AP ICET 2026 Results: ఏపీ ఐసెట్ ఫలితాలు విడుదల, ర్యాంక్ కార్డ్ డౌన్‌లోడ్ చేసుకోండి

AP ICET Results Direct Link | ఏపీ ఐసెట్‌ 2026 ఫలితాలను మంత్రి నారా లోకేష్ విడుదల చేశారు. 21,205 మంది అభ్యర్థులు ఐసెట్‌లో అర్హత సాధించారు.

ఏపీ ఐసెట్ ఫలితాలు విడుదల

Source : AI

AP ICET 2026 Results: అమరావతి: ఆంధ్రప్రదేశ్‌లోని ఎంబీఏ, ఎంసీఏ కోర్సుల్లో ప్రవేశాల కోసం నిర్వహించిన ఏపీ ఐసెట్‌ (AP ICET 2026) ఫలితాలు విడుదలయ్యాయి. ఏపీ విద్యాశాఖ మంత్రి నారా లోకేష్ శనివారం నాడు ఐసెట్ ఫలితాలను విడుదల చేశారు. ఉన్నత విద్యను అభ్యసించాలనుకునే విద్యార్థుల నిరీక్షణకు తెరదించుతూ సాధ్యమైనంత త్వరగా ఏపీ ఐసెట్ 2026 ఫలితాలను ప్రకటించారు. ఏపీ ఐసెట్ రిజల్ట్స్ కోసం ఇక్కడ క్లిక్ చేయండి https://cets.apsche.ap.gov.in/icet/icet/ICET_GetResults.aspx

ఈ ఏడాది ఐసెట్ 2026 పరీక్ష కోసం మొత్తం 26,219 మంది అభ్యర్థులు దరఖాస్తు చేసుకోగా, వారిలో 23,198 మంది పరీక్షకు హాజరయ్యారు. పరీక్ష రాసిన వారిలో 21,205 మంది అభ్యర్థులు ఉత్తీర్ణత సాధించారు. ఉత్తీర్ణత సాధించిన అభ్యర్థులు ఐసెట్ కౌన్సెలింగ్ ప్రక్రియకు అర్హత సాధించారని మంత్రి నారా లోకేష్ తెలిపారు. ఏపీ ఐసెట్ ర్యాంక్ కార్డులు డౌన్‌లోడ్ చేసుకోండి 

అధికారిక వెబ్‌సైట్  https://cets.apsche.ap.gov.in/ICET/ICET/ICET_HomePage.aspx

ఈ ఫలితాలలో కాకినాడ జిల్లాకు చెందిన వైష్ణవి 166.094 మార్కులు సాధించి రాష్ట్రస్థాయిలో ప్రథమ ర్యాంక్‌ను కైవసం చేసుకున్నారు. పరీక్షకు హాజరైన అభ్యర్థులు తమ ర్యాంక్ కార్డులను అధికారిక వెబ్‌సైట్ లింక్ ద్వారా సులభంగా డౌన్‌లోడ్ చేసుకోవాలని సూచించారు.

📢 APICET-2026 Results Released!

23,198 students appeared | 21,205 students qualified | 91.41% pass

Rank cards at 👉 https://t.co/IQ2oLrRu7D

Also on WhatsApp: 9552300009

Kudos to all the qualified students! 🎉#APPGECET2026 #AndhraPradesh

— Lokesh Nara (@naralokesh) May 16, 2026

ఏపీ ఐసెట్ (AP ICET) అనేది రాష్ట్రంలోని విశ్వవిద్యాలయాలు, వాటి అనుబంధ కళాశాలల్లో MBA (మాస్టర్ ఆఫ్ బిజినెస్ అడ్మినిస్ట్రేషన్), MCA (మాస్టర్ ఆఫ్ కంప్యూటర్ అప్లికేషన్స్) కోర్సుల్లో ప్రవేశాల కోసం నిర్వహించే ప్రవేశ పరీక్ష. ఆంధ్రప్రదేశ్ ఉన్నత విద్యామండలి (APSCHE) పర్యవేక్షణలో ఏదో ఒక ప్రముఖ యూనివర్సిటీ ఏపీ ఐసెట్ నిర్వహిస్తుంది. దీనికి సంబంధించిన పూర్తి వివరాలు ఇలా ఉన్నాయి.

అర్హత ప్రమాణాలు 
అభ్యర్థులు భారత పౌరులై ఉండాలి. ఆంధ్రప్రదేశ్ స్థానికత/ పోటీ నిబంధనలను కలిగి ఉండాలి.  ఈ ఎగ్జామ్ రాయడానికి ఎలాంటి గరిష్ట వయోపరిమితి లేదు. డిగ్రీ చివరి సంవత్సరం పరీక్షలు రాస్తున్న అభ్యర్థులు కూడా ఏపీ ఐసెట్‌కు దరఖాస్తు చేసుకోవచ్చు.

MBA కోసం: ఏదైనా గుర్తింపు పొందిన యూనివర్సిటీ నుండి కనీసం 3 లేదా 4 సంవత్సరాల బ్యాచిలర్ డిగ్రీ ఉత్తీర్ణులై ఉండాలి. జనరల్ కేటగిరీ అభ్యర్థులకు కనీసం 50% మార్కులు, రిజర్వ్డ్ కేటగిరీ (SC, ST, BC) అభ్యర్థులకు 45% మార్కులు ఉండాలి.

MCA కోసం: డిగ్రీతో పాటు, ఇంటర్మీడియట్ (10+2) స్థాయిలో లేదా డిగ్రీ స్థాయిలో మ్యాథ్స్ ఒక సబ్జెక్టుగా చదివి ఉండాలి. మార్కుల శాతం MBA తరహాలోనే (జనరల్ 50%, రిజర్వ్‌డ్ 45%) వర్తిస్తుంది.

 AP ICET పరీక్షా విధానం 
ఇది కంప్యూటర్ ఆధారిత పరీక్ష (CBT - Computer Based Test). సమయం: 150 నిమిషాలు కేటాయించారు

మొత్తం ప్రశ్నలు & మార్కులు: 200 మల్టిపుల్ ఛాయిస్ ప్రశ్నలు, 200 మార్కులు.

నెగటివ్ మార్కులు: ఈ పరీక్షలో ఎలాంటి నెగటివ్ మార్కులు ఉండవు. తప్పు సమాధానాలకు మార్కులు కట్ చేయరు.

పరీక్షా ప్రశ్నపత్రం ఇంగ్లీష్, తెలుగు భాషల్లో ఉంటుంది (కమ్యూనికేషన్ ఎబిలిటీ సెక్షన్ మాత్రం కేవలం ఇంగ్లీష్‌లోనే ఉంటుంది).

మరిన్ని చదవండి

వచ్చే ఏడాది నుంచి ఆన్‌లైన్‌లోనే.. నీట్ రీఎగ్జామ్ అభ్యర్థులకు వారం గడువు: కేంద్ర మంత్రి ధర్మేంద్ర ప్రధాన్

జూన్ 21న నీట్ యూజీ 2026 రీఎగ్జామ్.. అధికారికంగా వెల్లడించిన ఎన్టీఏ