Pedakakani Temple Issue: పెదకాకాని మల్లికార్జునస్వామి ఆలయం వద్ద హైటెన్షన్.. మంగళసూత్రం మాయం కేసులో రాజకీయ దుమారం

Pedakakani Temple Issue: పెదకాకాని మల్లికార్జున స్వామి ఆలయం వద్ద హైటెన్షన్ నెలకొంది. మంగళసూత్రం చోరీ విషయంలో టీడీపీ, వైసీపీ నిరసనలతో దుమారం రేగింది.

పెదకాకాని మల్లికార్జున స్వామి ఆలయం వద్ద హైటెన్షన్.. మంగళసూత్రం మాయం కేసులో రాజకీయ దుమారం

Source : Twitter

Show Quick Read

Key points generated by AI, verified by newsroom

• చోరీపై వైసీపీ, టీడీపీ మధ్య రాజకీయ దుమారం, ఉద్రిక్తత.

Pedakakani Temple Issue: గుంటూరు జిల్లా పెదకాకాని మల్లికార్జునస్వామి ఆలయం దగ్గర హై-టెన్షన్ వాతావరణం నెలకొంది. అమ్మవారి మంగళసూత్రం మాయం కావడంపై రాజకీయ దుమారం చెలరేగింది. అమ్మవారి మంగళసూత్రం చోరీపై వైసీపీ నేత అంబటి మురళి శాంతి కల్యాణం నిర్వహించాలని తలపెట్టారు. కాసేపట్లో శ్రీ భ్రమరాంబ అమ్మవారికి వైసీపీ నేత అంబటి మురళీకృష్ణ నాంతాడు కానుకగా సమర్పించనున్నారు. ఈ క్రమంలో పెదకాకాని వస్తున్న వైసీపీ నేత మల్లాది విష్ణు కారును టీడీపీ కార్యకర్తలు అడ్డుకున్నారు. ఇప్పటికే చోరీ చేసిన అర్చకుడు రణధీర్‌ అరెస్ట్ చేసినట్లు పోలీసులు తెలిపారు. అరెస్ట్ అయిన వ్యక్తి నిందితుడు కాదని వైసీపీ నేతలు ఆరోపిస్తున్నారు. అంబటి మురళీకృష్ణ ఆలయ ప్రతిష్ఠను దెబ్బతీశారని స్థానిక ఎమ్మెల్యే ధూళిపాళ్ల నరేంద్ర మండిపడ్డారు. దీంతో ఆలయం వద్దకు భారీగా వైసీపీ, టీడీపీ కార్యకర్తలు చేరుకుంటున్నారు. శాంతిభద్రతల దృష్ట్యా పెదకాకానిలో భారీగా పోలీసులను మోహరించారు.  

ఆలయంపై కుట్ర చేసి భక్తుల మనోభావాలను దెబ్బతీస్తున్నారని టీడీపీ నేతలు మండిపడ్డారు. చోరీ చేసిన రణధీర్ ను వైసీపీ హయాంలోనే తాత్కాలిక అర్చకుడిగా నియమితులయ్యారని అంటున్నారు. ప్రభుత్వంపై చేసిన విమర్శలను వెనక్కి తీసుకోవాలని, బహిరంగ క్షమాపణ చెప్పిన తర్వాతే ఈ కార్యక్రమం నిర్వహించుకోవాలని టీడీపీ నాయకులు డిమాండ్‌ చేశారు. ఆలయం వద్దకు చేరుకున్న పోలీసులు పరిస్థితి అదుపు చేస్తున్నారు.   

అసలేం జరిగిదంటే? 

గుంటూరు జిల్లా పెదకాకాని మల్లేశ్వరస్వామి ఆలయంలో భ్రమరాంబ అమ్మవారి మంగళసూత్రం చోరీకి గురైంది. మల్లేశ్వరస్వామి ఆలయంలో అర్చకుడు కొండవీటి రణధీర్‌ మంగళసూత్రం చోరీ చేసినట్లు పోలీసులు గుర్తించారు. ఆగస్టు 14న శ్రావణమాసం సందర్భంగా అమ్మవారిని పూలతో ప్రత్యేకంగా అలంకరించారు. రెండు రోజుల పాటూ భక్తుల దర్శనం కోసం ఈ అలంకరణను ఉంచారు. ఆగస్టు 18న అమ్మవారి మంగళసూత్రం మాయమైనట్లు అర్చకులు, ఈవో గుర్తించారు. 

అమ్మవారి మంగళసూత్రం చోరీ కేసు దర్యాప్తుల్లో పోలీసులు సీసీ కెమెరా ఫుటేజీని పరిశీలించారు. ఆ సమయంలోనే అర్చకుడు రణధీర్‌ను ప్రశ్నించగా, తనకేమీ తెలియదని చెప్పాడని డీఎస్పీ మురళీకృష్ణ చెప్పారు. రణధీర్‌ ఇంట్లోని బెడ్‌రూమ్‌లో పోలీసులు తనిఖీలు చేయగా, మంగళసూత్రం దొరికిందన్నారు. రణధీర్ తల్లిని ప్రశ్నించగా, తన కుమారుడు కొప్పురావూరు ఆలయం నుంచి తెచ్చాడని, నకిలీ బంగారమని సమాధానం ఇచ్చిందన్నారు.  

రణధీర్‌ను పోలీసులు ప్రశ్నించగా, అమ్మవారి మంగళసూత్రాన్ని చోరీ చేసినట్లు అంగీకరించాడని పోలీసులు తెలిపారు. రణధీర్‌ అమ్మవారి మంగళసూత్రం చోరీ చేసిన తర్వాత ఓ లగ్జరీ కారు కొనుగోలు చేసేందుకు షోరూం వ్యక్తితో మాట్లాడినట్లు డీఎస్పీ తెలిపారు. బంగారం షాపు నిర్వాహకుడిని ఫోన్‌లో సంప్రదించాడని. దర్యాప్తులో తేలింది. అమ్మవారి మంగళసూత్రం మాయం ఘటనపై వైసీపీ నిరసనలు చేపట్టింది. 

మరిన్ని చదవండి

Guntur News : పెదకాకాని మల్లేశ్వరస్వామి ఆలయంలో అపచారం, క్యాంటీన్ లో మాంసాహారం కలకలం!