Milk Buying Tips: ప్యాకెట్‌ పాలు కొనేటప్పుడు తీసుకోవాల్సిన జాగ్రత్తలేంటీ? కల్తీ జరిగితే ఎవరికి ఫిర్యాదు చేయాలి?

Milk Buying Tips: పాలు కొనేటప్పుడు కొన్ని జాగ్రత్తలు తీసుకోవాలి. ముఖ్యంగా ప్యాకెట్ మిల్క్ విషయంలో మరింత జాగ్రత్తగా ఉండాలి.

ప్యాకెట్‌ పాలు కొనేటప్పుడు తీసుకోవాల్సిన జాగ్రత్తలేంటీ? కల్తీ జరిగితే ఎవరికి ఫిర్యాదు చేయాలి?

Source : freepik

Show Quick Read

Key points generated by AI, verified by newsroom

Milk Buying Tips: దాదాపు ప్రతి భారతీయుడి ఇంట్లో ఉదయం పాల ప్యాకెట్ కటింగ్‌తోనే మొదలవుతుంది. గతంలో ప్రతి ఇంటికి పాలు పోసే వాళ్ల ఉండే వాళ్లు. అయితే వాటి స్థానంలో ఎక్కువ శాతం మంది పాల ప్యాకెట్లు వేయించుకుంటున్నారు. దీని కోసం ప్రత్యేకంగా యాప్‌లు కూడా వచ్చేశాయి. వాటిలో రాత్రి బుక్ చేస్తే ఉదయానికల్లా గుమ్మంలో ప్యాకెట్ ఉంటోంది. దీంతో పాల వ్యక్తి వచ్చే వరకు ఎదురు చూడాల్సిన పని లేకుండా సింపుల్‌గా పని సాగిపోతోంది. ఇలాంటి పాల ప్యాకెట్లు కొనేటప్పుడు కొన్ని విషయాలను గుర్తు పెట్టుకోవాలి. లేకుంటే మీరు కచ్చితంగా అనారోగ్యం పాలు అవుతారు. 

మీరు పాల ప్యాకెట్‌ కొనే ప్రతిసారీ కొన్ని విషయాలను గుర్తు పెట్టుకోవాలి. ప్యాకెట్‌పై FSSAI లోగో ఉందా లేదా అని చూడాలి. దీంతోపాటు ఆ సంస్థ ఇచ్చిన లైసెన్స్ ఉందా లేదా చూడాలి. ఆ నెంబర్‌ 14 డిజిట్స్‌తో  ఉంటుంది. ఆ నెంబర్ లేకపోతే ఆ ఉత్పత్తి నమ్మదగినది కాదు అని గుర్తు పెట్టుకోవాలి. ప్యాకింగ్ చేసిన తేదీని, ఎక్స్‌పైరీ తేదీని స్పష్టంగా ఉన్నాయో లేదో చూడాలి. గడువు ముగిసిన పాలు వాడటం ప్రమాదకరం. 

మీ ఆరోగ్య అవసరాలకు అనుగుణంగా ఫుల్‌క్రీమ్‌(6శాతం ఫ్యాట్) టోన్డ్‌(3శాతం ఫ్యాట్‌) స్కిమ్డ్‌ మిల్క్‌ ఎంచుకోవడం మంచిది. పిల్లలకు ఫుల్‌ క్రీమ్‌, బరువు తగ్గాలనుకునే వారికి టోన్డ్‌ పాలు బెటర్. ప్యాకెట్‌ లీక్ అవుతుందో లేదా ఉబ్బిపోయి ఉందా అనేది జాగ్రత్తగా చూసుకోవాలి. ప్యాకెట్ ఉబ్బింది అయితే లోపల బ్యాక్టీరియా పెరిగి ఫెర్మెంటేషన్ జరిగిందని అర్థం చేసుకోవాలి. పాలు ఎల్లప్పుడూ నాలుగు డిగ్రీల చల్లని ఉష్ణోగ్రతలో ఉంచాలి. దుకాణదారుడు ఫ్రిజ్‌లో కాకుండా బయట పెట్టి అమ్మితే బ్యాక్టీరియా చేరే అవకాశం ఉంది. పాల ఉత్పత్తులపై గ్రీన్ డాట్ ఉండాలి. 

పాలు కల్తీ అని తేలితే ఎవరికి ఫిర్యాదు చేయాలంటే?

పాలు కల్తీ అయినట్టు మీరు ప్రాథమిక పరీక్షల ద్వారా గుర్తిస్తే మీరు FSSAIకి ఫిర్యాదు చేయాలి. 1800-11-2100 నెంబర్‌కు ఫోన్ చేసి పూర్తి వివరాలు అందించవచ్చు వైబ్‌సైట్‌లో కూడా కంప్లైంట్ చేయవచ్చు. ఫిర్యాదు చేసే టైంలో బ్రాండ్‌ పేరు, కొనుగోలు తేదీ, బిల్ కాపీ, నమూనా వివరాలు ఇవ్వాలి. తెలుగు రాష్ట్రాల్లో కూడా జిల్లా ఫుడ్ సేఫ్టీ అధికారులను కూడా సంప్రదించవచ్చు. 1915 నెంబర్‌కు ఫోన్ చేసి జాతీయ వినియోగదారుల హెల్ప్‌లైన్‌కి కూడా ఫోన్ చేయవచ్చు. 

మరిన్ని చదవండి

మీ గ్లాసు పాలల్లో విషం ఉందా? కల్తీని గుర్తించే సులభమైన మార్గాలు ఇవే!

కల్తీ పాల ప్రభావం కిడ్నీలపై ఎలా ఉంటుంది? ఆ లక్షణాలు కనిపిస్తే జాగ్రత్త