Viral News: యానాంలో యువకుడి హైడ్రామా.. లవర్ మెసేజ్లు చదివారంటూ సెల్ టవర్ ఎక్కి నిరసన
తన సెల్ఫోన్ తీసుకున్న పోలీసులు లవర్ పెట్టిన మెసేజ్లు చదివారంటూ యానాంలో ఓ యువకుడుసెల్ టవర్ ఎక్కి హల్చల్ చేశాడు. చివరకు సురక్షితంగా అతడ్ని కిందకు దించారు.
యానాం: అంబేద్కర్ కోనసీమ జిల్లా పరిధిలోని యానాంలో ఒక యువకుడు సెల్ టవర్ ఎక్కి ఆత్మహత్యాయత్నం చేయడం కలకలం సృష్టించింది. యానాం సిద్ధార్థ నగర్కు చెందిన అలీషా అనే యువకుడు సోమవారం నాడు సెల్ టవర్ పైకి ఎక్కి సుమారు రెండు గంటల పాటు హైడ్రామా సృష్టించాడు. తన వాట్సాప్ స్టేటస్ వివాదాస్పదంగా ఉందనే కారణంతో పోలీసులు తన ఫోన్ను స్వాధీనం చేసుకున్నారని, నాలుగు రోజులు గడిచినా తిరిగి ఇవ్వకుండా వేధిస్తున్నారని ఆరోపిస్తూ అతను ఈ నిరసనకు దిగాడు.
నచ్చజెప్పి కిందకు దింపిన పోలీసులు
టవర్ పైనుంచి దూకేస్తానని, మెడకు వైరు కట్టుకుని ఆత్మహత్య చేసుకుంటానని అలీషా బెదిరించడంతో స్థానికులు భయాందోళనకు గురయ్యారు. సమాచారం అందుకున్న పోలీసులు, ఫైర్ సిబ్బంది అక్కడికి చేరుకుని మెగా ఫోన్ల ద్వారా అతనికి నచ్చజెప్పే ప్రయత్నం చేశారు. ఎవరైనా పైకి వచ్చే ప్రయత్నం చేస్తే దూకేస్తానని అతను హెచ్చరించడంతో పరిస్థితి ఉద్రిక్తంగా మారింది. చివరకు పోలీసులు అతనికి భరోసా ఇవ్వడంతో సురక్షితంగా కిందకు దిగి వచ్చాడు.
లవర్ పంపిన మెస్సేజ్లు చదివారని..
టవర్ దిగిన తర్వాత అలీషా పోలీసులపై తీవ్ర ఆరోపణలు చేశాడు. పోలీసులు తన వ్యక్తిగత గోప్యతకు భంగం కలిగించారని, తన ఫోన్ ఓపెన్ చేసి ప్రియురాలు, కుటుంబ సభ్యులు పంపిన వ్యక్తిగత మెసేజ్లను చదివారని ఆవేదన వ్యక్తం చేశాడు. గత నాలుగు రోజులుగా పోలీసులు తనను మానసికంగా ఇబ్బంది పెడుతున్నారని ఆరోపించాడు. సుమారు రెండు గంటల పాటు సాగిన ఈ హైడ్రామాతో యానాం ప్రజలు ఒక్కసారిగా ఊపిరి పీల్చుకున్నారు.
Before You Go
Viral Video of a Man Wearing Leaf Helmet | ఎండ దెబ్బకి ఇతడేం చేశాడో చూడండి!
టాప్ హెడ్ లైన్స్
ట్రెండింగ్ వార్తలు
