కాపాడండి ప్లీజ్.. మలేషియా నుంచి తెలుగు దంపతుల వేడుకోలు

NTR Bharosa Scheme: ఎన్టీఆర్ భరోసా పెన్షన్ స్కీమ్.. కొత్త దరఖాస్తుల స్వీకరణ, అర్హతలు, దరఖాస్తు విధానం ఇవే!

Satyaprasad Bandaru — Wed, 9 Sep 2026 13:59:24 +0530

NTR Bharosa Pension Scheme: ఏపీ ప్రభుత్వం ఎన్టీఆర్ భరోసా పెన్షన్ స్కీమ్ కింద కొత్త పింఛన్ల మంజూరుకు దరఖాస్తులు స్వీకరిస్తుంది. అర్హులైన వృద్ధులు, వితంతువులు, దివ్యాంగులు, ఒంటరి మహిళలు, చేనేత కార్మికులు, మత్స్యకారులు, ఇతర చేతివృత్తుల వారు కొత్త పింఛన్ కోసం దరఖాస్తు చేసుకోవడానికి ప్రభుత్వం అవకాశం కల్పించింది.

ముఖ్య తేదీలు

సెప్టెంబర్ 7 నుండి 16 వరకు - కొత్త పింఛన్ దరఖాస్తుల స్వీకరణ, ఆన్‌లైన్ రిజిస్ట్రేషన్, eKYC పూర్తి చేయడం
సెప్టెంబర్ 17 నుండి 21 వరకు - కామన్ ఎలిజిబిలిటీ వాలిడేషన్
సెప్టెంబర్ 22 నుండి 24 వరకు - అధికారుల క్షేత్రస్థాయి పరిశీలన, సిఫార్సులు
సెప్టెంబర్ 25 నుండి 26 వరకు - బడ్జెట్ ప్రతిపాదనలు, ప్రభుత్వ తుది ఆమోదం

అర్హతలు

ఆదాయ పరిమితి - గ్రామీణ ప్రాంతాల్లో కుటుంబ నెలవారీ ఆదాయం రూ. 10,000 లోపు ఉండాలి. పట్టణాల్లో కుటుంబ నెలవారీ ఆదాయం రూ. 12,000 లోపు ఉండాలి.

భూమి పరిమితి - కుటుంబానికి ప్రభుత్వ నిబంధనలకు మించి సొంత భూమి ఉండకూడదు.

ప్రభుత్వ ఉద్యోగం/పింఛను- కుటుంబంలో ఎవరూ ప్రభుత్వ ఉద్యోగిగా గానీ, ఇతర రిటైర్డ్ పెన్షనర్‌గా గానీ ఉండకూడదు.

ఆదాయపు పన్ను- కుటుంబంలో ఏ వ్యక్తి కూడా ఇన్‌కమ్ టాక్స్ చెల్లింపుదారుడు అయి ఉండకూడదు.

అవసరమైన పత్రాలు

వృద్యాప్య పెన్షన్ల కోసం కావాల్సిన పత్రాలు:

1) ఆధార్ కార్డు

2) రేషన్ కార్డు (లేదా) ఇన్కమ్ సర్టిఫికెట్

3) కరెంటు బిల్లు

4) కుల ధృవీకరణ పత్రం

5) ఓటు గుర్తింపు కార్డు

6) పాస్పోర్ట్ సైజ్ ఫోటో

7) ఆధార్ అప్డేట్ హిస్టరీ

వికలాంగుల కొత్త పెన్షన్ కోసం కావాల్సిన పత్రాలు

1) ఆధార్ కార్డు

2) వికలాంగుల ధృవీకరణ పత్రం

3) రేషన్ కార్డు (లేదా) ఇన్కమ్ సర్టిఫికెట్

4) కరెంటు బిల్లు

5) కుల ధృవీకరణ పత్రం

6) ఓటు గుర్తింపు కార్డు

7) ఆధార్ అప్డేట్ హిస్టరీ

8) పాస్పోర్ట్ సైజ్ ఫోటో
Also read: యూట్యూబర్ నందనను ఎందుకు అరెస్ట్ చేయలేదు? - నోటీసులిచ్చి పంపేశారు... లీగల్ ప్రొసీడింగ్స్ ఏంటంటే?

వితంతు కొత్త పెన్షన్- కావాల్సిన పత్రాలు

1) ఆధార్ కార్డు, భర్త ఆధార్ కార్డు

2) భర్త మరణ దృవపత్రం

3) రేషన్ కార్డు (లేదా) ఇన్కమ్ సర్టిఫికెట్

4) కరెంటు బిల్లు

5) కుల ధృవీకరణ పత్రం

6) ఓటు గుర్తింపు కార్డు

7) ఆధార్ అప్డేట్ హిస్టరీ

8) పాస్పోర్ట్ సైజ్ ఫోటో

వితంతు పింఛన్ - భర్త మరణ ధృవీకరణ పత్రం
దివ్యాంగుల పింఛన్- సదరమ్ సర్టిఫికెట్
చేనేత, మత్స్యకార, కల్లుగీత ధృవీకరణ పత్రాలు

Also Read: చంద్రబాబు అరెస్టుకు మూడేళ్లు: 'నిజం గెలిచింది' అంటూ నారా లోకేష్ భావోద్వేగ పోస్ట్

దరఖాస్తు విధానం, పరిశీలన

అర్హులైన అభ్యర్థులు తమ పరిధిలోని స్వర్ణ గ్రామ లేదా స్వర్ణ వార్డు ఆఫీసుకు వెళ్లి దరఖాస్తు ఫారాన్ని సమర్పించాలి.
సచివాలయ సిబ్బంది అభ్యర్థి వివరాలను ఆన్‌లైన్‌లో నమోదు చేసి, eKYC ప్రక్రియను పూర్తి చేస్తారు.
ప్రభుత్వం సూచించిన నిబంధనల ప్రకారం ఆటోమేటెడ్ సాఫ్ట్‌వేర్ ద్వారా అర్హతలను క్రాస్ చెక్ చేస్తారు.
వాలిడేషన్ పూర్తైన తర్వాత, సంబంధిత సిబ్బంది లబ్ధిదారుడి ఇంటికి వెళ్లి సమాచారాన్ని, డాక్యుమెంట్లు తనిఖీ చేసి రిపోర్ట్ ఇస్తారు.
ఎంపీడీవో లేదా మున్సిపల్ కమిషనర్ అర్హులైన జాబితాను పరిశీలించి పై అధికారులకు సిఫార్సు చేస్తారు.

పింఛన్ మంజూరు

క్షేత్రస్థాయి అధికారులు సిఫార్సు చేసిన దరఖాస్తులను రాష్ట్రస్థాయిలో పరిశీలించి, బడ్జెట్ కేటాయింపు ఆధారంగా ప్రభుత్వం ఆమోదం తెలుపుతుంది.
దరఖాస్తు చేసిన తేదీ నుంచి బకాయిల రూపంలో పింఛను చెల్లిస్తారు. SERP ద్వారా పోర్టల్‌లో పింఛను ఎనేబుల్ చేసిన నెల నుంచే నెలవారీ చెల్లింపులు ప్రారంభమవుతాయి.

Also Read: పాదయాత్ర 2.0పై వైసీపీ అధినేత జగన్ కీలక ప్రకటన

YS Jagan Padayatra: పాదయాత్ర 2.0పై వైసీపీ అధినేత జగన్ కీలక ప్రకటన, స్థానిక ఎన్నికలపై నేతలకు సూచనలు

Shankar Dukanam — Wed, 9 Sep 2026 13:22:44 +0530

YS Jagan Announces Padayatra | తాడేపల్లి: ఏపీ, తెలంగాణలో వచ్చే ఏడాది పాదయాత్ర సీజన్ మొదలయ్యేలా కనిపిస్తోంది. ఈసారి ఎలాగైనా అధికారంలోకి రావాలని చూస్తున్న వైఎస్సార్ సీపీ అధినేత, మాజీ ముఖ్యమంత్రి వైఎస్ జగన్ మోహన్ రెడ్డి కీలక నిర్ణయం తీసుకున్నారు. తాను రాష్ట్రవ్యాప్తంగా ‘పాదయాత్ర 2.0’ చేపట్టనున్నట్లు స్పష్టం చేశారు. తాడేపల్లిలోని పార్టీ సెంట్రల్ ఆఫీసులో పర్చూరు నియోజకవర్గ నాయకులు, ముఖ్య కార్యకర్తలతో బుధవారం నిర్వహించిన ఆత్మీయ సమావేశంలో జగన్ పాల్గొన్నారు. 2027 సెప్టెంబర్ లేదా అక్టోబర్ నెలలో తాను పాదయాత్ర ప్రారంభించనున్నట్లు ప్రకటించారు.

రాబోయే 2029 అసెంబ్లీ ఎన్నికలను దృష్టిలో ఉంచుకుని, క్షేత్రస్థాయిలో వైసీపీని మరింత బలోపేతం చేయడంతో పాటు ప్రజల సమస్యలను నేరుగా తెలుసుకోవడమే పాదయాత్ర లక్ష్యంగా పేర్కొన్నారు. గతంలో వైఎస్ జగన్ చేపట్టిన 'ప్రజా సంకల్ప యాత్ర' ఆయన రాజకీయ జీవితంలోనే కీలకంగా మారింది. ఆంధ్రప్రదేశ్ రాజకీయ చరిత్రలోనే ఒక మైలురాయిగా నిలుస్తూ అధికారం సొంతం చేసుకున్నారు.

స్థానిక ఎన్నికల్లో కూటమి ప్రభుత్వం కుట్రలు

బీసీలకు 34 శాతం రిజర్వేషన్ పేరుతో ఏపీ ప్రభుత్వం డ్రాలు చేస్తుందని, ఇవన్నీ కోర్టులో చెల్లవని సీఎం చంద్రబాబుకు ముందే తెలుసునన్నారు. SIR ప్రక్రియతో రాష్ట్రంలో 44 లక్షల ఓట్లు గల్లంతయ్యాయని, చంద్రబాబు ఉండగా ఎన్నికలు సజావుగా సాగే అవకాశమే లేదని కీలక వ్యాఖ్యలు చేశారు. స్థానిక ఎన్నికల్లో కూటమి ప్రభుత్వం కుట్రలకు పాల్పడుతుందని, ఎలాంటి పరిస్థితుల్లో ఎన్నికలు జరుగుతున్నాయో అర్థం చేసుకుని వైసీపీ నేతలు అప్రమత్తంగా ఉండాలని సూచించారు. గట్టిగా పోరాటం చేసి ఎన్నికల్లో విజయాలు సాధించాలని దిశానిర్దేశం చేశారు.

పాదయాత్రతో 2019 ఎన్నికల్లో వైసీపీ ఘన విజయం

2017 నవంబర్ 6న వైఎస్సార్ జిల్లా ఇడుపులపాయలోని దివంగత ముఖ్యమంత్రి వైఎస్సార్ స్మృతి వనం నుంచి ప్రారంభమైన ఆ యాత్ర సుమారు 341 రోజుల పాటు సాగింది. అప్పటి మొత్తం 13 జిల్లాల్లోని 134 నియోజకవర్గాలు, 2,516 గ్రామాల మీదుగా 3,648 కిలోమీటర్లు చేసిన ఈ పాదయాత్రలో కోట్ల మంది ప్రజలను నేరుగా కలుసుకున్నారు.

ఆ రోజుల్లో ప్రతిపక్ష నేతగా రైతులు, మహిళలు, యువత, నిరుద్యోగులు, అన్ని వర్గాల సమస్యలను తెలుసుకున్న జగన్ 'నవరత్నాలు' సంక్షేమ పథకాలపై విస్తృత ప్రచారం కల్పించారు. ఈ ప్రజా సంకల్ప యాత్ర అందించినప్రజాదరణతోనే 2019 సాధారణ ఎన్నికల్లో వైఎస్సార్‌సీపీ 151 స్థానాల్లో ఘనవిజయం సాధించి అధికారంలోకి వచ్చింది. మరోసారి ప్రజల్లోకి వెళ్లేందుకు 'పాదయాత్ర 2.0' చేస్తానని జగన్ నిర్ణయం తీసుకున్నారు.

Nandus World Nandana : యూట్యూబర్ నందనను ఎందుకు అరెస్ట్ చేయలేదు? - నోటీసులిచ్చి పంపేశారు... లీగల్ ప్రొసీడింగ్స్ ఏంటంటే?

Ganesh Guptha — Wed, 9 Sep 2026 12:04:58 +0530

Nandus World Nandana Released With Notice Behind The Reason : ఫేమస్ యూట్యూబర్, నందూస్ వరల్డ్ నందన అరెస్టైన 24 గంటల తర్వాతే రిలీజయ్యారు. శంషాబాద్ పోలీసులు ఆమెను ఇబ్రహీంపట్నం పోలీసులకు అప్పగించగా... ఆరోపణలు, కేసులపై విచారించారు. కొన్ని ప్రశ్నలకు సమాధానాలు దాటవేయగా... ఈ నెల 16న మళ్లీ విచారణకు రావాలని ఆమెకు నోటీసులిచ్చి పంపించేశారు.

సోషల్ మీడియాలో నందన రిలీజ్ కావడంపై సర్వత్రా విమర్శలు వ్యక్తం అవుతున్నాయి. అసలు, ఆమెను కోర్టులో హాజరు పరచకుండా స్టేషన్‌లోనే నోటీసులిచ్చి ఎలా వదిలేస్తారు? అంటూ ప్రశ్నిస్తున్నారు. నాన్ బెయిలబుల్ కేస్ అన్నారు. అలా ఎలా పంపించేస్తారు? అని కూడా కామెంట్స్ వస్తున్నాయి. అసలు, నందనపై నమోదైన కేసులేంటి? ఆమెపై వచ్చిన ఆరోపణలేంటి? దీనిపై ఫేమస్ లాయర్ సోషల్ మీడియా వేదికగా వివరించారు.

'అందుకే అరెస్ట్ చేయలేదు'

లుక్ అవుట్ నోటీసులు ఇష్యూ చేసినప్పుడు లీగల్‌గా నందన వచ్చిన తర్వాత ఎయిర్ పోర్ట్ అధికారులు అదుపులోకి తీసుకుని పోలీసులకు అప్పగించారు. 'ఎఫ్ఐఆర్‌లో ఏ సెక్షన్స్ ఉన్నాయో దాని ప్రకారం లీగల్ ప్రాసెస్ నడుస్తుంది. ఏడేళ్ల లోపు జైలు శిక్ష పడేలా కేసులు FIR అయ్యుంటే సుప్రీంకోర్టు ఆదేశాల మేరకు ముందు విచారిస్తారు. మెకానికల్ అరెస్ట్ వద్దు. 41ఏ కానీ 35బీ నోటీసులు ఇస్తారు. దీని ప్రకారం ఎవరిపై అయితే కేసు నమోదైందో వారికి నోటీసులు జారీ చేసి ఆయా తేదీల్లో వారిని విచారిస్తారు.

ఒకసారి విచారణ కంప్లీట్ అయి కోర్టుకు సబ్మిట్ చేసిన తర్వాత ట్రయల్ కంప్లీట్ అయ్యాక జైలులో వేస్తారు. ఇంకొకటి నాన్ బెయిలబుల్ అఫెన్సెస్. చాలామంది ఈ కేసుల్లో బెయిల్ రాదనే అపోహలో ఉంటారు. మేజిస్ట్రేట్ లేదా కోర్ట్ బెయిల్ ఇవ్వొచ్చు. ప్రైమ్ ఆఫ్ కేస్ ఏముందో మొత్తం చెక్ చేసి బెయిల్ ఇస్తారు. ఆమె ఏదో స్ట్రాంగ్ రీజన్ లేకుండా అయితే రారు. ప్రిపేర్డ్‌గానే వచ్చారు.' అంటూ క్లారిటీ ఇచ్చారు.

Also Read : Sports Drama OTT : రెండేళ్ల తర్వాత ఓటీటీలోకి స్పోర్ట్స్ డ్రామా - తెలుగులో స్ట్రీమింగ్... ఎందులో చూడొచ్చంటే?

అసలేం జరిగిందంటే?

విదేశాల్లో ఉద్యోగాలు, లండన్ వీసాల పేరిట నిరుద్యోగులు, విద్యార్థుల నుంచి డబ్బులు వసూలు చేశారన్న ఆరోపణల కేసులో ఫేమస్ యూట్యూబర్, నందూస్ వరల్డ్ నందనను అదుపులోకి తీసుకున్నారు. ఆమెపై లుక్ అవుట్ నోటీసులు జారీ కాగా... సోమవారం శంషాబాద్ ఎయిర్ పోర్టులో ఆమెను అరెస్ట్ చేసిన అధికారులు ఇబ్రహీంపట్నం పోలీసులకు అప్పగించారు. పోలీసులు మంగళవారం ఆమెపై ప్రశ్నల వర్షం కురిపించారు. అయితే, లండన్ కేంద్రంగా నడుస్తూన్న డెస్టినీ కన్సల్టెన్సీ గురించి తనకు తెలియదని... తన భర్త మధుకర్, అకౌంటెంట్ ఆ వివరాలు చూసుకుంటారని పోలీసులకు చెప్పినట్లు తెలుస్తోంది.

కొన్ని ప్రశ్నలకు సమాధానాలు దాటవేయగా ఈ నెల 16న మళ్లీ విచారణకు హాజరు కావాలని ఆమెకు ఇబ్రహీంపట్నం పోలీసులు నోటీసులు జారీ చేసి పంపించేశారు.

Also Read : Vijay Deverakonda : రాబోయే మూడు నెలలు ఫ్యాన్స్‌తోనే - నాలుగు మూవీస్ కంటెంట్ తెలుసు... ఎపిక్ ఈవెంట్‌లో విజయ్ దేవరకొండ

NOTE : మరిన్ని సినిమా వార్తలు, గాసిప్స్, ఓటీటీ అప్డేట్స్, వెబ్ సిరీస్‌లు, టాలీవుడ్, బాలీవుడ్ హీరోయిన్స్ లేటెస్ట్ సోషల్ మీడియా అప్డేట్స్, టీవీ సీరియల్స్ లేటెస్ట్ ఎపిసోడ్స్ కోసం ఇక్కడ క్లిక్ చేయండి.

చంద్రబాబు అరెస్టుకు మూడేళ్లు: 'నిజం గెలిచింది' అంటూ నారా లోకేష్ భావోద్వేగ పోస్ట్

Shankar Dukanam — Wed, 9 Sep 2026 10:52:19 +0530

అమరావతి: వైసీపీ హయాంలో టీడీపీ అధినేత చంద్రబాబు అక్రమ అరెస్టుకు గురై మూడేళ్లు పూర్తయిన సందర్భంగా రాష్ట్ర ఐటీ, విద్యాశాఖ మంత్రి నారా లోకేష్ సోషల్ మీడియా వేదికగా తీవ్రస్థాయిలో స్పందించారు. నిజం గెలిచింది అంటూ చేసిన పోస్ట్ వైరల్ అవుతోంది. రాజకీయ కక్షసాధింపు చర్యల్లో భాగంగానే అప్పటి అధికార పక్షమైన గొడ్డలి పార్టీ సరిగ్గా 3 ఏళ్ల క్రితం చంద్రబాబుపై అక్రమ కేసులు బనాయించి జైలుకు పంపిందని ఆయన తీవ్ర ఆగ్రహం వ్యక్తం చేశారు.

చంద్రబాబు జైలులో ఉన్న ఆ 53 రోజుల పాటు ఆయనకు అండగా ప్రపంచవ్యాప్తంగా ఉన్న తెలుగు ప్రజలందరూ "నిజం గెలవాలి" అనే నినాదంతో మద్దతుగా నిలిచారని లోకేష్ గుర్తుచేసుకున్నారు. చివరకు ఆ అక్రమ కేసులన్నింటినీ న్యాయస్థానాలు కొట్టివేశాయని, న్యాయమే గెలిచి చంద్రబాబు నిర్బంధం నుంచి స్వేచ్ఛగా బయటకు వచ్చారని తెలిపారు. నాటి చీకటి రోజులను తలుచుకుంటూ, చంద్రబాబుకు మరియు పార్టీకి అండగా నిలిచిన తెలుగుజాతి మొత్తానికి ఆయన ధన్యవాదాలు తెలిపారు.

టీడీపీ అధినేత చంద్రబాబు నాయుడిని సిల్క్ డెవలప్‌మెంట్ స్కాం కేసులో 2023, సెప్టెంబర్ 9వ తేదీ తెల్లవారుజామున ఆంధ్రప్రదేశ్ సీఐడీ (CID) పోలీసులు అరెస్టు చేశారు. నంద్యాలలో ఆయన బస చేసిన చోటే సీఐడీ పోలీసులు భారీ బందోబస్తు మధ్య అదుపులోకి తీసుకున్నారు. ఏపీ స్కిల్ డెవలప్‌మెంట్ కార్పొరేషన్ (APSSDC) నిధుల మళ్లింపు ఆరోపణలకు సంబంధించిన కేసులో చంద్రబాబును అరెస్టు చేసినట్లు సీఐడీ అధికారులు ప్రకటించారు. ఈ అరెస్టుతో రాష్ట్రవ్యాప్తంగా ఉద్రిక్త పరిస్థితులు నెలకొనడమే కాకుండా, TDP శ్రేణులు రాజకీయ కక్షసాధింపుగా పేర్కొంటూ ఆందోళనలు చేపట్టాయి.

విచారణ, రిమాండ్
అరెస్టు అనంతరం చంద్రబాబును నంద్యాల నుంచి రోడ్డు మార్గాన విజయవాడకు తరలించారు. అనంతరం విజయవాడలోని ఏసీబీ (ACB) ప్రత్యేక కోర్టులో హాజరుపరిచారు. ఇరుపక్షాల వాదనలు విన్న అనంతరం, కోర్టు చంద్రబాబు నాయుడికి 14 రోజుల జ్యుడీషియల్ రిమాండ్ విధించింది. దీంతో సెప్టెంబర్ 10 రాత్రి ఆయనను రాజమండ్రి సెంట్రల్ జైలుకు తరలించారు.

దాదాపు 52 రోజుల పాటు రాజమండ్రి సెంట్రల్ జైలులో రిమాండ్‌లో ఉన్న చంద్రబాబుకి, కంటి శస్త్రచికిత్స, వైద్య కారణాల రీత్యా ఆంధ్రప్రదేశ్ హైకోర్టు 2023, అక్టోబర్ 31న నాలుగు వారాల తాత్కాలిక (మధ్యంతర) బెయిల్ మంజూరు చేసింది. దీంతో అదే రోజు సాయంత్రం ఆయన రాజమండ్రి జైలు నుంచి బయటకు వచ్చారు. జైలు వెలుపల వేలాది మంది అభిమానులు, తెదేపా నాయకులు ఆయనకు ఘన స్వాగతం పలికారు. ఆ తర్వాత 2023, నవంబర్ 20న ఏపీ హైకోర్టు ఈ కేసులో ఆయనకు పూర్తిస్థాయి (రెగ్యులర్) బెయిల్ మంజూరు చేసింది.

Visakhapatnam Latest News: విశాఖలో స్లం రీ డెవలప్మెంట్ ప్రోగ్రామ్.. పేద కుటుంబాలకు ఇళ్ల నిర్మాణం- ఏపీలో తొలి ప్రాజెక్టు

Shankar Dukanam — Wed, 9 Sep 2026 10:19:43 +0530

Minister Narayana Launches Andhra Pradeshs 1st Slum Redevelopment Project in Visakhapatnam

విశాఖపట్నం: ఆంధ్రప్రదేశ్‌లో మొదటిసారిగా చేపడుతున్న 'స్లమ్ రీడెవలప్‌మెంట్' (మురికివాడల పునర్నిర్మాణం) కార్యక్రమానికి రాష్ట్ర పురపాలక, పట్టణాభివృద్ధి శాఖ మంత్రి పొంగూరు నారాయణ శ్రీకారం చుట్టారు. విశాఖపట్నంలోని వేలంపేట మురికివాడ పునర్నిర్మాణ ప్రాజెక్టుకు బుధవారం ఉదయం ఆయన శంకుస్థాపన చేశారు. విశాఖ ఎకనామిక్ రీజియన్ డెవలప్‌మెంట్‌లో భాగంగా రూ.28.44 కోట్ల అంచనా వ్యయంతో ఈ ప్రాజెక్టును చేపట్టారు.

గత 50 ఏళ్లుగా సరైన ఆవాసాలు లేక ఇబ్బందులు పడుతున్న 177 పేద కుటుంబాలకు గాను, 2,691 చదరపు అడుగుల విస్తీర్ణంలో 45 మీటర్ల ఎత్తుతో 12 అంతస్తుల మోడల్ అపార్ట్‌మెంట్ భవనాన్ని నిర్మించనున్నామని మంత్రి నారాయణ తెలిపారు.

పట్టణ పేదల జీవన ప్రమాణాలను మెరుగుపరచడమే లక్ష్యంగా ప్రభుత్వం చర్యలు తీసుకుంటోందని ఈ సందర్భంగా మంత్రి నారాయణ తెలిపారు. సరికొత్త షియర్ వాల్ (Shear Wall) సాంకేతికతను ఉపయోగించి కేవలం 9 నెలల్లోనే ఈ నిర్మాణాలు పూర్తి చేయాలని లక్ష్యంగా పెట్టుకున్నట్లు వెల్లడించారు.

ఇందులో నిర్మించే ఒక్కో నివాస యూనిట్ విలువ సుమారు రూ.16.07 లక్షలు ఉంటుందని తెలిపారు. రాష్ట్రంలోనే ఇది తొలి మోడల్ ప్రాజెక్ట్ అని, ఇదే తరహాలో రాష్ట్రవ్యాప్తంగా ఉన్న ఇతర మురికివాడలను కూడా దశలవారీగా అభివృద్ధి చేయడానికి ప్రణాళికలు రూపొందిస్తున్నామని మంత్రి నారాయణ స్పష్టం చేశారు.

Nandus World Nandana : నా భర్తే చూసుకుంటారు... నాకేమీ తెలీదు - నందూస్ వరల్డ్ నందన స్టేట్మెంట్... బిగ్ బాస్ కోసమే వచ్చిందా?

Ganesh Guptha — Wed, 9 Sep 2026 08:45:12 +0530

Nandu World Nandana Questioned By Vijayawada Police : విదేశాల్లో ఉద్యోగాలు, లండన్ వీసాల పేరిట నిరుద్యోగులు, విద్యార్థుల నుంచి డబ్బులు వసూలు చేశారన్న ఆరోపణల కేసులో ఫేమస్ యూట్యూబర్, నందూస్ వరల్డ్ నందనను పోలీసులు విచారించారు. ఎన్టీఆర్ జిల్లా ఇబ్రహీంపట్నం పోలీసుల ఎదుట మంగళవారం ఆమె విచారణకు హాజరయ్యారు.

'నాకు సంబంధం లేదు'

'లండన్ కేంద్రంగా నడుస్తున్న డెస్టినీ కన్సల్టెన్సీ గురించి నాకు తెలియదు. దాని వ్యవహారాలను నా భర్త మధుకర్, అకౌంటెంట్ చూసుకుంటారు. అందులో నా జోక్యం ఉండదు.' అని నందన పోలీసులకు చెప్పినట్లు తెలుస్తోంది. నందన తన తల్లి, లాయర్‌తో విచారణకు హాజరయ్యారు. ఆమెను సీఐ సుబ్రహ్మణ్యం, ఎస్సై రాజు... దాదాపు నాలుగు గంటల పాటు ప్రశ్నించారు.

కన్సల్టెన్సీలో ఆమె పాత్ర ఏంటి? దాని యజమాని, డైరెక్టర్స్ ఎవరు? ఇలా పలు కోణాల్లో పోలీసులు ప్రశ్నలు సంధించారు. అంతా తన భర్తే చూసుకుంటారని తనకేమీ తెలియదని నందన చెప్పినట్లు సమాచారం. కొన్ని ప్రశ్నలకు సరైన సమాధానాలు చెప్పకపోవడంతో మళ్లీ ఈ నెల 16న విచారణకు రావాలని నోటీసులిచ్చి పంపించారు.

మీడియాతో లాయర్ల వాగ్వాదం

ప్రకాశం జిల్లా అద్దంకికి చెందిన కొందరు బాధితులు కూడా తామూ నందన చేతిలో మోసపోయామంటూ ఇబ్రహీంపట్నం పోలీసుల ఎదుట ఆవేదన వ్యక్తం చేశారు. స్టేషన్‌కు రమా నందన వస్తుందని తెలిసి అక్కడికి చేరుకున్న మీడియా ప్రతినిధులకు, ఆమె తరఫు లాయర్లకు మధ్య వాగ్వాదం జరిగింది. చివరకు లాయర్స్ మీడియాకు సారీ చెప్పడంతో వివాదం సద్దుమణిగింది.

Also Read : Vishwanath And Sons OTT: ఓటీటీలోకి ఈ వారమే సూర్య సినిమా... నెట్‌ఫ్లిక్స్‌లో 'విశ్వనాథ్ అండ్ సన్స్' స్ట్రీమింగ్ ఎప్పుడంటే?

అసలేం జరిగిందంటే?

నందూస్ వరల్డ్ కపుల్ పేరిట నందన, ఆమె భర్త మధుకర్ యూట్యూబ్‌లో చాలా పాపులర్. వీరి వీడియోస్ ట్రెండ్ అవుతుంటాయి. ఇదే ఫేమ్‌తో నందన సినిమాల్లోనూ అవకాశాలు దక్కించుకున్నారు. రీసెంట్‌గా 'మన శంకర వరప్రసాద్ గారు' మూవీలో నటించారు నందన. ఇదే ఫేమ్‌తో లండన్‌లో వీసాలు, నిరుద్యోగులకు ఉద్యోగాలు ఇప్పిస్తానని చాలా మంది నుంచి డబ్బులు వసూలు చేశారని వీరిపై ఆరోపణలు వచ్చాయి. తన నుంచి రూ.15 లక్షలు వసూలు చేశారని ఇబ్రహీంపట్నానికి చెందిన శివక్రాంతి కుమార్ ఫిర్యాదు మేరకు కేసు నమోదైంది.

అలా, పలువురు బాధితులు పోలీసులను ఆశ్రయించడంతో నందూస్ వరల్డ్ నందనపై పోలీసులు లుక్ అవుట్ నోటీసులు జారీ చేశారు. అయితే, ఆమె శంషాబాద్ ఎయిర్ పోర్టులో కనిపించడంతో పోలీసులు అదుపులోకి తీసుకుని... విజయవాడ పోలీసులకు అప్పగించారు.

బిగ్ బాస్ కోసమే వచ్చారా?

అయితే, ఇప్పటివరకూ లండన్‌లోనే ఉన్న నందన సడన్‌గా హైదరాబాద్‌కు ఎందుకు వచ్చారా? అంటూ చర్చ మొదలైంది. ఆమె బిగ్ బాస్ తెలుగు సీజన్ 10లో వైల్డ్ కార్డ్ ద్వారా ఎంట్రీ ఇచ్చేందుకే వచ్చారనే ప్రచారం సాగుతోంది. మరి దీనిలో నిజానిజాలు తెలియాల్సి ఉంది. మరి ఈ వ్యవహారంలో నందన భర్త మధుకర్ పాత్ర ఎంతనేది పోలీసుల విచారణలో తెలియాల్సి ఉంది.

Also Read : Crime Thriller OTT : కేస్ ఫైల్ ఓపెన్ చేస్తే రక్తం కళ్ల చూడాల్సిందే - ఓటీటీ ట్రెండింగ్‌లో సైకలాజికల్ క్రైమ్ థ్రిల్లర్... ఎందులో స్ట్రీమింగ్ అంటే?

Vijayasai Reddy New Party AP: విజయసాయిరెడ్డి ‘థర్డ్ ఫ్రంట్’ ప్రయోగం - సొంతంగా వందల కోట్ల ఖర్చు.. వేరొకరిని సీఎం చేసే తెరవెనుక వ్యూహం ఏంటి?

Raja Sekhar Allu — Wed, 9 Sep 2026 08:33:47 +0530

YSRCP vs Vijayasai Reddy: ఆంధ్రప్రదేశ్ రాజకీయాల్లో వైఎస్‌ఆర్‌సీపీకి మొదటి నుంచి ఆయువుపట్టులా వ్యవహరించిన సీనియర్ నేత, మాజీ ఎంపీ విజయసాయిరెడ్డి సొంతంగా నూతన రాజకీయ పార్టీని స్థాపించబోతున్నారు. ప్రస్తుత రాజకీయాల్లోపార్టీ నడపడం అంటే వందల కోట్ల ఖర్చుతో కూడుకున్న వ్యవహారం. సాధారణంగా ఏ నాయకుడైనా వందల కోట్ల రూపాయల ఆర్థిక వనరులను వెచ్చించి పార్టీ పెడుతున్నారంటే.. తాము ముఖ్యమంత్రి పీఠాన్ని అధిరోహించడమే లక్ష్యంగా పెట్టుకుంటారు. కానీ, విజయసాయిరెడ్డి మాత్రం కోట్లాది రూపాయల నిధులను, డిజిటల్ మీడియా సామ్రాజ్యాన్ని సిద్ధం చేసుకుంటూనే.. నేను సీఎం కాను, వేరొకరిని సీఎం చేయడానికి మాత్రమే ఈ పార్టీ అని ప్రకటించడం అందరినీ ఆశ్చర్యానికి గురిచేస్తోంది. ఈ విచిత్రమైన వైఖరి వెనుక పెద్ద ఎత్తున తెరవెనుక సమీకరణాలు, దాగి ఉన్న రాజకీయ వ్యూహాలు ఉన్నాయనే చర్చ నడుస్తోంది.

సీఎం చాన్స్ రాదని క్లారిటీ ఉంది!

విజయసాయిరెడ్డి ప్రతిపాదిత వ్యూహాన్ని నిశితంగా పరిశీలిస్తే.. ఇది కేవలం ఒక పార్టీ స్థాపన మాత్రమే కాకుండా, వోట్ స్ప్లిటర్, ఒక పొలిటికల్ ప్రాక్సీ వ్యూహంలా కనిపిస్తోంది. సొంతంగా మాస్ ఫాలోయింగ్ లేదా నేరుగా సీఎం అయ్యేంత ప్రజాదరణ లేదనే స్పృహ ఆయనకు పక్కాగా ఉంది. అందుకే, ప్రత్యక్షంగా సీఎం పీఠం రేసులో లేనని ప్రకటిస్తూనే, వచ్చే ఎన్నికల్లో నిర్ణయాత్మక ఓటు బ్యాంకును చీల్చడం లేదా కింగ్ మేకర్ పాత్రను పోషించడమే ప్రధాన లక్ష్యంగా పెట్టుకున్నారు. ప్రధానంగా రాయలసీమ, కోస్తా జిల్లాల్లో వైఎస్‌ఆర్‌సీపీ అసంతృప్త నేతలను, సామాజిక వర్గ సమీకరణాలను తనవైపు తిప్పుకోవడం ద్వారా ఒక 'మూడో శక్తి'గా రూపాంతరం చెంది, గెలుపోటములను ప్రభావితం చేయవచ్చనేది ఆయన వ్యూహంగా కనిపిస్తోంది.

అసలు వనరులు ఎక్కడి నుంచి వస్తున్నాయి?

ఈ కోట్లాది రూపాయల ప్రయోగానికి అసలు వనరులు ఎక్కడి నుంచి వస్తున్నాయి? ఆయనకు ఉన్న ఆర్థిక అవసరం ఏంటి? అనే అంశంపై రకరకాల కథనాలు ప్రచారంలో ఉన్నాయి. ఒక వర్గం కథనం ప్రకారం.. జగన్ మోహన్ రెడ్డి నేతృత్వంలోని వైఎస్‌ఆర్‌సీపీకి పడే రెడ్డి, ఇతర సంప్రదాయ ఓట్లను చీల్చి, ప్రధాన విపక్షానికి దెబ్బకొట్టేలా తెరవెనుక కొన్ని అధికార శక్తులు ఈ ప్రయోగానికి ఆజ్యం పోస్తున్నాయనే ఆరోపణలు ఉన్నాయి. స్వయంగా వందల కోట్లు ఖర్చు పెడుతున్నారా లేక గేమ్ ఛేంజర్ గా నిలిపేందుకు అదృశ్య శక్తులు వెనకుండి ఫండింగ్ ఇస్తున్నాయా అనే అనుమానాలు రాజకీయ వర్గాల్లో వ్యక్తమవుతున్నాయి. మరోవైపు, ఇది వైఎస్ జగన్‌తో మళ్లీ బార్గేనింగ్ చేయడానికి విజయసాయిరెడ్డి ఆడుతున్న మైండ్ గేమ్ అనే వాదన కూడా బలంగా ఉంది. నేరుగా వైఎస్‌ఆర్‌సీపీలోకి వెళ్లే ద్వారాలు మూసుకుపోవడంతో, బయట ఒక రాజకీయ వేదికను, స్వంత డిజిటల్ మీడియా సామ్రాజ్యాన్ని సృష్టించుకోవడం ద్వారా.. జగన్ తన ప్రాధాన్యతను మళ్లీ గుర్తించేలా ఒత్తిడి తేచ్చే యత్నం చేస్తున్నారని భావిస్తున్నారు. తన పార్టీ ద్వారా కొంత ప్రభావం చూపించగలనని నిరూపిస్తే, జగన్ మళ్లీ తగిన స్థానం ఆఫర్ చేస్తారనే దూరదృష్టితోనే "వేరొకరిని సీఎం చేస్తా" అనే పదాన్ని వాడుతున్నారని విశ్లేషిస్తున్నారు.

రాజకీయాల్లో డబ్బులు, మీడియాతో బలం రాదు!

రాజకీయంలో కేవలం డబ్బులు చల్లి, డిజిటల్ మీడియా సంస్థలను నడిపినంత మాత్రాన ఓటర్లు జై కొడతారనుకోవడం అజ్ఞానమే అవుతుంది. గతంలో కూడా కేవలం ఫండింగ్‌ను నమ్ముకుని, వేరే వ్యూహకర్తల డైరెక్షన్‌లో వచ్చిన మూడో ప్రత్యామ్నాయాలు దారుణంగా విఫలమైన చరిత్ర ఏపీకి ఉంది. విజయసాయిరెడ్డి వద్ద ఉన్న వనరుల కోసమో, డిజిటల్ మీడియా నిధుల కోసమో ఆయన చుట్టూ చేరే తాత్కాలిక నేతలు, అవకాశవాదుల వల్ల పార్టీకి కేడర్ నిర్మాణం సాధ్యం కాదు. వేరొకరిని సీఎం పీఠంపై కూర్చోబెట్టడానికి సొంత జేబుల నుంచి వందల కోట్లు తగలేసేంత అమాయకత్వం రాజకీయాల్లో ఏ నాయకుడికీ ఉండదు. విజయసాయిరెడ్డి ఆడుతున్న ఈ విచిత్రమైన కింగ్ మేకర్ డ్రామా వెనుక ఏ అదృశ్య రాజకీయ శక్తి ఉందో, ఆయన అసలు టార్గెట్ జగనా లేక కూటమి ప్రభుత్వమా అనేది రాబోయే రోజుల్లో స్పష్టమవ్వాల్సి ఉంది.

Vizianagaram Politics: వైసీపీకి బిగ్ షాక్.. టీడీపీలో చేరిన చిన్న శ్రీను- మేనమామ బొత్స చేసిన ప్రకటనే కారణమా?

Shankar Dukanam — Wed, 9 Sep 2026 08:20:28 +0530

అమరావతి: ఆంధ్రప్రదేశ్‌లో స్థానిక సంస్థల ఎన్నికలు దగ్గర పడుతున్న సమయంలో విజయనగరం జిల్లాలో వైఎస్సార్‌సీపీకి భారీ షాక్ తగిలింది. ఆ పార్టీ విజయనగరం జిల్లా అధ్యక్షుడు, ప్రస్తుత జడ్పీ ఛైర్మన్‌, భీమిలి సమన్వయకర్త మజ్జి శ్రీనివాసరావు (చిన్న శ్రీను) వైసీపీకి రాజీనామా చేశారు. రాజీనామా చేసిన కొద్ది గంటల్లోనే ఉండవల్లిలోని సీఎం క్యాంప్‌ కార్యాలయానికి చేరుకుని, సీఎం చంద్రబాబు నాయుడు సమక్షంలో తెలుగుదేశం పార్టీలో చేరారు. చిన్న శ్రీనుతో పాటు ఆయన కుమార్తె సిరి సహస్ర, పలువురు ముఖ్య అనుచరులకు చంద్రబాబు పసుపు కండువాలు వేసి టీడీపీలోకి సాదరంగా ఆహ్వానించారు. ఈ కార్యక్రమంలో మంత్రులు కొండపల్లి శ్రీనివాస్, వంగలపూడి అనిత, ఎంపీ కలిశెట్టి అప్పలనాయుడు, మాజీ మంత్రి కళావెంకటరావుతో పాటు పలువురు ఎమ్మెల్యేలు పాల్గొన్నారు.

పార్టీ మారిన అనంతరం బొత్స మేనల్లుడు చిన్న శ్రీను మీడియాతో మాట్లాడుతూ.. రాష్ట్రంలో కూటమి ప్రభుత్వం అధికారంలోకి వచ్చిన ఈ రెండేళ్లలో అభివృద్ధి, సంక్షేమ కార్యక్రమాలు వేగవంతంగా సాగుతున్నాయని కొనియాడారు. సీఎం చంద్రబాబు, నారా లోకేష్ నాయకత్వంలో జరుగుతున్న ఈ అభివృద్ధిలో భాగస్వామిని కావాలనే టీడీపీలో చేరినట్లు స్పష్టం చేశారు. భవిష్యత్తులో విజయనగరం జిల్లా నుంచి మరికొందరు వైసీపీ నాయకులు టీడీపీలో చేరే అవకాశం ఉందని తెలిపారు. రాబోయే రోజుల్లో చిన్న శ్రీనుకు టీడీపీలో కీలక బాధ్యతలు అప్పగించే అవకాశం ఉందని పార్టీ వర్గాల సమాచారం.

బొత్స చేసిన ఒక్క ప్రకటనే కారణమా..

2024 ఎన్నికలకు ముందు చిన్న శ్రీను వైసీపీని వీడి టీడీపీలో చేరతారని ప్రచారం జరిగినా అదంతా వదంతులేనని తేలింది. ప్రస్తుతం పరిస్థితులు అందుకు భిన్నంగా ఉన్నాయి. బొత్స సత్యనారాయణ, మేనల్లుడు చిన్న శ్రీనుకు మధ్య వచ్చిన విభేదాలే పార్టీ మారడానికి ప్రధాన కారణమని చర్చ జరుగుతోంది. త్వరలో జరగనున్న జడ్పీ ఎన్నికల్లో తన కుమార్తె సిరి సహస్రను బరిలోకి దింపాలని చిన్న శ్రీను ఆశించారు. కానీ జిల్లా అధ్యక్షుడిగా ఉన్న తనతో కనీసం చర్చించకుండా, బొత్స తన కుమార్తె అనూషను జడ్పీ ఛైర్‌పర్సన్ అభ్యర్థిగా ప్రకటించడంతో చిన్న శ్రీను తీవ్ర మనస్తాపానికి లోనయ్యారు. ఈ క్రమంలోనే వైసీపీకి గుడ్‌బై చెప్పి, టీడీపీలో చేరడంతో విజయనగరం జిల్లా రాజకీయాల్లో కొత్త అధ్యాయానికి తెరతీశారు.

TDP Janasena Social Media Warning : ఈగోలు వర్సెస్ పొత్తు ధర్మం - టీడీపీ-జనసేన అధినేతల హెచ్చరికలతో ఆ సోషల్ సైన్యాలు దారికి వస్తాయా?

Raja Sekhar Allu — Wed, 9 Sep 2026 08:08:05 +0530

Social Media Warriors: ఆంధ్రప్రదేశ్‌లో అధికారంలో ఉన్న తెలుగుదేశం-జనసేన కూటమి ప్రభుత్వానికి ఇప్పుడు ప్రధాన ప్రతిపక్షం వైఎస్‌ఆర్ కాంగ్రెస్ పార్టీ కంటే కూడా, డిజిటల్ ప్లాట్‌ఫామ్‌లపై స్వేచ్ఛగా తిరిగే స్వతంత్ర సానుభూతిపరుల నుంచే ఎక్కువ రాజకీయ ముప్పు పొంచి ఉంది. ప్రభుత్వ సంక్షేమ పథకాలు, మౌలిక వసతుల కల్పన, మెగా డీఎస్సీ విజయాల గురించి ప్రచారం చేయాల్సిన ఈ డిజిటల్ శ్రేణులు.. ఆ అంశాలను పక్కనబెట్టి, సినిమాలు, ఆధిపత్య పోరు, వ్యక్తిగత ఈగోలతో పరస్పర విమర్శల్లో మునిగిపోతున్నాయి. నారా చంద్రబాబు నాయుడు, నారా లోకేష్ , వన్ కళ్యాణ్‌లను లక్ష్యంగా చేసుకుంటూ కొందరు, సీనియర్ ఎన్టీఆర్ , చిరంజీవి ఐకాన్ హోదాలను లాగి అవమానిస్తూ మరికొందరు చేస్తున్న ఈగో వార్ చివరకు కూటమి ప్రభుత్వ పునాదులనే ప్రశ్నించేలా చేస్తోంది.

సూచనల ప్రకటన జారీ చేసిన పార్టీలు

పరిస్థితి చేయి దాటుతుండటం, స్థానిక సంస్థల ఎన్నికలు ముంచుకొస్తుండటంతో రెండు పార్టీల అధిష్టానాలు ఒకే రోజు స్పందించి తమ సోషల్ మీడియా శ్రేణులకు గట్టి విజ్ఞప్తులు, హెచ్చరికలు జారీ చేయాల్సి వచ్చింది. అయితే, ఇక్కడ అసలు చిక్కు ఏమిటంటే ఈ ప్రచారం చేస్తున్న వర్గాల్లో అత్యధికులు పార్టీల అధికారిక డిజిటల్ వింగ్ పరిధిలో పనిచేసే కార్యకర్తలు కారు. వారు సినిమాల ద్వారా ఏర్పడిన ఫ్యాన్ బేస్ లేదా అధినేతలపై ఉన్న వ్యక్తిగత అభిమానంతో పనిచేసే స్వతంత్ర నెటిజన్లు. పార్టీ క్రమశిక్షణకు, ఆర్గనైజేషనల్ విప్‌లకు వీరు లోబడి ఉండరు. దాంతో పార్టీ అధినేతలు ఎంత సీరియస్‌గా లేఖలు రాసినా, ప్రకటనలు ఇచ్చినా ఈ డిజిటల్ గుంపులు వెనక్కి తగ్గుతాయా అనేది పెద్ద ప్రశ్నార్థకమే.

అనుకూలంగా మల్చుకుంటున్న వైసీపీ

ఈ అరాచక సోషల్ వార్‌ను ప్రతిపక్షం వైఎస్‌ఆర్‌సీపీ చాలా తెలివిగా తమకు అనుకూలంగా మలుచుకుంటోంది. క్షేత్రస్థాయిలో సీఎం చంద్రబాబు నాయుడు, డిప్యూటీ సీఎం పవన్ కళ్యాణ్ ఎంతో సమన్వయంతో పరిపాలన సాగిస్తుంటే, ఆన్‌లైన్‌లో మాత్రం ఈ కవర్ట్ ఫైట్స్ వల్ల కూటమిలో అంతర్గత పోరు నడుస్తోంది అనే ఒక ఫేక్ నెరేటివ్‌ను సృష్టించడానికి ప్రతిపక్షానికి అవకాశం లభిస్తోంది. ప్రభుత్వాన్ని రక్షణలో పడేసేందుకు తమ సొంత క్యాడర్ ఈగోలే ప్రధాన ఆయుధాలుగా మారడం కూటమి నాయకత్వాన్ని తీవ్రంగా కలవరపెడుతోంది. అభిమానం పేరుతో సాగే ఈ వికృత క్రీడలో నష్టం జరుగుతోంది ప్రభుత్వానికి, పార్టీల పొత్తు ధర్మానికి మాత్రమే. ప్రైవేట్ ఖాతాల వెనుక దాక్కుని సినిమా ఆధిపత్య పోరును రాజకీయాల్లోకి రుద్దేవారు ఏనాడూ ప్రభుత్వ విజయాలను షేర్ చేయరు, ప్రజల్లోకి మంచి కార్యక్రమాలను తీసుకెళ్లరు. కేవలం తమ హీరోను లేదా అధినేతను పొగడటం, ఎదుటి పక్షాన్ని బూతులు తిట్టడమే పరమావధిగా పెట్టుకున్న ఇలాంటి అనఫీషియల్ హ్యాండిల్స్ వల్ల సాధారణ ఓటర్లలో కూటమిపై వ్యతిరేకత పెరిగే ప్రమాదం ఉంది.

చక్కదిద్దుకోకపోతే కూటమికి నష్టమే

ఈ పరిస్థితి మారాలంటే కేవలం విజ్ఞప్తులు చేస్తే సరిపోదు. పార్టీ నాయకత్వాలు కఠినమైన చట్టపరమైన , డిజిటల్ చర్యలకు దిగాల్సిందే. ఫేక్ ప్రచారం చేసే అకౌంట్లను, పార్టీల పేర్లతో ఐడెంటిటీని వాడుకుంటూ వ్యక్తిగత దూషణలకు దిగే ఐడీలను గుర్తించి సైబర్ క్రైమ్ ద్వారా కఠిన చర్యలు తీసుకోవాలి. అదే సమయంలో పార్టీ అధికారిక ఐటీ వింగ్‌లు క్షేత్రస్థాయిలో ఉన్న నిజమైన శ్రేణులను ఏకం చేస్తూ, స్థానిక సంస్థల ఎన్నికల దిశగా సరైన పొలిటికల్ అజెండాను ముందుంచకపోతే.. ఈ ఈగో వార్ రాబోయే ఎన్నికల్లో కూటమి విజయ అవకాశాలకు తీవ్ర విఘాతం కలిగిస్తుంది.

కాపాడండి ప్లీజ్.. మలేషియా నుంచి తెలుగు దంపతుల వేడుకోలు

ABP Desam — Tue, 8 Sep 2026 14:55:32 +0530

ఉపాధి కోసం వెళ్తే నరకం చూపిస్తున్నారు. మలేషియాలో మోసపోయి చిక్కుకుపోయిన తెలుగు దంపతులు తమను రక్షించాలంటూ ప్రభుత్వానికి కన్నీటి పర్యంతమవుతూ విజ్ఞప్తి చేస్తున్నారు.

కాపాడండి ప్లీజ్.. మలేషియా నుంచి తెలుగు దంపతుల వేడుకోలు

NTR Bharosa Scheme: ఎన్టీఆర్ భరోసా పెన్షన్ స్కీమ్.. కొత్త దరఖాస్తుల స్వీకరణ, అర్హతలు, దరఖాస్తు విధానం ఇవే!

ముఖ్య తేదీలు

అర్హతలు

అవసరమైన పత్రాలు వృద్యాప్య పెన్షన్ల కోసం కావాల్సిన పత్రాలు:

వికలాంగుల కొత్త పెన్షన్ కోసం కావాల్సిన పత్రాలు

వితంతు కొత్త పెన్షన్- కావాల్సిన పత్రాలు

దరఖాస్తు విధానం, పరిశీలన

పింఛన్ మంజూరు

YS Jagan Padayatra: పాదయాత్ర 2.0పై వైసీపీ అధినేత జగన్ కీలక ప్రకటన, స్థానిక ఎన్నికలపై నేతలకు సూచనలు

Nandus World Nandana : యూట్యూబర్ నందనను ఎందుకు అరెస్ట్ చేయలేదు? - నోటీసులిచ్చి పంపేశారు... లీగల్ ప్రొసీడింగ్స్ ఏంటంటే?

చంద్రబాబు అరెస్టుకు మూడేళ్లు: 'నిజం గెలిచింది' అంటూ నారా లోకేష్ భావోద్వేగ పోస్ట్

Visakhapatnam Latest News: విశాఖలో స్లం రీ డెవలప్మెంట్ ప్రోగ్రామ్.. పేద కుటుంబాలకు ఇళ్ల నిర్మాణం- ఏపీలో తొలి ప్రాజెక్టు

Nandus World Nandana : నా భర్తే చూసుకుంటారు... నాకేమీ తెలీదు - నందూస్ వరల్డ్ నందన స్టేట్మెంట్... బిగ్ బాస్ కోసమే వచ్చిందా?

Vizianagaram Politics: వైసీపీకి బిగ్ షాక్.. టీడీపీలో చేరిన చిన్న శ్రీను- మేనమామ బొత్స చేసిన ప్రకటనే కారణమా?

TDP Janasena Social Media Warning : ఈగోలు వర్సెస్ పొత్తు ధర్మం - టీడీపీ-జనసేన అధినేతల హెచ్చరికలతో ఆ సోషల్ సైన్యాలు దారికి వస్తాయా?

కాపాడండి ప్లీజ్.. మలేషియా నుంచి తెలుగు దంపతుల వేడుకోలు

అవసరమైన పత్రాలు

వృద్యాప్య పెన్షన్ల కోసం కావాల్సిన పత్రాలు: