినట్లు చెప్పారు. రాష్ట్రంలో ఎలాంటి ఆహార కొరత తలెత్తకుండా ప్రజలందరూ సుఖసంతోషాలతో జీవించాలని స్వామివారిని ప్రార్థించినట్లు ఆయన వెల్లడించారు.

 

మరిన్ని చదవండి

PRC ఏర్పాటుకు నిర్ణయం, అక్టోబర్ 1 నుంచి 2 డీఏలకు ఆమోదం- సీఎం చంద్రబాబు కీలక నిర్ణయాలు

ఏపీలో 28 కొత్త జిల్లా పరిషత్‌లు.. జిల్లాల సంఖ్యకు అనుగుణంగా జడ్పీలు ఏర్పాటుకు ఉత్తర్వులు