DAY NRLM Scheme: డ్వాక్రా మహిళలకు బంపర్ ఆఫర్.. పూచీకత్తు లేకుండా రూ. 10 లక్షల లోన్.. వడ్డీ రాయితీ కూడా!

DAY NRLM Scheme: డ్వాక్రా సంఘాలకు దీనదయాల్ అంత్యోదయ యోజన-జాతీయ గ్రామీణ జీవనోపాధి మిషన్ కింద రూ.10 లక్షల వరకు తక్కువ వడ్డీ రుణాలు అందిస్తుంది కేంద్రం.

డ్వాక్రా మహిళలకు బంపర్ ఆఫర్.. పూచీకత్తు లేకుండా రూ. 10 లక్షల లోన్.. వడ్డీ రాయితీ కూడా!

Source : gemini Ai

Show Quick Read

Key points generated by AI, verified by newsroom

• DAY-NRLM పథకం కింద మహిళలకు రూ. 10 లక్షల వరకు రుణాలు.
• MSME యూనిట్ల ఏర్పాటుకు, ఫుడ్ ప్రాసెసింగ్‌కు రుణాలు పొందవచ్చు.
• 6 నెలలు యాక్టివ్‌గా ఉన్న డ్వాక్రా సంఘాలు అర్హులు.
• వెనుకబడిన జిల్లాల్లో 7% వడ్డీ రాయితీతో రుణాలు లభిస్తాయి.

DAY NRLM Scheme: గ్రామీణ ప్రాంతాల్లోని మహిళల ఉపాధి అవకాశాలను మెరుగుపర్చేందుకు, సొంత వ్యాపారాలు ప్రారంభించేందుకు కేంద్ర ప్రభుత్వం సరికొత్త అవకాశాన్ని కల్పిస్తుంది. దీనదయాల్ అంత్యోదయ యోజన-జాతీయ గ్రామీణ జీవనోపాధి మిషన్ (DAY-NRLM) కింద డ్వాక్రా మహిళలకు ఎలాంటి పూచీకత్తు లేకుండా రూ. 10 లక్షల వరకు రుణాలు అందిస్తోంది. ముఖ్యంగా ఎంఎస్‌ఎంఈ (MSME) యూనిట్ల ఏర్పాటుకు రూ. 10 లక్షల వరకు రుణాలు పొందవచ్చు.  

ఏ వ్యాపారాలకు లోన్ ఇస్తారు?

కొత్తగా బిజినెస్ స్టార్ట్ చేయాలనుకునే మహిళలకు దీనదయాల్ అంత్యోదయ యోజన పథకం ఎంతో మేలు చేస్తుంది. ఈ పథకం కింద ఈ యూనిట్లు ఏర్పాటుకు రుణాలు అందిస్తారు.

• ఫుడ్ ప్రాసెసింగ్ పరిశ్రమలు
• నర్సరీలు, తేనె ఉత్పత్తి 
• మునగ సాగు, మష్రూమ్స్ సాగు
• ఇతర స్వయం ఉపాధి పరిశ్రమలు 

అర్హతలు 

• ఈ పథకం కింద రుణాలు పొందేందుకు డ్వాక్రా మహిళలు ఈ అర్హతలు కలిగి ఉండాలి.  
• డ్వాక్రా సంఘం బ్యాంకులో అకౌంట్ తెరిచిన తేదీతో సంబంధం లేకుండా, కనీసం గత 6 నెలలుగా సంఘం యాక్టివ్‌గా ఉండాలి.
• డ్వాక్రా సంఘాలు తప్పనిసరిగా ఐదు ఫార్ములాలు పాటించాలి. రెగ్యులర్‌ మీటింగ్‌లు, పొదుపు, పరస్పర రుణాలు, సకాలంలో తిరిగి చెల్లించడం, ఎప్పటికప్పుడు అకౌంట్ పుస్తకాలు అప్డేట్  
• నాబార్డ్ గ్రేడింగ్ నిబంధనల ప్రకారం అర్హత కలిగి ఉండాలి. డ్వా్క్రా సంఘాల ద్వారా ఈ గ్రేడింగ్ ప్రక్రియ జరుగుతుంది.
• ప్రస్తుతం పనిచేయని సంఘాలను పునరుద్ధరించి, కనీసం 3 నెలల పాటు యాక్టివ్ గా కొనసాగిస్తే రుణాలు పొందేందుకు అర్హత సాధిస్తాయి.

 
వడ్డీ రాయితీలు  

కేంద్రం గుర్తించిన 250 వెనుకబడిన జిల్లాల్లోని అన్ని మహిళా స్వయం సహాయక బృందాలు ఏడాదికి 7% రాయితీ రేటుతో రూ.3 లక్షల వరకు లోన్ పొందేందుకు అర్హులు అవుతారు. తమ ప్రస్తుత రుణాలపై SGSY కింద మూలధన రాయితీని పొందుతున్న SHG సంఘాలు ఈ పథకానికి అనర్హులు.  ఈ జిల్లాల్లో సకాలంలో రుణం చెల్లించే మహిళా సంఘాలు 3% అదనపు వడ్డీ రాయితీకి కూడా పొందుతారు. అంటే అసలు వడ్డీ రేటు 4% మాత్రమే.  

మిగిలిన జిల్లాల్లో DAY-NRLM పథకం కింద డ్వాక్రా గ్రూపులు సాధారణ రుణ రేటుతో రుణాలు పొందుతాయి. సకాలంలో తిరిగి చెల్లించే స్వయం సహాయక బృందాలకు, బ్యాంకు వడ్డీ రేటు, కేంద్రం నిర్ణయించిన 7% మధ్య ఉన్న తేడాను బట్టి రాయితీ నిర్ణయిస్తారు. ఈ రాయితీని ఆయా రాష్ట్ర ప్రభుత్వాలు డ్వాక్రా బృందాలకు అందిస్తాయి.

ఎలాంటి గ్యారెంటీ అవసరం లేదు

ఆర్బీఐ, నాబార్డ్ మార్గదర్శకాల ప్రకారం.. బ్యాంకులు ఈ రుణాలను మంజూరు చేస్తాయి. రూ.10 లక్షల వరకు బ్యాంకులు ఎలాంటి ఎలాంటి పూచీకత్తు లేదా మార్జిన్ మనీ లేకుండా రుణాలు ఇస్తాయి. గ్రామీణ పేదరికాన్ని నిర్మూలన, మహిళలకు ఉపాధి కల్పనలో భాగంగా కేంద్ర ప్రభుత్వం ఈ పథకాన్ని అమలు చేస్తుంది. 

ఎలా దరఖాస్తు చేయాలి

• స్థానిక బ్లాక్ డెవలప్‌మెంట్ ఆఫీసు, జిల్లా గ్రామీణాభివృద్ధి ఏజెన్సీ (DRDA) లేదా స్థానిక NRLM కోఆర్డినేటర్‌ను సంప్రదించాలి. 
• ఇప్పటికే ఉన్న కమ్యూనిటీ రిసోర్స్ పర్సన్స్ లేదా గ్రామ స్థాయి ఫెసిలిటేటర్లను సంప్రదించి ఈ పథకం దరఖాస్తు గురించి తెలుసుకోవచ్చు.  
• 10-20 మహిళలు డ్వాక్రా గ్రూపుగా ఏర్పడి 6 నెలల పాటు యాక్టివ్‌గా ఉంటే దరఖాస్తులు అర్హులు అవుతారు.  SHG గ్రేడ్ అయితే సంబంధిత బ్యాంకును సంప్రదించి లోన్ అప్లై చేసుకోవచ్చు. 

కావాల్సిన డాక్యుమెంట్స్ 

1. గుర్తింపు, అడ్రస్ ఫ్రూఫ్ - ఆధార్ కార్డు, ఓటరు గుర్తింపు కార్డు 
2. SHG రికార్డులు: సమావేశాల సమాచారం, హాజరు రిజిస్టర్లు, గ్రూప్ తీర్మాన పత్రాలు 
3.  డ్వాక్రా గ్రూపు బ్యాంకు అకౌంట్ పాస్‌బుక్ 
4. బీపీఎల్ రేషన్ కార్డు  
5. ఆదాయ ధృవీకరణ పత్రం 
6. కుల ధృవీకరణ పత్రం (వర్తిస్తే)