Oasis Fertility : కాకినాడలో కాబోయే తల్లిదండ్రుల కోసం బేబీ షవర్ నిర్వహించిన ఒయాసిస్ ఫెర్టిలిటీ! 

Oasis Fertility : తల్లి కావాలనే ప్రయాణంలో ఎన్నో సమస్యలు ఎదుర్కొన్న తల్లులు, వారికి అండగా నిలిచిన భాగస్వాములను అభినందించేందుకు ఈ వేడుక చేసినట్టు ఒయాసిస్‌ తెలిపారు.

కాకినాడలో కాబోయే తల్లిదండ్రుల కోసం బేబీ షవర్ నిర్వహించిన ఒయాసిస్ ఫెర్టిలిటీ! 

Source : ABP Desam

Show Quick Read

Key points generated by AI, verified by newsroom

Oasis Fertility : అమ్మానాన్న అని పిలిపించుకోవాలని పెళ్లైన జంటకు ఉంటుంది. కానీ కొన్నిసార్లు ఆరోగ్య సమస్యలు ఆ కలను దూరం చేస్తుంటాయి. అలాంటి వారికి అత్యాధునిక వైద్యంతో తోడుగా నిలిచి, వారి కలల్ని నిజం చేస్తోంది ఒయాసిస్‌ ఫెర్టిలిటీ. తాజాగా కాకినాడ కేంద్రంలో చికిత్స తీసుకొని త్వరలో తల్లిదండ్రులు కాబోతున్న దంపతుల కోసం నిర్వహించిన బేబీ షవవర్‌(శ్రీమంతం) వేడుక ఆకట్టుకుంది. ఇదే నమ్మకంతో పదహారేళ్లుగా ప్రజల మన్ననలు పొందుతున్నామని ఓయాసిస్ సంస్థ పేర్కొంది. 

తల్లి కావాలనే ప్రయాణంలో ఎన్నో సమస్యలు ఎదుర్కొన్న తల్లులు, వారికి అండగా నిలిచిన భాగస్వాములను అభినందించేందుకు ఈ వేడుక చేసినట్టు ఒయాసిస్‌ తెలిపారు. దంపతులు ఈ ప్రయాణంలో కనబర్చిన స్థైర్యం, సానుకూలత, నమ్మకాన్ని ఒయాసిస్‌ కొనియాడింది. ఈ సందర్భంగా ఒయాసిస్‌ ఫెర్టిలిటీ కో ఫౌండర్‌, మెడికల్‌ డైరెక్టర్‌ డాక్టర్‌ దుర్గా జి. రావు మాట్లాడుతూ "ఒయాసిస్‌ ఫెర్టిలిటీలో మేము సాధించిన ప్రతి విజయం ఆశ, సంరక్షణ, నమ్మకానికి ప్రతిరూపం. ఎంత కాలంగా ఎదురు చూస్తున్న ఈ కొత్త ఆరంభాలను జరుపుకోవడానికి ఈ వేడు ఒక వేదిక " అని అన్నారు. సహాయక ఫెర్టిలిటీ చికిత్సల ద్వారా తల్లిదండ్రులుగా మారే అనుభవం ఎంతో ప్రత్యేకమైనదని అన్నారు. 

కాకినాడ కేంద్రం ప్రారంభమైనప్పటి నుంచి ఈ ప్రాంతంలోని ఎంతో మంది దంపతులకు ఒయాసిస్ భరోసా ఇస్తోందని సంస్థ పేర్కొంది. ఇక్కడ  కేవలం సాధారణ చికిత్సలే కాకుండా, ప్రపంచస్థాయి టెక్నాలజీని సామాన్యులకు అందుబాటులోకి తీసుకొచ్చామని తెలిపారు. ప్రాథమిక, ఆధునిక సంతాన సాఫల్య చికిత్సలు, IUI అండ్‌ IVF, అండాలను ప్రయోగశాలలో పక్వానికి తెచ్చేందుకు CAPA-IVM విధానం తెచ్చామన్నారు. జన్యుపరమైన లోపాలు లేని బిడ్డల కోసం చేసే PGT పరీక్షలను అందుబాటులో ఉంచామన్నారు. దీని ద్వారా ఈ ప్రాంతంలో రీప్రొడక్టివ్‌ హెల్త్‌కేర్ రంగంలో ఒయాసిస్ ముందంజలో ఉందని సంస్థ అభిప్రాయపడుతోంది.

ఒయాసిస్ ఫెర్టిలిటీ సీఈవో పుష్కరాజ్ షెనాయ్ మాట్లాడుతూ... "ఒకప్పుడు మా వద్దకు ఎంతో ఆశతో వచ్చిన వారు నేడు తల్లిండ్రులుగా మారడం చూడటం చాలా ఆనందంగా ఉంది. ఇది సైన్ మీద ఉన్న నమ్మకాన్ని పెంచే వేడుక. ఇన్‌ ది గుడ్ హ్యాండ్స్‌ ఆఫ్‌ సైన్ అనే మా నినాదాన్ని ప్రతిబింబిస్తూ, ప్రతి జంట కలను సాకారం చేయడానికి మేం నిరంతరం కృషి చేస్తూనే ఉంటాం" అని స్పష్టం చేశారు. 

ఫెర్టిలిటీ చికిత్స అంటే చాలా మంది కేవలం మందులు, ఇంజక్షన్లు అని అనుకుంటారని కానీ అంతకంటే మించినదని కాకినాడ కన్సెల్టెంట్‌ ఫెర్టిలిటీ స్పెషలిస్ట్ డాక్టర్ దీప్తి ప్రియదర్శని అభిప్రాయపడ్డారు. " బేబీ షవర్‌ వంటి సందర్భాలు మాకు ఒక విషయాన్ని గుర్తు చేస్తాయి. ఫెర్టిలిటీ సంరక్షణ అనేది కేవలం టెక్నాలజీ గురించి మాత్రమే కాదు, ఆనందం, ఆశతో నిండిన కొత్త జీవితాలను సృష్టించడం గురించి. ఇక్కడ ఉన్న దంపతుల ముఖాల్లో కనిపిస్తున్న ఆనందమే మాకు అతి పెద్ద బహుమతి" అని పేర్కొన్నారు.