Chandrababu Wishes Balakrishna On His Birthday: నటుడు, ఎమ్మెల్యే బాలకృష్ణకు బర్త్‌డే విషెస్ చెప్పిన ఏపీ సీఎం చంద్రబాబు, డిప్యూటీ సీఎం పవన్ కళ్యాణ్

Balakrishna Birthday | నటుడు, హిందూపూర్ ఎమ్మెల్యే నందమూరి బాలకృష్ణకు ఏపీ సీఎం చంద్రబాబు, డిప్యూటీ సీఎం పవన్ కళ్యాణ్ శుభాకాంక్షలు తెలిపారు. ఎక్స్ వేదికగా పోస్ట్ చేశారు.

ఏపీ సీఎం చంద్రబాబు, నందమూరి బాలకృష్ణ

Source : Chandrabau

Show Quick Read

Key points generated by AI, verified by newsroom

• నందమూరి బాలకృష్ణకు ముఖ్యమంత్రి చంద్రబాబు నాయుడు జన్మదిన శుభాకాంక్షలు తెలిపారు.
• సినీ, రాజకీయ, సామాజిక రంగాల సేవలను సీఎం నాయుడు కొనియాడారు.
• బసవతారకం, హిందూపురం నియోజకవర్గ సేవలను ఆయన ప్రత్యేకంగా ప్రస్తావించారు.
• ఉపముఖ్యమంత్రి పవన్ కళ్యాణ్ కూడా బాలకృష్ణకు జన్మదిన శుభాకాంక్షలు అందించారు.

Happy Birthday Balakrishna | అమరావతి: నటుడు, హిందూపురం ఎమ్మెల్యే నందమూరి బాలకృష్ణ జన్మదినాన్ని పురస్కరించుకుని ఆంధ్రప్రదేశ్ ముఖ్యమంత్రి నారా చంద్రబాబు ఆయనకు ప్రత్యేకంగా శుభాకాంక్షలు తెలియజేశారు. బాలకృష్ణ సినీ, రాజకీయ, సామాజిక రంగాల్లో సాధిస్తున్న విజయాలను కొనియాడుతూ భావోద్వేగభరితమైన పోస్ట్ చేశారు. బాలకృష్ణను తన ఆప్తుడిగా పేర్కొంటూ ఆయన ప్రస్థానాన్ని అభినందించారు.

"సినీ, రాజకీయ, సేవా రంగాలలో సరికొత్త రికార్డులు సృష్టిస్తూ అజేయంగా ముందుకు వెళుతున్న పద్మభూషణుడు, హిందూపురం శాసనసభ్యుడు, నా ఆప్తుడు నటసింహం నందమూరి బాలకృష్ణకు జన్మదిన శుభాకాంక్షలు" అని చంద్రబాబు విషెస్ తెలిపారు. ఐదు దశాబ్దాలుగా సినీ వినీలాకాశంలో ధ్రువతారగా వెలుగొందుతూ కోట్ల మందిని అలరిస్తున్న బాలకృష్ణ.. ఇటు ప్రజాసేవలోనూ తనదైన ముద్ర వేయడం అభినందనీయమని కొనియాడారు.

#HappyBirthdayNBK
సినీ, రాజకీయ, సేవా రంగాలలో సరి కొత్త రికార్డులు సృష్టిస్తూ అజేయంగా ముందుకు వెళుతున్న పద్మభూషణుడు, హిందూపురం శాసనసభ్యుడు, నా ఆప్తుడు నటసింహం నందమూరి బాలకృష్ణకు జన్మదిన శుభాకాంక్షలు. ఐదు దశాబ్దాలుగా సినీ వినీలాకాశంలో ధ్రువతారగా వెలుగొందుతూ, మాతృమూర్తి పేరుతో… pic.twitter.com/JZV5Fj4iv8

— N Chandrababu Naidu (@ncbn) June 10, 2026

ముఖ్యంగా తన మాతృమూర్తి జ్ఞాపకార్థం నెలకొల్పిన బసవతారకం ఇండో అమెరికన్ క్యాన్సర్ హాస్పిటల్ చైర్మన్‌గా అశేష జనానికి ఆపన్నహస్తం అందిస్తూ, మరోవైపు హిందూపురం నియోజకవర్గ ప్రజలకు ఎల్లప్పుడూ అండగా నిలుస్తూ బాలకృష్ణ సాగిస్తున్న జీవనయానం నిరంతరాయంగా కొనసాగాలని సీఎం చంద్రబాబు ఆకాంక్షించారు. ఆ భగవంతుడు బాలయ్యకు ఆయురారోగ్యాలు ప్రసాదించాలని కోరుకుంటూ... నవరస నటనా సార్వభౌముడు, తెలుగువారి అన్న నందమూరి తారక రామారావు గారి ఆశీస్సులు ఆయనపై కలకాలం ఉండాలని మనస్ఫూర్తిగా కోరుకుంటున్నట్లు చంద్రబాబు ఎక్స్ ఖాతాలో పోస్ట్ చేశారు. 

బాలకృష్ణకు జన్మదిన శుభాకాంక్షలు: డిప్యూటీ సీఎం పవన్ కళ్యాణ్
హిందూపురం ఎమ్మెల్యే నందమూరి బాలకృష్ణ జన్మదినం సందర్భంగా ఆంధ్రప్రదేశ్ ఉప ముఖ్యమంత్రి పవన్ కళ్యాణ్ హృదయపూర్వక శుభాకాంక్షలు తెలిపారు. బాలకృష్ణ కథానాయకుడిగా వెండితెరపై మరిన్ని గొప్ప విజయాలు సాధించాలని, ప్రజాప్రతినిధిగా ప్రజలకు మరిన్ని అద్భుతమైన సేవలు అందించాలని ఆయన ఆకాంక్షించారు. బాలకృష్ణకు ఆ భగవంతుడు సంపూర్ణ ఆయురారోగ్యాలను, ఎనలేని సంతోషాన్ని ప్రసాదించాలని కోరుకుంటూ పవన్ కళ్యాణ్ ఎక్స్ వేదికగా ఆత్మీయ పోస్ట్ చేశారు

ప్రముఖ కథానాయకుడు, హిందూపురం శాసన సభ్యులు శ్రీ నందమూరి బాలకృష్ణ గారికి హృదయపూర్వక జన్మదిన శుభాకాంక్షలు. కథానాయకుడిగా మరిన్ని విజయాలు సాధించాలని, ప్రజలకు మరిన్ని సేవలందించాలని ఆకాంక్షిస్తున్నాను. శ్రీ బాలకృష్ణ గారికి సంపూర్ణ ఆయురారోగ్యాలు, సంతోషాలను అందించాలని భగవంతుణ్ణి…

— Deputy CMO, Andhra Pradesh (@APDeputyCMO) June 10, 2026