ATM Theft in Dharmavaram: ధర్మవరంలో ఏటీఎం మెషీన్‌ను ఎత్తుకెళ్లిన దొంగలు.. ఇలా ఉన్నారేంట్రా బాబు!

ఐడీఎఫ్‌సీ బ్యాంకు ఏటీఎంను దొంగలు బొలెరో వాహనంతో పెకిలించి, మెషీన్‌తో సహా ఎత్తుకెళ్లిన ఘటన సత్యసాయి జిల్లాలోని ధర్మవరంలో బుధవారం తెల్లవారుజామున జరిగింది.

ఏటీఎం మెషీన్ ఎత్తుకెళ్లిన దొంగలు

Source : Abp desam

ATM Theft in Dharmavaram | ధర్మవరం: శ్రీ సత్యసాయి జిల్లా ధర్మవరంలో దొంగలు బీభత్సం సృష్టించారు. ధర్మరంలోని పార్థసారథి నగర్ ప్రధాన రహదారి పక్కన ఉన్న ఐడీఎఫ్‌సీ (IDFC) బ్యాంకు ఏటీఎంను దుండగులు ఏకంగా మెషీన్‌తో సహా ఎత్తుకెళ్లడం స్థానికంగా కలకలం రేపింది. బుధవారం (మే 6న) తెల్లవారుజామున కొందరు దుండుగులు ఏటీఎంలో నగదు చోరీ చేయడానికి ఏకంగా మేషిన్ ను బొలెరోతో పెకిలించి ఎత్తుకెళ్లారు. 

పోలీసులు తెలిపిన ప్రకారం.. ముగ్గురు వ్యక్తులు మాస్కులు ధరించి బొలెరో వాహనంలో ఏటీఎం సెంటర్ వద్దకు చేరుకున్నారు. మొదటగా మెషీన్‌లోని డబ్బును దొంగిలించేందుకు రాడ్లతో పగలగొట్టాలని చూశారు. ఎంత ప్రయత్నించినా వారికి ఓపెన్ చేయడం సాధ్యం కాకపోవడంతో నిందితులు ఏకంగా ఏటీఎం మెషీన్‌నే ఎత్తుకెళ్లాలని డిసైడ్ అయ్యారు.

వెంటనే తాము తెచ్చిన బొలెరో వాహనానికి తాళ్లు కట్టి, ATM మెషీన్‌ను బలంగా పెకిలించారు. తరువాత ఏటీఎం మెషీన్‌ను బొలెరోలో ఎక్కించుకుని అక్కడి నుండి వెంటనే పరారయ్యారు.

సమాచారం అందుకున్న పోలీసులు వెంటనే ఐడీఎఫ్‌సీ ఏటీఎం సెంటర్‌కు చేరుకుని పరిశీలించారు. కేసు నమోదు చేసిన పోలీసులు దర్యాప్తు ప్రారంభించారు. నిందితులు వాహనంలో బత్తలపల్లి వైపు వెళ్లినట్లు ప్రాథమికంగా గుర్తించారు. ఆ మార్గంలోని సీసీ కెమెరా దృశ్యాలను సేకరించి, నిందితుల కోసం గాలింపు చర్యలు ముమ్మరం చేశారు. ధర్మవరంలో ఉన్న ప్రధాన రహదారిపై ఉన్న ఏటీఎం మెషీన్‌ను దొంగలు ఎత్తుకెళ్లడంతో ప్రజల్లో భయాందోళన వ్యక్తం చేస్తున్నారు.

గ్యాస్ కట్టర్లతో ఏటీఎం మెషీన్ కోసి నగదు చోరీ 
తెలంగాణలోని మంచిర్యాల జిల్లా లక్షెట్టిపేటలో ఇటీవల ఏటీఎం చోరీ జరిగింది. స్థానిక ప్రధాన జంక్షన్ వద్ద ఉన్న ఎస్‌బీఐ (SBI) ఏటీఎం సెంటర్‌ను లక్ష్యంగా చేసుకున్న దొంగలు, అర్ధరాత్రి సమయంలో గ్యాస్ కట్టర్లతో ఏటీఎం మెషీన్‌ను కట్ చేశారు. లోపల ఉన్న సుమారు రూ. 10 లక్షలకు పైగా నగదును ఎత్తుకెళ్లారు. లోపలికి వెళ్లగానే సీసీ కెమెరాలకు నల్లటి రంగు పూసి సాక్ష్యాలు దొరకకుండా జాగ్రత్త పడ్డారు. అలారం మోగకుండా వైర్లు కట్ చేసి ఈ దొంగతనానికి పాల్పడ్డారు. క్లూస్ టీమ్ సాయంతో పోలీసులు నిందితుల కోసం దర్యాప్తు చేపట్టారు. 

మరిన్ని చదవండి

భార్య లావుగా మారిందని పాలకోవాలో విషం కలిపి హత్య.. యూట్యూబ్‌లో వెతికి మరీ భర్త దారుణం

వాంకిడిలో రైతును బురిడీ కొట్టించి 75 వేలు చోరీ.. పట్టపగలే సినిమా సీన్ తరహాలో