Viral News: చంద్రగిరిలో ఘాట్ రోడ్డుపై ఏనుగుల గుంపు కలకలం.. రంగంలోకి దిగిన ఎమ్మెల్యే పులివర్తి నాని

Elephants Disrupt Traffic on Bhakarapet Ghat Road | తిరుపతి జిల్లా చంద్రగిరి మండలం భాకరాపేట ఘాట్ రోడ్డుపై ఏనుగుల గుంపు సంచారంతో గంటపాటు నిలిచిపోయిన ట్రాఫిక్‌ను ఎమ్మెల్యే పులివర్తి నాని చొరవతో అధికారులు పునరుద్ధరించారు.

చంద్రగిరిలో ఘాట్ రోడ్డుపై ఏనుగుల గుంపు కలకలం.. రంగంలోకి దిగిన ఎమ్మెల్యే పులివర్తి నాని

Source : Abp desam

Show Quick Read

Key points generated by AI, verified by newsroom

• చంద్రగిరి భాకరాపేట ఘాట్ రోడ్డులో ఏనుగుల గుంపు రోడ్డుపైకి చేరింది.
• ఏనుగుల వల్ల గంటపాటు వాహనాల రాకపోకలు నిలిచిపోయాయి.
• అంబులెన్సులను ప్రత్యామ్నాయ మార్గాలలో తరలించాలని ఎమ్మెల్యే ఆదేశించారు.
• అటవీ, పోలీస్ అధికారులు ఏనుగులను అడవిలోకి తరలించి ట్రాఫిక్ పునరుద్ధరించారు.

Elephants Disrupt Traffic In Chandragiri | చంద్రగిరి: తిరుపతి జిల్లా చంద్రగిరి మండలం పరిధిలోని భాకరాపేట కనుమ రహదారిపై సోమవారం భారీ ఏనుగుల గుంపు ప్రత్యక్షమైంది. దట్టమైన అడవి నుంచి రోడ్డుపైకి వచ్చిన ఏనుగుల కారణంగా ఈ ఘాట్ రోడ్డులో వాహనాల రాకపోకలు సుమారు గంటపాటు పూర్తిగా స్తంభించిపోయాయి. రహదారికి ఇరువైపులా భారీగా వాహనాలు నిలిచిపోవడంతో ప్రయాణికులు తీవ్ర భయాందోళనలకు గురయ్యారు.

ఈ ఘటనపై చంద్రగిరి ఎమ్మెల్యే పులివర్తి నాని తక్షణమే స్పందించారు. కనుమ రహదారిలో నిలిచిపోయిన వాహనాల్లో రెండు అత్యవసర అంబులెన్సులు కూడా ఉన్నట్లు స్థానిక నాయకుల ద్వారా తెలుసుకున్న ఆయన.. వెంటనే పోలీస్ అధికారులను అప్రమత్తం చేశారు. రోగుల ప్రాణాలను దృష్టిలో ఉంచుకుని, ఆ అంబులెన్సులను ప్రత్యామ్నాయ మార్గాల ద్వారా సురక్షితంగా గమ్యస్థానాలకు చేర్చాలని పోలీసులను ఆదేశించారు.

అదే సమయంలో అటవీ శాఖ ఉన్నతాధికారులతో మాట్లాడిన ఎమ్మెల్యే, అటవీ ప్రాంతం నుంచి ఏనుగులను సురక్షితంగా అడవిలోకి తరలించేలా చర్యలు చేపట్టమన్నారు. ఎమ్మెల్యే ఆదేశాల మేరకు రంగంలోకి దిగిన అటవీ, పోలీస్ శాఖల అధికారులు శ్రమించి ఏనుగుల గుంపును రహదారిపై నుండి దట్టమైన అటవీ ప్రాంతంలోకి విజయవంతంగా తోలేశారు. అనంతరం నిలిచిపోయిన ట్రాఫిక్‌ను క్రమబద్ధీకరించి రాకపోకలను పునరుద్ధరించారు.

రాత్రి వేళల్లో ప్రయాణికులకు, వాహన చోదకులకు ఎలాంటి అసౌకర్యం లేదా ప్రమాదం కలగకుండా చూసేందుకు, కొద్దిరోజుల పాటు ఈ ఘాట్ రోడ్డు మార్గంలో ప్రత్యేక గస్తీ (పెట్రోలింగ్) నిర్వహించాలని అటవీశాఖ అధికారులను ఎమ్మెల్యే పులివర్తి నాని ఆదేశించారు. ఏనుగుల సంచారంపై సమాచారం అందిన వెంటనే స్పందించి, తమను సురక్షితంగా ఒడ్డున పడేసిన ఎమ్మెల్యే నానికి, అధికారులకు బస్సు ప్రయాణికులు, వాహనదారులు కృతజ్ఞతలు తెలిపారు.

మరిన్ని చదవండి

50% సబ్సిడీతో ట్రాక్టర్, 100% సబ్సిడీతో డ్రోన్.. ఎస్ఎంఏఎస్ స్కీమ్ అర్హతలు, దరఖాస్తు విధానం